Ichaía 41:11 - Tupanaarü Ore

¹¹ Rü guxü̃ma i ngẽma pexchi aiexü̃ rü tá naxãnee rü tá inayarümaãchitanü. Rü ngẽma pemaxã nügü daixü̃ rü tá inayarüxo.

Ichaía 41:11 Referans Kwoze

Ínachoxü̃xü̃chiga 23:22

Rü ngẽxguma tá aixcüma naga cuxĩnügu rü cuyanguxẽẽgu i guxü̃ma i ngẽma choma chanamuxü̃, rü choma rü tá curü uanügümaxã charüxuanüã̱x, rü tá chayaxĩ̱xãchiãẽxẽxẽgü i ngẽma cuxü̃ yaxĩ̱xãchiãẽxẽẽgüxü̃.

Ichaía 45:24

Rü ngẽxguma rü tá ñanagürügü: “Cori ya Tupanaxicatama nixĩ ya ixaixcümacü ya pora tüxna ãcü”, ñanagürügü tá. Rü guxü̃ma i ngẽma chauxchi aiexü̃ rü tá naxãnee.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Ngechuchuarü ngúexü̃gü ga yamugüxü̃arü puracüchiga 16:39

Rü yéma naxĩ, rü Pauruna rü Chírana nayacagü nax nüxü̃́ nüxü̃ iyanangümaexü̃ca̱x ga yema namaxã naxügüxü̃. Rü ínanamuxü̃, rü nüxü̃ naca̱a̱xü̃gü nax nawa ínachoxü̃xü̃ca̱x ga guma ĩane.

Ichaía 54:17

Natürü taxúema tá tanaxü i wüxi i naxne i pexü̃ rüxoxẽẽxü̃. Rü pemax, Pa Iraétanüxü̃x, rü tá peyanangea̱xgüxẽxẽ i guxü̃ma i ngẽma pemaxã guxchaca̱x daugüxü̃, erü choma i Cori ya Tupana rü aixcüma nüxü̃ charüngü̃xẽxẽxü̃ i ngẽma chorü duü̃xü̃gü ixĩxü̃. Rü pemaxã chanaxuegu nax ngẽmaãcü tá yixĩxü̃ —ñanagürü ga Tupana.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

Ínachoxü̃xü̃chiga 11:8

Rü ñu̱xũchi guxü̃ma i ñaa curü ngü̃xẽẽruü̃gü rü chauxü̃tawa tá naxĩ. Rü chopexegu nacaxã́pü̱xügüãcüma tá choxna nacagü, rü ñanagürügü tá: “¡Ípechoxü̃ i nua namaxã i guxü̃ma i cutanüxü̃!” ñanagürügü tá. Rü ngẽmawena rü tá íchaxũxũ —ñanagürü ga Moiché. Rü yexguma nüma ga Moiché rü nanuãcüma Faraóü̃pe̱xewa ínaxũxũ.

Chacaría 12:3

Rü ngẽma ngunexü̃gu rü Yerucharéü̃ rü wüxi ya nuta ya yaxüchicüxü̃ tá chayanguxuchixẽxẽ na̱xcha̱xwa i ngẽma togü i nachixü̃anegü. Rü tü̱xchiama tá tayapi̱x ya texé ya nangenagüchaü̃xe. Rü guxü̃ma i ngẽma nachixü̃anegü rü tá nügü nanutaque̱xegü nax Yerucharéü̃maxã nügü nada̱i̱xü̃ca̱x.

Ichaía 49:26

Rü ngẽma perü uanügü rü nügü tátama nangõ̱xcue, rü nagüwa tátama naxaxegü ñoma bínu yaxaxgüxü̃rüxü̃. Rü ngẽmaãcü i guxü̃ma i duü̃xü̃gü rü tá nüxü̃ nicua̱xãchitanü nax choma ya Cori ya Tupana ya Acóbuarü duü̃xü̃güarü ngü̃xẽẽruxü̃ ya poracü nax chixĩxü̃. Rü choma nixĩ i Iraétanüxü̃xü̃ íchanguxü̃xẽxẽxü̃ —ñanagürü ga Tupana.

Ichaía 41:29

Rü wüxichigü ga yema tupananetachicüna̱xãgü rü taxuxü̃ma nixĩ. Rü taxuxü̃ma naxügü erü naxchicüna̱xãgümare nixĩgü rü nangearü maxü̃ã̱x —ñanagürü.

Ichaía 29:8

Rü ngẽma uanügü rü ñoma wüxi i duü̃xü̃ i taiyaxüchixü̃ i nanegüwa chibünetaxü̃rüxü̃ tá nixĩgü, natürü ngẽxguma naba̱i̱xãchigu rü nataiyaama. Rü ñoma wüxi i ta̱xawaxüchixü̃ i nanegüwa axenetaxü̃rüxü̃ tá nixĩ, natürü ngẽxguma naba̱i̱xãchigu rü nita̱xawaama. Rü ngẽmaãcü tá namaxã nangupetü i ngẽma muxũchixü̃ i churaragü i Chióü̃ca̱x íyaxüãchixü̃.

Ichaía 41:24

Natürü i pemax, Pa Naxchicüna̱xãgüx, rü taxuxü̃ma pixĩxgü, rü bai nax ta̱xacü pexüxü̃. ¡Rü tachixe ya yíxema pegu yaxṍxe! —ñanagürü.

