Ichaía 43:3 - Tupanaarü Ore

³ Rü choma nixĩ i perü Cori ya perü maxẽxẽẽruxü̃ chixĩxü̃, Pa Iraétanüxü̃x. Rü choma nixĩ i perü Tupana ya Üünecü chixĩxü̃. Rü choma nixĩ ga ãẽ̱xgacü ga Chírume̱xẽgu chayixẽẽxü̃ ga perü uanügü ga Equítuanecüã̱xgü rü Etiopíaanecüã̱xgü rü Chabáanecüã̱xgü nax yemaacü naxme̱xwa ípenguxü̃xü̃ca̱x ga pemax.

Ichaía 43:3 Referans Kwoze

Ichaía 60:16

Rü ngẽma togü i nachixü̃anegü rü tá pexna nanana i ngẽma rümemaegüxü̃ i nawemügü rü ngẽma norü ãẽ̱xgacügü rü tá pexca̱x núma nanana i norü ngẽmaxü̃gü. Rü ngẽmawa tá nüxü̃ pecua̱x nax choma ya Tupana ya poracü yixĩxü̃ i pexü̃ íchapoxü̃xü̃ rü pexü̃ íchanguxü̃xẽẽxü̃, Pa Acóbutanüxü̃x.

Ichaía 45:15

Rü Ichaía rü ñanagürü: —Pa Tupanax, tama cuxü̃ tadau, natürü cuma nixĩ i ícunanguxü̃xẽẽxü̃ i Iraétanüxü̃.

Ínachoxü̃xü̃chiga 20:2

—Choma nixĩ i curü Tupana ga Equítuanewa cuxü̃ íchanguxuchixẽẽxü̃ naxme̱xwa ga Equítuanecüã̱xgü ga puracü cuétü nugüxü̃.

Ichaía 49:26

Rü ngẽma perü uanügü rü nügü tátama nangõ̱xcue, rü nagüwa tátama naxaxegü ñoma bínu yaxaxgüxü̃rüxü̃. Rü ngẽmaãcü i guxü̃ma i duü̃xü̃gü rü tá nüxü̃ nicua̱xãchitanü nax choma ya Cori ya Tupana ya Acóbuarü duü̃xü̃güarü ngü̃xẽẽruxü̃ ya poracü nax chixĩxü̃. Rü choma nixĩ i Iraétanüxü̃xü̃ íchanguxü̃xẽxẽxü̃ —ñanagürü ga Tupana.

Ucu̱xẽgüchiga 21:18

Ngẽma yatü i chixexü̃gu maxü̃xü̃, rü tá napoxcu nagagu nax ngẽma mea maxü̃xü̃ca̱x guxchaxü̃ ínanguxẽẽxü̃. Rü ngẽxgumarüxü̃ ta i ngẽma idorata̱xáxü̃ rü tá ngúxü̃ ninge nagagu nax ngẽma mea maxü̃xü̃ca̱x guxchaxü̃ ínanguxẽẽxü̃.

Ichaía 45:21

Rü pema nax naxchicüna̱xãgümaxã petupanaã̱xgüxü̃ rü name nax pegüna pecagüxü̃ rü choxü̃ penawéxü̃ i ta̱xacüwa pexü̃ nangü̃xẽẽxü̃ i ngẽma perü tupanagü i nainaxca̱x. ¿Rü texé tixĩ ga noxriarü ügügu naxü̃pa nüxü̃ ixuxe i ngẽma tá ngupetüxü̃? ¿Rü texé tixĩ ga nũxcüma nüxü̃ ixuxe ga yema? ¿Rü tama ẽ̱xna choma ya Cori ya Tupana yixĩxü̃? Rü nataxuma i to ya Tupana, rü chaxicatama nixĩ i choxü̃́ nangẽxmaxü̃ i pora nax pexü̃ chimexẽẽgüxü̃ rü pexü̃ íchanguxü̃xẽẽxü̃.

Ochéa 13:4

Rü Tupana rü ñanagürü: —Pa Iraétanüxü̃x, yexguma Equítuanewa peyexmagügucürüwa rü chomatama nixĩ i perü Tupana chixĩxü̃. Rü tama chanaxwa̱xe nax ta̱xacürü tomaxã petupanaã́xü̃, erü chaxicatama nixĩ i perü Tupana rü nataxuma i to i perü poxü̃ruxü̃ ixĩxü̃.

