Ichaía 32:13 - Tupanaarü Ore

¹³ Rü chauchixü̃anearü naanegüwa rü tá narüxügü i tuxugü rü chixexü̃ i maxẽgü. Rü yima ĩane ga noxri taãxẽ nawa yexmanewa rü guxü̃nema ya ĩpatagü ga noxri taãxẽ nawa yexmanewa rü tuxugü rü maxẽgü i chixexü̃ tá nawa narüxügü.

Ichaía 32:13 Referans Kwoze

Ichaía 22:2

Daa ĩane ga noxri ocaü̃maxã yapaxü̃ne rü ñu̱xma duü̃xü̃gü i yuexü̃maxã nanapa. Natürü tama taramaxã nanadai rü tama daigu nayue.

Ochéa 9:6

Rü ngẽxguma naxcha̱xwa pibuxmügu i ngẽma poxcu rü ngẽma Equítuanecüã̱xgü rü tá pexü̃ ínayauxü̃, rü norü ĩane ya Ménfigu tá pexü̃ nata̱xgü. Rü ngẽma perü meruü̃gü i diẽrumünaxca̱x rü yima pepatachicawa rü naxcu rü chuchuxü̃ tá narüxügü.

Ichaía 34:13

Rü yima ãẽ̱xgacüpatagüwa rü chuchuxü̃gü tá nawa narüxügü. Rü yima churaragüpataü̃güwa rü chixexü̃ i natüanegü rü tuxugü tá nawa narüxügü. Rü wüxi i nachica i airugü i naixnecücüã̱x rü abetrú nawa maxẽxü̃ tá nixĩ.

Ichaía 7:23

Rü ngẽma ngunexü̃gu rü ngẽma naane ga noxri 1,000 i úba nawa rüxügüxü̃ rü 1,000 i diẽrugu ãtanüxü̃, rü tá tuxunecüxü̃ rü maxẽnecüxü̃ nananguxuchi.

Ochéa 10:8

Rü tá nagu napogüe i napatagü i ngẽma tupananetagü ga Iraéanecüã̱xgü chixexü̃ nawa ügüxü̃. Rü ngẽma norü ãmarearü guruü̃güétüwa tá narüxügü i chuxchuxü̃gü rü toragü. Rü nüma i ngẽma duü̃xü̃gü rü tá ngẽma ngüchitaerugüxü̃ ñanagürügü: “¡Toétüwa pebuemügü!” ñanagürügü. Rü yima ma̱xpǘnegüxü̃ tá ñanagürügü: “¡Toétügu peyi!” ñanagürügü —ñanagürü ga Ochéa.

Yeremía 39:8

Rü yoxni ga yema togü ga Babiróniacüã̱x ga churaragü rü nagu nanangixgü ga guma Yerucharéü̃ wüxigu namaxã ga guma ãẽ̱xgacüpata. Rü nagu napogüe ga naxtapü̱x ga guma Yerucharéü̃ poxeguxü̃.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Ichaía 5:6

Rü ñu̱xũchi tá íchanata̱x i ngẽma úbanecü. Rü taxúetama tayayoatü rü taxúetama tanangĩxcanecü rü ngẽmaãcü tá chuxchuxü̃gü rü chixexü̃ i natüane nanecüwa narüxügü. Rü tá nüxna chaxãga i caixanexü̃ nax tama nanecügu napuxü̃ca̱x —ñanagürü ya Tupana.

Wiyaegü 107:34

Rü ngẽma mairaxü̃ i nanetü nawa baxcaxü̃ rü Tupana rü mairaxü̃ i chixexü̃xü̃ nananguxuchixẽxẽ nagagu i norü chixexü̃ i ngẽma duü̃xü̃gü i nagu ãchiü̃güxü̃.

Ichaía 5:10

Rü tomaepü̱x i ectárea i úbanecüwa rü wüxi tátama i tü̃xü̃xãcu i bínu nawa ínanguxuchi. Rü 10 i choca i taxü̃xãcu i triguchire itogüxü̃ rü norü owa rü wüxi i chocaxãcu tátama nawa ínanguxuchi —ñanagürü ga Tupana.

