Biblia Todo Logo
Bib sou entènèt

- Piblisite -




Ichaía 43:4 - Tupanaarü Ore

4 Rü yemaacü pexü̃ íchapoxü̃ yerü poraãcü choxü̃́ pengúchaü̃ rü choxü̃́ peme rü pexü̃ changechaü̃. Rü yemaacü norü uanügüme̱xẽgu chanayixẽxẽ ga yema perü uanügü nax pexü̃ íchapoxü̃xü̃ca̱x rü choxrü duü̃xü̃gü pixĩgüxü̃ca̱x i pemax.

Gade chapit la Kopi




Ichaía 43:4
23 Referans Kwoze  

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.


Rü nũxcüma nixĩ ga cha̱u̱xca̱x nangóxü̃ ga Cori ya Tupana, rü ñanagürü choxü̃: Wüxi i ngechaü̃ i taguma iyacuáxü̃maxã cuxü̃ changechaü̃. Rü ngẽmaca̱x i ñu̱xma rü ta cumaxã chamecüma.


Erü tá nüxü̃ curüngü̃xẽxẽ i cutaxa nax yamuxü̃ca̱x rü wüxi i taxü̃ i nachixü̃ane nawa ngóxü̃ca̱x. Rü tá mexü̃ cumaxã chaxuegu rü tá cuxü̃ chatachigaxẽxẽ. Rü cugagu tá mexü̃ nayauxgü i togü.


Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.


Rü chanaxwa̱xe nax ngẽma choxna cumugüxü̃wa changexmaxü̃ rü cuma i chowa nax cungexmaxü̃ nax ngẽmaãcü aixcüma wüxitama ixĩgüxü̃ca̱x i yixema. Rü ngẽmaãcü i ñoma i naanecüã̱x i duü̃xü̃gü rü tá nüxü̃ nicua̱xãchitanü nax cuma núma choxü̃ cumuxü̃. Rü tá nüxü̃ nicua̱xãchitanü nax cuma nüxü̃ cungechaü̃xü̃ i ngẽma choxna cumugüxü̃ ngẽma choxü̃ cungechaü̃xü̃rüxü̃.


Rü Tupana rü ñanagürü ta: —Rü yexguma noxri nangóegu ga chorü duü̃xü̃gü ga Iraétanüxü̃, rü choma rü nüxü̃ changechaü̃ yerü chauxacügü nixĩgü. Rü yemaca̱x íchananguxü̃xẽxẽ ga Equítuanewa.


Rü ngẽma perü õ rü ñoma úirurüxü̃ nixĩ. Rü ngẽma úiru rü üxümaxã nüxü̃ taxü nax nüxü̃ icuáxü̃ca̱x rü aixcüma úiruxüchi yixĩxü̃. Rü ngẽxguma peyaxõgüamagu ega woo guxchaxü̃gü pexca̱x ínguxgu, rü ngẽma perü õ rü wüxi i úiruarü yexera nixĩ nax namexü̃. Rü ngẽma úiru rü woo namexẽchi natürü düxwa nangau. Natürü ngẽxguma peyaxõgüamagu ega guxchaxü̃gü pexca̱x ínguxgu rü tá Tupanape̱xewa pime rü tá pexü̃ nicua̱xüxü̃ rü tá pemaxã nataãxẽ rü mexü̃ i pechica tá pexna naxã i ngẽxguma wena núma naxũxgu ya Ngechuchu ya Cristu.


Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü íchanamexẽxẽ i wüxi i ngunexü̃ i nagu tá cha̱u̱xca̱x nawoeguxü̃ nax wena chorü duü̃xü̃gü yixĩgüxü̃ca̱x i Iraétanüxü̃. Rü ñoma wüxi i papa i nane i nüxü̃́ puracüxü̃xü̃ ngechaü̃xü̃rüxü̃, rü ngẽmaãcü tá choxü̃́ nangechaü̃tümüxü̃gü.


Rü nüma rü nüxü̃ naxuneta ga Acóbu ga Iraégu ãégacü nax norü meruxü̃ yixĩxü̃ca̱x.


