Ichaía 41:10 - Tupanaarü Ore

¹⁰ ¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Ichaía 41:10 Referans Kwoze

Yochué 1:9

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

2 Corintios 12:9

Natürü nüma ya tórü Cori rü ñanagürü choxü̃: “Choma cuxü̃ changechaü̃, rü ngexicatama nixĩ i cunaxwa̱xexü̃. Rü choma rü ngẽma duü̃xü̃gü i tama poraexü̃wa nixĩ i chanango̱xẽẽxü̃ i chorü pora”, ñanagürü choxü̃. Rü ngẽmaca̱x chataãxẽ ega tama chaporagu. Erü ngẽxguma tama chaporagu rü ngẽxguma nixĩ i chowa inawéãxü̃ i norü pora ya Cristu.

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

Wiyaegü 63:8

Rü ñaa chorü maxü̃ rü cuxna chanaxã. Rü yima curü tügüneme̱xẽmaxã choxü̃ ícupoxü̃.

Norü taxre ga to ga popera ga ãẽ̱xgacügüchiga ümatüxü̃ 20:17

¡Natürü taxṹ i namaxã pegü pedaixü̃! ¡Rü ngéma peyachaxãchitanü! Rü tá nüxü̃ pedau nax ñuxãcü ya Tupana rü tá namaxã nügü nada̱i̱xü̃ rü pexü̃ ínapoxü̃xü̃. Pa Yudáanecüã̱xgü rü Pa Yerucharéü̃cüã̱xgüx, ¡taxṹ i pemuü̃exü̃ rü peba̱i̱xãchiexü̃! ¡Rü moxü̃ naxca̱x perüchoxü̃ erü Cori ya Tupana rü tá pemaxã nangẽxma!” —ñanagürü ga Yachié.

Wiyaegü 145:14

Rü nüma ya Cori ya Tupana rü tüxü̃ ínarüdagüxẽxẽ ya guxãma ya yíxema iyayitanüxe. Rü tüxü̃ naporaexẽxẽ ya guxãma ya yíxema turaexe.

Ichaía 12:2

Rü Tupana nixĩ ya choxü̃ maxẽẽcü, rü ngẽmaca̱x nüxna charüyoe rü taxuca̱xma tü̱xcüü̃ chamuü̃. Rü nüma ya Cori ya Tupana nixĩ i chorü cu̱xchicaxü̃ rü chorü poraxẽẽruxü̃. Rü nüma nixĩ i chorü maxẽẽruxü̃ —ñacurügü tá.

Ichaía 60:19

Rü ngunecü rü marü taxũtáma penaxwa̱xe nax üa̱xcü pexü̃ báxixü̃, rü chütacü rü marü taxũtáma penaxwa̱xe nax tauemacü pexü̃ báxixü̃, erü choma ya perü Cori tá nixĩ i perü omü i guxü̃gutáma ichabáxixü̃. Rü choma ya perü Tupana tá nixĩ i perü poraxẽẽruxü̃.

Wenaxarü naxümatü ga Tupanaarü mugü 20:1

Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Wiyaegü 37:24

Rü woo ega nanguxgu ya yimá yatü rü taxũtáma ngéma nangẽxmaecha, erü nüma ya Cori ya Tupana rü naxme̱xgu ningĩ rü wenaxarü inanachixẽxẽ.

Wiyaegü 29:11

Rü nüma ya Cori ya Tupana rü nanaporaexẽxẽ i norü duü̃xü̃gü. Rü nüxü̃ narüngü̃xẽxẽ nax tama daigu naxĩnüexü̃ca̱x.

Efesios 3:16

Rü nüxna chaca ya Tanatü nax guxü̃ma i norü mexü̃wa pexna naxããxü̃ca̱x i ngẽma pora i Naãxẽ ya Üünexü̃wa ne ũxü̃ nax peãẽwa aixcüma peporaexü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 32:8

Rü nüma i Achíriaanearü ãẽ̱xgacü rü norü churaragüna narüyoe, natürü i yixema rü taxü̃tawa nangẽxma ya Tupana. Rü nüma tá nixĩ i tüxü̃ nangü̃xẽẽxü̃ i ngẽxguma namaxã yigü idaixgu —ñanagürü ga Yudáanearü ãẽ̱xgacü ga Echequía. Rü yexguma yemaxü̃ naxĩnüegu ga duü̃xü̃gü rü nayaporaãchitanü.

Chacaría 10:12

Rü choma rü tá pora nüxna chaxã rü chauégagu tá ínaxĩ. Rü choma ya Cori ya Tupana nixĩ i pexü̃ ngẽma ñachaxü̃ —ñanagürü.

