Ichaía 44:7 - Tupanaarü Ore

⁷ ¿Rü texé chomaxã tawüxigu? ¡Rü ẽcü chomaxã nüxü̃ tixu! ¿Rü texé tixĩ ga noxriarü ügügu nüxü̃ ixuxe i ngẽma tá ínguxü̃, rü ngẽma ngupetüchaü̃xü̃?

Ichaía 44:7 Referans Kwoze

Ichaía 41:26

¿Rü noxriarü ügügutama texé tixĩxü̃ ga nüxü̃ ixuxe i ngẽma tá ngupetüxü̃ nax ngẽmaãcü nüxü̃ icuáxü̃ca̱x? ¿Rü texé tixĩxü̃ ga naxü̃pa nüxü̃ ixuxe i ngẽma tá ngupetüxü̃ nax ngẽmaãcü nüxü̃ tixugüxü̃ca̱x nax aixcüma yixĩxü̃ i ngẽma nüxü̃ tixuxü̃? Rü pema nax tupananetagü pixĩgüxü̃ rü petanüwa taxúema tixĩ ga nüxü̃ ixuxe i ngẽma tá ngupetüxü̃, rü bai ya texé nüxü̃ ĩnüxü̃ i wüxi i perü dexa nachiga i ngẽma tá ngupetüxü̃.

Ichaía 41:22

¡Rü nua pexĩ rü tomaxã nüxü̃ pixugü i ngẽma tá ngupetüxü̃, rü ñu̱xũchi tomaxã nüxü̃ pixugü rü ta̱xacüchiga nixĩ i ngẽma marü ngupetüxü̃ rü ñu̱xũchi tá pexü̃ itarüxĩnüe! ¡Rü tomaxã nüxü̃ pixugü i ngẽma tá ínguxü̃ nax ngẽmaãcü nüxü̃ tadaugüxü̃ca̱x i ngẽma tá ngupetüxü̃!

Ichaía 45:21

Rü pema nax naxchicüna̱xãgümaxã petupanaã̱xgüxü̃ rü name nax pegüna pecagüxü̃ rü choxü̃ penawéxü̃ i ta̱xacüwa pexü̃ nangü̃xẽẽxü̃ i ngẽma perü tupanagü i nainaxca̱x. ¿Rü texé tixĩ ga noxriarü ügügu naxü̃pa nüxü̃ ixuxe i ngẽma tá ngupetüxü̃? ¿Rü texé tixĩ ga nũxcüma nüxü̃ ixuxe ga yema? ¿Rü tama ẽ̱xna choma ya Cori ya Tupana yixĩxü̃? Rü nataxuma i to ya Tupana, rü chaxicatama nixĩ i choxü̃́ nangẽxmaxü̃ i pora nax pexü̃ chimexẽẽgüxü̃ rü pexü̃ íchanguxü̃xẽẽxü̃.

Ngechuchuarü ngúexü̃gü ga yamugüxü̃arü puracüchiga 17:26

Nüma rü wüxi ga duü̃xü̃watama nanaxü ga guxü̃ma ga duü̃xü̃gü nax guxü̃ i naanewa nangẽxmagüxü̃ca̱x. Rü nüma inaxuneta i ñuxgu tá nax nabuxü̃ i duü̃xü̃gü rü ngexta tá naxãchiü̃xü̃ i wüxichigü.

Ichaía 43:12

Rü ñanagürü ta ga Tupana: —Choma nixĩ ga pemaxã nüxü̃ chixuxü̃ rü tá pexü̃ íchanguxü̃xẽẽxü̃. Rü aixcüma chayanguxẽxẽ ga yema. Rü pema rü meama nüxü̃ pecua̱x nax tama wüxíe i tomare ga tupana yixĩxü̃ ga pexü̃ ínguxü̃xẽẽxü̃, erü choma rü chaxicatama Tupana chixĩ.

Ichaía 43:9

Rü guxãma i pema i guxü̃ i nachixü̃anecüã̱xgü, rü pengutaque̱xe rü wüxiwa pexĩ rü chomaxã nüxü̃ pixu, ¿Texé tixĩ i petanüwa ga naxü̃pa nüxü̃ cuáxe rü nüxü̃ ixuxe ga yema tá ngupetüxü̃? ¡Ẽcü, nua tanagagü ga yema nüxü̃ daugüxü̃ nax nüxü̃ yaxugüexü̃ca̱x nax aixcüma naxü̃pa nüxü̃ tacuáxü̃ rü nüxü̃ tixuxü̃ ga yema ngupetüxü̃! —ñanagürü.

Ichaía 41:4

¿Rü texé tixĩ ya nüxna namugüxe i ngẽma ãẽ̱xgacü i éstewa ne ũxü̃? ¿Rü texé tixĩ i namaxã icuáxe i guxü̃ma i ngẽma ñoma i naanewa ngupetüxü̃? Rü choma nax chaxicatama Tupana chixĩxü̃ nixĩ i chanaxüxü̃ i guxü̃ma i ngẽma. Rü choma rü woetama changexmaecha rü taguma icharüxo.

Wenaxarü naxümatü ga Tupanaarü mugü 32:8

Rü wüxi ga ngunexü̃gu ga Cori ya Tupana ya Guxãétüwa Ngẽxmacü, rü nayatoye ga duü̃xü̃gü rü wüxitücumüchigüna nanaxã ga norü naane nax yéma nayexmagüxü̃ca̱x. Rü ñu̱xũchi nüxü̃ naxuneta ga norü naanegüarü üyeanegü. Natürü natanüwa ga yema togü ga natücumügü, rü nüma ga Cori ya Tupana rü noxrüxü̃ nüxü̃ naxuneta ga Iraétanüxü̃, yerü woetama norü duü̃xü̃gü nixĩgü ga yema Acóbutanüxü̃.

Ichaía 41:23

¡Rü ñu̱xũchi tomaxã nüxü̃ pixu i ngẽma tá ñu̱xmawena ngupetüxü̃! ¡Rü toxü̃ penawé nax aixcüma tupanagü pixĩgüxü̃! ¡Rü penaxü̱x i ngẽma nüxü̃ pecuáxü̃, rü mexü̃ rüe̱xna chixexü̃, nax ngẽmaãcü nüxü̃ tadaugüxü̃ca̱x rü tamuü̃exü̃ca̱x!

Ichaía 19:12

¿Pa Faraóü̃, ngexü̃gü nixĩ i ngẽma curü ucu̱xẽruü̃gü nax cuxü̃ nangu̱xẽẽgüxü̃ca̱x rü cumaxã nüxü̃ yaxugüxü̃ca̱x i ngẽma Cori ya Tupana ya Guxãétüwa Ngẽxmacüarü ĩnü i Equítuanemaxã naxüxchaü̃xü̃?