Ichaía 44:2 - Tupanaarü Ore

² Rü choma nixĩ i perü Tupana ga pexü̃ changóexẽẽxü̃ naxü̃pa ga nax pibuexü̃. Rü choma nixĩ i pexü̃ charüngü̃xẽxẽxü̃. ¡Rü taxṹ i pemuü̃exü̃, Pa Chorü Duü̃xü̃güx, erü pema i Acóbutanüxü̃ nixĩ i chorü duü̃xü̃gü i pexü̃ chaxunetaxü̃!

Ichaía 44:2 Referans Kwoze

Yeremía 1:5

—Yexguma taxũta cuxü̃ chango̱xẽẽgu rü woetama marü choma cuxü̃ chaxuneta. Rü naxü̃pa nax cubuxü̃ rü choma rü marü cuxü̃ chayaxu rü nachixü̃anegüarü orearü uruxü̃ cuxü̃ chixĩxẽxẽ —ñanagürü.

Ichaía 43:1

Natürü i ñu̱xmax, Pa Iraétanüxü̃ i Acóbuarü Duü̃xü̃gü Ixĩgüxe, rü yimá Cori ya Tupana ya pexü̃ ngo̱xẽẽcü rü ñanagürü pexü̃: —¡Taxṹ i pemuü̃exü̃! Erü choma nixĩ i pexü̃ íchanguxü̃xẽẽxü̃. Rü choma nixĩ i peégamaxã pexna chacaxü̃ rü pema rü chorü duü̃xü̃gü pixĩgü.

Ichaía 44:24

Rü nüma ya Tupana ya pexü̃ ínguxü̃xẽẽcü rü pexü̃ ücü naxü̃pa ga nax pibuexü̃ rü ñanagürü: —Choma nixĩ ya Tupana chixĩxü̃, rü choma nixĩ i chanangóexẽẽxü̃ i guxü̃ma i ñoma i naanewa ngẽxmagüxü̃. Rü choma nixĩ ga chanaxüxü̃ ga daxũguxü̃ ga naane rü ñoma ga naane. Rü taxúema choxü̃ tarüngü̃xẽxẽ.

Ichaía 49:1

Pema i nachixü̃anegü i márpechinüwa ngẽxmagüxü̃ rü pema i nachixü̃anegü i yáxü̃wa ngẽxmagüxü̃, ¡rü choxü̃́ iperüxĩnüe! Nüma ya Cori ya Tupana choxü̃ naxuneta naxü̃pa nax chabuxü̃. Rü nüxü̃ nixu i chauéga ga yexguma chaueanüwatama chayexmagu.

Efesios 1:4

Rü taxũtáma naane uxgu, rü Cristugagu Tupana tüxü̃ nade nax ixüünegüxü̃ca̱x rü nax nataxuxü̃ca̱x i tórü chixexü̃ i nape̱xewa. Rü nüma ya Tupana rü poraãcü tüxü̃ nangechaü̃, rü yemaca̱x nũxcümamatama tüxü̃ naxuneta nax Ngechuchugagu naxacügüxü̃ tüxü̃ nadexü̃ca̱x. Rü yemaacü nanaxü ga Tupana yerü yema nixĩ ga norü ngúchaü̃.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Romanos 8:30

Rü guxema woetama nũxcümama Tupana tüxü̃ dexe, rü tümaca̱x naca nax noxrü tixĩgüxü̃ca̱x. Rü guxema tümaca̱x naca̱xaxe, rü nügüca̱x tüxü̃ nimexẽẽgü. Rü guxema nügüca̱x tüxü̃ yamexẽẽgüxe, rü tüxna nanaxã i tümachica i nügüxü̃tawa.

Wiyaegü 71:6

Rü yexguma chauéanüwa chayexmagu, rü cuxme̱xwa chayexma rü cuma nixĩ ga choxü̃ cubuxẽẽxü̃. Rü guxü̃gutáma cuxü̃ chicua̱xüxü̃.

1 Tesalonicenses 1:4

Pa Chauenexẽgüx ya Tupana Pexü̃ Ngechaü̃güxex, nüxü̃ tacua̱x nax nümatama pexü̃ nadexü̃ nax norü duü̃xü̃gü pixĩgüxü̃ca̱x.

Ore i mexü̃ ga Luca ümatüxü̃ 12:32

¡Taxṹ i pemuü̃exü̃, Pa Chauxacügüx! Pema rü noxretama pixĩgü natürü Penatü ya Tupana rü norü ngúchaü̃ nixĩ nax pexna naxããxü̃ i pechica i ngextá nüma ãẽ̱xgacü íyixĩxü̃wa.

