Ichaía 44:8 - Tupanaarü Ore

⁸ Natürü, ¡Taxṹ i perümaãchitanüxü̃, rü taxṹ i pemuü̃exü̃! Choma rü ü̃pacürüwa marü pemaxã nüxü̃ chixu i ngẽma tá ngupetüxü̃, rü pema rü meama nüxü̃ pecua̱x i ngẽma. Rü chaxicatama nixĩ ya Tupana chixĩxü̃, rü nataxuma i to i pexü̃ ípoxü̃xü̃. Rü tama toxü̃ chacua̱x”, ñanagürü.

Ichaía 44:8 Referans Kwoze

Ichaía 43:10

Rü ñanagürü ta ga Tupana: —Pemax, Pa Iraétanüxü̃x, rü chorü duü̃xü̃gü pixĩgü rü nüxü̃ pedau ga yema choma chaxüxü̃. Rü choma rü pexü̃ chidexechi nax choxü̃ pecuáxü̃ca̱x rü choxü̃́ peyaxõgüxü̃ca̱x rü nüxü̃ pecuáxü̃ca̱x nax chaxicatama Tupana chixĩxü̃. Rü chauxü̃pa rü nataxuma ga to ga nüxíra Tupana ixĩxü̃ rü chauwena rü tagutáma nangẽxma i to.

1 Chamué 2:2

Rü tataxuma ya texé ya cuxrüxü̃ üünexe, Pa Corix. Rü tataxuma ya texé cuxrüxü̃ duü̃xü̃güna dauxe, Pa Torü Tupanax. Rü nataxuma i ta̱xacü i cuxü̃ rüporamaexü̃.

Wenaxarü naxümatü ga Tupanaarü mugü 4:35

Rü nüma rü pexca̱x nanaxü ga guxü̃ma ga yema nax yemaacü nüxü̃ pecuáxü̃ca̱x nax nüma yixĩxü̃ ya Cori ya aixcüma Tupana ixĩcü, rü naweama rü nataxuma i to i tupana.

Wenaxarü naxümatü ga Tupanaarü mugü 4:39

Rü ngẽmaca̱x mea pegüãẽgu namaxã penguxü̃ nax daxũguxü̃ i naanewa rü ñoma i naanewa rü nüma i Cori rü Tupana yixĩxü̃, rü nataxuxü̃ma i to i naxrüxü̃ ixĩxü̃.

Ore i mexü̃ ga Cuáü̃ ümatüxü̃ 10:30

Chaunatü rü choma rü wüxitama tixĩgü —ñanagürü.

Ore i mexü̃ ga Cuáü̃ ümatüxü̃ 1:1

Naxü̃pa ga guxü̃ma, rü marü nayexma ga Tupana Nane. Rü Tupanamaxã nayexma rü woetama Tupana nixĩ ga nümax. Nüma rü Tupanaarü Ore nixĩ i naéga.

Joel 2:27

Rü pemax, Pa Iraétanüxü̃x, rü tá nüxü̃ picua̱xãchitanü nax choma ya Cori rü aixcüma petanüwa changexmaxü̃ rü chaxicatama yixĩxü̃ i perü Tupana chixĩxü̃. Rü tagutáma wena texé pexü̃ taxãneexẽxẽ, Pa Chorü Duü̃xü̃güx —ñanagürü.

Ichaía 44:6

Rü choma ya Cori ya Tupana rü perü ãẽ̱xgacü chixĩ rü perü ngü̃xẽẽruxü̃ chixĩ, Pa Iraétanüxü̃x. Rü choma ya guxü̃étüwa ngẽxmaxe rü ñachagürü: “Choma rü woetama changexmaecha rü taguma icharüxo. Rü nataxuma i to ya Tupana.

Wiyaegü 18:31

¿Rü texé tixĩ ya Cori ya Tupanaétüwa ixĩxẽ? ¿Rü ta̱xacürü to napora nax tüxü̃ ínapoxü̃xü̃ca̱x? Rü Tupanaxicatama nixĩ.

