Ichaía 33:4 - Tupanaarü Ore

⁴ Rü yema yemaxü̃gü ga togü ga nachixü̃anena napuxü̃xü̃ ga Achíriaanecüã̱x, rü norü uanügü rü tá ñoma munügü i muxuchixü̃rüxü̃ naétügu nayi nax nüxna napuxü̃ãxü̃ca̱x i ngẽma ngẽmaxü̃gü.

Ichaía 33:4 Referans Kwoze

Joel 2:25

Rü nüma ya Cori ya Tupana rü ñanagürü pexü̃: —Choma rü tá pexü̃́ chanatáeguxẽxẽ ga yema penetügü ga ñuxre ga taunecü pexü̃́ nax nangóoxü̃ ga yema munügü ga yéma chamugüxü̃.

Joel 2:9

Rü ĩanegu nachocu, rü norü poxeguruü̃étügu naxĩgü. Rü ĩpatagügu nichocuetanü, rü ñoma ngĩ́ta̱xagüxü̃rüxü̃ beü̃tánagüwa nichocuetanü.

Ichaía 33:23

Rü tórü uanügüarü wapurugüarü naxchirutachinüpaweru rü íyangogügu i natü̱xügü rü tá niwa̱x i ngẽma napáweru. Rü ngẽma naxchirutachinügü i namaxã yaxĩxü̃ rü taxũtáma nitexechigü rü taxucürüwa ngextá naxĩ. Rü ngẽma wapurugüarü ngẽmaxü̃gü i tatanüxü̃ rü Iraétanüxü̃ tá nüxna nanapuxü̃ rü nügü tá nayanu. Rü woo i ngẽma chixeparagüxü̃ rü tá nayana i ngẽma ngẽmaxü̃gü.

Norü taxre ga to ga popera ga ãẽ̱xgacügüchiga ümatüxü̃ 20:25

Rü ñu̱xũchi nüma ga Yochapáx rü norü churaragümaxã yéma naxĩ rü nanade ga norü uanügüarü yemaxü̃gü. Rü nanade ga muxũchixü̃ma ga nawemügü rü naxnegü rü naxchirugü rü ngã̱xãẽruü̃gü. Rü yema nax namuxũchixü̃ ga yema yemaxü̃gü rü yemaca̱x tomaepü̱x ga ngunexü̃ ningegü nax nanutaque̱xegüãxü̃ ga guxü̃ma. Natürü woo yemaacü rü tama guxü̃ nina.

Norü taxre ga to ga popera ga ãẽ̱xgacügüchiga ümatüxü̃ 14:13

Rü nüma ga Achá rü yema norü churaragümaxã nawe nangẽgü ñu̱xmata Gueráxwa nangugü. Rü yexma yema Etiopíaanecüã̱xgüxü̃ nadai ñu̱xmata guxü̃ma yue. Rü yemawena nanade ga norü yemaxü̃gü.

Ichaía 33:3

Rü ngẽxguma duü̃xü̃gü nüxü̃ ĩnüegu nax poxcu namaxã cuxueguxü̃ rü nibuxmü. Rü ngẽxguma curü pora nüxü̃ cuwe̱xgu rü nachixü̃anegüarü duü̃xü̃gü rü nügü nawoone.

Ichaía 33:5

Nüma ya Cori ya Tupana ya Guxãétüwa Ngẽxmacü rü daxũguxü̃ i naanewa nixĩ i nangẽxmaxü̃. Rü nüma nixĩ i mugü i we̱xguxü̃ rü aixcüma mexü̃ Chióü̃arü duü̃xü̃güca̱x naxueguxü̃.

Echequié 25:7

Rü ngẽmagagu rü tá pexü̃ chapoxcue. Rü choma rü ngẽma togü i nachixü̃anegüna tá pexü̃ chamugü nax pexna napuxü̃ãxü̃ca̱x i guxü̃ma i perü ngẽmaxü̃gü. Rü tá pexü̃ ichayarüxoxẽxẽ natanüwa i ngẽma togü i nachixü̃anegü. Rü ngẽmaãcü tá nüxü̃ picua̱xãchitanü nax choma yixĩxü̃ i Iraétanüxü̃arü Cori ya Tupana” —ñanagürü.

Joel 2:3

Rü ngẽma munügü rü ñoma üxüema i guxü̃ma ixaxẽẽxü̃rüxü̃ nixĩgü. Rü nape̱xewa rü ñoma üxüema i guxü̃ma ĩ̱xãchigüxẽẽxü̃rüxü̃ nixĩgü. Rü naweama rü ngẽxgumarüü̃tama nixĩ. Rü naxü̃pa nax ngéma nangugüxü̃ i ngẽma munügü rü ngẽma naane rü ñoma Edéü̃rüxü̃ namexẽchi. Natürü nawena rü wüxi i nachica i chianexü̃ nixĩ. Rü ngẽma munügü rü taxuxü̃ma ínayaxüxẽẽgü.