Ichaía 44:4 - Tupanaarü Ore

⁴ Rü nümagü rü tá nimu ñoma maxẽ i waianexü̃wa rüxügüxü̃rüxü̃, rü ñoma naigü i natügüpechinüwa rüxügüxü̃rüxü̃.

Ichaía 44:4 Referans Kwoze

Ichaía 58:11

Rü choma rü tá guxü̃gutáma mea pemaxã ichacua̱x rü ngẽma ínanaianexü̃wa rü taxúema íxãpataxü̃wa rü tá pexna chanaxã i dexá rü pexü̃ tá chaporaexẽxẽ. Rü ngẽxguma rü tá ñoma nanetünecü i meama ixaiyagüxü̃rüxü̃, rü ñoma natü i poraxü̃chíüxü̃rüxü̃ tá pora pexü̃́ nangẽxma.

Wiyaegü 1:3

Rü yíxema duü̃xẽ rü ñoma wüxi i nanetü i natücutü toxü̃ i guxü̃guma oxü̃ rü taguma rüñẽ̱xátüxü̃rüxü̃ tixĩ. Rü guxü̃ma i ta̱xacü i taxüxü̃wa rü mea tüxü̃́ ínanguxuchi.

Echequié 17:5

Yemawena rü naanewa nanayaxu ga wüxi ga naxchire, rü ñu̱xũchi wüxi ga mexü̃ ga naanegu nayato ga wüxi ga natüpechinüwa ga taxü̃ ga dexá íyexmaxü̃wa.

Ngechuchuarü ngúexü̃gü ga yamugüxü̃arü puracüchiga 4:4

Natürü muxü̃ma ga yema duü̃xü̃gü ga nüxü̃ ĩnüexü̃ ga yema Tupanaarü ore rü nayaxõgü. Rü wixguxüchi 5,000 wa nangu ga yatüxü̃xica ixugügu.

Ngechuchuarü ngúexü̃gü ga yamugüxü̃arü puracüchiga 5:14

Rü nimuetanü ga yema yaxõgüxü̃ yerü muxü̃ma ga duü̃xü̃gü ga yatüxü̃gü rü ngexü̃gü rü Coriaxü̃́ nayaxõgüetanü.

Ichaía 61:11

Rü ñoma naxchiregü waixü̃müwa rüxügünerüxü̃ rü ñoma wüxi i naanewa nanetü rüxügüxü̃rüxü̃ rü Tupana rü ngẽxgumarüxü̃ tá ta nanango̱xẽxẽ i nacüma i aixcüma mexü̃ nax guxü̃ma i nachixü̃anegüwa nüxü̃ yacua̱xüü̃güxü̃ca̱x.

Lebítanüxü̃arü puracüchiga 23:40

Rü ngẽma petaarü nüxíraxü̃ i ngunexü̃gu rü ngẽma rümemaexü̃ i penetüarü o tá pebuxu. Rü tá penayaxu i palmeraátügü rü nai i metanüxü̃átügü rü nai i natüanacüwa rüxüxü̃átügü, rü 7 i ngunexü̃ tá Cori ya Tupanape̱xewa petaãẽgü.

Yox 40:22

Rü ngẽma naigü i taetaxü̃tüü̃arü gáuxchipetaxü̃gu nacagü. Rü ngẽma taxü̃ i nai i natüpechinüwa rüxügüxü̃tüü̃wa nixĩ i namaxẽxü̃.

Yox 5:25

Rü tá nimu i cutaagü ñoma maxẽ i naanewa rüxügüxü̃rüxü̃.

Ichaía 48:19

Rü yexguma chi naga pexĩnüegu ga chorü mugü rü ngẽma petaagü rü chi namuxũchi ñoma márwa ngẽxmacü ya naxnecürüxü̃, rü choma rü taguchima pexü̃ chadai, rü taguchima pexna chixũgachi.