Ichaía 33:2 - Tupanaarü Ore

² Pa Cori ya Tupanax, ¡ẽcü cuxü̃́ tangechaü̃tümüü̃gü i toma nax cuxme̱xwa tangexmagüxü̃! Rü tanaxwa̱xe i guxü̃guma pa̱xmama toxü̃ curüngü̃xẽxẽ. Rü tanaxwa̱xe nax torü poxü̃ruxü̃ quixĩxü̃ i ngẽxguma guxchagü toxca̱x ínguxgu.

Ichaía 33:2 Referans Kwoze

Ichaía 59:16

Rü nüma ya Tupana rü namaxã naba̱i̱xãchi nax taxúema taétüwa üxü̃. Rü ngẽmaca̱x nümatama rü norü poramaxã tüxü̃ ínanguxü̃xẽxẽ.

Ichaía 25:9

Rü ngẽma ngunexü̃gu i ngẽma duü̃xü̃gü rü ñanagürügü tá: —Daa nixĩ ya tórü Tupana ya nagu yaxõgücü rü tüxü̃ ínguxü̃xẽẽcü. ¡Ngĩxã tá taãẽgü rü nüxü̃ ticua̱xüü̃gü erü nüma tüxü̃ ínanguxü̃xẽxẽ! —ñanagürügü tá.

Wiyaegü 60:11

¡Rü torü uanügücha̱xwa toxü̃ rüngü̃xẽxẽ nax nüxü̃ tarüporamaegüxü̃ca̱x! Erü taxuwama toxü̃́ name i toxrüxü̃ i duü̃xü̃güarü ngü̃xẽxẽ.

Wiyaegü 62:8

Pa Chorü Duü̃xü̃güx ¡guxü̃guma nüxü̃́ peyaxõgü ya Tupana! ¡Rü perü yumüxẽwa namaxã nüxü̃ pixu i perü guxchaxü̃gü! Erü nüma nixĩ i aixcüma tórü ngü̃xẽẽruxü̃ i tórü cu̱xchicaxü̃ yixĩxü̃.

Wiyaegü 62:1

Rü Tupanaxicatama nixĩ ya aixcüma choxü̃ taãẽxẽẽcü. Rü nüma nixĩ i choxna naxããxü̃ i maxü̃.

Wiyaegü 46:1

Nüma ya Tupana rü tórü poxü̃ruxü̃ nixĩ rü tórü poraxẽẽruxü̃ nixĩ. Rü nüma rü tüxü̃ narüngü̃xẽxẽ ega guxchaxü̃ taxca̱x ínguxgux.

Ínachoxü̃xü̃chiga 14:27

Rü nüma ga Moiché rü yema Tupana namaxã nüxü̃ ixuxü̃ãcüma nanaxü. Rü már arü dexáétügu naxuchacüxü rü yemaca̱x ga moxü̃ãcü nax yangunexü̃ rü nügüna naxũxü̃chíxü ga dexá. Rü yemacha̱xwa nügü ínibuxmüchaü̃ ga Equítuanecüã̱xgü. Natürü yexguma nügü íyabuxmügu, rü már arü dexámaxã narübuxmüama, rü yexma nayi. Rü yemaacü Tupana yexma márgu nanayixẽxẽ ga yema Equítuanecüã̱xgü.

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Auxexü̃chiga 3:23

Rü wüxichigü i ngunexü̃gu rü choxna nüxü̃ nacua̱xãchixẽxẽ nax aixcüma yangu̱xẽẽãxü̃ i ngẽma nüxü̃ yaxuxü̃.

Yeremía 14:8

Pa Tupanax, cuxü̃́ nixĩ i tayaxõgüxü̃ i toma i Iraétanüxü̃. Rü cuma nixĩ i toxü̃ ícunguxü̃xẽẽxü̃ i ngẽxguma guxchaxü̃wa tangexmagügu. ¿Rü ta̱xacüca̱x i ñu̱xma rü to i nachixü̃anecüã̱xrüxü̃ quixĩ i ñaa tochixü̃anewa? ¿Rü ta̱xacüca̱x ñoma wüxi i duü̃xü̃ i to i nachixü̃anewa ne ũxü̃ rü paxaãchi nuxã ípemarexü̃rüxü̃ quixĩ?

Ichaía 40:10

Rü marü norü poramaxã ínangu ya Cori ya Tupana, rü guxü̃táma i ngẽma norü poramaxã duü̃xü̃gümaxã inacua̱x. Rü marü ínananguxü̃xẽxẽ rü nanawoeguxẽxẽ i norü duü̃xü̃gü ga norü uanügü togü ga nachixü̃anewa gagüxü̃.

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.

Ichaía 26:8

Pa Corix, ngẽxguma naga taxĩnüegu i curü mugü rü taxuca̱xma taxoegaãẽgü. Rü ngẽma guxü̃arü yexera nagu tarüxĩnüexü̃ nixĩ nax cuga taxĩnüexü̃ rü cuxü̃ ticua̱xüü̃güxü̃.

Ichaía 25:4

Rü yíxema ngearü poraã̱xgüxeca̱x rü cumax, Pa Corix, rü tümaarü poxü̃ruxü̃ quixĩ. Rü cuma rü tümaarü ngü̃xẽẽruxü̃ quixĩ ya yíxema taxúema tüxü̃ rüngü̃xẽẽgüxe. Rü cuma rü tümaétüwa cuchogü ya yíxema guxchaxü̃wa ngẽxmagüxe. Rü cuma rü tümaarü gáuxpechitaruxü̃ quixĩ ya yíxema üa̱xcüarü naiemaxü̃ tüxü̃ iguxe. Rü tüxü̃ ícupoxü̃ nüxna i ngẽma duü̃xü̃gü i poraãcü chixecümagüxü̃ i ñoma taxüchicü ya buanecü ya pucümaxã íngucürüxü̃ ixĩgüxü̃.

