Ichaía 42:8 - Tupanaarü Ore

⁸ Rü choma nixĩ ya Tupana i Guxãétüwa Changexmaxü̃, rü ngẽma nixĩ i chauéga. Rü tama chanaxwa̱xe nax ngẽma tupananetagüxü̃mare yacua̱xüü̃güxü̃ i duü̃xü̃gü, erü chaxicatama nixĩ i namexü̃ nax choxü̃ yacua̱xüü̃güxü̃.

Ichaía 42:8 Referans Kwoze

Ichaía 48:11

Rü ngẽmaãcü chanaxü erü chaugünatama chadau nax taxúema chixri chauchiga idexaxü̃ca̱x. Rü tama chanaxwa̱xe nax chauchicüxü ta̱xacürü tupananetaxü̃mare picua̱xüü̃güxü̃ —ñanagürü.

Ichaía 43:11

Rü chaxicatama nixĩ ya Tupana chixĩxü̃, rü chaxicatama nixĩ i pexü̃ íchapoxü̃xü̃ —ñanagürü.

Ínachoxü̃xü̃chiga 34:14

Rü tama chanaxwa̱xe i ta̱xacürü tupananetaxü̃mare picua̱xüü̃gü erü choma ya pexrü Cori ya Tupana rü inuxwa̱xecü chixĩ rü ngẽmatama nixĩ i chauéga.

Wiyaegü 83:18

Rü ngẽmaãcü tá nüxü̃ nacua̱xgü nax cuxicatama yixĩxü̃ i Cori ya Tupana quixĩxü̃, rü cuxicatama yixĩxü̃ i Guxãétüwa Cungexmaxü̃ i ñoma i naanewa.

Ínachoxü̃xü̃chiga 4:5

Rü nüma ga Cori ya Tupana rü ñanagürü: —Rü ngẽma cuxü̃ chawéxü̃, rü ngẽma nixĩ i cua̱xruxü̃ nax cuxü̃́ yaxõgüãxü̃ca̱x i ngẽxguma namaxã nüxü̃ quixuxgu nax aixcüma cuxca̱x changóxü̃ i chomax nax curü o̱xigü ya Abraáü̃ rü Ichaá rü Acóbuarü Tupana nax chixĩxü̃ —ñanagürü.

Ore i mexü̃ ga Cuáü̃ ümatüxü̃ 8:58

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü tauta Abraáü̃ ngo̱xgu rü choma rü marü chayexma —ñanagürü.

Wenaxarü naxümatü ga Tupanaarü mugü 28:58

Rü ngẽma tá cuxü̃ nangupetü ega ngẽxguma taxũtáma nagu cumaxü̃gu i guxü̃ma i ngẽma mugü rü ucu̱xẽgü i ñaa poperagu ümatüxü̃ rü tama naga cuxĩnügu rü nüxü̃ cungechaxü̃gu i curü Cori ya Tupana ya poraxüchicü rü ãũcümacü.

Wiyaegü 66:2

¡Rü perü wiyaemaxã penataxẽxẽ i naéga i üünexü̃! ¡Rü perü wiyaegümaxã nüxü̃ picua̱xüü̃gü!

Ichaía 43:3

Rü choma nixĩ i perü Cori ya perü maxẽxẽẽruxü̃ chixĩxü̃, Pa Iraétanüxü̃x. Rü choma nixĩ i perü Tupana ya Üünecü chixĩxü̃. Rü choma nixĩ ga ãẽ̱xgacü ga Chírume̱xẽgu chayixẽẽxü̃ ga perü uanügü ga Equítuanecüã̱xgü rü Etiopíaanecüã̱xgü rü Chabáanecüã̱xgü nax yemaacü naxme̱xwa ípenguxü̃xü̃ca̱x ga pemax.

Danié 5:4

Rü guxü̃ma ga yema yéma yexmagüxü̃ rü bínu nixaxgü rü nüxü̃ nicua̱xüü̃gü ga norü tupananetachicüna̱xãgü ga úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x ixĩgüxü̃.

Ichaía 48:5

Rü ngẽmaca̱x ü̃pacürüwatama, rü naxü̃pa nax yanguxü̃ rü pemaxã nüxü̃ chixu i ngẽma tá ngupetüxü̃ nax ngẽmaãcü tama ñapegügüxü̃ca̱x: “Ngẽma naxchicüna̱xã i namaxã chatupanaã̱x nixĩ i naxüxü̃ i ngẽma”, ñapegügüxü̃.

Ichaía 48:6

Rü ngẽxguma chi mea nagu perüxĩnüegu i ngẽma nüxü̃ chixuxü̃, rü chi nüxü̃ pecua̱x nax aixcüma yixĩxü̃ i ngẽma. Rü ñu̱xma rü tá pemaxã nüxü̃ chixu i ngexwaca̱xü̃xü̃ i oregü i ẽxü̃guxü̃ rü taguma nüxü̃ pecuáxü̃.

Yeremía 33:2

—Choma ya Cori ya Tupana ga nango̱xẽẽcü i ñaa naane, rü nachicagu naxücü nax tama ngéma yaxũgachixü̃ca̱x, rü choma nixĩ i cuxü̃ ñachaxü̃: