Ichaía 42:12 - Tupanaarü Ore

¹² Rü pema i nachixü̃anegü i márpechinüwa maxẽxü̃ i duü̃xü̃gü ¡rü nüxü̃ picua̱xüxü̃gü rü moxẽ nüxna pexãgü!

Ichaía 42:12 Referans Kwoze

Ichaía 42:4

Rü nüma rü tagutáma inarüngü̃. Rü tagutáma nüxü̃ narüchau ñu̱xmatáta ñoma i naanewa maxẽxü̃ i duü̃xü̃gü mea nügümaxã inacuáxe. Rü woo ngẽma nachixü̃anegü i yáxü̃wa ngẽxmagüxü̃ i már arü tocutüwa rü tá mea nanayauxgü i norü ngu̱xẽẽtae —ñanagürü.

Wiyaegü 22:27

Rü Pa Guxãma i Pema i Ñoma i Naanewa Maxẽxex ¡rü nüxna pecua̱xãchie ya Cori ya Tupana rü naxca̱x pexĩ! ¡Rü nape̱xegu pecaxã́pü̱xügü rü nüxü̃ picua̱xüü̃gü!

1 Chamué 6:5

Rü ngẽmaca̱x name nixĩ i ípenaxüxü̃ i ngẽma taixnachicüna̱xãgü rü naxchicüna̱xãgü i ngẽma ü̃cagü i guxchaxü̃ pexna ãxü̃ i perü ĩanewa. ¡Rü nüxü̃ picua̱xüxü̃ ya yimá Iraéanecüã̱xgüarü Tupana! Rü bexmana ngẽmaãcü tá nüxü̃ narüchau nax pexü̃ yada̱xaweexẽẽxü̃, rü pexü̃ napoxcuexü̃ i pemax rü perü tupanagü rü perü naane.

Wiyaegü 66:2

¡Rü perü wiyaemaxã penataxẽxẽ i naéga i üünexü̃! ¡Rü perü wiyaegümaxã nüxü̃ picua̱xüü̃gü!

Wiyaegü 97:1

¡Nataãxẽ, Pa Ñoma i Naanex! Rü pema Pa Muxü̃ i Capaxũgüx ¡rü petaãxẽgü! Erü nüma ya Cori ya Tupana nixĩ i guxü̃arü ãẽ̱xgacü yixĩxü̃.

Ichaía 12:4

Rü ngẽxguma rü tá ñaperügügü: —¡Moxẽ nüxna pexã rü nüxü̃ picua̱xüü̃gü ya Cori! ¡Rü to i nachixü̃anegümaxã nüxü̃ pixu i ngẽma mexü̃ i pexca̱x naxüxü̃! ¡Rü nüxna pecua̱xãchie nax nüma yixĩxü̃ i guxãétüwa nangẽxmaxü̃!