Ichaía 34:5 - Tupanaarü Ore

⁵ Rü daxũwa tá nango̱x i Cori ya Tupanaarü tara. Rü natanügu tá nangu i Edóü̃anearü duü̃xü̃gü ya Tupana yu namaxã ueguxü̃.

Ichaía 34:5 Referans Kwoze

Yeremía 46:10

Rü ñaa nixĩ i ngunexü̃ i Cori ya Tupana ya Guxãétüwa Ngẽxmacü tá nagu nada̱i̱xü̃ i norü uanügü. Rü taramaxã tá nanadai rü tacü ya nagü tá inaba ñu̱xmata mea nüxü̃́ yangu. Rü nüma ya Cori ya Tupana ya Guxãétüwa Ngẽxmacü rü ngẽma naane i nórtewa ngẽxmaxü̃wa tá nanadai i norü uanügü i taxtü i Eufrátearü ngaicamawa ngẽxmaxü̃.

Maraquía 1:4

Rü ngẽxguma ngẽma Edóü̃cüã̱x i Echaú nataagü rü woo ñagügu: —Yixemagü rü marüchire̱x itarüxogü, natürü wena tá ítanadaxẽẽãma i tachixü̃ane —ñagügu, natürü nüma ya Cori ya Tupana ya Guxãétüwa Ngẽxmacü rü ñaãcü tá nanangãxü̃ rü ñanagürü: —Woo penamexẽẽgu i ngẽma pechixü̃ane, natürü choma rü tá wena ichanaxoxẽxẽ. Rü ngẽma perü naane rü Chixexü̃ i Nachixü̃anemaxã, tá nanaxugü i duü̃xü̃gü. Rü Duü̃xü̃gü ya Tupana Namaxã Nuxü̃maxã tá pexü̃ naxugü.

Ichaía 63:1

—¿Texé tixĩ ya yíxema tümachiru i daucharaxü̃maxã ĩane ya Bochráwa ne ũxẽ i Edóü̃arü naanewa? ¿Rü texé tixĩ ya poraãcü rü nuãcü tümachiru i mexẽchixü̃maxã ngéma ne ũxẽ? Rü choma i Iraétanüxü̃arü Tupana chixĩ i nüxü̃ chixuxü̃ nax charüporamaexü̃. Rü choxü̃́ nangẽxma i pora nax íchananguxü̃xẽẽxü̃.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

Chofonía 2:12

Rü ngẽxgumarüxü̃ tá ta i pemax, Pa Etiopíaanecüã̱xgüx, rü Cori ya Tupanaarü taragu tá peyue.

Yeremía 47:6

Pa Tupanax, poraãcü ngúxü̃ tingegü. ¿Rü ñuxgura tá ta nüxü̃ curüchauxü̃ nax curü taramaxã toxü̃ cuda̱i̱xü̃? ¡Nachixü̃gu yaxǘcuchi i curü tara nax tama namaxã toxü̃ cuda̱i̱xü̃ca̱x!

Ichaía 24:6

Rü ngẽmaca̱x nixĩ i chixexü̃ naxca̱x ínguxü̃ i ñoma i naane rü ngẽma duü̃xü̃gü i nawa maxẽxü̃ rü ngúxü̃ yangegüxü̃. Rü ngẽmaca̱x nixĩ i ínagu̱xü̃ i ngẽma duü̃xü̃gü i ñoma i naanewa maxẽxü̃ rü ínaxĩxü̃ i norü mu, rü noxretama íyaxügüxü̃.

Wiyaegü 137:7

Pa Cori Pa Tupanax ¡taxṹ i cunangupetüxẽxẽmarexü̃ nax cupoxcuexü̃ i ngẽma Edóü̃tanüxü̃ ga Babiróniacüã̱xgüxü̃ muxü̃ nax noxtacüma iyanaxoxü̃ca̱x ga torü ĩane ga Yerucharéü̃!

Wiyaegü 17:13

Pa Corix ¡ẽcü inachi rü nüxna nayuxu rü nadai i ngẽma chorü uanügü! ¡Curü taramaxã choxü̃ ínapoxü̃ nüxna i ngẽma duü̃xü̃gü i chixexü̃ ügüxü̃, rü yabuxmüxẽxẽ!

Wenaxarü naxümatü ga Tupanaarü mugü 32:14

Rü pexü̃́ nayexma ga perü wocagünenixü̃ rü ñu̱xũchi pexü̃́ nayexma ga perü wocagünenixü̃ ga marü itaigüne. Rü pema rü namaxã pexãwemü ga yema rümemaegüxü̃ ga carnérugü ga Bacháü̃anewa yexmagüxü̃ rü chíbugü ga iyatüxü̃, rü yema rümemaexü̃ ga trigu. Rü peyaxagü ga yema rümemaexü̃ ga úbatüxü̃ ga bínu.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:16

Rü norü tügüneme̱xẽwa nüxü̃́ nayexma ga 7 ga woramacurigü. Rü naã̱xwa ínaxũxũ ga wüxi ga tara ga guxü̃cüwawa téxü̃. Rü nachiwe rü ñoma üa̱xcü poraãcü ngu̱xetügurüxü̃ nixĩ.