Ichaía 43:5

¡Rü taxṹ i pemuü̃exü̃! Erü choma rü chapetanügu. Rü yíxema ésteguama woonexe rü yíxema oésteguama woonexe rü tá pexü̃ chanutaque̱xe nax wenaxarü ñaa pechixü̃aneca̱x pewoeguxü̃ca̱x nax nua wüxiwa pengẽxmagüxü̃ca̱x.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Ichaía 49:8

Rü nüma ya Cori ya Tupana rü ñanagürü ta: —Yexguma nawa nanguxgu ga ngunexü̃ nax chorü ngü̃xẽẽca̱x ípecaxü̃ rü choma rü pexü̃ chanawe̱x nax pexü̃ changechaü̃xü̃. Rü yexguma penaxwa̱xegu nax pexü̃ íchapoxü̃xü̃ rü pexü̃ charüngü̃xẽxẽxü̃. Rü ñu̱xma i choma rü tá pexna chadau nax wüxi i ngü̃xẽxẽ nüxü̃́ pixĩgüxü̃ca̱x i togü i duü̃xü̃gü. Rü ngẽmaca̱x i pemax, Pa Iraétanüxü̃x, rü wena tá nawa pemaxẽ i ngẽma naanegü ga perü uanügü chixexẽẽgüxü̃ rü ngẽmaãcü tá wena penamexẽxẽ i pechixü̃ane.

Wiyaegü 37:17

Erü nüma ya Cori ya Tupana rü tá inayanaxoxẽxẽ i ngẽma duü̃xü̃gü i chixexü̃ ügüxü̃. Natürü tá tüxü̃ narüngü̃xẽxẽ ya yíxema mexü̃gu rüxĩnüxe.

Ichaía 44:2

Rü choma nixĩ i perü Tupana ga pexü̃ changóexẽẽxü̃ naxü̃pa ga nax pibuexü̃. Rü choma nixĩ i pexü̃ charüngü̃xẽxẽxü̃. ¡Rü taxṹ i pemuü̃exü̃, Pa Chorü Duü̃xü̃güx, erü pema i Acóbutanüxü̃ nixĩ i chorü duü̃xü̃gü i pexü̃ chaxunetaxü̃!

Wiyaegü 41:12

Rü chomax nax mexü̃gu chamaxü̃xü̃ ¡rü choxna nadau nax ngẽmaãcü guxü̃guma cuxü̃tawa changexmaxü̃ca̱x!

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Ichaía 52:7

Rü wüxi i taãxẽ nixĩ nax ma̱xpǘneanewa taxca̱x ne naxũxü̃ ya yimá orearü ngeruxü̃ i mexü̃ i ore taxca̱x nua ngecü rü tamaxã nüxü̃ ixucü nax Tupana tá tüxü̃ rüngü̃xẽẽxü̃ rü tüxü̃ ínanguxü̃xẽẽxü̃ naxme̱xwa i tórü uanü. Rü wüxi i taãxẽ tá nixĩ i ngẽxguma Chióü̃cüã̱xgüxü̃ ñaxgu: —Perü Tupana rü marü pemaxã inacua̱x —ñaxgu.

Naanearü ügüchiga 15:1

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

Wiyaegü 65:5

Pa Tupana Pa Torü Maxẽxẽẽruxü̃, cuma rü tomaxã quixaixcüma rü toxü̃ cungãxü̃ namaxã i ngẽma mexü̃gü i curü poramaxã cuxüxü̃. Rü woo ñaa naane iyacuáxü̃wa ngẽxmagüxü̃ i duü̃xü̃gü rü cuxü̃́ nayaxõgü. Rü woo már arü tocutü i yáxü̃guxü̃wa ngẽxmagüxü̃ i duü̃xü̃gü rü cuxü̃́ nayaxõgü.

Ore i mexü̃ ga Luca ümatüxü̃ 1:30

Rü yexguma ga Gábi rü ñanagürü ngĩxü̃: —Pa Maríax, ¡taxṹ i cumuü̃xü̃! Erü Tupana rü poraãcü cumaxã nataãxẽ.

Wiyaegü 147:12

Pa Yerucharéü̃cüã̱xgüx ¡Cori ya Tupanaxü̃ picua̱xüü̃gü! Rü Pa Chióü̃x ¡curü Tupanaxü̃ icua̱xüxü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:18

Rü Tupanaãxẽ nüxna nangu ga Amachái ga namaxã icuácü ga yema 30 ga Dabíarü churaragü ga rüporamaegüxü̃, rü ñanagürü: —Pa Dabíx Pa Ichaxí Nanex, toma rü curü ngü̃xẽẽruü̃gü tixĩgü, rü tanaxwa̱xe nax mea cuxü̃́ ínanguxuchixü̃ i guxü̃ma i nagu curüxĩnüxü̃wa. Rü tanaxwa̱xe i mea nüxü̃ naxüpetüxü̃ i guxü̃ma i ngẽma cuwa ügüxü̃, erü yimá curü Tupana cuxü̃ narüngü̃xẽxẽ —ñanagürü. Rü yexguma nüma ga Dabí rü nanade rü norü churaragüeruxü̃ nayaxĩgüxẽxẽ.

