Ichaía 40:5 - Tupanaarü Ore

⁵ Rü ngẽxguma i nüma ya Cori ya Tupana rü tá nügü nango̱xẽxẽ nax ñuxãcü naporaxüchixü̃. Rü guxü̃ma i duü̃xü̃gü rü tá nüxü̃ nadaugü i ngẽma norü pora. Rü Cori ya Tupanatama nixĩ i ngẽma ñaxü̃ —ñanagürü.

Ichaía 40:5 Referans Kwoze

Abacú 2:14

Rü ngẽma Cori ya Tupanaarü üüne rü tá ñoma i naane namaxã nanapa ñoma már nax meama dexámaxã yapaxü̃rüxü̃.

Joel 2:28

Rü ñanagürü ta: —Rü nawena i ngẽma pemaxã nüxü̃ chixuxü̃ rü tá guxü̃ma i duü̃xü̃güca̱x núma chanamu i Chauãxẽ. Rü ngẽma penegü rü pexacügü rü tá chorü orexü̃ nixugüe. Rü ngẽma yaxü̃ i duü̃xü̃gü rü tá nixãnegügü. Rü ngẽma ngextü̱xüxü̃gü rü tá nüxü̃ nadaugü i ẽxü̃guxü̃ i taguma texé nüxü̃ dauxü̃.

Ichaía 52:10

Rü Tupana rü guxü̃ i nachixü̃anegüxü̃ nanawe̱x i norü pora. Rü guxü̃ i nachixü̃anegüwa tá nüxü̃ nacua̱xgü nax tórü Tupana tüxü̃ ínguxü̃xẽẽxü̃.

Ore i mexü̃ ga Luca ümatüxü̃ 3:6

Rü guxü̃ma i duü̃xü̃gü rü tá nüxü̃ nadaugü ya yimá maxẽxẽxẽruxü̃ ya Tupana núma namucü”, ñanagürü ga Ichaía ümatüxü̃ ga ore.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Ichaía 60:1

¡Íperüdagü, Pa Yerucharéü̃cüã̱xgüx! Erü wena ngóonexü̃wa pengẽxmagü. Rü Tupanaarü pora rü petanüwa nangẽxma.

Ichaía 11:9

Rü guxü̃nema ya yima ma̱xpǘne ya chopata nawa ngẽxmanewa rü tataxuma ya texé ya chixexü̃ ǘxe. Erü ngẽma már i dexámaxã napaxü̃rüxü̃ rü ñoma i naane rü ngẽma duü̃xü̃gü i choxü̃ cua̱xgüxü̃maxã tá nanapá.

Ichaía 6:3

Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.

Wiyaegü 72:19

Rü name nixĩ i guxü̃guma duü̃xü̃gü nüxü̃ nicua̱xüü̃gü i naéga i üünexü̃. Rü name nixĩ i guxü̃ma i ñaa naane rü namaxã napaxü̃ i norü üüne. ¡Rü ngẽmaãcü yixĩ!

Yema Cuáü̃ nüxü̃ dauxü̃ i yixcüra tá ngupetüxü̃chiga 21:23

Rü yima ĩane rü taxuca̱xma üa̱xcü rü tauemacü nüxü̃ nabáxi, erü Tupanaarü ngóonexü̃tama nixĩ i nangóonexẽẽxü̃. Rü yimá Carnéruxacü nixĩ ya norü omü ixĩcü.

Ngechuchuarü ngúexü̃gü ga yamugüxü̃arü puracüchiga 2:17

“Rü ñanagürü ya Tupana: ‘Ngẽma nawa iyacuáxü̃ i ngunexü̃gügu rü guxü̃ i duü̃xü̃gütanüwa tá chanamu i Chauãxẽ ya Üünecü. Rü penegü rü pexacügü rü tá nüxü̃ nixugügü i chorü ore. Rü choma rü tá chayango̱xetüxẽxẽ i perü ngextü̱xüxü̃gü, rü tá nüxü̃ nadaugü i ngẽma tá nüxü̃ chawéxü̃. Rü perü yaguã̱xgümaxã tá chidexa i nanegüwa.