Ichaía 30:11

Rü ñanagürügü ta: —Nüetama ega tama Tupanaga taxĩnüegu. Rü marü name nax nüxna ítachocuxü̃ i ngẽma nama i mexü̃. ¡Rü taxṹ i nape̱xewa toxü̃ pengẽxmagüxẽẽxü̃ ya yimá Iraétanüxü̃arü Tupana ya Üünecü! —ñanagürügü.

Ucu̱xẽgüchiga 11:8

Rü yíxema mexü̃gu rüxĩnüxe rü Tupana rü tüxü̃ ínanguxuchixẽxẽ nawa i guxchaxü̃gü. Natürü ngẽma chixexü̃gu rüxĩnüxü̃ rü guxchaxü̃ naxca̱x ínangu.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Ichaía 20:3

Rü yexguma ga Cori ya Tupana rü ñanagürü: —Chorü duü̃ ya Ichaía rü tomaepü̱x ya taunecü taguma chapatugu nicuaxi rü taguma naxchirugu nicu̱x. Rü ngẽma rü wüxi i cua̱xruxü̃ nixĩ naxca̱x i ngẽma Equítuanecüã̱xgü rü Etiopíaanecüã̱xgü nax ngẽmawa nüxü̃ nacuáxü̃ca̱x i ta̱xacü tá namaxã ngupetüxü̃.

Ínachoxü̃xü̃chiga 10:7

Rü yexguma ga Faraóü̃arü ngü̃xẽẽruü̃gü rü ñanagürügü nüxü̃: —Pa Ãẽ̱xgacüx ¿nidaamatama nax guxchaxü̃ nua tüxna naxãxü̃ i ngẽma yatü i Moiché? ¡Yange̱xgü i ngẽma duü̃xü̃gü nax norü Cori ya Tupanaxü̃ yanacua̱xüü̃güxü̃ca̱x! ¿Ẽ̱xna, tama nüxü̃ cudau, Pa Ãẽ̱xgacüx, nax ñaa Equítuane rü guxü̃wama marü nachixexü̃? —ñanagürügü.

Naanearü ügüchiga 10:7

Rü Cúx nanegü nixĩ ga Chebá, rü Abirá, rü Chaxtá, rü Raamá rü Chaxtecá. Rü Raamá nanegü nixĩ ga Chebá rü Dedáü̃.

Lebítanüxü̃arü puracüchiga 11:44

Erü choma nixĩ i Cori ya perü Tupana chixĩxü̃. Rü pema rü name nax pengearü ãũãchiã́xü̃ rü pexüünegüxü̃ erü choma rü chaxüüne. Rü ngẽmaca̱x nixĩ i tama namexü̃ nax pegü namaxã pexãũãchixü̃ i ngẽma naeü̃gü i waixü̃müanegu naxtanecamaxã nügü itúchigüãcüma ixĩxü̃.

Wiyaegü 72:10

Rü ngẽma Tárchixanearü ãẽ̱xgacü, rü Capaxũgüarü ãẽ̱xgacü, rü Chabáanearü ãẽ̱xgacü, rü Chebáanearü ãẽ̱xgacü, rü name nixĩ i guxü̃ma i ngẽma ãẽ̱xgacügü rü torü ãẽ̱xgacüxü̃tawa nanana i norü ãmaregü.

Ichaía 19:20

Rü ngẽma rü wüxi i cua̱xruxü̃ tá nixĩ nax ngẽmawa duü̃xü̃gü nüxü̃ nacua̱xgüxü̃ca̱x nax Equítuanewa Cori ya Tupanaxü̃ yacua̱xüü̃güxü̃. Rü ngẽxguma ngẽma Equítuanecüã̱xgü rü Cori ya Tupanana nacagügu nax ngẽma duü̃xü̃gü i chixri namaxã chopetüxü̃me̱xẽwa ínanguxü̃xẽẽãxü̃ca̱x, rü nüma ya Cori ya Tupana rü tá natanüwa nanamu i wüxi i norü ngü̃xẽẽruxü̃ nax ínapoxü̃ãxü̃ca̱x rü ínanguxü̃xẽẽãxü̃ca̱x naxme̱xwa i norü uanügü.

