Biblia Todo Logo
Bib sou entènèt

- Piblisite -




Ichaía 42:3 - Tupanaarü Ore

3 Rü ñoma wüxi ya dexne ya ibüyene natürü tama yabüyexüchinerüxü̃, rü nüma ya chorü duü̃ rü taxũtáma tüxü̃ naxoxochi ya yíxema tümaarü õwa turaxe. Rü ñoma wüxi ya turuchira i íxrarüwatama naixü̃ne tama yaxoxẽẽnerüxü̃, rü nüma rü taxũtáma tüxü̃ nixoxẽxẽ ya yíxema yaxõxchaü̃xe. Rü aixcümaxü̃chi tá mea guxãmaxã inacua̱x.

Gade chapit la Kopi




Ichaía 42:3
34 Referans Kwoze  

Rü choma rü tá naxca̱x chadau i chorü carnérugü i iyarütauxexü̃. Rü tá chayagagü i ngẽma chorü carnérugü i choxna ítüexü̃. Rü ngẽma ibüyeparagüxü̃ rü tá chayanaixgüpara. Rü ngẽma turaexü̃ rü tá nüxü̃ charüngü̃xẽxẽxü̃ natürü ngẽma ingüexü̃ rü iporaexü̃ rü tá chayanaxoxẽxẽ. Rü ngẽmaãcü i choma rü tá mea namaxã ichacua̱x i chorü carnérugü —ñanagürü.


¡Rü nua chauxü̃tawa pexĩ i guxãma i pema ya ipaexe nagagu i perü guxchaxü̃gü rü perü ĩ̱xãchiãẽgü! Rü choma rü tá pexü̃ icharüngü̃güxẽxẽ.


Rü choma ya Cori ya Tupana rü mea tá chanachibüexẽxẽ rü chayaxaxegüxẽxẽ i guxü̃ma i ngẽma ipaexü̃ rü turaexü̃ —ñanagürü.


Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.


Rü nüma rü tüxü̃ nataãẽxẽxẽ ya yíxema poraãcü ngechaü̃ ingegüxe rü tüxü̃́ nayana̱i̱xgü i tümaarü o̱xrigü.


Choma rü taxucürüwa ta̱xacü chaxü chauechamatama ega tama choxü̃ naxüxẽẽãgu ya Chaunatü. Rü Chaunatü chomaxã nüxü̃ ixuxü̃ãcüma nixĩ i nüxna chacaxü̃ i duü̃xü̃gü i norü maxü̃chiga. Rü ngẽxguma nüxna chacaxgu rü aixcüma meama chanangugü i duü̃xü̃gü. Erü tama choxrütama ngúchaü̃ nixĩ i ngẽma chaxüxü̃, natürü Chaunatü ya nua choxü̃ mucüarü ngúchaü̃ nixĩ i ngẽma chaxüxü̃.


Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.


Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!


Rü yexguma Tumáchixü̃ ñanagürü ga Ngechuchu: —¡Nagu ixu i ñaa chorü itapuamaxü̃ i cho̱xme̱xwa ngẽxmaxü̃, rü nüxü̃ nadau ya daa cho̱xme̱x! ¡Rü nagu ixu i chorü canapacütüxü̃! ¡Rü tama name nax tama cuyaxõxü̃! ¡Rü yaxõ! —ñanagürü.


Rü aixcüma chixexü̃ chaxü Cori ya Tupanape̱xewa, rü ngẽmaca̱x ñu̱xma nax choxü̃ napoxcuxü̃ rü tá yáxna namaxã chaxĩnü. Rü nüma rü tá choxü̃ ínapoxü̃ nüxna i chorü uanü, rü tá nanapoxcu naxca̱x i ngẽma chixexü̃ i chope̱xewa naxüxü̃. Rü nüma ya Tupana rü tá ẽanexü̃wa choxü̃ ínanguxuchixẽxẽ rü ngóonexü̃wa tá choxü̃ naga. Rü tá choxü̃ nanawe̱x nax ñuxãcü tá chorü uanüxü̃ choxü̃ naporamaexẽẽxü̃.


¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.


Rü choma i Ichaía rü ñachagürü: —Tupana rü choxü̃ nangu̱xẽxẽ nax norü ore i taãxẽ tüxna ãxü̃maxã chayaxucu̱xẽgüxü̃ nax naporaexü̃ca̱x i ngẽma ipaexü̃ rü ngúxü̃ ingegüxü̃. Rü guxü̃ i pa̱xmama rü Tupana choxü̃ ínarüdaxẽxẽ nax wüxi i ngúetanüxü̃ i mexü̃rüxü̃ nüxü̃ chaxĩnüxü̃ca̱x i norü ngu̱xẽẽtae.


Rü yimá dexne ya ibüyecü rü taxũtáma nayabüyexüchi. Rü ngẽma omü i íxrarüwatama ngéma icaixquexü̃ rü taxũtáma nayaxoxẽẽxü̃chi. Rü mea tá duü̃xü̃gümaxã inacua̱x ñu̱xmatáta guxü̃ i chixexü̃xü̃ naporamae.


Rü nüma ya Tupana rü tá naxca̱x nanatáeguxẽxẽ i ngẽma chixexü̃ i chorü uanügü chauxca̱x nagu rüxĩnüexü̃. Pa Tupanax, cuma rü aixcümacü quixĩ, rü ngẽmaca̱x chanaxwa̱xe nax icuyanaxoxẽẽxü̃ i ngẽma chorü uanügü.


Rü ngẽma aixcüma mexü̃ i nacüma rü tá wena duü̃xü̃güca̱x nataegu. Rü guxü̃ma i duü̃xü̃gü i mexü̃gu rüxĩnüexü̃ rü tá nagu naxĩ.


Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.


Rü nüma rü namecüma. Rü tagutáma nipura, rü taxúexü̃táma nanga i ĩanemaxü̃güwa.


Rü nüma ya Cori ya Tupana rü tá nanamexẽxẽ i guxü̃ma i nachixü̃anegüarü guxchaxü̃gü. Rü ngẽma nachixü̃anegü i nügümaxã nuexü̃ rü Cori ya Tupana rü tá nügümaxã nanangüxmüexẽxẽ. Rü ngẽma naxnegü i namaxã nügü nada̱i̱xü̃ rü norü puracüruxü̃ tá nayaxĩgüxẽxẽ. Rü taxuxü̃táma i ĩanegü daigu nügümaxã narüxĩnüe rü bai tá i daica̱x nügü nax nangúexẽẽxü̃.


—¿Texé tixĩ ya yíxema tümachiru i daucharaxü̃maxã ĩane ya Bochráwa ne ũxẽ i Edóü̃arü naanewa? ¿Rü texé tixĩ ya poraãcü rü nuãcü tümachiru i mexẽchixü̃maxã ngéma ne ũxẽ? Rü choma i Iraétanüxü̃arü Tupana chixĩ i nüxü̃ chixuxü̃ nax charüporamaexü̃. Rü choxü̃́ nangẽxma i pora nax íchananguxü̃xẽẽxü̃.


Swiv nou:

Piblisite


Piblisite