Ichaía 30:9 - Tupanaarü Ore

⁹ Ñaa duü̃xü̃gü rü duü̃xü̃gü i tama ixĩnüechaü̃xü̃ rü tama yaxõgüchaü̃xü̃ nixĩgü. Rü tama norü Coriarü ucu̱xẽgü inarüxĩnüechaxü̃.

Ichaía 30:9 Referans Kwoze

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Chofonía 3:2

Rü tama Cori ya Tupanaarü ucu̱xẽ cuyaxu rü tama curü me nixĩ nax cuxü̃ naxucu̱xẽxü̃. Rü tama Cori ya Tupanaaxü̃́ cuyaxõ rü tama nüxna cungaicamachaü̃.

Ichaía 1:4

Pa Duü̃xü̃gü i Chixexü̃ Ügüxü̃ rü Chixexü̃gu Ímaxẽxü̃x, ngúxü̃ pinge erü pema rü chixexü̃arü üruü̃gütaagü pixĩgü, rü nanegü i pecaduã̱xgüxü̃ pixĩgü. Pema rü marü nüxna pixĩgachi ya Iraétanüxü̃arü Tupana ya üünecü rü marü nüxü̃ perüxoe.

Ucu̱xẽgüchiga 28:9

Yíxema tama naga ĩnüxe i Tupanaarü mugü, rü nüma ya Tupana rü taxũtáma tüxü̃́ nüxü̃ naxĩnü i tümaarü yumüxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:15

Natürü taxũtáma yima ĩanewa nichocu i ngẽma chixexü̃gü maxẽxü̃, rü ngẽma iyuüxü̃, rü ngẽma naxü̃nearü ngúchaü̃gu maxẽxü̃, rü ngẽma máetagüxü̃, rü ngẽma tupananetachicüna̱xãgüxü̃ icua̱xüü̃güxü̃, rü ngẽma womüxẽẽwa̱xegüxü̃ rü taxũtáma nawa nichocu ya yima ĩane.

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Yeremía 9:3

Rü guxü̃guma ínamegümare nax doraxü̃ yaxugüxü̃ca̱x ñoma wüxi ya würamaxã chuxchigü inamaxgüxü̃rüxü̃. Ngẽma nachixü̃anewa rü nataxüchi i dora rü bai i mexü̃. Rü yexeraãcü chixexü̃wa naxĩ. Rü nümatama ya Cori ya Tupana rü ñanagürü: —Chorü duü̃xü̃gü rü marü tama choxü̃ nacua̱xgüchaü̃ —ñanagürü ya Cori ya Tupana.

Yeremía 7:13

Rü woo mue̱xpü̱xcüna pexna chanachu̱xu ga yema pecüma ga chixexü̃, natürü pema rü tama chauga pexĩnüechaü̃, rü bai choxü̃ pengãxü̃güxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ichaía 63:8

Rü Tupana rü ñanagürü: —Nümagü rü chorü duü̃xü̃gü nixĩgü, rü chaunegü i aixcüma chauga ĩnüexü̃ nixĩgü —ñanagürü. Rü ngẽmaca̱x norü uanügüme̱xẽwa ínananguxü̃xẽxẽ.

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.

Ichaía 1:10

¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Norü taxre ga to ga popera ga ãẽ̱xgacügüchiga ümatüxü̃ 33:10

Rü Cori ya Tupana rü Manachémaxã rü norü duü̃xü̃gümaxã nidexa, natürü tama naga naxĩnüe.

Wenaxarü naxümatü ga Tupanaarü mugü 32:20

Rü ñanagürü: “Rü ñu̱xma rü tá pexna chixũgachi, rü ngẽxguma tá nixĩ i nüxü̃ pecuáxü̃ nax ta̱xacü tá pexü̃ ngupetüxü̃. Rü aixcüma i pema rü duü̃xü̃gü i chixexü̃gu maxẽxe pixĩgü, rü chauxacügü i tama aixcümagüxe pixĩgü.

Wiyaegü 78:8

Rü yemaacü nanamu ga Tupana yerü tama nanaxwa̱xe nax yema duü̃xü̃gü norü o̱xigürüxü̃ yixĩgüxü̃ca̱x. Yerü nümagü ga norü o̱xigü rü tama Tupanaga naxĩnüe rü tama naãẽxü̃ nicua̱x rü tama aixcüma Tupanawe narüxĩ rü tama naxca̱x namaxẽ.

