Ichaía 41:16 - Tupanaarü Ore

¹⁶ Rü ñoma trigu ípecuexechite̱xe rü buanecü naxchire yanaxü̃rüxü̃ tá peyabuxmüxẽxẽ i perü uanügü. Rü ngẽxguma i pemax, Pa Iraétanüxü̃x, rü tá chomaxã petaãẽgü rü tá choxü̃ picua̱xüü̃gü i choma nax perü Tupana ya üünecü chixĩxü̃.

Ichaía 41:16 Referans Kwoze

Yeremía 51:2

Rü tá chanamu i norü uanügü nax ñoma trigu i buanecüwa icueate̱xexü̃rüxü̃ namaxã naxügüxü̃ i ngẽma Babiróniacüã̱x. Rü tá chanadai i norü duü̃xü̃gü nax ngẽmaãcü nangeãcumarexü̃ca̱x i norü naane. Rü ngẽma ngunexü̃ i tá naxca̱x ínanguxgu i norü guxchaxü̃, rü guxü̃cüwawa tá yima ĩaneca̱x ínayaxüãchi i norü uanügü.

Yeremía 15:7

Rü ñoma maxẽarü pagüxü̃rüxü̃ tá pexü̃ chawoone, rü ñaa nachixü̃anearü ĩanegüwa tá pexü̃ íchamuxü̃. Rü tá chayangenexẽxẽgü rü chayangexacüxẽxẽgü i ngẽma chorü duü̃xü̃gü. Rü tá chanadai, erü tama nüxü̃ narüxoechaü̃ i ngẽma chixexü̃ ga nagu namaxẽxü̃.

Filipenses 3:3

Natürü yíxema aixcüma Tupanape̱xewa imexe, rü yixema tixĩgü. Rü Tupanaxü̃ ticua̱xüü̃gü i Naãxẽ ya Üünexü̃arü ngü̃xẽẽmaxã. Rü tataãẽgü erü Ngechuchu ya Cristuarü duü̃xü̃gü tixĩgü. Rü tama tayaxõgü nax ngẽma yigü íiwíecha̱xmüxü̃pe̱xechiraü̃xü̃ca̱x Tupanape̱xewa imexü̃.

Romanos 5:11

Rü tama ngexicatama nixĩ. Natürü i ñu̱xma rü tórü Cori ya Ngechuchu ya Cristugagu rü Tupanamaxã tataãẽgü, yerü Cristugagu nixĩ ga Tupana ga tamaxã nangüxmüxü̃.

Ore i mexü̃ ga Matéu ümatüxü̃ 3:12

Rü nüma rü marü ínamemare nax ñoma i naanewa yadexechiãxü̃ca̱x i norü duü̃xü̃gü ñoma wüxi i yatü trigu naatüna idexechixü̃rüxü̃. Rü ngẽmaãcü tá nayadexechi i ngẽma noxrü ixĩgüxü̃ nax naxü̃tawa nangẽxmagüxü̃ca̱x, natürü ngẽma tama noxrü ixĩgüxü̃ rü tá ínanagu nawa ya yimá üxü ya taguma ixoxü̃ne”, ñanagürü ga Cuáü̃.

Ichaía 17:13

Natürü ngẽxguma Cori ya Tupana nüxna puragügu rü tá na̱xcha̱xwa nibuxmü, rü yáxü̃wama tá nabuxmü, ñoma wüxi i maxẽ i paxü̃ i buanecü ingexü̃ rü máxpü̱xanexü̃gu yanguxü̃rüxü̃ tá nixĩgü. Rü ñoma buanecü ya tacü rü íxã̱ũ̱xẽmacü i chuxchuxü̃ nawo̱xoxochicü rü yáxü̃wa ngexü̃rüüxü̃ tá nixĩgü.

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Wiyaegü 1:4

Natürü ngẽma duü̃xü̃gü i chixexü̃gu maxẽxü̃ rü tama ngẽmaãcü mexü̃ nüxü̃ naxüpetü. Rü ñoma maxẽ i paxü̃ ya buanecü cuenagüxü̃rüxü̃ nixĩgü.

Ichaía 25:9

Rü ngẽma ngunexü̃gu i ngẽma duü̃xü̃gü rü ñanagürügü tá: —Daa nixĩ ya tórü Tupana ya nagu yaxõgücü rü tüxü̃ ínguxü̃xẽẽcü. ¡Ngĩxã tá taãẽgü rü nüxü̃ ticua̱xüü̃gü erü nüma tüxü̃ ínanguxü̃xẽxẽ! —ñanagürügü tá.

Ichaía 28:5

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü, rü norü ãẽ̱xgacü ya mexẽchicü tá nixĩ naxca̱x i ngẽma norü duü̃xü̃gü i íyaxügüxü̃.

Ichaía 29:5

Natürü ngẽxguma tátama ngürüãchimare Cori ya Tupana ya Guxãétüwa Ngẽxmacü rü taxü̃ i duruanegümaxã, rü ĩã̱xãchianegümaxã, rü ãẽmacü i tagacümaxã, rü buanecü ya íxã̱ũ̱xẽmacümaxã, rü pucü ya tacümaxã, rü üxüema i tüxü̃ imáxü̃maxã tá nanapoxcue i ngẽma curü uanügü. Rü ngẽma muxũchixü̃ i curü uanügü i cuxca̱x íyaxüãchixü̃ rü ñoma waixü̃müchicute̱xerüxü̃ tá nixĩgü. Rü ñoma maxẽ ya pacü ya buanecü ngextá cuegücürüxü̃ tá nixĩgü.