Ichaía 42:8

Rü choma nixĩ ya Tupana i Guxãétüwa Changexmaxü̃, rü ngẽma nixĩ i chauéga. Rü tama chanaxwa̱xe nax ngẽma tupananetagüxü̃mare yacua̱xüü̃güxü̃ i duü̃xü̃gü, erü chaxicatama nixĩ i namexü̃ nax choxü̃ yacua̱xüü̃güxü̃.

Ichaía 43:11

Rü chaxicatama nixĩ ya Tupana chixĩxü̃, rü chaxicatama nixĩ i pexü̃ íchapoxü̃xü̃ —ñanagürü.

Ichaía 45:14

Rü nüma ya Tupana rü Iraétanüxü̃xü̃ ñanagürü ta: —Ngẽma Equítuanecüã̱xgü i naanewa puracüexü̃, rü ngẽma Etiopíaanecüã̱xgü i taxetanüxü̃, rü ngẽma Chabácüã̱xgü i imáchanexü̃chixü̃ rü tá cuxme̱xwa nangẽxmagü. Rü cadénamaxã íchotachacüüãcü tá cuwe narüxĩ. Rü cupe̱xegu tá nacaxã́pü̱xügü rü ñanagürügü tá: “Aixcümaxü̃chi nixĩ i cutanüwa nangẽxmaxü̃ ya Tupana rü nataxuma i to ya Tupana”, ñanagürügü tá —ñanagürü ga Tupana.

Ichaía 63:8

Rü Tupana rü ñanagürü: —Nümagü rü chorü duü̃xü̃gü nixĩgü, rü chaunegü i aixcüma chauga ĩnüexü̃ nixĩgü —ñanagürü. Rü ngẽmaca̱x norü uanügüme̱xẽwa ínananguxü̃xẽxẽ.

Yeremía 14:8

Pa Tupanax, cuxü̃́ nixĩ i tayaxõgüxü̃ i toma i Iraétanüxü̃. Rü cuma nixĩ i toxü̃ ícunguxü̃xẽẽxü̃ i ngẽxguma guxchaxü̃wa tangexmagügu. ¿Rü ta̱xacüca̱x i ñu̱xma rü to i nachixü̃anecüã̱xrüxü̃ quixĩ i ñaa tochixü̃anewa? ¿Rü ta̱xacüca̱x ñoma wüxi i duü̃xü̃ i to i nachixü̃anewa ne ũxü̃ rü paxaãchi nuxã ípemarexü̃rüxü̃ quixĩ?

Yeremía 16:21

Rü nüma ga Cori ya Tupana rü Yeremíaxü̃ nangãxü̃ rü ñanagürü: —Ngẽmaca̱x i choma rü noxtacüma tá ngẽma duü̃xü̃güxü̃ chanawe̱x i chorü pora. Rü ngẽmaãcü tá nüxü̃ nacua̱xgü nax choma chixĩxü̃ ya Cori ya Tupana —ñanagürü.

Echequié 39:7

Rü ngẽmaãcü tá chorü duü̃xü̃gü i Iraétanüxü̃xü̃ nüxü̃ chacua̱xẽxẽ i chauéga i üünexü̃. Rü tama chanaxwa̱xe nax chixri nachiga yadexagüechaxü̃ i chauéga. Rü ngẽma togü i nachixü̃anegü rü tá nüxü̃ nacua̱xgü nax choma ya Cori ya Tupana rü Iraéanewa ichanawéxü̃ i chorü üüne.

Amúx 9:7

Rü nüma ya Cori ya Tupana rü ñanagürü: —Pa Iraétanüxü̃x, chope̱xewa rü pewüxigumare namaxã i ngẽma Etiopíaanecüã̱xgü. Rü yema nax Equítuanewa pexü̃ íchagaxü̃rüxü̃ nixĩ ga Crétawa íchanagaxü̃xü̃ ga Firitéugü, rü Quíruwa íchanagaxü̃xü̃ ga Araméutanüxü̃ —ñanagürü.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.