Ichaía 38:2 - Tupanaarü Ore

² Rü nüma ga Echequía rü nadixeguãchi rü ĩxtapü̱xguama nabuenü rü ñaãcü nayumüxẽ:

Ichaía 38:2 Referans Kwoze

Ore i mexü̃ ga Matéu ümatüxü̃ 6:6

Natürü ngẽxguma cuyumüxẽgu, rü name nixĩ i curü ucapugu cuxücu, rü cunawãxta i curü ĩã̱x, rü ngéma quidexa namaxã ya Cunatü ya cumaxãxicatama ngéma ngẽxmacü. Rü ngẽxguma ya yimá Cunatü ya nüxü̃ daucü i ngẽma bexma cuxüxü̃, rü tá cuxna nanaxã i curü ãmare.

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Nüxíraxü̃xü̃ ga popera ga ãẽ̱xgacügüchiga 8:30

¡Rü nüxü̃ naxĩnü i ngẽma naxca̱x íchacaxaxü̃, rü nüxü̃ naxĩnü i curü duü̃xü̃gü i Iraétanüxü̃arü yumüxẽ ega ngẽxguma ñaa nachicagu tarüdaunüãcüma tayumüxẽgügu! ¡Rü nüxü̃ naxĩnü i daxũguxü̃ i naanewa i ngextá ícumaxü̃xü̃wa rü toxü̃́ nüxü̃ rüngüma i torü chixexü̃gü!

Ichaía 38:1

Nüma ga Echequía rü poraãcü nida̱xawe. Rü yemaca̱x ga orearü uruxü̃ ga Ichaía ga Amú nane, rü ínayadau rü ñanagürü nüxü̃: —Cori ya Tupana rü ñanagürü cuxü̃: “¡Ẽcü, namaxã idexa i cuxacügüx, rü yaxucu̱xẽgü nax mea namaxẽxü̃ca̱x i cuwena! Erü ñu̱xma rü taxũtáma cuxca̱x nitaane, rü tá cuyu” —ñanagürü.

Ichaía 38:3

—Pa Corix, Pa Tupanax, rü cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü poraãcü naxaxu.