Ichaía 34:7 - Tupanaarü Ore

⁷ Rü ngẽma ãẽ̱xgacügü i Edóü̃cüã̱xgü rü tá nadai ñoma wocagü iyatüxü̃ daiwa nagagüxü̃rüxü̃. Rü ñoma wocaacügürüxü̃ rü wocagü iyatüxü̃rüxü̃ tá nayue i ngẽma Edóü̃cüã̱xgü rü waixü̃mü rü tá nagümaxã nawaiane rü waixü̃müte̱xe rü norü chíxü̃maxã tá guxü̃wama niwaite̱xe.

Ichaía 34:7 Referans Kwoze

Wiyaegü 68:30

Pa Tupanax, ¡napoxcu i ngẽma Equítuanearü ãẽ̱xgacü i cumaxã rüxuanüxü̃ i ñoma wocagü i iyatüxü̃ i düraexü̃ i dexnenecüwa maxẽxü̃rüxü̃ ixĩgüxü̃! Rü Equítuanepe̱xewa rü ngẽma togü i nachixü̃anegü rü ñoma wocaxacügürüxü̃ naturae. ¡Naxãneexẽxẽ i ngẽma Equítuane nax cupatawa nanaãxü̃ca̱x i diẽrumena̱xãgü! ¡Rü nawoone i ngẽma nachixü̃anegü i daigu rüxĩnüexü̃!

Iraétanüxü̃arü muxchiga 23:22

Rü yimá norü Tupana nixĩ ga Equítuanewa ínanguxü̃xẽẽxü̃ namaxã ga taxü̃ ga norü pora i búfalo i düraxü̃arü poraxü̃ rüyexeraxü̃.

Yeremía 50:27

¡Penadai i guxü̃ma i Babiróniaanearü churaragü! ¡Daichicawa penamugü! Rü wüxi i taxü̃ i ngechaü̃ nixĩ i naxca̱x i ngẽma duü̃xü̃gü. Marü nawa nangu i norü ngunexü̃ rü norü ora nax napoxcuexü̃ —ñanagürü.

Yeremía 50:11

Rü pema, Pa Cadéugüx, rü yexguma chorü duü̃xü̃güarü yemaxü̃gü pinaxgu rü poraãcü petaãẽgü. Rü ñoma wocaxacü i mecü ya maxẽnecüwa yuxnagüxü̃rüxü̃ petaãẽgü. Rü ñoma cowarugürüxü̃ petagagü.

Yeremía 46:21

Pa Equítuanecüã̱xgüx, ngẽma perü churaragü i nüxü̃́ penaxütanüxü̃ nax pexü̃ nangü̃xẽẽgüxü̃ca̱x i daiwa rü ngẽmagü rü ñoma wocaxacügü i ngüexü̃rüxü̃ nixĩgü. Natürü i nümagü rü tá ta nibuxmü, rü taxucürüwa yáxna namaxã naxĩnüe i ngẽma uanü. Erü marü nawa nangu i ngẽma ngunexü̃ i nagu tá guxchaxü̃ pexca̱x ínguxü̃ rü ngẽma ora i nagu pepoxcuexü̃.

Wiyaegü 92:10

Rü cuma rü yexeraãcü choxü̃ quiporaxẽẽchigü ñoma wüxi i woca i yatüxü̃rüxü̃. Rü pumaramaxã choxü̃ cubaeru.

Wenaxarü naxümatü ga Tupanaarü mugü 33:17

Rü ngẽma Yúchetanüxü̃ rü tá namexẽchi ñoma woca i yatüxü̃xacü i nüxíra buxü̃rüxü̃. Rü tá naporaxüchi ñoma wüxi i búfalorüxü̃. Rü guxü̃ma i duü̃xü̃gütücumügü i ñoma i naanewa ngẽxmagüxü̃maxã tá napora. Rü ngẽmaãcü tá nixĩ i ngẽma muxũchixü̃ i Efraíü̃tanüxü̃ rü ngẽma muxü̃ i Manachétanüxü̃ —ñanagürü.

Iraétanüxü̃arü muxchiga 24:8

Rü yimá norü Tupana nixĩ ga Equítuanewa ínanguxü̃xẽẽxü̃ namaxã ga taxü̃ ga norü pora i búfalo i düraxü̃arü poraxü̃ rüyexeraxü̃. Rü pema i Iraétanüxü̃ rü tá penadai i guxü̃ma i nachixü̃anecüã̱xgü i perü uanügü ixĩgüxü̃. Rü tá ipenapóü̃güchina̱xã, rü tá pexnemaxã penadai.

Wiyaegü 22:21

¡Rü choxü̃ ínapoxü̃ nüxna i ñaa duü̃xü̃gü i ñoma leóü̃gürüxü̃ ixĩgüxü̃ rü ñoma wocagü i iyatüxü̃ i düraexü̃rüxü̃ ixĩgüxü̃!

Ichaía 63:6

Rü poraãcü chanu rü ngẽmaca̱x chanadai i ngẽma togü i nachixü̃anecüã̱xgü. Rü yimá nagü rü waixü̃müanegu chayaya̱xẽxẽ —ñanagürü.

Yeremía 25:34

¡Ẽcü pexauxe, Pa Duü̃xü̃güarü Ãẽ̱xgacügüx! ¡Rü pema i duü̃xü̃gümaxã ipecuáxü̃ rü waixü̃müanegu pidixgü! Erü marü nawa nangu i ngunexü̃ nax pexü̃ nada̱i̱xü̃ ñoma carnérugü i ngüexü̃ ida̱i̱xü̃rüxü̃. Rü ñoma wüxi i axepáü̃ i mexẽchixü̃ irünguxü̃rüxü̃ tá perüyi.

Echequié 32:6

Rü ngẽma waixü̃mü rü tá cugümaxã chayawaianexẽxẽ ñu̱xmata yima ma̱xpǘnegüarü tuãchiwa nangu. Rü yima cugümaxã tá nanapagü i ngẽma natüacügü.

Echequié 39:17

Rü Cori ya Tupana rü chomaxã nidexa rü ñanagürü: —Pa Yatüx, ¡namaxã nüxü̃ ixu i guxü̃ma i ngurucugü rü guxü̃ma i naeü̃gü i düraexü̃ i guxü̃wama ne ĩxü̃ nax Iraéanearü máxpü̱xanexü̃gu nangutaqu̱exegüxü̃ca̱x! Erü ngẽxma tá chanadai i Iraéanearü uanügü rü ngẽmaãcü tá ngẽma ngurucugüca̱x rü naeü̃güca̱x chanamexẽxẽ i wüxi i taxü̃ i õna nax nangõ̱xgüãxü̃ca̱x i namachi rü yaxaxgüãxü̃ca̱x ya nagü.

Echequié 39:18

Rü ngẽma ngurucugü rü naeü̃gü rü ñoma carnérugümachi, rüe̱xna carnéruxacügümachi, rüe̱xna chíbugümachi, rüe̱xna wocaxacügü i Bacháü̃anegu íngüexü̃machi nangõ̱xgüxü̃rüxü̃ tá nanangõ̱xgü i ngẽma churaragümachi rü tá nayaxagü ya nagü i ñoma i naanearü ãẽ̱xgacügü.