Ichaía 30:6 - Tupanaarü Ore

⁶ Rü ñaa nixĩ i Cori ya Tupanaarü ore nachiga i ngẽma Négueanewa ngẽxmagüxü̃ i ngo̱xogü. Rü ngẽma naane i ãũcümaxü̃ i nawa ngẽxmagüxü̃ i leóü̃gü rü ãxtapegü i tüxü̃ ngóxü̃ rü ãxtapegü i tüxna yuxuxü̃, rü ngẽma naanegu búrutagügu rü caméyutagügu ngẽma Iraétanüxü̃ nayana i norü ngẽmaxü̃gü rü norü diẽrugü nax Equítuanearü ãẽ̱xgacüna yanaxãxü̃ca̱x nax ínapoxü̃ãxü̃ca̱x.

Ichaía 30:6 Referans Kwoze

Wenaxarü naxümatü ga Tupanaarü mugü 8:15

Rü gumá nixĩ ga nagu pexü̃ ĩxẽẽcü ga yema taxü̃ ga chianexü̃ ga ãũcümaxü̃ ga ãxtapegü rü tuxchinawegü nawa muxü̃, rü dexá nawa taxuxü̃. Natürü ga nüma ga Cori ya Tupana rü nuta ga taicüwa dexá ínanagoxü̃chíüxẽxẽ rü yemawa pexü̃ naxaxegüxẽxẽ.

Yeremía 11:4

Rü yexguma Equítuanewa nayexmagügu ga nũxcümaü̃güxü̃ ga norü o̱xigü rü poraãcü ngúxü̃ ningegü. Yerü yema nachixü̃anecüã̱x rü ñoma wüxi ya üxü i fieruarü dexexü̃ruü̃rüxü̃ nixĩ naxca̱x ga yema duü̃xü̃gü. Rü yexguma yema naanewa íchanagaxü̃gu rü ñaãcü namaxã ichaxuneta rü ñachagürü nüxü̃: “¡Chauga pexĩnüe, rü penaxü̱x i guxü̃ma i ngẽma choma pexü̃ chamuxü̃! Rü ngẽxguma i pema rü chorü duü̃xü̃gü tá pixĩgü rü choma rü tá perü Tupana chixĩ.

Nüxíraxü̃xü̃ ga popera ga ãẽ̱xgacügüchiga 10:2

Rü ngĩma rü meama nga̱xãẽxãcü Yerucharéü̃wa ingu namaxã ga muxü̃ma ga caméyugü ga pumaragümaxã rü úirumaxã rü nutagü ga meruü̃gümaxã ixãxwetaxü̃. Rü yexguma Charomóü̃xü̃tawa nanguxgu rü guxü̃ma ga yema nagu naxĩnüxü̃ãcüma nüxna ica.

Wenaxarü naxümatü ga Tupanaarü mugü 4:20

Rü nüma ga Cori ya Tupana rü nawa pexü̃ ínamuxü̃ ga Equítuane ga pexca̱x ñoma guruxü ga nawa fieru idexẽẽnerüxü̃ ixĩxü̃. Rü yemaacü pexü̃ narüngü̃xẽxẽ nax ngẽmaãcü norü duü̃xü̃gü pixĩgüxü̃ca̱x. Rü ñu̱xma rü ta rü noxrütama pixĩgü.

Ore i mexü̃ ga Matéu ümatüxü̃ 12:42

Rü ngẽxguma Tupana duü̃xü̃güna caxgux i norü pecaduchiga, rü ngĩma ga súr-anewa ãẽ̱xgacü ixĩcü rü tá íirüda, rü tá pexü̃ íixũãxü̃. Yerü ngĩma rü yáxü̃wa ne ĩxü̃ nax ãẽ̱xgacü ga Charomóü̃xü̃ íyadauxü̃ca̱x rü nüxü̃ naxĩnüxü̃ca̱x ga norü ngu̱xẽẽtae ga cua̱xmaxã nüxü̃ yaxuxü̃. Natürü pemaxã nüxü̃ chixu rü nua petanüwa nangẽxma i wüxi ya Charomóü̃arü yexera ixĩcü.

Ochéa 12:1

Ngẽma Iraéanecüã̱xgü rü natüca̱xma guxü̃ i ngunexü̃gu ngẽma nachixü̃anegü i éstewa ngẽxmagüxü̃arü ngü̃xẽẽca̱x nadau. Rü yexera nidorata̱xagü rü nimáetagü. Rü Achíriaanecüã̱xgümaxã nanaxü i unetagü, rü Equítuanewa nanamugü i ãmare i chíxü̃ nax ngẽmaãcü Equítuanecüã̱xgü nüxü̃ rüngü̃xẽẽgüxü̃ca̱x.

Yeremía 2:6

Rü nüma ga perü o̱xigü rü marü tama chaugu narüxĩnüe rü nüxü̃ inarüngümae nax choma ya Cori ya Tupana yixĩxü̃ ga Equítuanewa íchanguxü̃xẽẽxü̃. Rü nüxü̃ inarüngümae nax choma yixĩxü̃ ga íchayagagüxü̃ nagu ga yema naane ga chianexü̃ ga taxuxü̃ma i nanetü nawa rüxüxü̃. Rü yema ínamáxpü̱xanexü̃wa ga ínangearü dexáã́xü̃wa chanagagü ga ínaxãũcümaxü̃wa rü taxúema nagu ãchiü̃xü̃wa, rü taxúema ixüpetüxü̃wa.

