Ichaía 42:11 - Tupanaarü Ore

¹¹ Rü pema i chianexü̃ rü ĩanegü̃ i chianexü̃wa ngẽxmagüxe ¡rü petaãxẽgü! Rü pema i Quedáxcüã̱x ¡rü petaãxẽgü! Rü pema i Cherácüã̱x rü name nixĩ nax yima ma̱xpǘnegüchitaeruwa taãxẽãcü rü tagaãcü pewiyaegüxü̃ nax Tupanaxü̃ picua̱xüxü̃güxü̃.

Ichaía 42:11 Referans Kwoze

Ichaía 32:16

Rü ngẽma nachixü̃anewa rü guxü̃watama i duü̃xü̃gü rü we̱xgu tá namaxẽ rü tá aixcüma nügümaxã namecümagü.

Ichaía 60:7

Rü ngẽma Quedáxanecüã̱xarü carnérugü rü pexrü tá nixĩgü. Rü ngẽma Nebaióxanearü carnérugü rü pexme̱xwa tá nangẽxmagü nax ãmare i namaxã chataãẽxü̃ cha̱u̱xca̱x piguxü̃ca̱x i chorü ãmarearü guruü̃wa. Rü choma rü tá yexera chanamexẽxẽ ya chopata ya taxü̃ne.

Naúü̃ 1:15

Dücax, Pa Yudáanecüã̱xgü, marü máxpü̱xanexü̃wa ne naxũ ya yima orearü uruxü̃ i mexü̃ i orexü̃ nua yarüxucü. ¡Penaxüchiga i perü petagü rü peyanguxẽxẽ i ngẽma unetagü i Tupanamaxã pexüxü̃! Rü tagutáma wena pexca̱x ínayaxüãchi i ngẽma chixexü̃arü üruü̃gü, erü marü inarüxo.

Ichaía 52:7

Rü wüxi i taãxẽ nixĩ nax ma̱xpǘneanewa taxca̱x ne naxũxü̃ ya yimá orearü ngeruxü̃ i mexü̃ i ore taxca̱x nua ngecü rü tamaxã nüxü̃ ixucü nax Tupana tá tüxü̃ rüngü̃xẽẽxü̃ rü tüxü̃ ínanguxü̃xẽẽxü̃ naxme̱xwa i tórü uanü. Rü wüxi i taãxẽ tá nixĩ i ngẽxguma Chióü̃cüã̱xgüxü̃ ñaxgu: —Perü Tupana rü marü pemaxã inacua̱x —ñaxgu.

Ichaía 35:6

Rü ngẽma ibüyeparagüxü̃ rü ñoma cowü iyayuxnegüxü̃rüxü̃ tá nayayuxnegü. Rü ngẽma tama idexagüxü̃ rü aita tá naxüe. Rü ngextá taxúema íxãpataxü̃wa i íyapaanexü̃wa rü taxü̃ i dexá tá narüyuxü̃chíxü.

Ichaía 21:16

Rü Cori ya Tupana rü chomaxã nidexa rü ñanagürü: —Ñoma wüxi i puracütanüxü̃ i wüxi ya taunecüca̱x nüxü̃ ixunetaxü̃rüxü̃ tá nixĩ nax wüxi ya taunecü inguxgu rü tá nagúxü̃ i norü pora ya yima ĩane ya mexẽchine ya Quedáx.

Ichaía 16:1

Rü Moáanearü ãẽ̱xgacü rü ĩane ya Cheráwa inanamuãchitanü i carnérugü. Rü ínachianexü̃guama namaxã naxĩ ñu̱xmata Chióü̃arü ma̱xpǘnewa nanagagü nax Yudáanearü ãẽ̱xgacüna yamugüãxü̃ca̱x.

Wiyaegü 120:5

Rü chaugümaxã changechaü̃ erü natanüwa changexma i ngẽma Méchecüã̱xgü. Rü ngẽma Quedáxtanüxü̃ ínaxãchiü̃güxü̃gu chamaxü̃.

Naanearü ügüchiga 25:23

Rü Tupana rü ngĩxü̃ nangãxü̃ rü ñanagürü: —Nataxree̱xpü̱x nixĩ i ngẽma cunegü i cuanüwa ngẽxmagüxü̃. Rü nüma i taxre rü wüxichigü tá nachixü̃anemaxã inacua̱x. Rü naxü̃pa nax nabuexü̃ rü nügü nadai. Rü wüxi tá nixĩ i rüporamaexü̃. Rü ngẽma rübumaexü̃ rü ngẽma rüyamaexü̃arü yexera tá nixĩ —ñanagürü.

Yeremía 49:16

Cuma rü cugü quicua̱xüxü̃ namaxã i curü pora i namaxã cunamuü̃xẽxẽ i ngẽma togü i nachixü̃anegü. Rü nutagüarü ãxmaxü̃güwa pemaxẽ ya ma̱xpǘnegüarü ngüchitaeruxü̃güwa. Natürü woo ñoma ĩyürüxü̃ ngüchitaeruxü̃gügu pexü̃́ nangẽxmagügu i pechica, rü choma rü ngéma tá pexü̃ ícharüxĩgüxẽxẽama. Rü choma ya Cori ya Tupana nixĩ i ngẽma ñachaxü̃” —ñanagürü.