2 Chamué 22:32

¿Rü texé tixĩ ya Coriétüwa Tupana ixĩxẽ? ¿Rü nangemaxü̃ i ta̱xacü i to i Tupanarüxü̃ nüxü̃́ tauxchaxü̃ nax tüxü̃ ínapoxü̃xü̃?

Wenaxarü naxümatü ga Tupanaarü mugü 32:39

Rü chaxicatama nixĩ ya Tupana chixĩxü̃, rü nataxuma i to i tupanagü i chauétüwa ngẽxmaxü̃. Rü choma nixĩ i pexna chanaxãxü̃ i maxü̃ rü ñu̱xũchi pexna chanayaxuxü̃. Rü choma nixĩ i ngúxü̃ pexca̱x íchanguxẽẽxü̃, rü ñu̱xũchi pexca̱x chayataanexẽẽxü̃. Rü tataxuma ya texé ya tama chorü poratüxü̃wa ngẽxmagüxe.

Danié 6:22

Rü yimá chorü Tupana rü nua nanamu i wüxi i norü orearü ngeruxü̃ i dauxü̃cüã̱x. Rü ngẽma nixĩ i yachotaa̱xgüxü̃ i ñaa leóü̃gü nax tama choxü̃ nangõ̱xgüxü̃ca̱x. Erü nüma ya Tupana rü nüxü̃ nacua̱x nax taxuxü̃ma i chixexü̃ cumaxã chaxüxü̃, Pa Ãẽ̱xgacüx —ñanagürü.

Danié 4:25

Erü cumax, Pa Ãẽ̱xgacüx, rü taxũtáma duü̃xü̃gütanüwa cungexma, rü naxü̃nagütanüwa tá cumaxü̃ rü wocagürüxü̃ tá maxẽ cunangõ̱x, rü cherena rü tá cuxü̃ niwaixẽxẽ. Rü ngẽmaãcü tá cumaxü̃ i 7 ya taunecü ñu̱xmatáta naxca̱x íquicuáx nax texé yixĩxü̃ ya yimá namaxã icuácü i guxü̃ma i ãẽ̱xgacügü i ñoma i naanewa ngẽxmagüxü̃. Erü nüma nixĩ i tüxü̃ yamucuchixü̃ ya yíxema nüma natümawa̱xéxe nax ãẽ̱xgacü tixĩxü̃ca̱x.

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Danié 2:28

Natürü nangẽxma ya wüxi ya Tupana i daxũguxü̃ i naanewa ya nüxü̃ cuácü i ẽxü̃guxü̃ i ore, Pa Ãẽ̱xgacüx, rü nüma nixĩ i cuxü̃ nüxü̃ nacua̱xẽẽxü̃ i ngẽma tá yixcüra ngupetüxü̃. Rü tá cumaxã nüxü̃ chixu, Pa Ãẽ̱xgacüx, ga yema nüxü̃ cudauxü̃ ga cunegüwa ga yexguma cupegu.

Yeremía 10:7

Rü tataxuma ya texé i ñoma i naanewa i tama cuxü̃ muü̃xe Pa Guxü̃ i Nachixü̃anearü Ãẽ̱xgacüx. Rü cumawaxi nixĩ i namexü̃ nax cuxü̃ tamuü̃exü̃. Rü natanüwa i guxü̃ma i ngẽma nüxü̃ cua̱xüchixü̃ rü ãẽ̱xgacügü ixĩgüxü̃ i ñoma i naanewa ngẽxmagüxü̃, rü nataxuma i to i cumaxã wüxiguxü̃.

Ichaía 48:5

Rü ngẽmaca̱x ü̃pacürüwatama, rü naxü̃pa nax yanguxü̃ rü pemaxã nüxü̃ chixu i ngẽma tá ngupetüxü̃ nax ngẽmaãcü tama ñapegügüxü̃ca̱x: “Ngẽma naxchicüna̱xã i namaxã chatupanaã̱x nixĩ i naxüxü̃ i ngẽma”, ñapegügüxü̃.