Wiyaegü 123:2

Rü wüxi i puracütanüxü̃ norü corime̱xẽgu idawenüxü̃ nax nüxü̃ nacuáxü̃ca̱x i ta̱xacü nanaxwa̱xexü̃ rü ngẽxgumarüxü̃ tixĩgü nax tórü Cori ya Tupanaca̱x tadaunagügü nax namaxã idexagüxü̃ca̱x rü tamaxã nüxü̃ yaxuxü̃ca̱x nax nüxü̃́ ingechaü̃tümüxü̃güxü̃. Rü ngẽxgumarüxü̃ i wüxi i pacü i ngĩrü chiũraxü̃ íidawenüchigüxü̃cü nax nüxü̃ nacuáxü̃ca̱x i ta̱xacü nanaxwa̱xexü̃, rü ngẽxgumarüxü̃ ta tixĩgü i yixema nax Tupanaxü̃tawa ínangu̱xẽẽxü̃ nax nüxü̃́ ingechaü̃tümüxü̃güxü̃.

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Wiyaegü 90:15

Rü gumá taunecügü ga ngúxü̃ nagu tingegücüe̱xpü̱x ¡rü toxna naxã ya taunecügü ya nagu tataãẽgücü!

Wiyaegü 62:5

Rü Tupanaxicatama nixĩ ya choxü̃ taãẽxẽẽcü. Erü nüma tá nixĩ i choxü̃ nangü̃xẽxẽxü̃.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Wiyaegü 46:5

Rü nüma ya Tupana rü yima ĩanearü ngãxü̃gu naxãchiü̃ rü ngẽmaca̱x ya yima ĩane rü taxúetama tanachixexẽxẽ. Rü nüma rü guxü̃ma i ngunexü̃ i noxri yangunegu rü yima ĩanexü̃ narüngü̃xẽxẽ.

Wiyaegü 37:39

Natürü ngẽma duü̃xü̃gü i mexü̃ rü Tupanawa nixĩ i ne naxũxü̃ i norü ngü̃xẽxẽ. Rü nüma nixĩ i nüxna nadauxü̃ ega guxchaxü̃ naxca̱x ínguxgu.

Wiyaegü 25:3

Rü yíxema cuxü̃́ yaxṍxe rü tagutáma ãne tinge. Natürü ngẽma tama cuga ĩnüexü̃ rü natüca̱xma cumaxã nuexü̃, rü ãne tá ningegü.

Wiyaegü 143:8

¡Rü pa̱xmama choxü̃ nawe̱x nax poraãcü choxü̃ cungechaxü̃xü̃! Erü cuxü̃́ nixĩ i chayaxõxü̃. ¡Rü choxü̃ nüxü̃ nacua̱xẽxẽ nax ñuxãcü cunaxwa̱xexü̃ nax cupe̱xewa chamaxü̃xü̃! Erü cumaxã nixĩ i nüxü̃ chixuxü̃ i ngẽma chorü ngúchaü̃.

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

Ichaía 17:10

Erü pemax, Pa Iraétanüxü̃x, rü nüxü̃ perüngümae ya Tupana ya pexü̃ ípoxü̃cü. Rü tama nüxna pecua̱xãchie nax nüma yixĩxü̃ i pexna nadauxü̃ nax taxúema pexü̃ chixewexü̃ca̱x. Natürü i ñu̱xma rü ípenato i mexẽchixü̃ i perü nanetügü rü úbagü nax ngẽmamaxã nüxü̃ picua̱xüü̃güxü̃ca̱x i tupananetagü.

Ichaía 37:3

Rü Ichaíamaxã nüxü̃ nixugüe ga ãẽ̱xgacüarü ore ga ñaxü̃: —Ñu̱xma rü wüxi i taxü̃ma i ãũcümaxü̃wa tangexmagü, rü tórü uanügü rü tamaxã naguxchigagü rü tüxü̃ nacugüe. Rü poraãcü ngúxü̃ tingegü ñoma wüxi i ngexü̃ i ixraxacüchaü̃xü̃ rü turaxü̃rüxü̃.

Ichaía 51:5

Rü choma rü paxa tá chorü duü̃xü̃güxü̃ íchapoxü̃. Rü paxa tá íchananguxü̃xẽxẽ naxme̱xwa i norü uanügü. Rü chorü poramaxã tá guxü̃ i nachixü̃anegümaxã ichacua̱x. Rü ngẽma nachixü̃anegü i yáxü̃wa már arü tocutüwa ngẽxmagüxü̃ rü tá cha̱u̱xca̱x nadaugü rü tá chorü porana narüyoü̃.

Wiyaegü 33:22

Pa Corix, Pa Tupanax, tanaxwa̱xe nax toxü̃ cuxümücüxü̃ namaxã i curü ngechaü̃ i taxü̃. Rü ngẽma nixĩ i cuxü̃tawa ítanangu̱xẽẽxü̃.

Ichaía 8:17

Rü woo nüma ya Cori ya Tupana rü Acóbutanüxü̃cha̱xwa nicu̱x, natürü nüxü̃́ chayaxõõma, erü naxü̃tawa nixĩ i íchananguxẽẽxü̃ i norü ngü̃xẽxẽ.