Ichaía 32:6 - Tupanaarü Ore

⁶ Erü ngẽma duü̃xü̃ i chixexü̃gu maxü̃xü̃ rü chixexü̃maxã nidexa rü ñu̱xũchi naãẽwa rü chixexü̃ i ĩnügu narüxĩnü. Rü naxca̱x nadau nax namáetaxü̃ rü Cori ya Tupanachiga doraxü̃ nixu. Rü tama ta̱xacü tümamaxã nangau ya yíxema taiyaxe, rü tama tüxü̃ naxaxẽxẽ ya yíxema ita̱xawaxe.

Ichaía 32:6 Referans Kwoze

Ore i mexü̃ ga Matéu ümatüxü̃ 15:19

Erü naãẽwa nixĩ i chixexü̃gu naxĩnüexü̃ i duü̃xü̃gü. Rü ngéma ne naxũ nax namáetaxü̃, rü to i ngexü̃ i ãtéxü̃maxã nax inapexü̃, rü nax nangeãẽmarexü̃, rü nax nangĩ́xü̃, rü nax yadorata̱xáxü̃, rü nax naguxchigawa̱xexü̃.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Ichaía 3:15

¿Texé pexü̃ tamu nax chixexü̃gu penayixẽẽxü̃ i chorü duü̃xü̃gü, rü chixri tümamaxã ipecuáxü̃ ya yíxema duü̃xẽgü ya ngearü ngẽmaxü̃xã̱xgüxe? —ñanagürü ya Cori ya Tupana ya Guxãétüwa Ngẽxmacü.

1 Chamué 24:13

Ngẽma nũxcümaü̃xü̃ i dexa rü ñanagürü: “Ngẽma chixexü̃ rü chixexü̃arü uruü̃güwa ne naxũ”, ñanagürü. Rü ngẽmaca̱x i chomax, Pa Ãẽ̱xgacüx, rü tagutáma nagu charüxĩnü nax cuxü̃ chimáxü̃.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

Amúx 8:6

Rü ngẽma ngearü diẽruã̱xgüxü̃ rü penaxwa̱xe nax pexü̃ nügümaxã nataxegüxü̃ nax ngẽmaãcü naxütanügüãxü̃ca̱x i ngẽma diẽru i pexü̃́ nangetanügüxü̃ woo taxre i chapatu nangetanügügu. Rü woo ngẽma trigucha̱xmügü rü namaxã petaxegü —ñanagürü

Yeremía 13:23

¿Rü nüxü̃́ natauxchaxü̃ i wüxi i waxüxü̃ i duü̃xü̃ nax nügü nacho̱xẽxẽxü̃? ¿Rü nüxü̃́ natauxchaxü̃ i wüxi i ai nax iyanaxoxẽẽãxü̃ i namatü? Rü ngẽxgumarüxü̃ ta i pema nax chixexü̃gu pemaxẽxü̃, rü taxucürüwama mexü̃ pexü.

Ichaía 9:17

Rü nüma ya Cori ya Tupana rü ngẽmaca̱x tama namaxã nixauxãchi i ngextü̱xüxü̃gü, rü ñu̱xũchi tama nüxü̃́ tangechaü̃tümüxü̃ ya taxcutagü rü yutegüxe. Erü guxü̃ma i duü̃xü̃gü rü chixexü̃arü üruü̃gü nixĩgü rü naechitamare chixexü̃ i dexamaxã nidexagü. Rü guxü̃ma ga yema chixexü̃ ga naxügüxü̃gagu rü nüma ya Cori ya Tupana rü tama Iraéanecüã̱xgümaxã inarüngüxmü, rü yexeraãcü nayaxãxũnechigüama.

Ucu̱xẽgüchiga 19:3

Ngẽma duü̃xü̃ i tama naãẽxü̃ cuáxü̃, rü nüxna nixũgachi i ngẽma nacüma i mexü̃, rü ñu̱xũchi Cori ya Tupanana nanaxu nax yimágagu yixĩxü̃ i nüxna yaxũgachixü̃.

Wiyaegü 141:4

¡Rü choxna nayaxu i ngẽma chixexü̃gu nax charüxĩnüxü̃! ¡Rü taxṹ i choxü̃ quingexü̃ nax chixexü̃gu chixũxü̃ca̱x rü bai i natanü nax chaxãxü̃ca̱x i norü õnawa i ngẽma duü̃xü̃gü i chixexü̃ ügüxü̃!

