Ichaía 44:9 - Tupanaarü Ore

⁹ Ngẽma duü̃xü̃gü i naxchicüna̱xãgü ügüxü̃ rü taxuwama nime. Rü ngẽxgumarüxü̃ ta i ngẽma naxchicüna̱xãgü i naxügüxü̃ rü nüxü̃ yacua̱xüü̃güxü̃ rü taxuwama nime. Rü ngẽma duü̃xü̃gü i naxchicüna̱xãgüxü̃mare icua̱xüü̃güxü̃ rü tama naãẽxü̃ nicua̱x, rü naechitamare namaxẽ. Rü ngẽmaca̱x tá naxãnee.

Ichaía 44:9 Referans Kwoze

Ichaía 41:24

Natürü i pemax, Pa Naxchicüna̱xãgüx, rü taxuxü̃ma pixĩxgü, rü bai nax ta̱xacü pexüxü̃. ¡Rü tachixe ya yíxema pegu yaxṍxe! —ñanagürü.

Ichaía 41:29

Rü wüxichigü ga yema tupananetachicüna̱xãgü rü taxuxü̃ma nixĩ. Rü taxuxü̃ma naxügü erü naxchicüna̱xãgümare nixĩgü rü nangearü maxü̃ã̱x —ñanagürü.

Wiyaegü 97:7

Rü Tupanape̱xewa narümaachitanü i guxü̃ma i ngẽma duü̃xü̃gü i tupananetachicüna̱xãgümaxã taãẽgüxü̃ rü nüxü̃ icua̱xüü̃güxü̃. Erü guxü̃ma i ngẽma tupananetachicüna̱xãgü rü Cori ya Tupanape̱xegu narümaachitanü.

Efesios 5:8

Rü ü̃pa ga pema rü ẽanexü̃wa pemaxẽ, yerü tama Tupanaxü̃ pecua̱x. Natürü i ñu̱xma nax Cori ya Tupanaxü̃ pecuáxü̃, rü ngóonexü̃wa pemaxẽ. Rü ngẽmaca̱x name i duü̃xü̃gü i ngóonexü̃wa ngẽxmagüxü̃ãcü pemaxẽxü̃.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

1 Corintios 8:4

Rü ngẽma nax nangṍxü̃ i ngẽma namachi i tupananetachicüna̱xãgüca̱x daixü̃, rü meama nüxü̃ tacua̱x nax taxuwama namexü̃ i ngẽma tupananetachicüna̱xãgü, erü tama aixcüma Tupanaxü̃chi nixĩgü. Erü wüxixicatama nixĩ ya Tupana ixĩcü, rü nataxuma i to.

Romanos 1:22

Rü nügü yaxugüegu rü duü̃xü̃gü i nüxü̃ icuáxü̃ nixĩgü natürü taxuguma narüxĩnüe. Yerü nüxna nixĩgachitanü ga Tupana ya mexẽchicü ya taguma yucü, nax nawe naxĩxü̃ca̱x ga duü̃xü̃gü i yuxwa̱xexü̃chicüna̱xãgü, rü werigüchicüna̱xãgü, rü naẽü̃güchicüna̱xãgü, rü ãxtapegüchicüna̱xãgü.

Danié 11:38

Rü tá nüxü̃ nicua̱xüxü̃ama i ngẽma norü tupana i poxü̃ruxü̃ ixĩxü̃. Rü ngẽma nixĩ i wüxi i tupana ga tama norü o̱xigü nüxü̃ cua̱xgüxü̃. Rü ngẽma tupanana tá nanaxã i úirugü, rü diẽrumügü, rü nuta ya ngã̱xãẽruü̃gü, rü ngẽmaxü̃gü i tatanüxü̃.

Danié 5:23

Dücax, Pa Ãẽ̱xgacüx, cuma rü Cori ya Tupana ya dauxü̃wa ngẽxmacügu quidauxcüraxü̃. Erü curü duü̃xü̃güxü̃ cuyanuxü̃xẽxẽ i ngẽma naxpáü̃gü ga Tupanapata ya taxü̃nearü ixĩxü̃. Rü ngẽma nüxna cuxuxü̃maxã wüxigu ngẽma naxpáü̃güwa peyaxaxü ga bínu, rü nüxü̃ picua̱xüü̃gü i ngẽma perü tupanachicüna̱xãgü i úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x i ngearü maxü̃ã́xü̃, rü tama tüxü̃ dauxü̃, rü tama tüxü̃ ĩnüxü̃ rü taxuxü̃ma cuáxü̃. Natürü tama nüxü̃ quicua̱xüxü̃ ya yimá Tupana ya naxme̱xwa nangẽxmacü i curü maxü̃ rü namaxã icuácü i guxü̃ma i ta̱xacü icuxüxü̃.

