Ichaía 40:7 - Tupanaarü Ore

⁷ Rü ngẽma natüane rü nipa rü ngẽma putüra rü narüñe̱xẽxẽ ega Cori ya Tupana nagu cue ñaxgu. Rü ngẽxgumarüxü̃ ta nixĩ i duü̃xü̃güarü maxü̃ nax ñoma natüanerüxü̃ paxaãchica̱xmare yixĩxü̃.

Ichaía 40:7 Referans Kwoze

Yox 41:21

Rü ngẽma norü ngü̃ãcümaxã nayanaixẽxẽ ya üxü. Rü naã̱xwa ínaxũxũ i yáuxraemaxü̃.

Popera ga Chantiágu ümatüxü̃ 1:10

Rü yíxema yaxṍxe ya muarü diẽruã́xẽ rü name nixĩ i tataãẽãma ega woo wüxi i ngunexü̃ tüxü̃́ nataxu̱xgu i tümaarü diẽru. Erü ngẽma diẽruã́xü̃ i duü̃xü̃gü, rü ñoma putürachacurüxü̃ tama natai.

Popera ga Chantiágu ümatüxü̃ 1:11

Rü ngẽxguma nangunagügu ya üa̱xcü rü poraãcü nangu̱xetügu, rü narüñexẽ i ngẽma putüra rü narüngu i nachacu, rü ngẽxma nagu̱x nax namexü̃. Rü ngẽxgumarüxü̃ tá ta nayu i ngẽma diẽruã̱xü̃chixü̃ rü ngẽxma tá guxü̃ma i norü ngẽmaxü̃gümaxã inayarüxo.

Yox 4:9

Rü nüma ya Cori ya Tupana rü norü numaxã wüxiarü cue ñaxü̃maxãtama nixĩ i nadaiaxü̃ i ngẽma chixexü̃ ügüxü̃.

Yox 14:2

Rü ñoma wüxi i putürachacu i boxüxü̃ rü paxãma rüñẽ̱xẽxü̃rüxü̃ nixĩ. Rü ñoma wüxi i naxchipeta i paxãma ngupetüxü̃ rü iyarütaxuxü̃rüxü̃ nixĩ i duü̃xü̃arü maxü̃.

Wiyaegü 90:5

Rü cuma rü wüxi i paxaãchica̱xmare toxna cunaxã i maxü̃ rü paxãma tixüpetü ñoma wüxi i pexãchi üpetürüxü̃.

Wiyaegü 90:6

Rü toma rü ñoma maxẽ i pa̱xmama ya̱u̱xatüxü̃ natürü yáuanecü rüñẽ̱xẽxü̃ rü yuxü̃rüxü̃ tixĩgü.

Wiyaegü 102:4

Rü chorü maxü̃ne rü nayarümaxãchi ñoma maxẽ yarümaãchicürüxü̃. Rü ngẽmaca̱x chaxoóbü rü tama chataiya.

Wiyaegü 103:16

Rü ngẽxguma buanecü nagu nguxgu i ngẽma putürachacu rü ngẽxma narüxo rü taguma texé wena nüxü̃ tadau.

Ichaía 11:4

Rü yíxema tama nüxü̃ cua̱xgüxe nax tügü ítapoxü̃güxü̃ rü nüma rü tá nüxü̃ nacua̱x nax ñuxãcü mea tüxü̃́ namexẽẽãxü̃ i tümaarü guxchaxü̃. Rü tümaétüwa tá nachogü ya yíxema ngearü diẽruã̱xgüxe. Rü ngẽma norü ore rü ñoma wüxi i cua̱i̱xruü̃rüxü̃ tá nixĩ naxca̱x i ngẽma nuwa̱xexü̃ rü ma̱xgu rüxĩnüxü̃. Rü wüxi i cue ñaxü̃maxã tá nanayuxẽxẽ i ngẽma duü̃xü̃ i chixexü̃ üxü̃.

Ichaía 37:27

Rü yema norü duü̃xü̃gü ga yema nachixü̃anegü rü cupe̱xewa nügü nicua̱xãchitanü nax naturaexü̃. Rü namuü̃e rü naxãnee. Rü ñoma maxẽ i naanewa rüxüxü̃rüxü̃ nixĩgü rü maxẽ i ngexwaca rüxüxü̃rüxü̃ nixĩgü. Rü ñoma maxẽ i ĩpataétüwa rüxüxü̃ i taxũtáma nayaegu yuexü̃rüxü̃ nixĩgü ga yema duü̃xü̃gü.

Ichaía 40:24

Rü nümagü rü ñoma nanetügü i ngexwaca itogüxü̃, rü ngexwaca ixãxchúma̱xãxü̃rüxü̃ nixĩgü. Rü ngẽxguma Tupana natanügu cué ñaxgux rü narüñẽẽxgü rü yimá buanecü ya tacü rü ñoma maxẽ ya ipacürüxü̃ nayange.

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

Aguéu 1:9

Rü pemax rü poraãcü pepuracüe nax pexü̃́ nangẽxmaxü̃ca̱x i muxü̃ i perü nanetüarü o, natürü noxretama nixĩ i ngẽma pibuxgüxü̃. Rü ngẽma penetüarü o i pechiü̃gu namaxã penguxü̃xü̃ rü wüxi i cue ñaxü̃maxã ichayanatauxẽxẽ. ¿Rü tü̱xcüü̃ ngẽmaãcü nixĩ? Erü yima chopata rü naxtapü̱xica nügüétü nayi nax nachixexü̃ rü pemax rü pepataca̱xica pexoegaãxẽ. Rü choma ya Cori ya Tupana nixĩ i nüxü̃ chixuxü̃ i ngẽma.

Wiyaegü 103:15

Rü duü̃xü̃güarü maxü̃ rü tama nama̱x. Rü ñoma wüxi i natüanerüxü̃ nixĩ rü ñoma wüxi i putüra i naixnecücüã̱x i boxchacuxü̃rüxü̃ nixĩ.