Ichaía 66:23

Rü wüxichigü ya tauemacüarü ügügu rü ñu̱xũchi wüxichigü i yüxüarü chabadugu rü guxü̃ma i duü̃xü̃gü rü tá nua naxĩ nax choxü̃ yacua̱xüü̃güxü̃ca̱x. Rü choma ya Cori ya Tupana nixĩ i ngẽma ñachaxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

Ore i mexü̃ ga Cuáü̃ ümatüxü̃ 12:41

Rü yema ñanagürü ga Ichaía yerü yexguma nango̱xetügu marü nüxü̃ nadau nax aixcüma ãẽ̱xgacü ya poracü yixĩxü̃ ya Ngechuchu ya Cristu. Rü yemaca̱x yemaacü nachiga nidexa.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Chacaría 2:13

Rü name nax Cori ya Tupanape̱xewa narüchianegüxü̃ i guxü̃ma i ñoma i naanearü duü̃xü̃gü. Erü nüma rü nachica i üünexü̃wa ne naxũ nax tatanüwa naxũxü̃ca̱x.

Ichaía 1:20

Natürü ngẽxguma taxũtáma penaxwa̱xegu nax chauga pexĩnüexü̃, rü daigu perü uanügüme̱xẽgu tá peyue —ñanagürü ga Tupana.

Ore i mexü̃ ga Cuáü̃ ümatüxü̃ 17:2

Erü marü choxna cuxãga nax guxü̃ma i duü̃xü̃gümaxã ichacuáxü̃ca̱x rü nax chanamaxẽxẽẽxü̃ca̱x i guxü̃ma i duü̃xü̃gü i choxna cumugüxü̃.

Miquéa 4:4

Rü guxãtáma taxũtáma muü̃eãcü tamaxẽ. Rü wüxíechigü rü tá tümaarü úbapechitagu, rü tümaarü igunecüpechitagu tarüngü̃. Rü ñaa ore rü noxrütama nixĩ ya yimá Cori ya Tupana ya Guxãétüwa Ngẽxmacü.

Yeremía 9:12

¿Texé tixĩ ya nüxü̃ cua̱xüchixe nax ngẽmaãcü nüxü̃ tacuáxü̃ca̱x i ngẽma tá ngupetüxü̃? ¿Rü texéxü̃ nixĩ i nüxü̃ nacua̱xẽxẽxü̃ ya Cori ya Tupana i guxü̃ma i ngẽma tá ngupetüxü̃ nax ngẽmaãcü togümaxã nüxü̃ tixuxü̃ca̱x? ¿Rü ta̱xacüca̱x yixĩxü̃ i chixexü̃wa nangẽxmaxü̃ i ñaa nachixü̃ane? ¿Rü ta̱xacüca̱x yixĩxü̃ i ñoma chianexü̃ i taxúema nawa üpetüxü̃rüxü̃ yixĩxü̃?

Ichaía 49:6

Rü nüma ya Tupana rü ñanagürü: —Choma rü cuxü̃ chamu nax cunanutaque̱xexü̃ca̱x i Acóbuarü duü̃xü̃gü rü nachixü̃aneca̱x cunawoeguxẽẽxü̃ca̱x i ngẽma Iraétanüxü̃. Rü naétü cuxü̃ chamu nax wüxi i omü quixĩxü̃ca̱x naxca̱x i guxü̃ma i nachixü̃anegü. Rü cuxü̃ chamu nax nüxü̃ nüxü̃ cucua̱xẽẽxü̃ca̱x i chorü ore i maxü̃ nüxna ãxü̃ i guxü̃ma i nachixü̃anecüã̱x woo ngẽma yáxü̃wa ngẽxmagüxü̃ —ñanagürü.

Wiyaegü 96:6

Rü nüma ínangexmaxü̃wa rü nangóone. Rü napatawa nangẽxma i pora rü guxü̃ma namexẽchi.