Ichaía 1:2

Pa Daxũguxü̃ i Naanecüã̱x rü Ñoma i Naanecüã̱x ¡rü iperüxĩnüe i ñaa Tupanaarü ore i ñaxü̃: —Yema chaunegü ga mea chayaexẽẽxü̃ rü ñu̱xma rü tama chauga naxĩnüe!

Ichaía 5:24

Rü ngẽmaca̱x i pema rü ñoma maxẽ i paxü̃ i üxüemawa ixaxü̃rüxü̃ tá iperüxo. Rü ñoma nai i yixchúma̱xaxü̃rüxü̃ rü ñoma nachacu i waixü̃müchicute̱xe yanguxuchixü̃rüxü̃ tá pixĩgü. Erü nüxü̃ pexo i norü ngu̱xẽẽtaegü rü norü mugü ya Cori ya Iraéarü Tupana ya Üünecü ya Guxãétüwa Ngẽxmacü.

Ichaía 24:5

Rü ngẽma duü̃xü̃gü i nawa maxẽxü̃ i ñoma i naane rü chixexü̃maxã nanapáxẽẽgü, erü tama nayanguxẽẽgü i Tupanaarü mugü, rü tama naga naxĩnüe i norü ucu̱xẽgü. Rü woo Tupanamaxã nüxü̃ nixugüe nax guxü̃gutáma yanguxẽẽgüãxü̃ ga yema uneta ga Tupanamaxã naxügüxü̃, natürü tama aixcüma nayanguxẽẽgü.

Ichaía 65:2

Rü guxü̃ i ngunexü̃gu íchamemare nax chanadexü̃ i ngẽma duü̃xü̃gü i tama chauga ĩnüexü̃ i chixexü̃weama rüxĩxü̃ rü noxrütama ngúchaü̃ ügüamaxü̃.

Yeremía 35:14

Rü ngẽma Recáx nane ga Yonadátanüxü̃ rü meama naga naxĩnüe ga yema mugü ga norü o̱xi namaxã nüxü̃ ixuxü̃ rü tama nayaxaxgü ya bínu. Rü ñu̱xma rü ta tama nayaxaxgü, yerü naga naxĩnüe ga norü o̱xi. Choma rü marü muẽ̱xpü̱xcüna pemaxã nüxü̃ chixu ga chorü mugü, natürü tama naga pexĩnüe.

Echequié 24:3

¡Rü ngẽma Iraétanüxü̃ i tama chauga ĩnüechaü̃xü̃maxã nüxü̃ ixu i chorü ore i wüxi ya panerachigagu ixuxü̃! “¡Üxüwa naxü̃nagü ya wüxi ya panera, rü dexámaxã naxüãcu!

Wiyaegü 81:12

Rü yemaca̱x nixĩ ga pexü̃ chayexrüxü̃ nax penaxüamaxü̃ca̱x ga perü chixexü̃ rü pema penaxwa̱xexü̃ãcüma pemaxẽxü̃ca̱x.

Ichaía 10:5

Rü Cori ya Tupana rü ñanagürü: —Achíriaanearü ãẽ̱xgacü nixĩ ya chorü naixmena̱xã ya Iraétanüxü̃xü̃ namaxã chapoxcune. Rü yima nixĩ ya chauxne ya namaxã tá chorü numaxã chacuaixetane.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Ichaía 48:4

Rü choma rü nüxü̃ chacua̱x nax tama nüxü̃ pecua̱xégaxü̃ rü pitaieruxü̃ rü ñoma fieru rü bróũche i tama irüwe̱xãchixü̃rüxü̃ pixĩgü.

Yeremía 7:28

¡Rü namaxã nüxü̃ ixu rü ñanagürü nüxü̃! “Ñaa nixĩ i ngẽma nachixü̃ane i tama norü Cori ya Tupanaga ĩnüexü̃ rü tama naxwa̱xexü̃ nax texé naxucu̱xẽxü̃. Rü norü duü̃xü̃gü rü marü tama naã̱xwa ínaxũxũ i ore i aixcüma ixĩxü̃”, ñacurügü nüxü̃ —ñanagürü.