Ichaía 39:4 - Tupanaarü Ore

⁴ Rü yexguma ga nüma ga Ichaía rü ãẽ̱xgacüna naca rü ñanagürü: —¿Rü ta̱xacü nixĩ ga nüxü̃ nadaugüxü̃ i nua cupatawa? —ñanagürü. Rü nüma ga Echequía rü nanangãxü̃ rü ñanagürü: —Nüxü̃ nadaugü ga guxü̃ma i ngẽmaxü̃gü i chopatawa ngẽxmagüxü̃. Rü guxü̃ma nüxü̃ chawe̱x rü taxuxü̃ma i chorü ngẽmaxü̃gü ichicu̱x —ñanagürü.

Ichaía 39:4 Referans Kwoze

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

Ucu̱xẽgüchiga 28:13

Ngẽma duü̃xü̃ i norü pecadu icúxü̃ rü taxũtáma mexü̃ nüxü̃ naxüpetü. Natürü ngẽma duü̃xü̃ i nüxü̃ ixuxü̃ i norü pecadu rü nüxü̃ rüxoxü̃, rü Tupana rü tá nüxü̃́ nüxü̃ inayarüngüma.

Ucu̱xẽgüchiga 23:5

Erü ngẽxguma meama nagu rüxĩnügu, rü tama natai i tórü ngẽmaxü̃gü i tüxü̃́ ngẽxmagüxü̃, erü ñoma yaxãxpe̱xatüxü̃rüxü̃ tá inarütaxu, rü dawürüxü̃ tá nixüü̃. -8-

Yox 31:33

Rü taguma togürüxü̃ ichayacu̱x ga yema chixexü̃ ga chaxüxü̃ rü taguma chayacúchigü nax duü̃xü̃gü tama nüxü̃ cuáxü̃ca̱x.

Yochué 7:19

Rü yexguma ga Yochué rü Acáü̃xü̃ ñanagürü: —Pa Chaunex, name nixĩ i cunataxẽxẽ rü nüxü̃ quicua̱xüxü̃ ya Cori ya Iraétanüxü̃arü Tupana. ¡Rü chomaxã nüxü̃ ixu i ta̱xacü nax cuxüxü̃! ¡Rü taxṹ icuyacúxü̃! —ñanagürü.

Ichaía 39:3

Rü yemawena ga nüma ga orearü uruxü̃ ga Ichaía rü ãẽ̱xgacü ga Echequíaxü̃tawa naxũ rü nüxna nayaca rü ñanagürü: —¿Ngextá ne naxĩ i ngẽma yatügü i cuxü̃tawa ngugüxü̃, rü ta̱xacüxü̃ yixĩxü̃ i cumaxã yaxugüxü̃? —ñanagürü. Rü nüma ga Echequía rü nanangãxü̃ rü ñanagürü: —Ngẽma duü̃xü̃gü rü yáxü̃guxü̃ i nachixü̃ane i Babiróniawa ne naxĩ —ñanagürü.

Ichaía 39:5

Rü yexguma ga nüma ga Ichaía rü Echequíaxü̃ ñanagürü: —¡Dücax, irüxĩnü i ñaa ore ya Cori ya Tupana ya Guxãétüwa Ngẽxmacü nua cuxca̱x muxü̃!: