Ichaía 32:2 - Tupanaarü Ore

² Rü wüxichigü i ngẽma ãẽ̱xgacügü rü ñoma cu̱xchicaxü̃ i buanecücha̱xwa naxchipeta icúxü̃rüxü̃ tá nixĩgü. Rü ñoma ĩpata ya pucü ya taxüchicücha̱xwa natüxü̃gu ngaxínerüxü̃ tá nixĩgü. Rü ñoma natügü i paanexüchixü̃gu iya̱xgüxü̃rüxü̃ tá nixĩgü. Rü ñoma chianexü̃wa ngẽxmacü ya taxüchicü ya nutachipetarüxü̃ tá nixĩgü i ngẽma ãẽ̱xgacügü.

Ichaía 32:2 Referans Kwoze

Ichaía 25:4

Rü yíxema ngearü poraã̱xgüxeca̱x rü cumax, Pa Corix, rü tümaarü poxü̃ruxü̃ quixĩ. Rü cuma rü tümaarü ngü̃xẽẽruxü̃ quixĩ ya yíxema taxúema tüxü̃ rüngü̃xẽẽgüxe. Rü cuma rü tümaétüwa cuchogü ya yíxema guxchaxü̃wa ngẽxmagüxe. Rü cuma rü tümaarü gáuxpechitaruxü̃ quixĩ ya yíxema üa̱xcüarü naiemaxü̃ tüxü̃ iguxe. Rü tüxü̃ ícupoxü̃ nüxna i ngẽma duü̃xü̃gü i poraãcü chixecümagüxü̃ i ñoma taxüchicü ya buanecü ya pucümaxã íngucürüxü̃ ixĩgüxü̃.

Ichaía 44:3

Rü choma rü tá chayaya̱xẽxẽ i dexá i naxnücüanewa, rü íyapaanexü̃wa rü tá chanango̱xẽxẽ i natüacügü. Rü petaagüna tá chanamu ya Chauãxẽ ya Üünecü rü tá petaagüxü̃ charüngü̃xẽxẽ.

Ichaía 9:6

Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Chacaría 13:7

Rü Cori ya Tupana ya Guxãxétüwa Ngẽxmacü rü ñanagürü: —¡Pa Tara i Taxrewa Ãmaguxü̃x, rü naxca̱x ixũ i chorü carnéruarü dauruxü̃ rü ngẽma chorü ngü̃xẽẽruxü̃! ¡Rü yama̱x ya yima carnéruarü dauruxü̃ nax nawoonexü̃ca̱x i carnérugü! Rü choma rü tá chanadai i ngẽma carnéruxacügü.

Ichaía 43:20

Rü guxü̃ma i naeü̃gü i idüraexü̃ rü airugü i naixnecücüã̱x rü abetrúgü rü tá choxü̃ nicua̱xüü̃gü. Erü ngéma taxúema íxãpataxü̃wa rü ínapaanexü̃wa rü tá dexá chayagoxü̃chíüxẽxẽ nax ngéma naxaxegüxü̃ca̱x i chorü duü̃xü̃gü i nüxü̃ chaxunetaxü̃ rü chango̱xẽẽxü̃ nax choxü̃ yacua̱xüü̃güxü̃ca̱x.

Ichaía 41:18

Rü yima ma̱xpǘnegü ya ngearü dexáanegüwa rü natügü tá ngéma charüyáü̃xẽẽgü. Rü ngẽma ngategü rü tá dexá nawa chibaibexẽxẽgü. Rü ngẽma chianexü̃wa rü tá naxtaagü nawa chango̱xẽxẽ. Rü ngẽma ínapaanexü̃wa tá chanangõ̱xẽxẽ i natüxacügü.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Wiyaegü 143:9

Pa Cori Pa Tupanax ¡nüxna choxü̃ ínanguxuchixẽxẽ i ngẽma chorü uanügü! Erü cuxca̱x nixĩ i chiñaxü̃ nax cuxü̃tagu chaugü chicúxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:1

Rü ñu̱xũchi ga yema orearü ngeruxü̃ rü choxü̃ nüxü̃ nadauxẽxẽ ga wüxi ga natü ga ñoma bídriurüxü̃ ichipetüchiüxü̃ ga dexá ga maxẽẽruxü̃ nawa yexmaxü̃. Rü yema natü rü Tupanaarü tochicaxü̃wa rü yimá Carnéruxacüarü tochicaxü̃wa nixĩ ga ne nadaxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Ore i mexü̃ ga Cuáü̃ ümatüxü̃ 7:37

Rü yema nawa iyacuáxü̃ ga petaarü ngunexü̃ nixĩ ga guxü̃ ga togü ga ngunexü̃arü yexera rümemaexü̃. Rü yema ngunexü̃gu nixĩ ga inachixü̃ ga Ngechuchu rü tagaãcü ñaxü̃: —Ngẽxguma texé ita̱xawaxgu rü ¡nua chauxü̃tawa taxũ rü tayaxaxe!

