Ichaía 40:6 - Tupanaarü Ore

⁶ Rü wüxi i naga rü ñanagürü: —¡Tagaãcü aita naxü! —ñanagürü. Rü choma rü ñachagürü: —¿Ta̱xacüxü̃ tá tagaãcü chixu? —ñachagürü. Rü choxü̃ nangãxü̃ rü ñanagürü: —Guxü̃ma i duü̃xü̃gü rü ñoma natüanerüxü̃ paxaãchitama nixĩ. Rü wüxi i putüra i paxaãchi boxüxü̃rüxü̃ nixĩ.

Ichaía 40:6 Referans Kwoze

Wiyaegü 102:11

Rü ngẽma chorü ngunexü̃gü rü paxa naxüpetü ñoma wüxi i gáuxchipetaxü̃rüxü̃. Rü chayarümaãchi ñoma maxẽrüxü̃.

Yox 14:2

Rü ñoma wüxi i putürachacu i boxüxü̃ rü paxãma rüñẽ̱xẽxü̃rüxü̃ nixĩ. Rü ñoma wüxi i naxchipeta i paxãma ngupetüxü̃ rü iyarütaxuxü̃rüxü̃ nixĩ i duü̃xü̃arü maxü̃.

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Wiyaegü 92:7

Rü ngẽma duü̃xü̃gü i chixexü̃gu rüxĩnüexü̃ rü chixexü̃ ügüxü̃ rü nimu ñoma maxẽ i baxcaxü̃rüxü̃, natürü yixcüra rü tá narüxoxochi.

Yeremía 31:6

Rü tá ínangu i ngunexü̃ i nagu aita naxüexü̃ i ngẽma dauxü̃taegüxü̃ i Efraíü̃anearü ngüchitaeruxü̃güwa dauxü̃taegüxü̃, rü ñanagürügü tá: “¡Nua pexĩ, Pa Duü̃xü̃güx, rü ngĩxã Chióü̃wa taxĩ nax Cori ya Tupanaxü̃ yarücua̱xüü̃güxü̃ca̱x!” ñanagürügü tá.

Yeremía 2:2

—¡Ngéma naxũ rü namaxã idexa i ngẽma Yerucharéü̃cüã̱x i duü̃xü̃gü! ¡Rü nataga nax mea nüxü̃ naxĩnüexü̃ca̱x i ñaa chorü ore i ñaxü̃! “Choma ya Tupana rü nüxna chacua̱xãchi rü yexguma noxri choxü̃ pecua̱xgügu rü mea chauga pexĩnüe. Rü yexguma noxri chorü duü̃xü̃gü pexü̃ chixĩxẽẽgu, rü choxü̃ pengechaü̃gü ñoma wüxi i nge i ngexwaca ãtecü rü ngĩtexü̃ ngechaü̃cürüxü̃. Rü yema choxü̃ nax pengechaü̃xü̃gagu rü chowe perüxĩ ga ínachianexü̃wa ga taxuxü̃ma i nanetü írüxüxü̃wa.

Ichaía 40:3

Rü wüxi i naga nica rü ñanagürü: —¡Cori ya Tupanaca̱x penamexẽxẽ i wüxi i nama i chianexü̃wa dapetüxü̃! Rü ngẽma ínawüxü̃wa ¡rü ipeyanawe̱xãchixẽxẽ! Rü ngẽma ínadoxonexü̃wa ¡rü penagütagü nax mea yawéxü̃ca̱x! Rü ngẽma ínangüchitaeruxü̃wa ¡rü ipeyanawe̱xãchimüanexẽxẽ! Rü ngẽma ínangücureanexü̃wa ¡rü mea penaba̱i̱xmaxẽxẽ!

Ichaía 37:27

Rü yema norü duü̃xü̃gü ga yema nachixü̃anegü rü cupe̱xewa nügü nicua̱xãchitanü nax naturaexü̃. Rü namuü̃e rü naxãnee. Rü ñoma maxẽ i naanewa rüxüxü̃rüxü̃ nixĩgü rü maxẽ i ngexwaca rüxüxü̃rüxü̃ nixĩgü. Rü ñoma maxẽ i ĩpataétüwa rüxüxü̃ i taxũtáma nayaegu yuexü̃rüxü̃ nixĩgü ga yema duü̃xü̃gü.

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Ochéa 5:8

¡Rü Guibeáwa peyacue ya cornéta, rü Ramáwa rü ta peyacue nax nangutaque̱xegüxü̃ca̱x i duü̃xü̃gü! ¡Rü Bex-abéü̃wa rü tagaãcü duü̃xü̃gümaxã nüxü̃ pixu nax nügü namexẽẽgüxü̃ca̱x nax daiwa naxĩxü̃ca̱x! ¡Rü Bẽyamíü̃tanüxü̃maxã nüxü̃ pixu nax nügü namexẽxẽgüxü̃ca̱x!

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

Chacaría 1:14

Rü yexguma ga nüma ga daxũcüã̱x rü choxü̃ namu nax guxü̃ma i duü̃xü̃gümaxã nüxü̃ chixuxü̃ca̱x i norü ore ya Cori ya Tupana ya Guxãétüwa Ngẽxmacü rü ñanagürü: —Choma rü nüxü̃ changechaxü̃xü̃chi ya Yerucharéü̃ rü yima ma̱xpǘne ya Chióü̃.