Ichaía 41:8 - Tupanaarü Ore

⁸ Rü yexguma ga Cori ya Tupana rü ñanagürü: —Iperüxĩnüe, Pa Iraétanüxü̃x. Pema rü chorü duü̃ ya Acóbu ya nüxü̃ chaxunetacüarü duü̃xü̃gü pixĩgü rü chomücü ya Abraáü̃taagü pixĩgü.

Ichaía 41:8 Referans Kwoze

Popera ga Chantiágu ümatüxü̃ 2:23

Rü yemaacü ningu ga yema Tupanaarü ore ga ümatüxü̃ ga ñaxü̃: “Abraáü̃ rü Tupanaaxü̃́ nayaxõ rü yemaca̱x Tupana nüxü̃ nixu nax mexü̃ ücü yixĩxü̃. Rü yexgumarüxü̃ ta nüxü̃ nixu nax namücü yixĩxü̃ ga Abraáü̃”.

Norü taxre ga to ga popera ga ãẽ̱xgacügüchiga ümatüxü̃ 20:7

Pa Tórü Tupanax, cuma nixĩ ga curü duü̃xü̃gü ga Iraétanüxü̃pe̱xewa ícunawoxü̃xü̃ ga yema duü̃xü̃gü ga nüxíra ñaa naanewa maxẽxü̃. Rü ñaa naane rü cuma rü toxna cunaxã nax guxü̃guma toxrü yixĩxü̃ca̱x, erü curü duü̃ ga Abraáü̃taagü tixĩgü.

Wenaxarü naxümatü ga Tupanaarü mugü 14:2

Erü pema rü perü Cori ya Tupanaarü duü̃xü̃gü pixĩgü, rü nüma rü pexü̃ naxuneta natanüwa i guxü̃ma i ñoma i naanewa maxẽxü̃ i duü̃xü̃gü nax noxrü pixĩgüxü̃ca̱x.

Ichaía 51:2

Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Ichaía 44:21

“Pa Iraétanüxü̃ i Acóbuarü Duü̃xü̃güx, ¡rü nüxna pecua̱xãchie nax chorü duü̃xü̃gü pixĩgüxü̃! Yerü choma nixĩ ga pexü̃ changóexẽẽxü̃. ¡Rü taxṹ i choxü̃ iperüngümaexü̃!

Ichaía 29:22

Rü ngẽmaca̱x yimá Cori ya Iraétanüxü̃arü Tupana ya Abraáü̃xü̃ unetacü rü ñanagürü: —Ñu̱xmawena rü marü taxũtáma naxãnee i ngẽma Acóbutanüxü̃ rü bai tá nanadeãchichametügüxü̃ i ngẽma duü̃xü̃gü, erü ngẽxguma tá nüxü̃ nadaugügu i ngẽma mexü̃ i natanüwa chaxüxü̃, rü tá nüxü̃ nicua̱xãchitanü nax choma rü chaxüünexü̃. Rü tá choxü̃ namuü̃e i choma nax Iraétanüxü̃arü Tupana ya üünecü nax chixĩxü̃.

Wiyaegü 33:12

Rü nataãẽgü i ngẽma duü̃xü̃gü i Cori ya Tupanamaxã Tupanaã̱xgüxü̃ rü ngẽma duü̃xü̃gü ya Cori ya Tupana nügüxü̃́ dexü̃.

Ichaía 43:1

Natürü i ñu̱xmax, Pa Iraétanüxü̃ i Acóbuarü Duü̃xü̃gü Ixĩgüxe, rü yimá Cori ya Tupana ya pexü̃ ngo̱xẽẽcü rü ñanagürü pexü̃: —¡Taxṹ i pemuü̃exü̃! Erü choma nixĩ i pexü̃ íchanguxü̃xẽẽxü̃. Rü choma nixĩ i peégamaxã pexna chacaxü̃ rü pema rü chorü duü̃xü̃gü pixĩgü.

Wiyaegü 135:4

Rü nüma rü nüxü̃ naxuneta ga Acóbu ga Iraégu ãégacü nax norü meruxü̃ yixĩxü̃ca̱x.