Ichaía 28:17

Rü choma rü tá mea chanangugü i ngẽma naxüxü̃ i wüxichigü i duü̃xü̃gü. Rü guxü̃ma i ngẽma chaxüxü̃ rü aixcüma nawe̱xgu. Pema rü nüxü̃́ peyaxõ i ngẽma uneta i Equítuanemaxã pexüxü̃ nax pexü̃ ínapoxü̃xü̃, natürü ngẽma rü wüxi i doramare nixĩ rü gáuxü̃pütagü tá naétügu narüyi rü tá inayanaxoxẽxẽ. Rü taxü̃ i dexá tá ínananguxẽxẽ i perü cu̱xchicaxü̃ —ñanagürü ya Tupana.

Wiyaegü 63:1

Pa Chorü Tupanax, cuma nixĩ i aixcüma chorü Tupana quixĩxü̃. Rü guxü̃ma i chorü ngúchaü̃maxã cuxca̱x chadau erü poraãcüxüchi chanaxwa̱xe i chauxü̃ta cungexmaxü̃. Rü guxü̃ma i chorü maxü̃nemaxã chanaxwa̱xe nax chauxü̃ta cungexmaxü̃, ñoma paanexü̃ rü dexá naxwa̱xexü̃rüxü̃.

Wiyaegü 32:7

Rü cumax rü chorü dauruxü̃ quixĩ, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü ngẽxguma nüxü̃ charüporamaegu i chorü uanügü, rü chorü guxü̃cüwawa tá taãẽãcü cunawiyaegüxẽxẽ i duü̃xü̃gü.

Wiyaegü 91:1

Tataãxẽ ya yíxema naxme̱xwa ngẽxmaxe ya Yimá Guxãétüwa Ngẽxmacü ya Tupana, erü nüma rü tüxna nadau.

Ichaía 12:2

Rü Tupana nixĩ ya choxü̃ maxẽẽcü, rü ngẽmaca̱x nüxna charüyoe rü taxuca̱xma tü̱xcüü̃ chamuü̃. Rü nüma ya Cori ya Tupana nixĩ i chorü cu̱xchicaxü̃ rü chorü poraxẽẽruxü̃. Rü nüma nixĩ i chorü maxẽẽruxü̃ —ñacurügü tá.

Ichaía 16:3

Rü ñaa oremaxã Yudáanearü ãẽ̱xgacüca̱x ínayachoõchi rü ñanagürügü: —Tanaxwa̱xe nax toxna cudauxü̃ rü toxü̃ ícupoxü̃xü̃. Rü tanaxwa̱xe i cuchipetamaxã toxü̃ quidüxü ñoma waanexü̃ tocuchigu üa̱xcü idüxüxü̃rüxü̃. ¡Rü wüxi i nachica i nagu ticu̱xgüxü̃ toxna naxã, rü taxṹ i naxme̱xgu toxü̃ cuyixẽẽxü̃ i torü uanügü!

Ichaía 43:19

Rü choma rü tá chanaxü i wüxi i ta̱xacü i ngexwaca̱xü̃xü̃, rü ñu̱xma tátama nüxü̃ pedau i ngẽma. Rü tá chanaxü i wüxi i nama i naxnücüanewa i taxúema íxãpataxü̃wa, rü ngẽma íyapaanexü̃wa rü tá natügü chango̱xẽxẽ.

Yeremía 33:14

Rü Cori ya Tupana rü ñanagürü: —Nawa tá nangu i ngunexü̃ i nagu tá chayanguxẽxẽxü̃ i chorü uneta nax nüxü̃ charüngü̃xẽxẽxü̃ i chorü duü̃xü̃gü i Iraéanecüã̱xgü rü Yudáanecüã̱xgü.

Auxexü̃chiga 4:20

Rü yimá tachixü̃anearü ãẽ̱xgacü ya Cori ya Tupana nüxü̃ unetacü ya tüxü̃ ípoxü̃cü rü ngẽma tórü uanügü rü marü nayayauxgü. Rü yimá tórü ãẽ̱xgacüchiga nixĩ ga ü̃pa ñagüxü̃: —Cuxme̱xwa tangexmagü nax toxü̃ ícupoxü̃xü̃ca̱x nüxna i ngẽma togü i nachixü̃anegü —ñagüxü̃.