Popera ga Yudíugü ga yaxõgüxü̃ca̱x ümatüxü̃ 4:16

Rü ñu̱xma nax tüxü̃́ nangẽxmaxü̃ ya tórü ngü̃xẽẽruxü̃ ya Ngechuchu, rü tüxü̃́ natauxcha nax tama imuü̃eãcüma nüxna ingaicamaxü̃ ya tórü Tupana ya tüxü̃ ngechaü̃cü nax ngẽmaãcü nüma nüxü̃́ ingechaü̃tümüxü̃güxü̃ca̱x rü tüxü̃ nangechaü̃ãcüma tüxü̃ nangü̃xẽẽxü̃ca̱x i ngẽxguma guxchaxü̃gü taxca̱x ínguxgu.

Ichaía 44:21

“Pa Iraétanüxü̃ i Acóbuarü Duü̃xü̃güx, ¡rü nüxna pecua̱xãchie nax chorü duü̃xü̃gü pixĩgüxü̃! Yerü choma nixĩ ga pexü̃ changóexẽẽxü̃. ¡Rü taxṹ i choxü̃ iperüngümaexü̃!

Wiyaegü 46:5

Rü nüma ya Tupana rü yima ĩanearü ngãxü̃gu naxãchiü̃ rü ngẽmaca̱x ya yima ĩane rü taxúetama tanachixexẽxẽ. Rü nüma rü guxü̃ma i ngunexü̃ i noxri yangunegu rü yima ĩanexü̃ narüngü̃xẽxẽ.

Ichaía 43:5

¡Rü taxṹ i pemuü̃exü̃! Erü choma rü chapetanügu. Rü yíxema ésteguama woonexe rü yíxema oésteguama woonexe rü tá pexü̃ chanutaque̱xe nax wenaxarü ñaa pechixü̃aneca̱x pewoeguxü̃ca̱x nax nua wüxiwa pengẽxmagüxü̃ca̱x.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Wenaxarü naxümatü ga Tupanaarü mugü 33:5

Rü yexguma Iraétanüxü̃ norü ãẽ̱xgacügümaxã nangutaque̱xegügu rü Tupana nixĩ ga namaxã icuácü —ñanagürü ga Moiché.

Wenaxarü naxümatü ga Tupanaarü mugü 32:15

Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.

Wenaxarü naxümatü ga Tupanaarü mugü 33:26

Rü yema namaxã yagúexẽẽãxü̃ ga norü dexa ga Moiché rü ñanagürü: —Pa Iraétanüxü̃x, rü nataxuma i to i perü Tupanamaxã wüxiguxü̃. Rü nüma rü norü poramaxã dauxü̃guxü̃ i caixanexü̃gu nixũ nax perü ngü̃xẽẽwa naxũxü̃ca̱x.

Ichaía 27:11

Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Ichaía 41:8

Rü yexguma ga Cori ya Tupana rü ñanagürü: —Iperüxĩnüe, Pa Iraétanüxü̃x. Pema rü chorü duü̃ ya Acóbu ya nüxü̃ chaxunetacüarü duü̃xü̃gü pixĩgü rü chomücü ya Abraáü̃taagü pixĩgü.

Ichaía 45:11

Rü ngẽmaca̱x i choma ya Tupana ya Üünecü ya Iraétanüxü̃xü̃ ngo̱xẽẽcü rü pexü̃ ñachagürü: “Pemax, taxuacüma choxna naxca̱x peca nachiga i ngẽma yixcüra tá nüxü̃ ngupetüxü̃ i chorü duü̃xü̃gü. Rü taxuacüma choxü̃ pengu̱xẽxẽ nax ñuxãcü tá chanaxüxü̃ i ngẽma chaxüxchaü̃xü̃.

Ichaía 49:5

Rü nüma ya Cori ya Tupana rü chauéanüwa choxü̃ nango̱xẽxẽ nax norü duü̃xü̃ chixĩxü̃ca̱x rü ngẽmaãcü Iraétanüxü̃ i Acóbuarü duü̃xü̃güxü̃ naxca̱x chawoeguxẽẽxü̃ca̱x nax wenaxarü norü duü̃xü̃gü yixĩgüxü̃ca̱x. Rü Tupanape̱xewa rü poraãcü nüxü̃́ chame rü ngẽmaca̱x choxü̃ naporaxẽxẽ. Rü ngẽma nixĩ i nagu charüxĩnü.

Yeremía 30:10

Rü choma ya Cori ya Tupana rü ñachagürü: —¡Taxṹ i pemuü̃exü̃, Pa Acóbutanüxü̃ i chorü duü̃xü̃gü pixĩgüxü̃! ¡Rü taxṹ i ta̱xacüca̱x peba̱i̱xãchiexü̃, Pa Iraétanüxü̃x! Erü choma rü tá pexü̃ rü pexacügüxü̃ íchanguxü̃xẽxẽ nawa i ngẽma yáxü̃guxü̃ i nachixü̃ane i nawa pegagüxü̃. Rü wenaxarü taãẽwa tá pemaxẽ rü taxũtáma i texé i pexü̃ ítaba̱i̱xgü.

Wiyaegü 95:6

¡Rü nua pexĩ rü ngĩxã nape̱xegu tacaxã́pü̱xügü rü nüxü̃ ticua̱xüxü̃gü ya Cori ya Tupana ya tüxü̃ ücü!