Yeremía 33:24

—¿Tama ẽ̱xna nüxü̃ cuxĩnüxü̃ i ngẽma duü̃xü̃gü nüxü̃ ixuxü̃ nax choma rü marü nüxü̃ chaxoxü̃ i ngẽma Iraéanecüã̱xgü rü Yudáanecüã̱xgü, ñagüxü̃? Rü ngẽmaca̱x chixri chorü duü̃xü̃güxü̃ narüdaunü rü nüxü̃ naxoe, rü nüxü̃ nixugüe nax tama wüxi i nachixü̃ane yixĩxü̃ i ñu̱xma.

Ichaía 48:12

Rü ñanagürü ga Tupana: —¡Perüxĩnüe Pa Acóbuarü Duü̃xü̃güx, Pa Iraétanüxü̃x! Choma nixĩ i pexü̃ chadexü̃. Rü chaxicatama nixĩ ya Tupana chixĩxü̃, rü guxü̃guma changexmaecha rü taguma icharüxo.

Ore i mexü̃ ga Matéu ümatüxü̃ 3:9

Rü tama name i pegüãẽwa nagu perüxĩnüe rü pegümaxã ñaperügügü: ‘Yixema rü Abraáü̃taagü tixĩgü rü ngẽmaca̱x ya Tupana rü taxũtáma tüxü̃ napoxcue’, ñaperügügü. Rü pemaxã nüxü̃ chixu rü ngẽxguma Tupana naxwa̱xegu, rü nüxü̃́ natauxcha nax daa nutawa Abraáü̃taagü nanguxü̃xẽẽxü̃.

Ichaía 63:16

Rü cuma nixĩ i tonatü quixĩxü̃. Rü woo Abraáü̃ rü tama toxü̃ cua̱xgu, rü torü o̱xi i Iraé rü tama toxna nacua̱xãchigu, natürü cumax, Pa Cori Pa Tupanax, rü tonatü quixĩ. Rü cuma nixĩ i guxü̃guma torü ngü̃xẽẽruxü̃ quixĩxü̃.

Ichaía 49:3

Rü ñanagürü choxü̃: —Pa Iraéx, cuma rü chorü duü̃ quixĩ rü cuwa tá chanango̱xẽxẽ i chorü pora —ñanagürü.

Wenaxarü naxümatü ga Tupanaarü mugü 10:15

Natürü natanüwa ga guxü̃ma ga yema togü ga duü̃xü̃gü rü nüma ga Cori ya Tupana rü yexera namaxã nataãxẽ ga yema nũxcümaü̃güxü̃ ga perü o̱xigü rü nüxü̃ nangechaxü̃. Rü yemaca̱x pema nax nataagü pixĩgüxü̃, rü pexü̃ naxuneta. Rü ñu̱xma rü ta rü meama nango̱x nax pexü̃ naxunetaxü̃ nax norü duü̃xü̃gü pixĩgüxü̃.

Lebítanüxü̃arü puracüchiga 25:42

Erü guxü̃ma i Iraétanüxü̃ rü chorü duü̃xü̃gü nixĩgü. Rü choma nixĩ ga Equítuanewa íchagaxü̃xü̃, rü ngẽmaca̱x tama name nax mugüruxü̃ca̱x namaxã petaxegüxü̃.

Gálatas 3:19

Rü ñu̱xma rü ¿ta̱xacüwa namexü̃ i ngẽma mugü ga Moiché ümatüxü̃? Rü dücax, Tupana rü marü Abraáü̃maxã inaxunetaguwena nixĩ ga inaxããxü̃ ga yema mugü, nax yemaacü duü̃xü̃güxü̃ nüxü̃ nadauxẽẽxü̃ca̱x ga norü pecadugü. Rü yemaacü nixĩ ñu̱xmata ínangu ga gumá Abraáü̃taxa ya Cristu. Rü gumáchiga nixĩ ga Abraáü̃maxã inaxunetaxü̃ ga Tupana ga noxrix. Rü yema mugü, rü Tupana rü norü orearü ngeruü̃gü ga daxũcüã̱xmaxãxíra nüxü̃ nixu. Rü yemagü nixĩ ga nüxĩ́ Moichémaxã nüxü̃ ixugüxü̃, rü nüma ga Moiché rü duü̃xü̃gümaxã nüxü̃ nixu.