Yeremía 14:22

Pa Cori ya Tupana, nataxuma i tupananetachicüna̱xã i cuxrüxü̃ nüxü̃ cuáxü̃ nax napuxẽẽãxü̃. Rü taxucürüwa i dauxü̃guxü̃ i naane nüechamatama nanapuxẽxẽ. Rü cuma nixĩ i ícunanguxẽẽxü̃ ya pucü, rü cuma nixĩ i cunaxüxü̃ i guxü̃ma i ta̱xacü i ngẽxmaxü̃. Rü cuma nixĩ i aixcüma torü Tupana quixĩxü̃. Rü ngẽmaca̱x nixĩ i cuxü̃tawa ítayanguxẽẽxü̃ i curü ngü̃xẽxẽ —ñanagürü ga Yeremía.

Ichaía 45:20

Rü nüma ya Tupana rü ñanagürü ta: —Guxü̃ma i pema i togü i nachixü̃anewa íyaxügüxe rü name nixĩ nax pexĩtaque̱xexü̃ rü nua pexĩxü̃. Rü pema i naxchicüna̱xãgü i nainaxca̱x pingegüxü̃ rü nüxü̃ picua̱xüü̃güxü̃ rü tama peãẽxü̃ pecua̱x, erü ngẽma naxchicüna̱xãgü rü taxũtáma pexü̃ ínapoxü̃.

Ichaía 44:20

Rü taxuwama name i norü ĩnü i ngẽma duü̃xü̃gü i nügü womüxẽẽgüxü̃ namaxã i wüxi i ĩnü i doramare ixĩxü̃. Rü ngẽma duü̃xü̃gü rü taxucürüwa nügütama ínanguxü̃xẽxẽ nawa i ngẽma nagu naxĩnüexü̃. Rü tama nüxü̃ nacua̱xgüéga nax ngẽma naxchicüna̱xãgü i naxügüxü̃ rü nüxü̃ yacua̱xüü̃güxü̃ rü doramare nax yixĩxü̃.

Ichaía 44:18

Rü ngẽma duü̃xü̃gü i ngẽma ügüxü̃ rü tama naãẽxü̃ nicua̱x. Rü ñoma yangexetüxü̃rüxü̃ nixĩgü. Rü ñoma nawãxtaxü̃rüxü̃ nixĩ i norü cua̱x erü tama Cori ya Tupanaga naxĩnüechaü̃.

Ichaía 43:8

¡Rü nua penamugü i chorü duü̃xü̃gü i ãxetüchiréxü̃, natürü ñoma nangexetüxü̃rüxü̃ ixĩgüxü̃, rü ngẽma ãxmachi̱xẽchiréxü̃, natürü ñoma nangauchixẽxü̃rüxü̃ ixĩgüxü̃!

Ichaía 42:18

Rü Ichaía rü ñanagürü: —Pa Ngauxchiẽgüxü̃x, ¡mea nüxü̃ pexĩnüe! Rü pemax, Pa Ngexetügüxü̃x, ¡mea pidauchigü rü nüxü̃ peda̱u̱x!

Wiyaegü 135:18

Rü ngẽma duü̃xü̃gü i ngẽma naxchicüna̱xãgü ügüxü̃ rü ngẽma naxchicüna̱xã i nagu yaxõgüxü̃rüxü̃ rü taxuwama name.

Wiyaegü 115:8

Rü ngẽma duü̃xü̃gü i nügüca̱xtama naxchicüna̱xãgü ügüxü̃ rü nüxü̃́ yaxõgüxü̃ rü naxrüü̃tama nixĩgü nax taxuwama yamexü̃.

Efesios 4:18

Erü Chataná rü nanatoãẽgü i ngẽma duü̃xü̃gü nax chixexü̃gu naxĩnüexü̃ca̱x. Rü ngẽmaca̱x nüxü̃́ nataxuma i maxü̃ i taguma gúxü̃ i Tupanawa ne ũxü̃, erü tama nüxü̃ nacua̱xgüchaü̃.

Ãẽ̱xgacügü ga guxchaxü̃güarü mexẽxẽruü̃gü 10:14

¡Rü ñu̱xmax rü ngéma naxü̃tawa pexĩ rü nüxna ngü̃xẽxẽca̱x peyaca̱x i ngẽma tupananetagü i pema peyauxgüxü̃! ¡Rü ẽcü i ñu̱xma rü nümagü pexü̃ ínanguxü̃xẽxẽ i ngẽxguma guxchaxü̃wa pengẽxmagügu! —ñanagürü.

Wenaxarü naxümatü ga Tupanaarü mugü 27:15

“Ngẽma duü̃xü̃ i naxüxü̃ i wüxi i naxchicüna̱xã i nainaxca̱x rüe̱xna bróũchenaxca̱x, rü ñu̱xũchi wüxi i nachica i taxúema nüxü̃ ídauxü̃gu namaxã nguxü̃xü̃, rü ngẽma duü̃xü̃ rü Tupanape̱xewa rü poraãcü chixexü̃wa nangẽxma”. Rü ngẽxguma i guxü̃ma i duü̃xü̃gü rü: “Ngẽmaãcü yixĩ”, ñanagürügü tá.

