Ichaía 38:3 - Tupanaarü Ore

³ —Pa Corix, Pa Tupanax, rü cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü poraãcü naxaxu.

Ichaía 38:3 Referans Kwoze

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Neemía 13:14

¡Pa Chorü Tupanax, nüxna nacua̱xãchi i guxü̃ma i ngẽma chaxüxü̃! Rü tama name i nüxü̃ curüngü̃ma i guxü̃ma i ngẽma mexü̃ i cupata ya taxü̃neca̱x rü curü cua̱xüxü̃ca̱x chaxüxü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Neemía 13:22

Rü yemawena rü chanamu ga Lebítanüxü̃ nax Tupanaca̱x nügü yamexẽẽgüxü̃ca̱x rü nüxna nax nadaugüxü̃ca̱x ga ĩanearü ĩã̱xgü nax tama nachocuxü̃ca̱x ga yema taxetanüxü̃, rü duü̃xü̃gü naxauregüãxü̃ca̱x ga ngü̃xchigaarü ngunexü̃. ¡Pa Chorü Tupana, choxna nacua̱xãchi naxca̱x i ngẽma chaxüxü̃, rü cuxü̃́ chaxauxãchitümüxü̃! Erü cuma rü cumecümaxü̃chi.

Neemía 5:19

¡Pa Chorü Cori ya Tupanax, nüxna nacua̱xãchi i ngẽma guxü̃ma i mexü̃ i ñaa duü̃xü̃güca̱x chaxüxü̃ rü choxna naxã i curü ngü̃xẽxẽ!

Wenaxarü naxümatü ga Tupanaarü mugü 6:18

¡Rü penaxüx i ngẽma aixcüma we̱xguxü̃ i Cori ya Tupana namaxã taãẽxü̃ nax ngẽmaãcü mea pexü̃ nangupetüxü̃ca̱x rü aixcüma penayaxuxü̃ca̱x i ngẽma mexü̃ i naane ga Cori ya Tupana perü o̱xigümaxã nüxü̃ yaxuxü̃!

Wiyaegü 6:8

¡Rü choxna pixĩgachix, Pa Chixexü̃arü Üruxü̃güx! Erü nüma ya Cori ya Tupana rü marü nüxü̃ naxĩnü i chorü axu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:19

Rü ngẽxgumarüxü̃ ta ya yimá chaune ya Charomóü̃ ¡rü nüxna naxã i wüxi i naãxẽ i cugu rüxĩnüxü̃ nax ngẽmaãcü mea nagu namaxü̃xü̃ca̱x i ngẽma curü mugü rü curü ucu̱xẽgü rü cucümagü, rü ngẽmaãcü naxüaxü̃ca̱x ya yima cupata ya taxü̃ne ya naxca̱x chananutaque̱xene i ngẽmaxü̃gü! —ñanagürü ga Dabí.

Ochéa 12:4

Rü nüma ga Acóbu rü Tupanaarü duü̃xü̃ ga daxũcüã̱xmaxã nügü nawogü, rü Acóbu narüporamae. Rü nüma ga Acóbu rü naxaxu rü Tupanaarü ngü̃xẽẽca̱x ínaca. Rü Tupana rü Betégu Acóbuxü̃ nangau, rü yéma Acóbumaxã nidexa.

Wiyaegü 119:80

¡Rü choxü̃ rüngü̃xẽxẽ nax mea chayanguxẽẽxü̃ca̱x i curü mugü nax taxuca̱xma chaxãnexü̃ca̱x! -11-

Wiyaegü 102:9

Rü ngẽma nax ngúxü̃ chingexü̃gagu rü tama chataiya rü düxwa tanimaca chanangõ̱xmare. Rü ngẽma chorü axexü̃ rü chauxgüxü̃etümaxã naxãéxü̃ erü chomaxã cunuxũchi. Rü ãẽ̱xgacüwa choxü̃ cungu̱xẽxẽ nax yixcüra choxü̃ curütáexü̃ca̱x.

Wiyaegü 32:2

Rü nataãxẽ ya yimá yatü ya Tupana nüxü̃́ nüxü̃ irüngümacü i norü pecadu rü norü maxü̃wa rü nataxuma i dora.

Wiyaegü 101:2

Rü chanaxwa̱xe nax aixcüma mea cuxca̱x chamaxü̃xü̃. ¿Rü ñuxgu tá chauxü̃tawa cuxũ nax choxü̃ curüngü̃xẽẽxü̃ca̱x? Rü ngẽmaãcü i chorü maxü̃ rü aixcüma tá name nape̱xewa i chopatacüã̱xgü.

Wiyaegü 26:3

Choma nüxü̃ chacua̱x nax choxü̃ cungechaü̃xü̃, rü guxü̃guma mea cuga chaxĩnüxü̃.

Wiyaegü 16:8

Rü guxü̃guma nachauxü̃tagu ya Cori. Rü chorü tügünecüwawa nangẽxma rü ngẽmaca̱x taxuxü̃táma i ta̱xacü chixexü̃gu choxü̃ nanguxẽxẽ.