Rü nüma ya Cori ya Tupana rü ñu̱xma pemaxã nüxü̃ nixu, Pa Iraétanüxü̃x, nax pema rü norü duü̃xü̃gü pixĩgüxü̃, yema marü pemaxã nüxü̃ yaxuxü̃rüxü̃. Rü ngẽmaca̱x i ñu̱xma rü penaxwa̱xe nax naga pexĩnüexü̃ i guxü̃ma i norü mugü.


Erü pema rü perü Cori ya Tupanaarü duü̃xü̃gü pixĩgü, rü nüma rü pexü̃ naxuneta natanüwa i guxü̃ma i ñoma i naanewa maxẽxü̃ i duü̃xü̃gü nax noxrü pixĩgüxü̃ca̱x.


Rü ngẽma choxna cumugüxü̃maxã marü cuxü̃ chixu nax texé quixĩxü̃. Rü guxü̃gutáma namaxã cuxü̃ chixuecha nax ngẽma ngechaü̃ i namaxã choxü̃ cungechaxü̃xü̃ rü nawa nangẽxmaxü̃ca̱x rü choma rü nawa nax changexmaxü̃ca̱x —ñanagürü ga Ngechuchu.


Rü nüma ya Cori ya Tupana rü ñanagürü: —Choma rü pexü̃ changechaü̃ —ñanagürü. Natürü i pemax rü penangãxü̃ rü ñapegürügü nüxü̃: —¿Ñuxãcü nüxü̃ tacua̱x nax toxü̃ cungechaxü̃xü̃? —ñapegürügü nüxü̃. Rü nüma ya Cori ya Tupana rü pexü̃ nangãxü̃ rü ñanagürü: —Choma rü guma nũxcümaü̃cü ga perü o̱xi ga Acóbuxü̃ changechaü̃ rü ngẽmawa pexü̃ chanawe̱x nax poraãcü pexü̃ changechaü̃xü̃. Rü woo nügüenexẽgü nax yixĩgüxü̃, natürü Acóbuxü̃ changechaü̃ rü Echaúxü̃ chaxo. Rü tama Echaúmaxã chataãxẽ rü yemaca̱x norü naane i máxpü̱xanexü̃ nax yixĩxü̃ rü chianexü̃xü̃ chananguxuchixẽxẽ, rü naeü̃gü i düraexü̃ nawa changexmagüxẽxẽ —ñanagürü.


Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.


¿Rü ñuxãcü chi choxü̃́ peyaxõgü ega naxca̱x pedaugügu nax duü̃xü̃gü pemaxã taãxẽxü̃ rü tama naxca̱x pedaugügu nax Tupana ya nügümaxã wüxicacü pemaxã taãxẽxü̃?


Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.


Rü yíxema tüxü̃́ nataxúxe rü guxü̃guma norü ngúchaü̃maxã tüxna nanaxãmare i diẽru. Rü ngẽma nacüma i mexü̃ rü taguma nüxü̃ narüchau nax naxüaxü̃. Rü taxuca̱xma naxãne erü aixcüma nagu namaxü̃ i ngẽma nüxü̃ yaxuxü̃.


Rü nüma ya Cori ya Tupana rü chauéanüwa choxü̃ nango̱xẽxẽ nax norü duü̃xü̃ chixĩxü̃ca̱x rü ngẽmaãcü Iraétanüxü̃ i Acóbuarü duü̃xü̃güxü̃ naxca̱x chawoeguxẽẽxü̃ca̱x nax wenaxarü norü duü̃xü̃gü yixĩgüxü̃ca̱x. Rü Tupanape̱xewa rü poraãcü nüxü̃́ chame rü ngẽmaca̱x choxü̃ naporaxẽxẽ. Rü ngẽma nixĩ i nagu charüxĩnü.


Nüma rü nüxü̃ nangechaxü̃ ga yema nũxcümaü̃güxü̃ ga perü o̱xigü, rü yemaca̱x nayadexechigü ga yema nataagü. Rü norü poramaxã ínananguxü̃xẽxẽ ga Equítuanewa.


Swiv nou:

Piblisite


Piblisite