Ichaía 44:2

Rü choma nixĩ i perü Tupana ga pexü̃ changóexẽẽxü̃ naxü̃pa ga nax pibuexü̃. Rü choma nixĩ i pexü̃ charüngü̃xẽxẽxü̃. ¡Rü taxṹ i pemuü̃exü̃, Pa Chorü Duü̃xü̃güx, erü pema i Acóbutanüxü̃ nixĩ i chorü duü̃xü̃gü i pexü̃ chaxunetaxü̃!

Ichaía 43:12

Rü ñanagürü ta ga Tupana: —Choma nixĩ ga pemaxã nüxü̃ chixuxü̃ rü tá pexü̃ íchanguxü̃xẽẽxü̃. Rü aixcüma chayanguxẽxẽ ga yema. Rü pema rü meama nüxü̃ pecua̱x nax tama wüxíe i tomare ga tupana yixĩxü̃ ga pexü̃ ínguxü̃xẽẽxü̃, erü choma rü chaxicatama Tupana chixĩ.

Ichaía 42:9

Rü dücax, rü marü ningu ga yema ü̃pa nüxíra nüxü̃ chixuxü̃. Rü ñu̱xma rü tá pemaxã nüxü̃ chixu i ngexwaca̱xü̃xü̃ i oregü naxü̃pa i ngẽma tá ínguxü̃ —ñanagürü ya Tupana.

Ichaía 30:29

Natürü i pemax, Pa Tupanaarü Duü̃xü̃güx, rü pexca̱x tá nangẽxma i taãxẽ i ngẽxguma peta i üünexü̃ i chütacü ípexügügurüxü̃. Rü tá petaãẽgü ngẽxguma woweru picueãcüma yima ma̱xpǘne ya Cori ya Tupanapata nawa ngẽxmanegu pexĩgügu. Rü nüma nixĩ i Iraétanüxü̃arü poxü̃ruxü̃ yixĩxü̃.

Édra 8:22

Yerü chorü ãne nixĩ ga ãẽ̱xgacüxü̃tawa naxca̱x íchaca̱xaxü̃ ga churaragü ga cowarugu ĩxü̃ nax torü uanügüna toxü̃ ínapoxü̃xü̃ca̱x ga namawa, yerü yexguma taxũta itaxĩãchigu rü marü ãẽ̱xgacümaxã nüxü̃ tixugü nax Tupana tüxü̃ rüngü̃xẽẽxü̃ ya yíxema naxca̱x daugüxe, natürü tüxü̃ napoxcu ya guxãma ya tama naga ĩnüexe.

Édra 1:2

—Choma i Chíru i Pérchiaanearü ãẽ̱xgacü rü chanaxunagü i ñaa mu i ñaxü̃: “Nüma ya daxũcüã̱x ya Cori ya Tupana rü marü cho̱xme̱xwa nanangexmagüxẽxẽ i guxü̃ma i nachixü̃anegü i ñoma i naanewa ngẽxmagüxü̃. Rü nüma ya Cori ya Tupana choxü̃ namu nax naxca̱x chanaxüxü̃ca̱x ya wüxi ya napata ya taxü̃ne nawa ya yima ĩane ya Yerucharéü̃ i Yudáanewa ngẽxmane.

Wenaxarü naxümatü ga Tupanaarü mugü 32:31

Rü tórü uanügü rü meama nüxü̃ nacua̱xgü nax norü dauruxü̃ i tupananeta rü tama tórü dauruxü̃ ya Tupanamaxã nawüxigu.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Naanearü ügüchiga 48:19

Natürü nüma ga nanatü rü tama yemaacü nanaxüxchaü̃. Rü nanangãxü̃ rü ñanagürü: —Marü nüxü̃ chacua̱x nixĩ, Pa Chaunex, marü nüxü̃ chacua̱x. Nüma i Manaché rü wüxi ya yatü ya tachigacü tá nixĩ rü nawa tá ta ne naxũ i wüxi i natücumü i taxü̃. Natürü yimá naenexẽ ya rübumaecü tá nixĩ i nüxü̃ rüyexeramaecü. Rü ngẽma nataagüwa tá nango̱x i muxü̃ma i nachixü̃anegü —ñanagürü.

