Ichaía 40:12 - Tupanaarü Ore

¹² ¿Rü texé ya tümachacume̱xẽmaxã inanguxe i már arü dexá, rüe̱xna tümatanüme̱xẽgümaxã nangugüxe i daxũguxü̃ i naanearü ta? ¿Rü texé wüxi i nguruü̃gu tanagücu i ñoma i naanearü waixü̃müte̱xe? ¿Rü texé yáruü̃wa tanayá ya guxü̃nema ya ma̱xpǘnegü?

Ichaía 40:12 Referans Kwoze

Ucu̱xẽgüchiga 30:4

¿Texé tixĩ ya yíxema marü daxũguxü̃ i naanegu ĩnagüxe rü ngéma írüxĩxe? ¿Rü texé tügüme̱xẽgu tayayauxema ya buanecü? ¿Rü texé tügüchirugu tananuque i már? ¿Rü texé nüxü̃ tixu nax ngexta yacuáxü̃ i ñoma i naane? ¿Rü texé nüxü̃ tacua̱x i naéga rü naneéga?

Ichaía 48:13

Rü choma nixĩ ga chorü poramaxã chanaxüxü̃ ga daxũguxü̃ i ĩane rü ñoma i naane. Rü yexguma naégaxü̃ chixuxgu rü nangóe ga daxũguxü̃ i naane rü ñoma i naane.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Yox 28:25

Rü yexguma Tupana pora nüxna ãxgu ga buanecü rü yatoxyepe̱xeãgu ga már arü dexá, rü yexguma nüxü̃ naxunetagu ga ñuxgu tá napuxü̃, rü ngextá tá yaxũxü̃ ga tacü ga buanecü, rü yexguma nixĩ ga Tupana nüxü̃ nadauxü̃ ga yema cua̱x nax aixcüma namexü̃. Rü nüxü̃ naxü rü nanangugü nax aixcüma namexü̃ i ngẽma cua̱x.

Yeremía 31:37

Rü taxucürüwa texé tanangugü i dauxü̃guxü̃ i naane, rü taxucürüwa texé ñoma i naanearü aixepewa tangu nax nüxü̃ tacuáxü̃ca̱x i ta̱xacü ngẽxmaxü̃. Rü ngẽxgumarüxü̃ ta taxucürüwa nüxü̃ chaxo i Iraétanüxü̃ naxca̱x i guxü̃ma ga yema chixexü̃ ga naxügüxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Amúx 4:13

Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.