Ore i mexü̃ ga Luca ümatüxü̃ 2:32

Rü nüma tá nixĩ i norü ngóonexẽẽruxü̃ i ngẽma duü̃xü̃gü i tama Iraétanüxü̃ ixĩgüxü̃. Rü daa bucü rü curü duü̃xü̃gü i Iraétanüxü̃arü poraxẽẽruxü̃ tá nixĩ”, ñanagürü.

Yeremía 32:27

—Choma rü guxü̃arü Cori chixĩ rü guxü̃ i ta̱xacü i maxẽxü̃arü Tupana chixĩ. Rü nataxuma i ta̱xacü i choxü̃́ guxchaxü̃ nax chanaxüxü̃.

Ichaía 66:16

Erü Tupana rü üxümaxã rü taramaxã tá nanapoxcue i guxü̃ma i ñoma i naanewa maxẽxü̃ i duü̃xü̃gü. Rü tá namuxũchi i ngẽma poxcugu yuexü̃.

Ínachoxü̃xü̃chiga 16:7

Rü moxü̃ pa̱xmama tá nüxü̃ pedau i Cori ya Tupanaarü pora i tá pexü̃ nawéxü̃, erü nüma rü nüxü̃ naxĩnü nax chixri nüxü̃ pixugüechaü̃. ¿Ta̱xacüca̱x tomaxã chixri pidexagü? Erü tomagü rü taxuxü̃ma tixĩgü —ñanagürügü.

Wiyaegü 97:6

Rü guxü̃ma i ngẽma dauxü̃wa nüxü̃ idauxü̃ rü tüxü̃ nüxü̃ nacua̱xẽxẽ nax nüma ya Tupana rü ãẽ̱xgacü ya mecü yixĩxü̃. Rü guxü̃ma i duü̃xü̃gü i ñoma i naanecüã̱x rü nüxü̃ nadaugü nax naxüünexü̃ i nümax.

Ichaía 34:16

¡Rü ngẽma Cori ya Tupanaarü orewa pengúe! Rü taxũtáma wüxi i ngẽma naeü̃gü rü ngéma nangeéga, rü taxuxü̃táma nayangemücü i ngexewa. Erü nümatama ya Cori ya Tupana rü ngẽmaãcü nanaxwa̱xe, rü wüxi cue ñaxü̃maxã tá nixĩ i wüxiwa nagagüãxü̃.

Nüxíraxü̃xü̃ ga popera ga ãẽ̱xgacügüchiga 14:11

Rü ngẽma cutanüxü̃ i ĩanegu yuexü̃ rü airugü tá nanangõ̱xgü rü ngẽma cutanüxü̃ i naanegu yuexü̃ rü ngurucugü tá nanangõ̱xgü erü choma i Cori ya Tupana rü ngẽmaãcü namaxã chanaxuegu”, ñaxü̃ —ñanagürü ga Aía.

Wiyaegü 102:17

Rü nüma ya Cori ya Tupana rü tá nüxü̃ naxĩnü i norü yumüxẽ i ngẽma ngéma wogümarexü̃, rü taxũtáma nüxü̃ naxo i ngẽma naxca̱x ínacagüxü̃.

Ichaía 26:15

Pa Corix, cuma nixĩ i toxü̃ quimuxẽẽxü̃ nax ngẽmaãcü cuxü̃ ticua̱xüü̃güxü̃ca̱x. Rü ñu̱xũchi toxü̃́ nüxü̃ cutaneta i guxü̃ma i tochixü̃anearü üyeanegü.

Ichaía 66:18

Erü choma rü nüxü̃ chacua̱x i ngẽma nagu naxĩnüexü̃ rü ngẽma naxügüxü̃ i ngẽma duü̃xü̃gü. Rü ngẽmaca̱x i choma rü tá chanangutaque̱xexẽxẽ i guxü̃ma i nachixü̃anecüã̱xgü i duü̃xü̃gü i to i nagawa idexagüxü̃. Rü tá nua nangugü rü tá nüxü̃ nadaugü i chorü pora.