Naanearü ügüchiga 46:3

Rü nüma ga Tupana rü ñanagürü: —Choma nixĩ i Tupana chixĩxü̃ i cunatüarü Tupana. ¡Rü taxṹ i cumuü̃xü̃ nax Equítuanewa cuxũxü̃ erü ngéma tá nixĩ i cutaawa chachixẽxẽxü̃ i wüxi i duü̃xü̃gütücumü i taxü̃!

Nüxíraxü̃xü̃ ga popera ga Cuáü̃ ümatüxü̃ 1:2

Rü yimá maxẽxẽxẽruxü̃ rü toxü̃ nügü nawe̱x. Rü nüxü̃ tadaugü rü ngẽmaca̱x pemaxã nüxü̃ tixuchiga ya yimá tüxna naxãcü i maxü̃ i taguma gúxü̃. Rü noxri rü Nanatüxü̃tawa nayexma, natürü ñoma ga naanewa nangu rü toxca̱x nango̱x.

Popera ga Yudíugü ga yaxõgüxü̃ca̱x ümatüxü̃ 12:1

Rü yema muxü̃ma ga duü̃xü̃gü ga Tupanaaxü̃́ yaxõgüxü̃ ga yuexü̃, rü ñu̱xma torü ngaicamana nangẽxmagü nax tórü cua̱xruü̃gü yixĩgüxü̃ca̱x. Rü ngẽmaca̱x i ñu̱xmax, ¡rü ngĩxã nüxü̃ tarüxoe i guxü̃ma i ngẽma guxchaxü̃gü rü pecadugü i tüxü̃́ naguxchaxẽẽxü̃ nax mea yaxõgüxü̃! ¡Rü ngĩxã pora taxüe nax nawa ingugüxü̃ca̱x i ngẽma maxü̃ i tape̱xewaama ngẽxmaxü̃!

Ngechuchuarü ngúexü̃gü ga yamugüxü̃arü puracüchiga 14:15

—Pa Yatügüx, ¿tü̱xcüü̃ toxca̱x penaxü i ngẽma? Toma rü pexrüxü̃ duü̃xü̃gümare tixĩgü. Rü nua taxĩ nax pemaxã nüxü̃ tayarüxuxü̃ca̱x nax nüxü̃ perüxoexü̃ca̱x i ngẽma pecüma i taxuwama mexü̃ rü nüxü̃́ peyaxõgüxü̃ca̱x ya Tupana ya Maxü̃cü ga naxücü i daxũguxü̃ i naane, rü ñoma i naane, rü ngẽma már rü guxü̃ma i nawa ngẽxmaxü̃.

Ngechuchuarü ngúexü̃gü ga yamugüxü̃arü puracüchiga 1:8

Natürü ngẽxguma pexna nanguxgu i Tupanaãxẽ ya Üünecü, rü tá pexü̃ naporaexẽxẽ. Rü tá ípechoxü̃ nax nüxü̃ peyarüxugüexü̃ca̱x i chauchiga i Yerucharéü̃wa, rü guxü̃ma i Yudéaanewa, rü Chamáriaanewa, rü ñu̱xmatáta guxü̃ i naanewa nangu —ñanagürü.

