Ichaía 38:16 - Tupanaarü Ore

¹⁶ Rü yíxema Cori ya Tupana tüxna dauxe rü tá tamaxẽ, rü guxü̃ma i ngẽmatanüwa tá nixĩ i chamaxü̃xü̃ i chomax. Rü cuma nixĩ i cha̱u̱xca̱x cuyataanexẽẽxü̃ rü cha̱u̱xca̱x cunataeguxẽẽxü̃ i ngẽma chorü maxü̃.

Ichaía 38:16 Referans Kwoze

1 Corintios 11:32

Natürü ngẽxguma tórü Cori ñoma i tórü maxü̃wa tüxü̃ poxcugu, rü ngẽmaãcü tüxü̃ inayarüwe̱xãchixẽxẽ nax tama yixcüra naanearü gu̱xgu tüxü̃ napoxcuxü̃ca̱x wüxigu namaxã i ngẽma duü̃xü̃gü i tama yaxõgüxü̃.

Ore i mexü̃ ga Matéu ümatüxü̃ 4:4

Natürü Ngechuchu nanangãxü̃, rü ñanagürü: —Tupanaarü ore i ümatüxü̃ rü ñanagürü: “Taũtáma paũxica nanamaxẽxẽxẽ i duü̃xü̃gü, natürü guxü̃ma i ore ya Tupana nüxü̃ ixuxü̃ nixĩ i duü̃xü̃güxü̃ maxẽxẽẽxü̃”, —ñanagürü.

Wiyaegü 119:25

Rü marü chatura rü chayuxchaü̃. ¡Rü maxü̃ choxna naxã i ngẽma chomaxã nüxü̃ quixuxü̃rüxü̃!

Ichaía 64:5

Rü cuma rü tüxü̃ cuyaxu ya yíxema tümaarü taãẽmaxã mexü̃ üxe rü nüxna cua̱xãchixe nax tanaxüxü̃ i ngẽma cuma cunaxwa̱xexü̃. Natürü i ñu̱xma rü tomaxã cunu erü cupe̱xewa chixexü̃ taxügü rü nũxcümacürüwatama tama cuga taxĩnüe.

Wiyaegü 71:20

Rü woo muxü̃ma ga guxchaxü̃gü rü ĩ̱xãchiãẽgüwa choxü̃ cuxüpetüxẽxẽ, natürü wenatáxarü choxü̃ cutaãẽxẽxẽ. Rü tá choxü̃ ícurüdaxẽxẽ nawa i chorü guxchaxü̃gü, ñoma waixü̃mütüü̃wa írüdaxgurüxü̃.

Wenaxarü naxümatü ga Tupanaarü mugü 8:3

Rü woo ngúxü̃ pexü̃ ningexẽxẽ rü taiya pexü̃́ nangu̱x, natürü yixcüama nüma ga Tupana rü daxũcüã̱x ga paũ ga manámaxã pexü̃ nachibüexẽxẽ woo ga pema rü woo ga nũxcümaü̃xü̃ ga perü o̱xigü rü taguma nüxü̃ nadaugüxü̃ ga yema. Rü yema naxü nax pexü̃ nüxü̃ nacua̱xẽxẽ rü tama õnaxica nixĩ i namaxẽẽxü̃ i wüxi i duü̃xü̃, natürü guxü̃ma i norü ore i Tupanaã̱xwa ixũxũxü̃ nixĩ i aixcüma namaxẽẽxü̃.

2 Corintios 4:17

Erü ngẽma ngúxü̃ i ñu̱xma torü maxü̃wa tingexü̃, rü wüxi i paxaãchimare nixĩ rü paxa tá nangupetü. Natürü ngẽma ngúxü̃gagu rü tá tanayaxu i wüxi i maxü̃ i mexẽchixü̃ i tagutáma gúxü̃.

Popera ga Yudíugü ga yaxõgüxü̃ca̱x ümatüxü̃ 12:9

Rü yexguma ibuegu, rü tanatügü tüxü̃ taxucu̱xẽgü, rü yixema rü tümaga taxĩnüe rü tüxü̃ tangechaü̃gü. Rü ñu̱xma rü yexeraãcü tanaxwa̱xe nax naga ixĩnüexü̃ ya Tanatü ya daxũgucü nax ngẽmaãcü nayaxuxü̃ca̱x i maxü̃ i taguma gúxü̃.

Wiyaegü 39:13

Pa Corix ¡taxṹ i numaxã choxü̃ cudawenüxü̃! ¡Rü cha̱u̱xca̱x yataanexẽxẽ nax wena chataãẽxü̃ca̱x naxü̃pa nax chayuxü̃! —ñachagürü.

Wiyaegü 119:71

Rü choxü̃́ name ga yema choxü̃ nax cuxucu̱xẽxü̃. Erü yemaacü nixĩ i nüxü̃ chacuáxü̃ nax naga chaxĩnüxü̃ i ngẽma curü mugü.

Wiyaegü 119:75

Pa Cori Pa Tupanax, choma rü nüxü̃ chacua̱x i ngẽma curü mugü rü meama niwe̱x. Rü tama ícutü i ngẽxguma choxü̃ icuyarüwe̱xãchixẽẽgu.

Wiyaegü 30:3

Rü nawa choxü̃ ícunguxuchixẽxẽ i ngẽma yu rü choxü̃ cumaxẽxẽ. Rü ngẽmaca̱x tama chayu.