Ichaía 40:24

Rü nümagü rü ñoma nanetügü i ngexwaca itogüxü̃, rü ngexwaca ixãxchúma̱xãxü̃rüxü̃ nixĩgü. Rü ngẽxguma Tupana natanügu cué ñaxgux rü narüñẽẽxgü rü yimá buanecü ya tacü rü ñoma maxẽ ya ipacürüxü̃ nayange.

Ichaía 51:3

Rü woo guxchawa nangẽxma ya Chióü̃ rü choma rü tá chanataãẽxẽxẽ i norü duü̃xü̃gü. Rü yima ĩane ya ñu̱xma chixene rü ĩane ya mexẽchine tá chayanguxuchixẽxẽ. Rü yema ori̱xnecü ga Edéü̃gu chatogüxü̃rüxü̃ tá namexẽchi. Rü yima ĩanewa tá nangẽxma i taãxẽ rü norü duü̃xü̃gü rü tá taãẽãcü napaetagü rü norü wiyaegümaxã tá choxü̃ nicua̱xüü̃gü —ñanagürü.

Ichaía 60:19

Rü ngunecü rü marü taxũtáma penaxwa̱xe nax üa̱xcü pexü̃ báxixü̃, rü chütacü rü marü taxũtáma penaxwa̱xe nax tauemacü pexü̃ báxixü̃, erü choma ya perü Cori tá nixĩ i perü omü i guxü̃gutáma ichabáxixü̃. Rü choma ya perü Tupana tá nixĩ i perü poraxẽẽruxü̃.

Ichaía 65:18

Rü name nixĩ nax guxü̃guma namaxã petaãẽgüxü̃ i ngẽma tá chaxüxü̃. Erü tá chanaxü ya wüxi ya ngexwacaxü̃ne ya Yerucharéü̃ i taxuxü̃ma i chixexü̃ nawa ngẽxmane. Rü ngẽma duü̃xü̃gü i nawa maxẽxü̃ rü tá aixcüma nataãẽgü.

Yeremía 51:20

Cumax, Pa Babiróniax, rü chorü martíyu rü chauxne quixĩ. Rü cuxü̃ chayanaxoxẽxẽ i nachixü̃anegü rü cuxü̃ chanadaixẽxẽ i norü ãẽ̱xgacügü.

Yeremía 51:33

Erü nüma ya Cori ya Guxãétüwa Ngẽxmacü ya Iraétanüxü̃güarü Tupana ixĩcü rü ñanagürü: “Yima Babirónia ga noxri mexẽchine rü ñu̱xma rü tá ñoma tríguarü pu̱xgüchicarüxü̃ tá nixĩ. Rü ñu̱xma rü marü naxca̱x ínangu nax yabuxgüãxü̃ i norü trigu” —ñanagürü.

Danié 2:35

Rü yexguma ga yema fieru rü waixü̃mü rü bróũche rü diẽrumü rü úiru rü wüxixü̃cüütama nixãte̱xeãchi. Rü ñoma trigu icuexechite̱xegurüxü̃ nixĩ ga buanecü yangexü̃, rü taxuxü̃ma yéma nayaxüãchi ga yema naxchicüna̱xã. Natürü gumá nuta ga yema naxchicüna̱xãétüwa dixpütacü rü wüxi ga taxü̃ne ga ma̱xpǘnexü̃ nanaca̱xichi rü guxü̃ma ga ñaa naane rü namaxã nanapá.

Ochéa 11:9

Rü marü taxũtáma wena pemaxã chanu, Pa Efraíü̃tanüxü̃x, rü taxũtáma wena pexü̃ chadai, erü choma rü tama duü̃xü̃mare chixĩ. Rü choma ya Tupana ya Üünecü nax chixĩxü̃ rü petanüwa chamaxü̃. Rü tama perü daiwa nixĩ i nua chaxũxü̃.

Joel 2:23

¡Rü petaãxẽgü, Pa Chióü̃cüã̱xgü! ¡Rü namaxã petaãẽgü ya Cori ya Tupana! Yerü pexca̱x nanapuxẽxẽ ga yexguma meama nawa nanguxgu nax mucüca̱x napuxẽẽãxü̃ rü taunecüca̱x napuxẽẽãxü̃ yema noxri mea napuxẽẽã̱xgurüxü̃.

Miquéa 5:8

Rü ngẽxguma i ngẽma Iraéanecüã̱xgü i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü tá ngẽma togü i nachixü̃anegüxü̃ narüporamae ñoma leóü̃ rü togü i naeü̃güxü̃ rüporamaexü̃rüxü̃. Rü ñoma leóü̃acü i carnérutanüwa ngẽxmaxü̃ rü carnérugüxü̃ íyauxü̃xü̃ rü taxúema tüxü̃ iñaxẽẽxü̃rüxü̃ tá nixĩgü i ngẽma Iraétanüxü̃.

Ichaía 29:19

Rü ngẽma iraxü̃ nüxü̃́ ngẽxmagüxü̃ rü Cori ya Tupanamaxã tá nataãẽgü. Rü woo i ngẽma ngearü diẽruã̱xgüxü̃ rü tá Iraétanüxü̃arü Tupana ya üünecümaxã nataãẽgü.