Ore i mexü̃ ga Luca ümatüxü̃ 1:13

Natürü yema daxũcüã̱x ga Tupanaarü orearü ngeruxü̃ rü ñanagürü nüxü̃: —Pa Chacaríax, ¡taxṹ i cumuü̃xü̃! Erü Tupana rü marü nüxü̃ naxĩnü i curü yumüxẽ. Rü cuxma̱x i Erichabé rü cuxü̃́ tá ixãxãcü, rü Cuáü̃gu tá cunaxüéga.

Wiyaegü 99:4

Rü cumax, Pa Corix, rü ãẽ̱xgacü ya poraxüchicü quixĩ rü curü me nixĩ nax meama guxü̃ma i duü̃xü̃gümaxã icucuáxü̃. Rü cumatama nixĩ i nüxü̃ quixuxü̃ nax cupe̱xewa rü nawüxiguxü̃ i guxü̃ma i duü̃xü̃gü. Rü toma nax Iraétanüxü̃ tixĩgüxü̃ rü cuma rü aixcüma meama tomaxã icucua̱x rü ngẽma mugü ga toxna cuxãxü̃ rü meama niwe̱x.

Ochéa 1:9

Rü yexguma ga nüma ga Cori ya Tupana rü Ochéaxü̃ ñanagürü: —Ngẽma cune rü Lo-amígu naxüéga, erü pema i Iraéanecüã̱xgü rü marü tama chorü duü̃xü̃gü pixĩgü rü choma rü marü tama perü Tupana chixĩ —ñanagürü.

Naanearü ügüchiga 31:5

Rü ñanagürü ngĩxü̃: —Nüxü̃ chicua̱xãchi rü yimá penatü rü marü tama noxrirüxü̃ mea choxü̃ nadawenü. Natürü ya chaunatüarü Tupana rü guxü̃guma nachauxü̃tagu.

Naanearü ügüchiga 49:24

Natürü nüma ya Yúche rü nüxü̃́ nangẽxma ya nachacüxü ya porane. Rü Tupanaarü ngü̃xẽẽmaxã ñoma wüxi ya würa ya poranerüxü̃ nixĩ nax naporaxü̃. Rü moxẽ nüxna chaxã ya chorü Tupana ya Guxãétüwa Ngẽxmacü. Rü moxẽ nüxna chaxã ya Tupana ya Iraétanüxü̃arü poxü̃ruxü̃ ixĩcü.

Ínachoxü̃xü̃chiga 14:13

Rü yexguma ga Moiché rü nanangãxü̃ rü ñanagürü nüxü̃: —¡Taxuca̱xma pemuü̃e! ¡Rü mea iperüchomare rü naxca̱x perüdaunü nax ñuxãcü pexü̃ tá nax ínapoxü̃xü̃ ya Cori ya Tupana! Erü ngẽma Equítuanecüã̱xgü i ñu̱xma nüxü̃ pedauxü̃, rü tagutáma wena nüxü̃ pedaugü.

Ínachoxü̃xü̃chiga 20:20

Rü nüma ga Moiché rü nanangãxü̃ rü ñanagürü nüxü̃: —¡Taxṹ i peba̱i̱xãchiexü̃! Erü nüma ya Tupana rü núma naxũ nax pexü̃ nawéaxü̃ca̱x i norü pora nax nüxü̃ pemuü̃exü̃ca̱x rü guxü̃guma naga pexĩnüexü̃ca̱x rü tama chixexü̃ pexügüxü̃ca̱x —ñanagürü.

Ichaía 50:9

Rü Tupana ya Guxãétüwa Ngẽxmacü nixĩ ya choxü̃ rüngü̃xẽẽcü. ¿Rü texé tá tixĩ ya poxcu chomaxã ueguxe? Rü guxü̃ma i chorü uanügü rü tá nayue rü ñoma naxchiru i naweane ngõ̱xgüxü̃rüxü̃ tá nixĩgü.