Yeremía 48:28

¡Rü nüxna pexĩgü ya perü ĩanegü, Pa Moáanecüã̱xgüx, rü nuta ya tacügüarü ãxmaxü̃wa peyamaxẽ ñoma muxtucugü i ma̱xpǘnechitaerugu üxchiaü̃güxü̃rüxü̃!

Yeremía 21:13

Rü Cori ya Tupana rü ñanagürü ta: “Pa Ĩane ya Yerucharéü̃x, cuma rü doxonexü̃maxã icucua̱x ñoma wüxi ya nuta ya taxüchicü ya doxonexü̃wa ngẽxmacürüxü̃. Natürü choma ya Cori ya Tupana rü poraãcü cumaxã chanu. Pemax rü ñapegürügü: ‘¿Rü ta̱xacü tá nüxü̃́ natauxcha nax taxca̱x íyaxüãchixü̃? ¿Rü ta̱xacü tá nüxü̃́ natauxcha nax nua tórü cu̱xchicaxü̃wa nangugüxü̃?’ ñaperügügü.

Ichaía 43:19

Rü choma rü tá chanaxü i wüxi i ta̱xacü i ngexwaca̱xü̃xü̃, rü ñu̱xma tátama nüxü̃ pedau i ngẽma. Rü tá chanaxü i wüxi i nama i naxnücüanewa i taxúema íxãpataxü̃wa, rü ngẽma íyapaanexü̃wa rü tá natügü chango̱xẽxẽ.

Ichaía 35:1

Ngẽma chianexü̃ i pamarexü̃ i taxúema íxãpataxü̃wa rü wenatáxarü nawa nangẽxma i taãxẽ. Rü ngéma chianexü̃wa tá narüxügü i putüragü i líriugü rü guxü̃watáma nangẽxma i taãxẽ. Rü nüma ya Cori ya Tupana rü wenatáxarü nanamexẽxẽ i Iraéane i chianexü̃, rü ñoma Líbanuanerüxü̃ tá namexẽchi. Rü ñoma Carméruane i mexechixü̃rüxü̃ rü Charóü̃arü metachinüanerüxü̃ rü ngẽma Iraéanewa tá nabaxca i nanetügü. Rü guxãtáma nüxü̃ tadaugü i Cori ya Tupanaarü pora rü ñuxãcü nax namexẽchixü̃ i nümax.

Abdía 1:3

Rü pemax, Pa Edóü̃anecüã̱xgüx, rü pegütama pewomüxẽxẽ, erü perü poramaxã pegü picua̱xüxü̃. Pema rü ínanutaanexü̃wa pengẽxmagü i ma̱xpǘneanewa. Rü ngẽmaca̱x nagu perüxĩnüe rü taxúetama pexü̃ tarüporamae.

Ichaía 40:3

Rü wüxi i naga nica rü ñanagürü: —¡Cori ya Tupanaca̱x penamexẽxẽ i wüxi i nama i chianexü̃wa dapetüxü̃! Rü ngẽma ínawüxü̃wa ¡rü ipeyanawe̱xãchixẽxẽ! Rü ngẽma ínadoxonexü̃wa ¡rü penagütagü nax mea yawéxü̃ca̱x! Rü ngẽma ínangüchitaeruxü̃wa ¡rü ipeyanawe̱xãchimüanexẽxẽ! Rü ngẽma ínangücureanexü̃wa ¡rü mea penaba̱i̱xmaxẽxẽ!

Ichaía 12:5

¡Rü Cori ya Tupanaca̱x pewiyaegü! Erü nüma rü taxü̃ma i mexü̃ taxca̱x naxü rü ngẽma mexü̃ i taxca̱x naxüxü̃ rü nüma nanaxwa̱xe nax guxü̃ma i ñoma i naanewa i duü̃xü̃gü rü nüxü̃ nacua̱xgüxü̃.

Yeremía 49:31

Rü Cori ya Tupana rü ñanagürü: “¡Naxca̱x ipexĩãchi i ngẽma duü̃xü̃gü i nagu rüxĩnüexü̃ nax taxuxü̃táma ta̱xacü nüxü̃ ngupetüxü̃! Rü ngẽma norü ĩanearü poeguxü̃ rü nataxuma i norü ĩã̱xgü rü nataxuma i norü tairuü̃gü. Rü ngẽma duü̃xü̃gü rü nüxicatama chianexü̃wa namaxẽ.

Echequié 27:21

Rü yema Arábiaanecüã̱x rü guxü̃ma ga Quedáxtanüxü̃arü ãẽ̱xgacügü rü cuxü̃tawa nayataxegü. Rü carnéruxacügümaxã rü carnérugümaxã rü chíbugümaxã cuxü̃́ nanaxütanügü.