Ichaía 42:4 - Tupanaarü Ore

⁴ Rü nüma rü tagutáma inarüngü̃. Rü tagutáma nüxü̃ narüchau ñu̱xmatáta ñoma i naanewa maxẽxü̃ i duü̃xü̃gü mea nügümaxã inacuáxe. Rü woo ngẽma nachixü̃anegü i yáxü̃wa ngẽxmagüxü̃ i már arü tocutüwa rü tá mea nanayauxgü i norü ngu̱xẽẽtae —ñanagürü.

Ichaía 42:4 Referans Kwoze

Ichaía 55:5

Rü pemax, Pa Iraéanecüã̱xgüx, rü tá naxca̱x pengẽma i togü i nachixü̃anecüã̱xgü i tama pexü̃ cuáxü̃. Rü nümagü rü tá paxaãẽãcü pexca̱x naxĩ, erü choma i perü Tupana ya Üünecü rü guxü̃ma i ngẽma nachixü̃anegüétüwa pexü̃ changexmagüxẽxẽ —ñanagürü ya Cori ya Tupana.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Ore i mexü̃ ga Matéu ümatüxü̃ 12:21

Rü guxü̃ma i duü̃xü̃gü i ñoma i naanecüã̱x rü tá naxca̱x naxĩ nax nayauxgüãxü̃ca̱x i norü maxü̃ i taguma gúxü̃”, ñanagürü ga Ichaía.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Wiyaegü 22:27

Rü Pa Guxãma i Pema i Ñoma i Naanewa Maxẽxex ¡rü nüxna pecua̱xãchie ya Cori ya Tupana rü naxca̱x pexĩ! ¡Rü nape̱xegu pecaxã́pü̱xügü rü nüxü̃ picua̱xüü̃gü!

Chacaría 2:11

Rü ngẽxguma nawa nanguxgu i ngẽma ngunexü̃ rü muxü̃tama i nachixü̃anegü rü tá Cori ya Tupanawe narüxĩ. Rü nüma rü ñanagürü tá: —Ngẽma nachixü̃anegüarü duü̃xü̃gü rü tá chorü duü̃xü̃gü nixĩgü. Rü choma rü tá natanüwa chamaxü̃ —ñanagürü. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Ichaía 66:19

Rü wüxi i cua̱xruxü̃ tá nüxü̃ chawe̱x i ngẽma duü̃xü̃gü i maxẽxü̃. Rü togü i nachixü̃anegüwa tá chanamugü i Tárchixwa rü Líbiawa rü Lídiawa i ngextá mea würaarü maxü̃xü̃ ínacua̱xgüxü̃wa. Rü tá nawa chanamugü i Tubáxwa rü Gréchiawa rü ngẽma nachixü̃anegü i yáxü̃wa ngẽxmagüxü̃ i márpechinüwa i ngextá taguma chauchigaxü̃ ínaxĩnüexü̃wa rü taguma chorü poraxü̃ ínadaugüxü̃wa. Rü nümagü rü tá ngẽma nachixü̃anegüwa nüxü̃ nixugüe i chorü porachiga.

Ichaía 42:12

Rü pema i nachixü̃anegü i márpechinüwa maxẽxü̃ i duü̃xü̃gü ¡rü nüxü̃ picua̱xüxü̃gü rü moxẽ nüxna pexãgü!

1 Corintios 9:21

Rü yexguma natanüwa chayexmagu ga yema duü̃xü̃gü ga tama Yudíugü ixĩgüxü̃, rü yema duü̃xü̃gümaxã chaugü chawüxiguxẽxẽ nax yemaacü nüxü̃ charüngü̃xẽẽxü̃ca̱x nax Cristuaxü̃́ yaxõgüãxü̃ca̱x. Natürü taguma íchanange̱x i Tupanaarü mugü. Rü guxü̃guma Cristuarü mugütüü̃wa changexma.

Ichaía 49:1

Pema i nachixü̃anegü i márpechinüwa ngẽxmagüxü̃ rü pema i nachixü̃anegü i yáxü̃wa ngẽxmagüxü̃, ¡rü choxü̃́ iperüxĩnüe! Nüma ya Cori ya Tupana choxü̃ naxuneta naxü̃pa nax chabuxü̃. Rü nüxü̃ nixu i chauéga ga yexguma chaueanüwatama chayexmagu.