Danié 6:16

Rü yexguma ga nüma ga ãẽ̱xgacü rü norü duü̃xü̃güxü̃ namu nax Daniéxü̃ yagagüxü̃ca̱x rü leóü̃tanügu yata̱xcuchigüãxü̃ca̱x. Rü nüma ga ãẽ̱xgacü rü ñanagürü Daniéxü̃: —¡Yimá curü Tupana ya aixcümama naxca̱x cumaxü̃cü cuxü̃ ípoxü̃! —ñanagürü.

Danié 10:12

Rü yexguma ga nüma rü ñanagürü: —¡Taxṹ i choxü̃ cumuü̃xü̃, Pa Daniéx! Yerü yema ngunexü̃ ga nagu nüxü̃ cucuáxchaü̃xü̃ ga yema Tupana nagu rüxĩnüxü̃ rü nape̱xewa cugü ícurüxíra. Rü nüma rü cuxü̃́ nüxü̃ naxĩnü ga curü yumüxẽgü. Rü ngẽmaca̱x nua cuxü̃tawa chaxũ.

Aguéu 1:13

Rü yexguma ga nüma ga Aguéu ga Cori ya Tupanaarü orearü uruxü̃, rü Cori ya Tupanaégagu duü̃xü̃gümaxã nidexa rü ñanagürü: —Nüma ya Cori ya Tupana rü ñanagürü pexü̃: “Choma ya Cori ya Tupana rü pexü̃tawa changexma” —ñanagürü.

Aguéu 2:5

Rü yexguma Equítuanewa ínachoxü̃gu ga perü o̱xigü rü ichaxuneta rü ngẽma Chauãxẽ rü guxü̃gutáma pexü̃ naxümücü. Rü ngẽmaca̱x taxuca̱xma pemuü̃e i ñu̱xmax.

Naanearü ügüchiga 26:24

Rü yema chütaxü̃gu rü nüma ga Cori ya Tupana rü Ichaáca̱x nango̱x, rü ñanagürü nüxü̃: —Choma nixĩ i cunatü ya Abraáü̃arü Tupana. ¡Taxṹ i cumuü̃xü̃! Choma rü cumaxã changexma. Rü yimá chorü duü̃ ga Abraáü̃gagu rü tá cuxü̃ charüngü̃xẽxẽxü̃, rü poraãcü tá chayamuxẽxẽ i ngẽma cutaagü —ñanagürü.

Ãẽ̱xgacügü ga guxchaxü̃güarü mexẽxẽruü̃gü 6:16

Rü nüma ga Cori ya Tupana rü nanangãxü̃ rü ñanagürü: —Choma ya Tupana rü cuxü̃tawa tá changexma. Rü tauxchaãcü tá cunadai i ngẽma Madiáü̃tanüxü̃ ñoma wüxitama i yatü quimáxü̃rüxü̃ —ñanagürü.

2 Chamué 22:19

Rü cha̱u̱xca̱x ínayaxüãchi ga yexguma guxchaxü̃wa chayexmayane, natürü nüma ga Cori rü choxü̃ narüngü̃xẽxẽ.

Wiyaegü 18:36

Rü choxü̃́ cunamexẽxẽ ga chomaxü̃ nax tama ichinguxü̃ca̱x.

Wiyaegü 33:12

Rü nataãẽgü i ngẽma duü̃xü̃gü i Cori ya Tupanamaxã Tupanaã̱xgüxü̃ rü ngẽma duü̃xü̃gü ya Cori ya Tupana nügüxü̃́ dexü̃.

Ichaía 35:4

Rü ngẽma muü̃exü̃ rü nüxü̃ ñapegügü: —¡Piporae, rü taxṹ i pemuü̃exü̃! Rü daa nixĩ ya perü Tupana nax pexü̃ ínapoxü̃xü̃ca̱x. Rü nüma tá nanapoxcue i perü uanügü i guxchaxü̃ pexca̱x íngu̱xẽẽxü̃ —ñapegügü.

Auxexü̃chiga 3:57

Rü ngẽma ngunexü̃ i nagu cuxna chacaxü̃gu rü chauxü̃tawa cuxũ, rü ñacugürü choxü̃: —¡Taxuca̱xma cumuü̃! —ñacurügü.

Chacaría 10:6

Rü nüma ya Cori ya Tupana rü ñanagürü: —Choma rü tá chanaporaexẽxẽ i Yudátanüxü̃. Rü tá íchanapoxü̃ i Yúchetanüxü̃. Rü wenaxarü nachixü̃aneca̱x tá chanawoeguxẽxẽ erü choxü̃́ nangechaü̃tümüxü̃gü. Rü nümagü rü wenatáxarü ñoma taguma nüxü̃ chaxoxü̃rüxü̃ chomaxã nixĩgü. Erü choma rü norü Cori ya Tupana chixĩ, rü nüxü̃ chaxĩnü i norü yumüxẽgü.