Ichaía 23:7

Rü ĩane ya Tíru nixĩ ga nũxcümaxü̃ne ga ĩane ga duü̃xü̃gü guxü̃guma taãẽgu nawa irüchoxü̃ne. Rü ngẽma ĩanecüã̱x ga duü̃xü̃gü nixĩ ga yáxü̃arü naanewa ne ĩxü̃ nax yexma yaxãpatagüxü̃ca̱x.

Ichaía 23:9

Rü Cori ya Tupana ya Guxãétüwa Ngẽxmacü nixĩ i namaxã naxuegucü i ngẽma ñu̱xma namaxã ngupetüxü̃ nax ngẽmaãcü naxãneexẽẽxü̃ca̱x i guxü̃ma i ngẽma duü̃xü̃gü i nügü írütagüxü̃ rü nüxna nax nayauxãxü̃ca̱x i norü pora i ngẽma duü̃xü̃gü i ñoma i naanewa nügü írüporaexü̃.

Ichaía 24:11

Rü ngẽma duü̃xü̃gü rü namagüwa naxauxe erü marü nataxuma ya bínu. Rü guxü̃ma i ngẽma taãxẽ rü marü nüxü̃́ inayacua̱x rü marü inarüxo i ñoma i naanewa.

Ichaía 27:10

Rü yima ĩane ya ípoxegune rü nagu napogüe ñoma wüxi ya ĩpata ya ngéma ta̱xmarenerüxü̃. Rü ñoma naane i taxúema ixãpataxü̃warüxü̃ nixĩ. Rü wüxi i nachica i wocagü nawa chibüexü̃ rü naixchacüügü nawa nangõ̱xgüxü̃ rü ñu̱xũchi nagu nacagüxü̃ nixĩ.

Ichaía 55:13

Rü ngẽma tuxugü írüxügüchiréxü̃wa rü tá narüxügü i pinugü. Rü ngẽma naxcugü írüxügüchiréxü̃wa rü tá narüxügü i nanetügü i yixixü̃ i mirtu. Rü guxü̃ma i ñoma i naanewa ngẽxmagüxü̃ rü tá Tupanaxü̃ nicua̱xüü̃gü rü ngẽmaãcü i duü̃xü̃gü rü tá nüxü̃ nacua̱xgü nax Tupana rü guxü̃guma nangẽxmaechaxü̃ —ñanagürü ya Tupana.

Yeremía 33:4

Erü choma ya Cori ya Iraétanüxü̃arü Tupana rü ñachagürü: ‘Daa ĩanearü ĩpatagü rü yima Yudáanearü ãẽ̱xgacüpatagü rü tá nagu napogüe nax yimá norü nutagümaxã rü omütagümaxã daa ĩanearü poxegutapü̱x namaxã nacaxcugüxü̃ca̱x nax tama ngẽma uanügüarü günagüanexü̃maxã yawa̱xgüxü̃ca̱x i ngẽma norü poxeguxü̃, rü tama ngẽmaãcü ngẽma uanügü i Cadéugü taramaxã nachocuxü̃ca̱x.

Ochéa 2:3

Rü ngẽxguma taxũtáma nüxü̃ naxoegu i ngẽma tupananetachicüna̱xãgü rü tá nüxna chanayaxu i guxü̃ma i nüxü̃́ ngẽxmagüxü̃. Rü ngẽma nachixü̃ane rü noxri nango̱xgurüxü̃ tá chayaxĩxẽxẽ nax taxuxü̃ma nüxü̃́ ngẽxmaxü̃. Rü ñoma naxnücüane i ngearü dexáã́xü̃rüxü̃ tá chayaxĩxẽxẽ nax ngẽmaãcü ta̱xawamaxã nayuexü̃ca̱x i ngẽma choxna ixĩgachixü̃.