Ichaía 32:12 - Tupanaarü Ore

¹² ¡Perümaãchitanü rü pexauxe naxca̱x i perü naanegü ga noxri mexü̃ rü perü úbanecügu ga noxri oxochiréxü̃!

Ichaía 32:12 Referans Kwoze

Naúü̃ 2:7

Rü ngẽma ãẽ̱xgacü naxma̱x rü to i nachixü̃anewa ngĩxü̃ nagagü namaxã i ngĩxü̃taxü̃gü. Rü ñoma muxtucurüxü̃ iyaxaxunetanü rü ngĩgü napaxremügüãcüma ixauxe.

Echequié 20:15

Rü yéma ínachianexü̃wa rü namaxã chanaxuegu nax taxũtáma nagu chanachocuxẽẽxü̃ ga yema naane ga nüxna chaxãxü̃. Rü yema nachixü̃anearü naane rü guxü̃ma ga yema togü ga nachianexü̃ narümemae. Rü yéma rü guma lechi rü berure rü ñoma dexárüxü̃ taguma nataxu.

Echequié 20:6

Rü yematama ngunexü̃gu rü namaxã nüxü̃ chixu nax Equítuanewa tá íchanagaxü̃xü̃ rü ngẽma naane ga chomatama nüxü̃ chaxunetaxü̃wa tá chanagagü. Rü ngẽma nachixü̃anearü naane rü guxü̃ma i ngẽma togü i nachianexü̃ narümemae. Rü ngéma rü yima lechi rü berure rü ñoma dexárüxü̃ taguma nataxu.

Auxexü̃chiga 2:11

Rü poraãcüxüchima chaxaxu rü ngẽmaca̱x marü düxwa chagúxgüxü̃xetü. Rü ngẽma nax poraãcü changechaü̃xü̃ rü chauremüwa nangu̱x. Rü nataxuma i chorü taãxẽ yerü chorü ĩane rü marü nagu napogü. Rü woo ya õxchanagü ya maixe rü taiyamaxã yima ĩanearü namagügu tayue.

Ichaía 32:13

Rü chauchixü̃anearü naanegüwa rü tá narüxügü i tuxugü rü chixexü̃ i maxẽgü. Rü yima ĩane ga noxri taãxẽ nawa yexmanewa rü guxü̃nema ya ĩpatagü ga noxri taãxẽ nawa yexmanewa rü tuxugü rü maxẽgü i chixexü̃ tá nawa narüxügü.

Ichaía 24:1

Dücax, Cori ya Tupana rü tá chianexü̃xü̃ nananguxuchixẽxẽ i ñaa naane, rü ngẽma duü̃xü̃gü i nawa maxẽxü̃ rü tá nanawoonexẽxẽ.

Ichaía 24:7

Rü yimá bínu rü marü wixgu nataxu, rü ngẽma úbanecügü rü norü da̱xaweane naxca̱x ínangugü. Rü ngẽma duü̃xü̃gü ga noxri taãẽgüchiréxü̃ rü ñu̱xma rü ngechaü̃wa nangẽxmagü.

Joel 1:7

Rü ngẽma munügü rü tórü úbanecügu rü tórü igunecügu nawagüe rü nayangeatüxẽxẽ rü ngẽmaãcü nacho̱xtanümare i nachacüxü.