Ichaía 43:5 - Tupanaarü Ore

⁵ ¡Rü taxṹ i pemuü̃exü̃! Erü choma rü chapetanügu. Rü yíxema ésteguama woonexe rü yíxema oésteguama woonexe rü tá pexü̃ chanutaque̱xe nax wenaxarü ñaa pechixü̃aneca̱x pewoeguxü̃ca̱x nax nua wüxiwa pengẽxmagüxü̃ca̱x.

Ichaía 43:5 Referans Kwoze

Ore i mexü̃ ga Luca ümatüxü̃ 13:29

Erü nórtewa rü súrwa rü éstewa rü oéstewa tá ne naxĩ i duü̃xü̃gü nax Tupana ãẽ̱xgacü ixĩxü̃wa nangẽxmagüxü̃. Rü ngéma mechawa tá narütogü nax nachibüexü̃ca̱x.

Ichaía 49:12

Rü pema ya Iraétanüxü̃ rü tá yáxü̃wama ne pexĩ, rü ñuxre rü nórtewaama rü togü rü oéstewaama rü togü rü Equítuanearü súrwaama tá ne pexĩ.

Ichaía 44:2

Rü choma nixĩ i perü Tupana ga pexü̃ changóexẽẽxü̃ naxü̃pa ga nax pibuexü̃. Rü choma nixĩ i pexü̃ charüngü̃xẽxẽxü̃. ¡Rü taxṹ i pemuü̃exü̃, Pa Chorü Duü̃xü̃güx, erü pema i Acóbutanüxü̃ nixĩ i chorü duü̃xü̃gü i pexü̃ chaxunetaxü̃!

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

Chacaría 8:7

Rü choma rü tá íchananguxü̃xẽxẽ i chorü duü̃xü̃gü naxme̱xwa i ngẽma nachixü̃ane i éstewaama ngẽxmaxü̃ rü ngẽma nachixü̃ane i oéstewaama ngẽxmaxü̃.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Ichaía 41:8

Rü yexguma ga Cori ya Tupana rü ñanagürü: —Iperüxĩnüe, Pa Iraétanüxü̃x. Pema rü chorü duü̃ ya Acóbu ya nüxü̃ chaxunetacüarü duü̃xü̃gü pixĩgü rü chomücü ya Abraáü̃taagü pixĩgü.

Wiyaegü 106:47

Pa Cori Pa Torü Tupanax ¡toxü̃ rüngü̃xẽxẽ rü toxü̃ ínanguxü̃xẽxẽ naxme̱xwa i ngẽma to i nachixü̃anegü nax ngẽmaãcü nüxü̃ ticua̱xüü̃güxü̃ca̱x i cuéga i üünexü̃! Erü tanaxwa̱xe i taãẽãcüma cuxü̃ ticua̱xüü̃gü.

Ore i mexü̃ ga Cuáü̃ ümatüxü̃ 10:16

Rü choxü̃́ nangẽxmagü ta i togü i carnérugü i tama ñaa naxpüü̃wa ngẽxmagüxü̃. Rü ngẽmagü rü tá ta nua chanagagü, rü tá chauga naxĩnüe. Rü wüxitücumü tátama nixĩ rü choma tátama nixĩ i norü dauruxü̃ chixĩxü̃.

Miquéa 2:12

Rü nüma ya Cori ya Tupana rü ñanagürü: —Choma rü tá chanangutaque̱xexẽxẽ i guxü̃ma i Acóbutanüxü̃. Rü ñoma carnérugü i wüxiwa ingexmagüxẽẽxü̃rüxü̃ rü tá chanade i ngẽma íyaxügüxü̃ i Iraétanüxü̃ i aixcüma chauga ĩnüexü̃. Rü woo taxũtáma namu natürü ñoma namuxü̃rüxü̃ tá tagaãcüma naxãũgatanü.

Ichaía 8:10

Rü woo chi ngẽma nagu perüxĩnüexü̃ãcüma penaxü̱xgu, natürü tá peyueama. Rü woo pegümaxã nüxü̃ pixuxgu i ngẽma penaxwa̱xexü̃ nax penaxüxü̃, natürü tagutáma pexü̃́ ningu, Pa Nachixü̃anegü i Yáxü̃wa Ngẽxmagüxü̃. Erü Tupana rü tomaxã inarüxã̱ũ̱x.

Ichaía 41:9

Rü choma nixĩ ga yema nachixü̃ane ga yáxü̃guxü̃wa pexü̃ íchanguxü̃xẽẽxü̃. Rü yema naane ga yáxü̃wa yexmaxü̃wa nixĩ ga pexca̱x chacaxü̃ rü pexü̃ ñachaxü̃: “Pema rü chorü duü̃xü̃gü pixĩxgü”, ñachaxü̃. Choma nixĩ ga pexü̃ chadexü̃ rü tama pexü̃ chaxoxü̃.