Norü taxre ga popera ga Pedru ümatüxü̃ 2:14

Rü ngẽma ngu̱xẽẽruü̃netagü rü taxuacüma wüxi ya ngexexü̃ nadaugümare, erü naãxẽwa nüxü̃́ tangúchaü̃. Rü tama nüxü̃́ ningu nax nai i ngexü̃maxã namaxẽxü̃. Rü naxca̱x nadaugü nax ngẽma chixexü̃gu tüxü̃ nayixẽẽxü̃ ya yíxema duü̃xẽgü ya turaearü maxü̃ã̱xgüxe. Rü naxaü rü nügüna nananugüchaü̃ i guxü̃ma. Natürü marü chixexü̃ namaxã naxuegu.

Gálatas 3:10

Natürü chixexü̃wa nangẽxmagü i guxü̃ma i ngẽma nagu rüxĩnüexü̃ nax mugü yanguxẽẽgüxü̃gagu Tupanape̱xewa yamexü̃. Erü Tupanaarü ore i ümatüxü̃wa rü ñanagürü: “Rü guxü̃ma i duü̃xü̃gü i tama aixcüma yanguxẽẽgüxü̃ i guxü̃ma i ngẽma mugü i ümatüxü̃, rü chixexü̃wa nangẽxmagü”, ñanagürü.

1 Corintios 16:22

Rü ngẽxguma chi texé tama tórü Cori ya Ngechuchu ya Cristuxü̃ ngechaü̃gu, rü Tupana tá poxcu tümamaxã naxuegu. ¡Paxa nua naxũ, Pa Tórü Corix!

Ichaía 43:28

Rü ngẽma perü ãẽ̱xgacügü rü chixexü̃ nawa naxügü ga chopata ya taxü̃ne. Rü yemaca̱x nixĩ ga nüxna chixũgachixü̃ ga Acóbuarü duü̃xü̃gü ga Iraétanüxü̃ nax norü uanügü nada̱i̱xü̃ca̱x rü chixexü̃ namaxã yaxugüexü̃ca̱x —ñanagürü ya Tupana.

Ichaía 65:12

Rü ngẽmaca̱x pemaxã chanaxuegu nax taragu tá peyuexü̃. Yerü yexguma pexca̱x chacaxgu rü tama choxü̃ pengãxü̃gü, rü yexguma pemaxã chidexagu rü tama choxü̃́ iperüxĩnüe. Rü penaxüama ga yema tama chanaxwa̱xexü̃ rü penayauxgü ga yema choxü̃ nuxẽẽxü̃ —ñanagürü ga Tupana.

Echequié 32:29

Rü ngéma naxmaxü̃wa nangẽxma i Edóü̃ namaxã i norü ãẽ̱xgacügü rü norü ngü̃xẽẽruü̃gü. Rü woo nax naporaxüchichiréxü̃ natürü ngẽma daigu yuexü̃tanüwa nangẽxma, rü yema tama Tupanaaxü̃́ yaxõgüxü̃tanügu nata̱xgü.

Echequié 35:1

Nüma ga Cori ya Tupana rü chomaxã nidexa rü ñanagürü:

Echequié 35:8

Rü naxü̃negü i ngẽma churaragü i daigu yuexü̃maxã tá chanapagüxẽxẽ i curü ma̱xpǘnegü, rü curü doxonexü̃gü, rü curü natügü.

Echequié 35:15

Rü cuma rü poraãcü cutaãxẽ ga yexguma nagu yanachixegu ga yema naane ga Iraétanüxü̃ noxrüxü̃ yauxgüxü̃. Natürü ngẽma guxcha tátama nixĩ i pexü̃ ngupetüxü̃ Pa Cheíarü Ma̱xpǘnex, rü guxü̃ma i curü naane Pa Edóü̃x. Rü ngẽma curü naane rü chianexü̃xü̃ tá nayanguxuchi. Rü ngẽxguma i curü duü̃xü̃gü rü tá nüxü̃ nicua̱xãchitanü nax choma chixĩxü̃ ya Cori ya Tupana’ ” —ñanagürü.

Ichaía 21:11

Wüxi i duü̃xü̃ rü Edóü̃anewa tagaãcü choxna naca rü ñanagürü: —¿Pa Dauxü̃taeruxü̃x, ñuxgu tá ningune i ñaa chütaxü̃? ¿Pa Dauxü̃taeruxü̃x, ñuxre nataxu nax yangóonexü̃? —ñanagürü.

Echequié 36:5

Erü Cori ya Tupana rü ñanagürü: Choma rü chorü numaxã chidexa ga yexguma poxcu namaxã chaxueguxgu ga yema togü ga nachixü̃anegü. Rü yexera yema Edóü̃chixü̃aneca̱x nixĩ i ngẽma poxcu yerü taãẽãcüma nügüaxü̃́ nanayauxgü ga chorü naane rü ñu̱xũchi chorü duü̃xü̃gü ga Iraétanüxü̃xü̃ nacugüeãcüma norü naanegüwa nayabuxgü ga nanetügüarü o rü nayagagü ga naxü̃nagü’ ” —ñanagürü.

Chofonía 1:7

¡Rü Cori ya Tupanape̱xewa perüchianegü! Erü ngẽma norü ngunexü̃ i ãũcümaxü̃ i nagu tá napoxcuexü̃ i ngẽma chixexü̃ ügüxü̃ rü marü ningaica. Rü nüma rü marü nüxna naxu i ngẽma to i nachixü̃anecüã̱x nax nadaiaxü̃ca̱x i ngẽma nüxna ixĩgachitanüxü̃.