Ore i mexü̃ ga Cuáü̃ ümatüxü̃ 6:10

Rü yexguma ga Ngechuchu rü ñanagürü: —¡Ẽcü, namaxã nüxü̃ pixu i duü̃xü̃gü nax ínatogüxü̃ca̱x! —ñanagürü. Rü yema nachicawa rü namete̱xeane ga gumá maxẽ. Rü gumáte̱xewa narütogü ga duü̃xü̃gü. Rü 5,000wa nangu ga yexguma yatügüxica ixugügu.

Wiyaegü 86:10

Erü cuxicatama nixĩ nax Tupana quixĩxü̃. Rü cuma nixĩ i nüxü̃ cucua̱xüchixü̃ rü cunaxüxü̃ i ngẽma taxü̃ i mexü̃gü i curü poramaxã cuxüxü̃.

Ichaía 17:10

Erü pemax, Pa Iraétanüxü̃x, rü nüxü̃ perüngümae ya Tupana ya pexü̃ ípoxü̃cü. Rü tama nüxna pecua̱xãchie nax nüma yixĩxü̃ i pexna nadauxü̃ nax taxúema pexü̃ chixewexü̃ca̱x. Natürü i ñu̱xma rü ípenato i mexẽchixü̃ i perü nanetügü rü úbagü nax ngẽmamaxã nüxü̃ picua̱xüü̃güxü̃ca̱x i tupananetagü.

Ichaía 26:4

¡Nüxü̃́ peyaxõ ya Cori ya Tupana, erü nüma nixĩ i guxü̃guma pexna nadauxü̃!

Ichaía 41:23

¡Rü ñu̱xũchi tomaxã nüxü̃ pixu i ngẽma tá ñu̱xmawena ngupetüxü̃! ¡Rü toxü̃ penawé nax aixcüma tupanagü pixĩgüxü̃! ¡Rü penaxü̱x i ngẽma nüxü̃ pecuáxü̃, rü mexü̃ rüe̱xna chixexü̃, nax ngẽmaãcü nüxü̃ tadaugüxü̃ca̱x rü tamuü̃exü̃ca̱x!

Ichaía 43:11

Rü chaxicatama nixĩ ya Tupana chixĩxü̃, rü chaxicatama nixĩ i pexü̃ íchapoxü̃xü̃ —ñanagürü.

Ichaía 45:19

Rü choma rü tama ẽxü̃guxü̃wa rü waanexü̃wa chidexa. Rü tama Acóbutanüxü̃xü̃ ñacharügü: “¡Cha̱u̱xca̱x peda̱u̱x natürü taxũtáma choxü̃ peyangau!” ñachagürü. Rü choma ya Tupana rü guxü̃guma aixcümaxü̃ chixu. Rü ngẽma nüxü̃ chixuxü̃ rü aixcüma name —ñanagürü.

Ichaía 48:3

Rü yema marü ngupetüxü̃, rü choma rü naxü̃pa ga nax yanguxü̃ rü pemaxã nüxü̃ chixu. Rü chomatama nixĩ ga chanaxunagüxü̃ rü paxa chanaxüxü̃ ga yema nüxü̃ chixuxü̃, rü aixcüma ningu.

Wiyaegü 18:32

Rü Tupana nixĩ ya yimá choxü̃ poraxẽẽcü. Rü yimá nixĩ i yanawe̱xãchixẽẽcü i chaucüma nax taxuwama nachixexü̃ca̱x i chorü maxü̃.

Ichaía 43:9

Rü guxãma i pema i guxü̃ i nachixü̃anecüã̱xgü, rü pengutaque̱xe rü wüxiwa pexĩ rü chomaxã nüxü̃ pixu, ¿Texé tixĩ i petanüwa ga naxü̃pa nüxü̃ cuáxe rü nüxü̃ ixuxe ga yema tá ngupetüxü̃? ¡Ẽcü, nua tanagagü ga yema nüxü̃ daugüxü̃ nax nüxü̃ yaxugüexü̃ca̱x nax aixcüma naxü̃pa nüxü̃ tacuáxü̃ rü nüxü̃ tixuxü̃ ga yema ngupetüxü̃! —ñanagürü.