Norü taxre ga popera ga ãẽ̱xgacügüchiga 19:18

Rü yema nachixü̃anegüarü tupanachicüna̱xãgü, rü nüxü̃́ ínanagu, yerü tama aixcüma curüxü̃ tupanagü nixĩgü. Rü tupananetagü ga duü̃xü̃gü nutagüwa rü naigüwa naxügümarexü̃ nixĩgü. Rü yemaca̱x nixĩ ga nüxü̃́ nagu napogüexü̃.

Ichaía 26:11

Rü cumax, Pa Corix, rü marü naxca̱x icunamexẽxẽ i ngẽma norü poxcu, natürü i nümagü rü tama nüxü̃ nacua̱xgüéga. Natürü ngẽxguma nüxü̃ nadaugügu i ngẽma curü ngechaü̃ i taxü̃ naxca̱x i curü duü̃xü̃gü i mea maxẽxü̃, rü tá naxãnee. ¡Chierüx cuma rü curü nuarü üxüemamaxã cunadaixgu i ngẽma curü uanügü!

Ichaía 42:17

Rü ngẽma duü̃xü̃gü i naxchicüna̱xãgümaxã tupanaã̱xgüxü̃, rü ngẽma naxchicüna̱xãgüxü̃ ñanagürügü: “Pema nixĩ i torü tupanagü pixĩgüxü̃”, ñanagürügü. Natürü norü ãnemaxã tá nüxna nixĩgachitanü i ngẽma naxchicüna̱xãgü —ñanagürü ga Tupana.

Ichaía 43:9

Rü guxãma i pema i guxü̃ i nachixü̃anecüã̱xgü, rü pengutaque̱xe rü wüxiwa pexĩ rü chomaxã nüxü̃ pixu, ¿Texé tixĩ i petanüwa ga naxü̃pa nüxü̃ cuáxe rü nüxü̃ ixuxe ga yema tá ngupetüxü̃? ¡Ẽcü, nua tanagagü ga yema nüxü̃ daugüxü̃ nax nüxü̃ yaxugüexü̃ca̱x nax aixcüma naxü̃pa nüxü̃ tacuáxü̃ rü nüxü̃ tixuxü̃ ga yema ngupetüxü̃! —ñanagürü.

Ichaía 44:11

Rü ngẽma duü̃xü̃gü i naxchicüna̱xãgüxü̃ icua̱xüü̃güxü̃ rü tá naxãnee. Rü ngẽma duü̃xü̃gü i naxchicüna̱xãarü üwa puracüexü̃, rü yatügümare nixĩgü. Rü guxü̃ma i ngẽma duü̃xü̃gü i ngẽmawa puracüexü̃ rü ngẽxguma chope̱xegu nangutaque̱xegügu nax nügü ínapoxü̃güxü̃ca̱x rü tá naxãnee rü namuü̃e.

Ichaía 45:16

Rü guxü̃ma i ngẽma naxchicüna̱xãgü ügüxü̃ nax namaxã natupanaã̱xgüxü̃ca̱x rü tá naxãnee rü duü̃xü̃gü tá nüxü̃ nacugüe rü tá narümaachitanü.

Ichaía 65:13

Rü Tupana rü ñanagürü ta: —Ngẽma chorü duü̃xü̃gü i choxü̃́ yaxõgüxü̃ rü taxũtáma nataiyae, natürü i pema ya choxna ixĩgachitanüxẽ rü tá pitaiyae. Rü ngẽma chorü duü̃xü̃gü rü tá naxaxegü, natürü i pema rü tá pita̱xawae. Rü ngẽma chorü duü̃xü̃gü rü tá nataãẽgü, natürü i pema rü tá pexãnee.

Wenaxarü naxümatü ga Tupanaarü mugü 4:28

Rü ngéma tá nixĩ i nüxü̃ picua̱xüü̃güxü̃ i tupananetachicüna̱xãgü i duü̃xü̃gümare naiwa rü nutawa ügüxü̃ i tama tüxü̃ dauxü̃, rü tama tüxü̃ ĩnüxü̃, rü tama chibüxü̃, rü tama ingü̃ãcüüxü̃.

Wiyaegü 115:4

Rü ngẽma norü tupanachicüna̱xãgü i ngẽma tama yaxõgüxü̃, rü nümatama i duü̃xü̃gü naxme̱xmaxã nanaxügü. Rü úirumü rü diẽrumünaxca̱x nixĩ.

Ichaía 57:12

Natürü ñu̱xmata pemaxã nüxü̃ chixu rü ngẽma pexüxü̃ i pexca̱x mexü̃ rü taxuwama name.

Yeremía 2:26

Rü ñoma wüxi i ngĩ́xta̱xaxü̃ rü ngẽxguma íyanguéü̃güãgu rü ixãneãchixü̃rüxü̃ tá nixĩ i yaxãneãchitanüxü̃ i ngẽma Iraétanüxü̃ i duü̃xü̃gü, rü norü ãẽ̱xgacügü, rü ngẽma ãẽ̱xgacügüarü ngü̃xẽẽruü̃gü, rü norü chacherdótegü, rü ngẽma norü orearü uruü̃gü.