Ichaía 40:17

Rü guxü̃ma i nachixü̃anegü rü Tupanape̱xewa taxuxü̃ma nixĩgü. Rü Tupanaca̱x taxuwama nime.

Ichaía 17:13

Natürü ngẽxguma Cori ya Tupana nüxna puragügu rü tá na̱xcha̱xwa nibuxmü, rü yáxü̃wama tá nabuxmü, ñoma wüxi i maxẽ i paxü̃ i buanecü ingexü̃ rü máxpü̱xanexü̃gu yanguxü̃rüxü̃ tá nixĩgü. Rü ñoma buanecü ya tacü rü íxã̱ũ̱xẽmacü i chuxchuxü̃ nawo̱xoxochicü rü yáxü̃wa ngexü̃rüüxü̃ tá nixĩgü.

Ichaía 29:5

Natürü ngẽxguma tátama ngürüãchimare Cori ya Tupana ya Guxãétüwa Ngẽxmacü rü taxü̃ i duruanegümaxã, rü ĩã̱xãchianegümaxã, rü ãẽmacü i tagacümaxã, rü buanecü ya íxã̱ũ̱xẽmacümaxã, rü pucü ya tacümaxã, rü üxüema i tüxü̃ imáxü̃maxã tá nanapoxcue i ngẽma curü uanügü. Rü ngẽma muxũchixü̃ i curü uanügü i cuxca̱x íyaxüãchixü̃ rü ñoma waixü̃müchicute̱xerüxü̃ tá nixĩgü. Rü ñoma maxẽ ya pacü ya buanecü ngextá cuegücürüxü̃ tá nixĩgü.

Ichaía 29:7

Rü guxü̃ma i ngẽma muxũchixü̃ i uanügü i Yerucharéü̃ca̱x íyaxüãchixü̃ nax nagu napogüexü̃ca̱x i naxtapü̱xgü rü norü duü̃xü̃güxü̃ ínayauxü̃xü̃ca̱x rü tá nibuxmü. Rü ñoma wüxi i nanegürüxü̃ rüe̱xna wüxi i ngo̱xetürüxü̃ tá narütauxe.

Ichaía 34:12

Rü tagutáma wena nüxü̃́ nangẽxma i wüxi i ãẽ̱xgacü i namaxã icuáxü̃. Rü guxü̃táma i ngẽma norü ãẽ̱xgacügü rü inarütaxu.

Ichaía 40:2

¡Rü nüxü̃ pengechaü̃ãcüma ngẽma Yerucharéü̃cüã̱xgümaxã pidexagü! ¡Rü namaxã nüxü̃ pixu nax marü iyacuáxü̃ nax togüme̱xẽwa nangẽxmagüxü̃ rü marü nanaxütanü i norü chixexü̃gü! Rü guxü̃ma ga yema norü chixexü̃ ga naxügüxü̃ca̱x, rü taxree̱xpü̱xcüna nüxü̃ chanaxütanüxẽxẽ —ñanagürü ga Tupana.

Ichaía 54:15

Rü ngẽxguma wüxi i nachixü̃ane pexca̱x íyaxüãchigu rü taxũtáma chorü mugagu nixĩ. Natürü pema rü tá nüxü̃ perüporamaegü.

Yeremía 2:3

Rü pemax, Pa Iraétanüxü̃x, rü aixcüma chorü duü̃xü̃gü pixĩgü rü chaugu perüxĩnüe. Rü natanüwa ga guxü̃ma ga yema togü ga duü̃xü̃gütücumügü rü pema nixĩ i pexü̃ chadexü̃ ñoma rümemaexü̃ i nanetüarü orüxü̃. Rü yexguma texé chixexü̃ pemaxã uxgu, rü choma rü pexca̱x tüxü̃ chapoxcu rü tümaca̱x yéma chanamu ga guxchaxü̃gü. Rü chomatama ya Cori ya Tupana nixĩ i nüxü̃ chixuxü̃ i ngẽma ore” —ñanagürü.

Ínachoxü̃xü̃chiga 12:29

Rü meama ngãxü̃cüxü, rü nüma ga Cori ya Tupana rü norü orearü ngeruü̃xü̃ namu nax wüxichigü ga Equítuanecüã̱xgüpatawa nadaiaxü̃ca̱x ga nanegü ga nüxíraxü̃güxü̃. Rü yexgumarüxü̃ ta ga Equítuanecüã̱xarü ãẽ̱xgacü ga Faraóü̃ nane ga nüxíraü̃cü rü nayama̱x, rü woo naxü̃naxacügü ga iyatüxü̃ ga nüxíraxü̃xü̃, rü nanadai.

Ichaía 49:25

Natürü choma ya Tupana rü ñachagürü: —Ngẽma churara i poraxü̃na tá nanapugü i ngẽma íyaxuxü̃. Rü ngẽma churaragüarü ãẽ̱xgacüna tá nanapugü i ngẽma napuxü̃chiréxü̃. Rü pemaxã nüxü̃ chixu, Pa Iraétanüxü̃x, rü chomatátama nixĩ i perü uanügüme̱xẽwa íchananguxü̃xẽẽxü̃ i penegü rü pexacügü.

Yeremía 12:17

Natürü ngẽma nachixü̃anecüã̱x i duü̃xü̃gü i tama chauga ĩnüexü̃, rü tá noxtacüma nachixü̃anewa íchanawoxü̃, rü tá ichayanaxoxẽxẽ. Rü chomatama ya Cori ya Tupana nixĩ i nüxü̃ chixuxü̃ i ngẽma ore —ñanagürü.