Ichaía 32:1 - Tupanaarü Ore

¹ Rü tá nangẽxma ya wüxi ya ãẽ̱xgacü ya we̱xgu duü̃xü̃gümaxã icuácü, rü ãẽ̱xgacügü i mea duü̃xü̃gümaxã icua̱xgüxü̃.

Ichaía 32:1 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 19:11

Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.

Yeremía 33:15

Rü ngẽxguma nawa nanguxgu i ngẽma ngunexü̃, rü wüxi i nataxüchi ya ãẽ̱xgacü ya Dabítaxa rü ñaa nachixü̃anearü ãẽ̱xgacü ya mecü tá nixĩ. Rü nüma rü aixcüma meama tá duü̃xü̃gümaxã inacua̱x i ñaa nachixü̃anewa.

2 Chamué 23:3

Iraétanüxü̃güarü Tupana ya norü poxü̃ruxü̃ ixĩcü rü chomaxã nidexa rü ñanagürü: “Yimá ãẽ̱xgacü ya mea norü duü̃xü̃gümaxã icuácü rü mea Tupanaga ĩnücü, rü ñoma ngunexü̃arü dexemaxü̃ irügoxü̃rüxü̃ nixĩ. Rü ñoma üa̱xcü i pa̱xmama ngearü caixanexü̃wa ibáxichixü̃ rü pucüwena maxẽ naxügüxẽẽxü̃rüxü̃ nixĩ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:14

Rü ñu̱xũchi i ngẽma ãẽ̱xgacügü rü ngẽma ngo̱xo rü tá nügü nadai namaxã ya yimá Carnéruxacü. Natürü ya yimá Carnéruxacü rü tá nüxü̃ narüyexera, erü nüma rü guxü̃ i corigüarü Cori nixĩ, rü guxü̃ i nachixü̃anegüarü ãẽ̱xgacügüarü Ãẽ̱xgacü nixĩ. Rü yíxema namücügü ixĩgüxe, rü yíxemagü tixĩgü ya Tupana tümaca̱x caxe rü tüxü̃ nadexe rü naga ĩnüexe”, ñanagürü choxü̃.

Romanos 5:21

Rü ñu̱xma woo pecadugagu nax iyuexü̃, natürü guxü̃guma Tupanaaxü̃́ tangechaü̃tümüü̃gü. Rü ngẽmaãcü pecaduwa tüxü̃ ínanguxü̃xẽxẽ nax nape̱xewa imexü̃ca̱x rü tórü Cori ya Ngechuchu ya Cristugagu tüxü̃́ nangẽxmaxü̃ca̱x i maxü̃ i taguma gúxü̃.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Echequié 37:24

Rü yimá chorü duü̃ ya Dabítaxa tá nixĩ ya chorü duü̃xü̃güarü ãẽ̱xgacü ixĩcü. Rü nüxica tátama nixĩ i norü dauruxü̃ yixĩxü̃. Rü nümagü rü tá chauga naxĩnüe rü tá nagu namaxẽ i chorü mugü rü ucu̱xẽgü.

Ichaía 28:6

Rü nüma ya Tupana rü tá ngẽma guxchaxü̃güarü mexẽẽruü̃güna nanaxã i cua̱x nax tama chixri namexẽẽgüãxü̃ca̱x i duü̃xü̃güarü guxchaxü̃gü. Rü ngẽma churaragü ya ĩane ípoxü̃güxü̃, rü nüma ya Tupana rü tá nüxna nanaxã i pora nax tama namuü̃exü̃ca̱x.

Ichaía 11:4

Rü yíxema tama nüxü̃ cua̱xgüxe nax tügü ítapoxü̃güxü̃ rü nüma rü tá nüxü̃ nacua̱x nax ñuxãcü mea tüxü̃́ namexẽẽãxü̃ i tümaarü guxchaxü̃. Rü tümaétüwa tá nachogü ya yíxema ngearü diẽruã̱xgüxe. Rü ngẽma norü ore rü ñoma wüxi i cua̱i̱xruü̃rüxü̃ tá nixĩ naxca̱x i ngẽma nuwa̱xexü̃ rü ma̱xgu rüxĩnüxü̃. Rü wüxi i cue ñaxü̃maxã tá nanayuxẽxẽ i ngẽma duü̃xü̃ i chixexü̃ üxü̃.

Wiyaegü 99:4

Rü cumax, Pa Corix, rü ãẽ̱xgacü ya poraxüchicü quixĩ rü curü me nixĩ nax meama guxü̃ma i duü̃xü̃gümaxã icucuáxü̃. Rü cumatama nixĩ i nüxü̃ quixuxü̃ nax cupe̱xewa rü nawüxiguxü̃ i guxü̃ma i duü̃xü̃gü. Rü toma nax Iraétanüxü̃ tixĩgüxü̃ rü cuma rü aixcüma meama tomaxã icucua̱x rü ngẽma mugü ga toxna cuxãxü̃ rü meama niwe̱x.

Wiyaegü 45:1

Chauãxẽwa nangu i mexü̃ i dexagü, rü chorü conü rü ñoma wüxi i ümatüxü̃ruü̃rüxü̃ nixĩ. Rü ñaa chorü ore i chaxümatüxü̃ rü ãẽ̱xgacüpe̱xewa tá nüxü̃ chixu.

Ichaía 11:5

Rü nüma ya yimá ãẽ̱xgacü rü meama guxü̃ma i duü̃xü̃gümaxã tá inacua̱x. Rü aixcüma tá nayanguxẽxẽ i ngẽma ore i nüxü̃ yaxuxü̃.

Ichaía 16:5

Rü wüxi i Dabí nataxa rü tá ãẽ̱xgacü nixĩ i Iraéanewa. Rü nüma ya yimá ãẽ̱xgacü rü tá mea norü duü̃xü̃gümaxã inacua̱x rü taxũtáma nanawomüxẽxẽ. Rü ãẽ̱xgacü i ixaixcümacü tá nixĩ rü guxãmaxã tá namecüma. Rü paxa tá nanamexẽxẽ i duü̃xü̃güarü guxchaxü̃gü.

Yeremía 33:14

Rü Cori ya Tupana rü ñanagürü: —Nawa tá nangu i ngunexü̃ i nagu tá chayanguxẽxẽxü̃ i chorü uneta nax nüxü̃ charüngü̃xẽxẽxü̃ i chorü duü̃xü̃gü i Iraéanecüã̱xgü rü Yudáanecüã̱xgü.

Ichaía 33:5

Nüma ya Cori ya Tupana ya Guxãétüwa Ngẽxmacü rü daxũguxü̃ i naanewa nixĩ i nangẽxmaxü̃. Rü nüma nixĩ i mugü i we̱xguxü̃ rü aixcüma mexü̃ Chióü̃arü duü̃xü̃güca̱x naxueguxü̃.