Ichaía 34:10 - Tupanaarü Ore

¹⁰ Rü woo ngunecü rü chütacü rü tagutáma nixo, rü guxü̃gutáma ngéma nicaixqueecha. Rü ngẽma naane rü mucüma ya taunecü tá ngéma natáechamare, rü taxúetama wena ngéma taxüpetü.

Ichaía 34:10 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 19:3

Rü ñu̱xũchi wenaxarü ñanagürügü: “¡Areruya! Rü ngẽma norü caxixü̃ nax yaxãxü̃ ya yima ĩane, rü tagutáma ngéma nayarüxo”, ñanagürügü.

Ichaía 66:24

Rü ñanagürü ta: —Ngẽxguma ínachoxü̃gu i ngẽma chorü duü̃xü̃gü rü tá nüxü̃ nadaugü nax nayuexü̃ i ngẽma duü̃xü̃gü i chomaxã rüxuanügüxü̃. Rü ngẽma õ̱xmigü i nangõ̱xgüxü̃ rü taguma nayue, rü yima üxüema ya ínaguxü̃ne rü taguma nixo. Rü guxü̃ma i duü̃xü̃gü i ngéma chopetüxü̃ rü tá poraãcü naxã̱ũ̱ã̱xgü i ngẽxguma nüxü̃ nadaugügu —ñanagürü ga Tupana.

Ichaía 13:20

Rü cuwa rü bai tá i ñuxgu wena duü̃xü̃gü cugu ãpatagüxü̃ rü tagutáma wena duü̃xü̃gü cuwa nangẽxmagü. Rü woo i ngẽma duü̃xü̃gü i nu ne naxĩmarexü̃ rü tagutáma cuwa nangugü. Rü woo i ngẽma carnérugüarü dauruü̃gü rü taxũtáma cugu norü carnérugüxü̃ narüngüexẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:18

Rü ngẽxguma nüxü̃ nadaugügu i norü caxixü̃ nax yaxãxü̃ ya yima ĩane, rü tagaãcü tá ñanagürügü: “Nataxuma ya nai ya ĩane ya daa ĩane ya taxü̃nerüxü̃ ixĩxü̃ne”, ñanagürügü.

Echequié 29:11

Rü 40 ya taunecü rü taxúetama nawa tamaxü̃. Rü taxúetama nawa taxüpetü. Rü woo duü̃xü̃gü rü woo naeü̃gü rü taxũtáma nawa nachopetü.

Ichaía 1:31

Rü yimá yatü ya poracü rü ñoma maxẽ ya ipacürüxü̃ tá nixĩ, rü ngẽma chixexü̃ i naxüxü̃ rü üxüarü ya̱u̱xraxü̃rüxü̃ tá nixĩ. Rü ngẽma taxre rü tá wüxigu niyaura, rü taxucürüwa tá texé tayaxoxẽxẽ —ñanagürü ga Tupana.

Yeremía 7:20

Rü ngẽmaca̱x i choma ya Cori ya Tupana ya Guxü̃étüwa Ngẽxmacü rü ñachagürü: Guxü̃ma i chorü numaxã tá taxü̃ i guxchaxü̃ naxca̱x íchanguxẽxẽ i ñaa nachica, rü duü̃xü̃gü, rü woo naxü̃nagü, rü woo naigü i naanewa rüxügüxü̃, rü nanetügü. Rü ñoma wüxi i üxüema i tama ixoxü̃rüxü̃ tá nixĩ —ñanagürü.

Ichaía 24:1

Dücax, Cori ya Tupana rü tá chianexü̃xü̃ nananguxuchixẽxẽ i ñaa naane, rü ngẽma duü̃xü̃gü i nawa maxẽxü̃ rü tá nanawoonexẽxẽ.

Ichaía 34:17

Rü wüxichigü i ngẽma naeü̃gü rü namaxã nüxü̃ nixunetachigü i nachicachigü. Rü yima naxme̱xmaxã nixĩ i nüxü̃ yaxunetachigüxü̃ i ngẽma naanechigü. Rü guxü̃gutáma ngéma nangẽxmagüecha, rü ñu̱xũchi guxü̃gutáma ngéma namaxẽ.

Naúü̃ 2:10

Rü Nínibe rü tá nagu napogüe rü nataxutama i duü̃xü̃gü. Rü nachicaxicatama ínayaxü. Rü norü duü̃xü̃gü rü poraãcü tá namuü̃e. Rü tá nidu̱xruxparagü. Rü tá ningearü poraã̱x, rü tá nayacho̱xõchichametügü.

Yeremía 49:18

Rü yexgumarüxü̃ nax iyanaxoxü̃ ga Chodóma, rü Gomóra, rü guxü̃nema ga guma ĩanegü ga nüxna ngaicamagüne, rü ngẽxgumarüxü̃ tá ta nixĩ ya Edóü̃arü ĩanegü nax inayanaxogüxü̃. Rü tagutáma texé ngéma tamaxẽ rü bai ngéma taxüpetü. Rü choma ya Cori ya Tupana nixĩ i ngẽma ñachaxü̃.