Ichaía 14:1

Rü nüma ya Cori ya Tupana rü tá Acóbutanüxü̃ nüxü̃́ nangechaü̃tümüxü̃ rü wena tá norü duü̃xü̃gü i Iraétanüxü̃xü̃ nade. Rü tá nüxü̃́ nanatauxchaxẽxẽ i Iraétanüxü̃ nax wena norü naaneca̱x nawoeguxü̃. Rü ngẽma duü̃xü̃gü i to i nachixü̃anewa ne ĩxü̃ rü Iraétanüxü̃ca̱x tá naxĩ rü wüxiwa Acóbuarü duü̃xü̃gütanüwa tá namaxẽ.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Ichaía 42:19

Rü Iraétanüxü̃ nixĩ ga Tupana nüxü̃ unetaxü̃ nax norü duü̃xü̃gü yaxĩgüxü̃ca̱x rü norü orexü̃ nax yaxugüexü̃ca̱x. Natürü nataxuma i to i duü̃xü̃gü i Iraétanüxü̃arü yexera ngauxchiẽgüxü̃ rü ngexetügüxü̃.

Ichaía 43:5

¡Rü taxṹ i pemuü̃exü̃! Erü choma rü chapetanügu. Rü yíxema ésteguama woonexe rü yíxema oésteguama woonexe rü tá pexü̃ chanutaque̱xe nax wenaxarü ñaa pechixü̃aneca̱x pewoeguxü̃ca̱x nax nua wüxiwa pengẽxmagüxü̃ca̱x.

Ichaía 43:10

Rü ñanagürü ta ga Tupana: —Pemax, Pa Iraétanüxü̃x, rü chorü duü̃xü̃gü pixĩgü rü nüxü̃ pedau ga yema choma chaxüxü̃. Rü choma rü pexü̃ chidexechi nax choxü̃ pecuáxü̃ca̱x rü choxü̃́ peyaxõgüxü̃ca̱x rü nüxü̃ pecuáxü̃ca̱x nax chaxicatama Tupana chixĩxü̃. Rü chauxü̃pa rü nataxuma ga to ga nüxíra Tupana ixĩxü̃ rü chauwena rü tagutáma nangẽxma i to.

Ichaía 45:4

Rü poraãcü nüxü̃ changechaü̃ i chorü duü̃xü̃gü i Iraétanüxü̃ i Acóbuarü duü̃xü̃gü, rü ngẽmaca̱x cuégamaxã cuxca̱x chaca rü cuxü̃ chaxuneta nax ãẽ̱xgacü quixĩxü̃ca̱x woo tama choxü̃ cucua̱x i cumax.

Maraquía 1:2

Rü nüma ya Cori ya Tupana rü ñanagürü: —Choma rü pexü̃ changechaü̃ —ñanagürü. Natürü i pemax rü penangãxü̃ rü ñapegürügü nüxü̃: —¿Ñuxãcü nüxü̃ tacua̱x nax toxü̃ cungechaxü̃xü̃? —ñapegürügü nüxü̃. Rü nüma ya Cori ya Tupana rü pexü̃ nangãxü̃ rü ñanagürü: —Choma rü guma nũxcümaü̃cü ga perü o̱xi ga Acóbuxü̃ changechaü̃ rü ngẽmawa pexü̃ chanawe̱x nax poraãcü pexü̃ changechaü̃xü̃. Rü woo nügüenexẽgü nax yixĩgüxü̃, natürü Acóbuxü̃ changechaü̃ rü Echaúxü̃ chaxo. Rü tama Echaúmaxã chataãxẽ rü yemaca̱x norü naane i máxpü̱xanexü̃ nax yixĩxü̃ rü chianexü̃xü̃ chananguxuchixẽxẽ, rü naeü̃gü i düraexü̃ nawa changexmagüxẽxẽ —ñanagürü.

Wiyaegü 136:21

Rü Tupana nixĩ ga nüxü̃ yanucü ga yema ãẽ̱xgacügüarü naane nüxü̃ ga Iraétanüxü̃. Erü ngẽma norü ngechaü̃ i Iraétanüxü̃ca̱x rü taguma inayagu̱x.