Ichaía 32:9 - Tupanaarü Ore

⁹ Rü pemax, Pa Ngexü̃gü i Rüchomaregüxü̃x, ¡rü iperüxĩnüe i ngẽma tá pemaxã nüxü̃ chixuxü̃! Pa Ngexü̃gü i Taxuguma Rüxĩnüexü̃x, ¡dücax, mea perüxĩnüe i chorü ore!

Ichaía 32:9 Referans Kwoze

Ore i mexü̃ ga Matéu ümatüxü̃ 13:9

Rü yíxema ãchi̱xẽgüxe, ¡rü nüxü̃ taxĩnüe i ñaa ore! —ñanagürü.

Ichaía 28:23

¡Rü dücax, choxü̃ iperüxĩnüe i ngẽma nüxü̃ chixuxü̃! ¡Rü mea iperüxĩnüe i ngẽma chorü dexagü!

Ichaía 3:16

Cori ya Tupana rü ngexü̃gü i Yerucharéü̃cüã̱xgüxü̃ ñanagürü: —Pa Ngexü̃güx i Chióü̃cüã̱xgü i Pegü Írütagüxex, pema rü daxũgu duü̃xẽcha̱xwa pedawenüãcü ipexĩ. Rü pegü picua̱xüü̃ãcüma ipexĩ. Rü ngẽmaãcü penaxãgaxẽxẽ i perü ngã̱xãẽruü̃gü i pexme̱xtüxüwa ngẽxmagüxü̃.

Chofonía 2:15

Rü ngẽma tá nüxü̃ nangupetü ya yima ĩane ya nügü írütaxü̃ne rü norü poragu yaxõxü̃ne. Rü ngẽma duü̃xü̃gü i nawa maxẽxü̃ rü ñaãcü nidexagü rü ñanagürügü: “Taxuxü̃ma i nachixü̃ane i ñoma i naanewa ngẽxmaxü̃maxã nawüxigu i tochixü̃ane”, ñanagürügü. Natürü yima ĩane rü tá nangeãcu rü ngẽmaca̱x naeü̃gü i idüraexü̃ tá nawa namaxẽ. Rü ngẽma duü̃xü̃gü i norü ngaicamana chopetüxü̃ rü tá nüxü̃ nacugüe rü nanexáerugü.

Auxexü̃chiga 4:5

Rü yema ü̃paacü taxü̃ ga õna ngõ̱xgüxü̃ rü ñu̱xma rü taiyamaxã ĩanemagu nayue. Rü yema noxri ĩpatagü ga mexẽchixü̃wa maxẽxü̃ rü ñu̱xma rü guxchirewa namaxẽ.

Ãẽ̱xgacügü ga guxchaxü̃güarü mexẽxẽruü̃gü 9:7

Rü yemaxü̃ nacua̱xgu ga Yotáü̃, rü ma̱xpǘne ga Guerichíü̃gu naxĩnagü, rü yéma tagaãcü nica nax guxü̃ma ga duü̃xü̃gü nüxü̃ ĩnüxü̃ca̱x rü ñanagürü: —¡Mea choxü̃́ iperüxĩnüe Pa Yatügü i Chiquéü̃cüã̱x! Rü chanaxwa̱xe nax Tupana rü ta pexü̃ ĩnüxü̃.

Wenaxarü naxümatü ga Tupanaarü mugü 28:56

Rü ngẽma ngecü i petanüwa mecümaxüchicü i tama ngearü chapatuã̱xcü waixü̃müanewa ngaxchaü̃cü rü tá ngĩte ya nüxü̃ nangechaxü̃xü̃chicü ixai rü ngĩnegüchi ixai rü ngĩxacügüchi ixai.

Wiyaegü 123:4

Rü ngẽma diẽruã̱xgüxü̃ rü toxü̃ nacugüe rü ngẽma nügü icua̱xüü̃güxü̃ rü toxchi naxaie. Rü ngẽmaca̱x poraãcüxüchima ngúxü̃ tingegü.

Yeremía 9:20

Pa Ngexü̃güx, ¡iperüxĩnüe i ngẽma Cori ya Tupanaarü ore, rü iperüxĩnüe i ngẽma nüxü̃ yaxuxü̃! ¡Rü penangúexẽxẽ i pexacügü nax naxauxexü̃! ¡Rü ngẽxgumarüxü̃ ta pemücügüxü̃ pengúexẽxẽ nax ñaãcü ngechaü̃ãcü naxauxexü̃!

Yeremía 9:19

Rü Chióü̃gu nüxü̃ taxĩnü i naga i duü̃xü̃gü nax aixta naxüexü̃ namaxã nax ngúxü̃ yangegüxü̃. Rü ñaãcü aixta naxüe: Taxü̃ i ngechaü̃wa tangexmagü erü tórü ĩane rü nachitaxü̃xica ínayaxü. Rü ngẽmaca̱x poraãcü taxãnee. Rü ñu̱xma i tórü uanügü rü tachixü̃anena to i nachixü̃anewa tá tüxü̃ nagagü. Rü tapatagü rü nachitaxü̃xica ngéma nayaxügü.