Ucu̱xẽgüchiga 24:7

Ngẽma naechitamare maxü̃xü̃ rü tama nüxü̃ nacua̱x nax nügü ínapoxü̃xü̃ nape̱xewa i ngẽma ãẽ̱xgacü i nüxna ca̱xaxü̃, erü cua̱x nüxü̃́ nataxu. -23-

Ichaía 10:2

Pema rü tama naétüwa pechogü i ngẽma taxuxü̃ma nüxü̃́ ngẽxmagüxü̃ rü tama nüxü̃ perüngü̃xẽxẽ i ngẽma chorü duü̃xü̃gü i ngearü diẽruã̱xgüxü̃. Rü chixri namaxã ipecua̱x i ngẽma yutegüxü̃, rü naxca̱x pengĩ̱x i ngẽma tacutagüna üxü̃.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Ichaía 26:10

Rü woo nax cuxü̃́ nangechaü̃tümüxü̃güxü̃ i ngẽma chixexü̃gu maxẽxü̃, Pa Corix, natürü nümagü rü tama nüxü̃ nacua̱xgüéga nax ñuxãcü tá mea namaxẽxü̃. Rü woo duü̃xü̃gü i mea imaxẽxü̃tanüwa nangẽxmagügu, natürü chixexü̃ naxügüama rü tama nüxü̃ nacua̱xgüéga i ngẽma Cori ya Tupanaarü mexü̃.

Ichaía 31:2

Natürü nüma ya Cori ya Tupana rü guxü̃xü̃ nacua̱x rü nüxü̃́ natauxcha nax guxchaxü̃ ínanguxẽẽxü̃. Rü ngẽxguma wüxi i ta̱xacü naxuegugu rü aixcüma nayanguxẽxẽ. Rü ngẽma duü̃xü̃gü i chixexü̃gu maxẽxü̃ rü nüma ya Tupana rü tá guxchaxü̃ naxca̱x ínanguxẽxẽ. Rü ngẽxgumarüxü̃ tá ta guxchaxü̃ naxca̱x ínanguxẽxẽ i ngẽma chixexü̃arü üruü̃güarü ngü̃xẽẽruü̃gü.

Ichaía 59:7

Rü pepaxaãẽgü nax pemáetagüxü̃ rü tüxü̃ pima̱x ya yíxema taxuxü̃ma i chixexü̃ üxe. Rü máetaguxicatama perüxĩnüe rü ngẽmaca̱x penadai i duü̃xü̃gü rü ngẽma ípechopetüxü̃wa rü guxü̃ma nachixe.

Ichaía 59:13

Rü tama Tupanaga taxĩnüe rü tama namaxã tixaixcümagü. Rü nüxna tixĩgachi. Rü máetachiga tidexagü rü tanaechitaegü. Rü duü̃xü̃güxü̃ tawomüxẽxẽ.

Danié 12:10

Rü muxü̃tama nawa nachopetü i ngẽma ngúxü̃gü i nüxü̃ chixuxü̃, natürü ngẽmawena rü Tupanape̱xewa rü mexü̃ i duü̃xü̃gü tá nixĩgü rü nataxutáma i chixexü̃ i nagu naxĩnüexü̃. Natürü ngẽma chixexü̃gu maxẽxü̃ i duü̃xü̃gü rü chixexü̃ tá naxügüama rü taxũtáma nüxü̃ nicua̱xãchi i ngẽma ngupetüxü̃. Natürü ngẽma yatügü i aixcüma cua̱x nüxü̃́ ngẽxmagüxü̃ rü tá meama nüxü̃ nacua̱xgü i guxü̃ma i ngẽma ngupetüxü̃.

Echequié 34:18

Rü ñuxre i pema rü pechixecüma rü tama petaãẽgü nax woo mecü ya maxẽ nax penangṍxü̃ natürü yima íyaxüxcü rü nagu pepugüe. Rü ñu̱xũchi mechiüxü̃ i dexáwa pexaxegü rü ngẽmawena nawa pecuaixegü nax togüca̱x nabuxchíüxü̃ca̱x.