Ichaía 43:1

Natürü i ñu̱xmax, Pa Iraétanüxü̃ i Acóbuarü Duü̃xü̃gü Ixĩgüxe, rü yimá Cori ya Tupana ya pexü̃ ngo̱xẽẽcü rü ñanagürü pexü̃: —¡Taxṹ i pemuü̃exü̃! Erü choma nixĩ i pexü̃ íchanguxü̃xẽẽxü̃. Rü choma nixĩ i peégamaxã pexna chacaxü̃ rü pema rü chorü duü̃xü̃gü pixĩgü.

Ichaía 49:18

¡Rü dücax, yea pecüwagu perüdaunü nax ñuxãcü guxü̃ma i Iraétanüxü̃ ĩtaque̱xexü̃ rü Yerucharéü̃ca̱x woeguxü̃! Rü choma ya Cori ya Tupana rü chauégagu pemaxã nüxü̃ chixu rü guxü̃ma i Yerucharéü̃arü duü̃xü̃gü rü ñoma wüxi i pacü i ãtechaü̃cüarü nga̱xãẽruü̃rüxü̃ tá nixĩ i perü ĩanewa.

Ichaía 61:9

Rü guxü̃ma i nachixü̃anegüwa rü tá natachiga i petaagü. Rü ngẽxguma duü̃xü̃gü nüxü̃ daugügu rü tá nüxü̃ nicua̱xãchitanü nax Tupana petaagüxü̃ narüngü̃xẽxẽxü̃.

Yeremía 23:8

Natürü ñapegürügü tá: “Namaxü̃ ya Cori ya Tupana ga nachixü̃ane ga nórtewaama yexmaxü̃wa rü yema togüama ga nachixü̃anegü ga nagu tawoonexü̃wa tüxü̃ ínguxü̃xẽẽcü i yíxema i Iraétanüxü̃”, ñapegürügü tá. Rü perü naanewa tátama peyamaxẽ —ñanagürü ya Tupana.

Yeremía 29:14

Rü choma rü tá pexü̃ charüngü̃xẽxẽxü̃ nax choxü̃ ipeyangaugüxü̃ca̱x. Rü tá pexü̃ charüngü̃xẽxẽxü̃ nax ngẽma ípengexmagüxü̃wa pewoeguxü̃ca̱x. Rü tá pexü̃ íchagaxü̃ nawa i ngẽma nachixü̃anegü i nagu pexü̃ chawoonexü̃. Rü wüxiwa tá pexü̃ changexmagüxẽxẽ nawa i ñaa nachica ga nawa pexü̃ íchawoxü̃xü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Yeremía 42:11

¡Rü taxṹ i nüxü̃ pemuü̃exü̃ i Babiróniaanearü ãẽ̱xgacü i ñu̱xma poraãcü nüxü̃ pemuü̃exü̃! ¡Rü taxṹ i nüxü̃ pemuü̃exü̃ erü choma rü petanüwa changexma nax peétüwa chachogüxü̃ca̱x rü naxme̱xwa pexü̃ íchanguxü̃xẽxẽxü̃ca̱x! Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 51:46

¡Taxṹ i peba̱i̱xãchiexü̃ rü taxṹ i pemuü̃exü̃ namaxã i ngẽma guxchaxü̃gü i nüxü̃ pexĩnüechigaxü̃! Rü wüxichigü ya taunecügu rü nanatoraxü̃ i guxchaxü̃ i nüxü̃ pexĩnüechigaxü̃. Rü duü̃xü̃gü rü nüxü̃ nixugüe i daichiga i ñaa nachixü̃anewa. Rü nüxü̃ nixugüe nax ngẽma ãẽ̱xgacügü rü nügü nada̱i̱xü̃.

Joel 3:7

Natürü i choma rü ngẽma nachixü̃ane i nagu namaxã petaxegüxü̃wa tá íchayagaxü̃. Rü ngẽxguma i choma rü yematama ga ngúxü̃ ga nüxü̃ pingexẽẽgüxü̃ tá pexü̃ chingexẽxẽ.

Yeremía 3:18

Rü ngẽxguma tá nawa nanguxgu i ngẽma ngunexü̃, rü Yudáanecüã̱xgü rü Iraéanecüã̱xgü rü nügümaxã wüxiwa tá nangẽxmagügu. Rü wüxigu tá nüxna nawoegu i ngẽma nachixü̃ane i nórtewa ngẽxmaxü̃. Rü ngẽma naane ga nũxcümaü̃güxü̃ ga perü o̱xigüna chaxãxü̃wa tá naxĩ.

Yeremía 23:7

Rü nüma ya Cori ya Tupana rü ñanagürü: —Tá ínangugü i ngunexü̃gü i taxũtáma nagu ñapegügüxü̃: “Namaxü̃ ya Cori ya Tupana ga Equítuanewa Iraétanüxü̃xü̃ ínguxü̃xẽẽcü”.