Neemía 13:31

Rü yema üxüarü yauxruü̃gü rü mea ichayanu, nax yemaacü nüxü̃ nacua̱xgüxü̃ca̱x nax ñuxgu tá nawa yanguchigüxü̃ i üxüarü yaxu. Rü mea ichananu nax ñuxgu tá duü̃xü̃gü inaxãgüxü̃ i nüxíraxü̃xü̃ i nanetüarü o. Rü yemawena rü Tupanaxü̃ ñachagürü: —¡Choxna nacua̱xãchi, Pa Corix, rü choxü̃ rüngü̃xẽxẽ! —ñachagürü.

Neemía 1:4

Rü yexguma yemaxü̃ chaxĩnügu rü poraãcü choxü̃́ nangu̱x rü chaxaxu. Rü ñuxre ga ngunexü̃ rü chaxaure rü Cori ya Tupanamaxã chidexa.

Édra 10:1

Rü yexguma Édra ñaxtüanegu nayangücuchigu norü to̱xma̱xtawa ga guma Tupanapata ga taxü̃ne, rü yéma naxauxãcüma nayumüxẽ, rü Tupanamaxã nüxü̃ nixu ga duü̃xü̃güarü chixexü̃gü. Rü yexgumayane yéma nangugü ga muxü̃ma ga Iraétanüxü̃ ga yatügü, rü ngexü̃gü, rü buxü̃gü, rü Édraxü̃tagu nangutaque̱xe rü wüxigu poraãcü naxauxe.

Norü taxre ga to ga popera ga ãẽ̱xgacügüchiga ümatüxü̃ 25:2

Rü yema naxüxü̃ ga Amachía rü Cori ya Tupanape̱xewa name. Natürü tama aixcüma guxü̃guma mexü̃gu narüxĩnü.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:9

Rü nüma ga duü̃xü̃gü rü nataãẽgü yerü norü ngúchaü̃maxã Cori ya Tupanana nanaxãmaregü ga norü yemaxü̃gü. Rü yexgumarüxü̃ ta rü nüma ga ãẽ̱xgacü ga Dabí rü poraãcü nataãẽxü̃chi.

Nüxíraxü̃xü̃ ga popera ga ãẽ̱xgacügüchiga 2:4

Rü ngẽxguma ngẽmaãcü cunaxüxgux rü Tupana rü tá cuwa nayanguxẽxẽ ga yema uneta ga chomaxã nüxü̃ yaxuxü̃ ga yexguma ñaxgu choxü̃: “Rü ngẽxguma chi yimá cune rü cutaagü rü mea chauga naxĩnüegu rü aixcüma cha̱u̱xca̱x namaxẽgu rü tama choxna yaxĩgachixgu, rü guxü̃gutáma natanüwa tá nixĩ i Iraéanecüã̱xgüarü ãẽ̱xgacü ne naxũxü̃, rü tagutáma nataxu nax wüxi i cutaxa i Iraéanecüã̱xgüarü ãẽ̱xgacü yixĩxü̃”, ñanagürü choxü̃.

Naanearü ügüchiga 17:1

Rü yexguma Abráü̃ 99 ga taunecü nüxü̃́ yexmagu rü Cori ya Tupana naxca̱x nango̱x rü ñanagürü nüxü̃: —Choma nixĩ ya Tupana ya Guxü̃étüwa Ngẽxmacü chixĩxü̃. Rü chanaxwa̱xe i aixcüma mea cumaxü̃ i chope̱xewa.

Naanearü ügüchiga 6:9

Rü ñaa nixĩ i Noéchiga. Rü nüma ga Noé rü wüxi ga yatü ga mecü nixĩ, rü guxü̃guma Cori ya Tupanaga naxĩnü. Rü natanüwa ga yema duü̃xü̃gü ga yexgumaxü̃cüü maxẽxü̃, rü nüxicatama nixĩ ga Cori ya Tupana naxwa̱xexü̃ãcü namaxü̃xü̃.

Nüxíraxü̃xü̃ ga popera ga ãẽ̱xgacügüchiga 15:14

Rü woo tama nanaxoxẽxẽ ga yema tupananetaarü ngutaque̱xechicagü, natürü nüma ga Achá rü guxü̃guma Cori ya Tupanaweama narüxũ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Wiyaegü 6:6

Rü marü chipa nax charüdoxüxü̃. Rü guxü̃ i chütaxü̃gu rü poraãcü chaxaxu, rü ngẽmaca̱x düxwa chauxgüxü̃etümaxã niwai i chorü cüxeruxü̃.

Ichaía 38:2

Rü nüma ga Echequía rü nadixeguãchi rü ĩxtapü̱xguama nabuenü rü ñaãcü nayumüxẽ:

Ichaía 38:4

Rü yemaca̱x nüma ga Cori ya Tupana rü Ichaíamaxã nidexa rü ñanagürü nüxü̃:

Norü taxre ga popera ga ãẽ̱xgacügüchiga 18:3

Rü yema Echequía üxü̃ rü name ga Cori ya Tupanape̱xewa guma nũxcümaü̃cü ga norü o̱xi ga Dabí üxü̃rüxü̃.