Ichaía 44:21 - Tupanaarü Ore

²¹ “Pa Iraétanüxü̃ i Acóbuarü Duü̃xü̃güx, ¡rü nüxna pecua̱xãchie nax chorü duü̃xü̃gü pixĩgüxü̃! Yerü choma nixĩ ga pexü̃ changóexẽẽxü̃. ¡Rü taxṹ i choxü̃ iperüngümaexü̃!

Ichaía 44:21 Referans Kwoze

Chacaría 10:9

Rü choma nixĩ ga togü ga nachixü̃anegügu chanawoonexü̃. Natürü woo nax yáxü̃wa nangẽxmagüxü̃ rü tá choxna nacua̱xãchie. Rü wüxi i ngunexü̃gu rü tá nanegümaxã rü naxacügümaxã nachixü̃aneca̱x nawoegu.

Ichaía 43:15

Rü choma nixĩ i perü Tupana ya Üünecü chixĩxü̃, rü choma nixĩ i pexü̃ changóexẽẽxü̃ rü choma nixĩ i perü ãẽ̱xgacü chixĩxü̃, Pa Iraétanüxü̃x —ñanagürü.

Ichaía 43:1

Natürü i ñu̱xmax, Pa Iraétanüxü̃ i Acóbuarü Duü̃xü̃gü Ixĩgüxe, rü yimá Cori ya Tupana ya pexü̃ ngo̱xẽẽcü rü ñanagürü pexü̃: —¡Taxṹ i pemuü̃exü̃! Erü choma nixĩ i pexü̃ íchanguxü̃xẽẽxü̃. Rü choma nixĩ i peégamaxã pexna chacaxü̃ rü pema rü chorü duü̃xü̃gü pixĩgü.

Ichaía 42:23

Natürü naétüwa ga yema guxchaxü̃gü, rü nüma ga Iraétanüxü̃ rü tama inaxĩnüechaü̃.

Wenaxarü naxümatü ga Tupanaarü mugü 32:18

Rü pema, Pa Iraétanüxü̃x, rü nüxü̃ perüngümae ya penatü ya Cori ya Tupana ya perü poxü̃ruxü̃ ixĩcü rü maxü̃ pexna ãcü.

Wenaxarü naxümatü ga Tupanaarü mugü 4:23

¡Natürü pexuãxẽgü nax tama nüxü̃ iperüngümaexü̃ca̱x ga yema uneta ga Cori ya perü Tupana pemaxã nüxü̃ ixuxü̃! ¡Rü taxũtáma pegüca̱x penaxü i ta̱xacürü naxchicüna̱xãgü nax namaxã petupanaã́xü̃ca̱x! Erü nüma ya Cori ya perü Tupana rü nanachu̱xu i ngẽma.

Wenaxarü naxümatü ga Tupanaarü mugü 4:9

¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Ichaía 27:11

Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Ichaía 40:27

Pa Iraéanecüã̱xgüx, Pa Acóbutanüxü̃, ¿rü ta̱xacüca̱x pidexagüxü̃ rü ñaperügügüxü̃: —Cori ya Tupana rü tama nüxü̃ nacua̱x nax ta̱xacü choxü̃ üpetüxü̃. Rü nüma ya Tupana rü tama chaugu narüxĩnü —ñaperügügüxü̃?