Ichaía 41:5

Rü yema márpechinüwa yexmagüxü̃ ga nachixü̃anegücüã̱x rü yexguma norü uanüxü̃ nadaugügu nax norü churaragümaxã yéma ne naxũxü̃ rü guxü̃wama ga naanewa muü̃maxã nidu̱xruxe ga duü̃xü̃gü —ñanagürü ya Tupana.

Ichaía 40:28

¿Ẽ̱xna tama nüxü̃ cucua̱x rü tama nüxü̃ cuxĩnü? Rü nüma ya Cori ya Tupana ya guxü̃guma ngẽxmacü rü naanearü üruxü̃ ixĩcü, rü taguma nanaxĩ̱xãchiãxẽ rü taguma nipa. Rü ngẽma norü cua̱x rü taguma inayagu̱x.

Ichaía 42:10

Rü ñanagürü ga Ichaía: —¡Tupanaxü̃ picua̱xüü̃gü wüxi i ngexwaca̱xü̃xü̃ i wiyaemaxã! Rü guxü̃ma i nachixü̃anecüã̱x i ñoma i naanewa ngẽxmagüxü̃, rü guxü̃ma i duü̃xü̃gü i yáxü̃wa márcutüwa maxẽxü̃, rü guxü̃ma i duü̃xü̃gü i márgu yarüxĩĩxü̃, rü guxü̃ma i márwa maxẽxü̃, rü name nixĩ i Tupanaxü̃ nicua̱xüü̃gü.

Ichaía 42:21

Rü nüma ya Tupana rü wüxi ya Tupana ya ípoxü̃wa̱xecü nixĩ, rü ngẽmaca̱x nanatachigaxẽẽchaü̃ i norü ngu̱xẽẽtaegü i mexẽchixü̃.

Ichaía 51:4

Rü ñanagürü ta ga Tupana: —Pa Chorü Duü̃xü̃güx ¡choxü̃́ iperüxĩnüe! ¡Rü chauga pexĩnüe, Pa Iraétanüxü̃x! Rü choma rü tá chanango̱xẽxẽ i ngẽma chorü ore. Rü chorü mugü rü guxü̃ i nachixü̃anegüarü nangóonexẽẽruxü̃ tá nixĩ.

Ichaía 51:5

Rü choma rü paxa tá chorü duü̃xü̃güxü̃ íchapoxü̃. Rü paxa tá íchananguxü̃xẽxẽ naxme̱xwa i norü uanügü. Rü chorü poramaxã tá guxü̃ i nachixü̃anegümaxã ichacua̱x. Rü ngẽma nachixü̃anegü i yáxü̃wa már arü tocutüwa ngẽxmagüxü̃ rü tá cha̱u̱xca̱x nadaugü rü tá chorü porana narüyoü̃.

Ichaía 40:22

Rü nüma ya Tupana rü ngẽma naanexü̃ idüxüxü̃arü dauxü̃waama nangẽxma i norü tochicaxü̃. Rü ngéma duü̃xü̃güxü̃ nadau nax ñoma munügürüxü̃ yaxĩgüxü̃. Rü nüma nayangexechi i ngéma dauxü̃wa ngẽxmaxü̃ rü nayatexechi i ngẽma dauxü̃wa nüxü̃ idauxü̃ ñoma wüxi ya ĩpata ya naxchirunaxca̱x itexechixü̃rüxü̃.

Danié 9:24

Rü 70 i yüxügü ngupetüguwena rü yima curü ĩane ya üünene ya Yerucharéü̃ rü ngẽma curü duü̃xü̃gü i Iraétanüxü̃ rü düxwa tá inayarüxo i norü chixexü̃ i naxügüxü̃ rü tá Tupanaga naxĩnüe. Rü Tupana tá nüxü̃́ inanaxoxẽxẽ i ngẽma norü chixexü̃gü, rü tá nüxü̃́ nüxü̃ inarüngüma i ngẽma norü chixexü̃. Rü tá ningucuchi ya yimá aixcüma mecü nax guxü̃guma norü duü̃xü̃gümaxã mea inacuáxü̃ca̱x. Rü ngẽmaãcü tá ningu ga yema Tupana cuxü̃ wéxü̃. Rü wena tá nanamexẽxẽ ya yima napata ya üünene.

Ore i mexü̃ ga Márcu ümatüxü̃ 3:3

Rü yexguma ga Ngechuchu rü ñanagürü nüxü̃ ga gumá yumécü: —¡Írüda, rü nuxã ngãxü̃tanügu yachi! —ñanagürü.