Ichaía 57:9

Rü tupananeta i Molóxca̱x pibuxmü rü naxca̱x ngéma penana i oribuarü chíxü̃gü rü muxü̃ma i pumaragü, rü naxca̱x pedaugü i yuetaãẽgüarü ucu̱xẽgü.

Ichaía 19:4

Natürü i choma rü wüxi i ãẽ̱xgacü i chixecümaxü̃ i tama norü duü̃xẽgüxü̃ ngechaü̃xü̃me̱xẽgu tá chananguxẽxẽ i Equítuane —ñanagürü ya Tupana ya Guxãétüwa Ngẽxmacü.

Ichaía 15:7

Rü ngẽmaca̱x i duü̃xü̃gü rü nanade i norü ngẽmaxü̃gü rü natüxacü i Áramuarü tocutüwa naxĩ.

Ichaía 8:22

Rü ñu̱xũchi tá ñaa waixü̃müanegu narüdaunü, rü ngẽma nüxü̃ nadaugüxü̃ tá nixĩ nax nataxuma i ta̱xacürü õna. Rü ẽanexü̃xü̃xica tá nadaugü rü ngúxü̃ tá ningegü. Rü guxü̃watáma nachüta rü nawaanemare.

Norü taxre ga to ga popera ga ãẽ̱xgacügüchiga ümatüxü̃ 16:2

Rü yexguma ga Achá rü nanade ga yema úiru rü diẽrugü ga Tupanapata ga taxü̃negu rü ãẽ̱xgacüpatagu nuxü̃. Rü ñu̱xũchi Chíriaanearü ãẽ̱xgacü ga Ben-adáxü̃ ga Damácuwa yexmacüxü̃tawa nanamugü namaxã ga ñaa ore:

Norü taxre ga to ga popera ga ãẽ̱xgacügüchiga ümatüxü̃ 9:1

Rü ngĩma ga Chabáanearü ãẽ̱xgacü rü nüxü̃ ixĩnüchiga ga Charomóü̃ nax ñuxãcü ãẽ̱xgacü ga nüxü̃ cua̱xüchicü yixĩxü̃. Rü yemaca̱x Yerucharéü̃wa ixũ nax nüxü̃ yaxüxü̃ca̱x namaxã ga ñuxre ga cagü ga poraãcü iguxchaxü̃. Rü ngĩma rü yéma ingu namaxã ga muxü̃ma ga ngĩrü ngü̃xẽẽruü̃gü rü ngĩrü caméyugü ga pumaramaxã rü taxü̃ ga úirumaxã rü nutaxacügü ga ngã̱xãẽruü̃gümaxã ixãxwetaxü̃. Rü yexguma Charomóü̃xü̃tawa nanguxgu, rü nüxna ica namaxã ga guxü̃ma ga yema cagü ga nagu naxĩnüxü̃.

Wenaxarü naxümatü ga Tupanaarü mugü 17:16

Rü ngẽma ãẽ̱xgacü i nüxü̃ pexunetaxü̃ rü tama name nax nüma naxca̱x nataxexü̃ i muxũchixü̃ i cowarugü rü bai Equítuanewa nax namugüãxü̃ i duü̃xü̃gü nax to i cowarugüca̱x yataxegüxü̃ca̱x. Erü nüma ya Cori ya Tupana rü tüxna nanachu̱xu nax naxca̱x iwoeguxü̃ i ngẽma nachixü̃ane.

Naanearü ügüchiga 12:9

Rü yemawena rü inaxũãchi rü meama inixũmare ñu̱xmata Négueanewa nangu.

Iraétanüxü̃arü muxchiga 21:8

Rü nüma ga Cori ya Tupana rü Moichéxü̃ nangãxü̃ rü ñanagürü nüxü̃: —¡Ẽcü wüxi i ãxtapechicüna̱xã naxü rü ñu̱xũchi wüxi i naimaxã napuxpaweru, rü ngẽxma nachonagünüta! Rü ngẽxguma texéxü̃ nangõ̱xgux i wüxi i ãxtape, rü nüxü̃ tadawenü i ngẽma ãxtapechicüna̱xã i ngẽxma chonagüxü̃, rü ngẽmaãcü taxũtáma tayu —ñanagürü.

Ichaía 5:30

Rü ngẽxguma nawa nanguxgu i ngẽma ngunexü̃ rü norü taga i ngẽma nachixü̃anearü churaragü i Iraétanüxü̃ca̱x íyaxüãchixü rü ñoma már arü yuapegarüxü̃ tá nixĩ. Rü ngẽxguma texé nüxü̃ dawenügu i ñoma i naane rü tá nüxü̃ tadau nax nawaanexü̃, rü caixanexü̃ i waemaxü̃ rü tá nanatüpechita ya üa̱xcü.

Ichaía 14:29

—Pa Firitéutanüxü̃x, tama name i naxca̱x petaãẽgü i ngẽma nax nayuxü̃ i Achíriaanearü ãẽ̱xgacü ga naxme̱xwa peyexmagüxü̃ ga chixri pemaxã icuáxü̃. Erü ngextá curá ne ũxü̃wa rü wüxi i ãxtape i düraxü̃ tá ínaxũxũ. Rü ngẽma ãxtapewena rü tá ngéma ínaxũxũ i yexera rüdüramaexü̃chixü̃ i dragóü̃ i ãxpe̱xatüxü̃ rü igoexü̃.

Ichaía 35:9

Ngẽma namawa rü nataxutama i leóü̃gü, rü nataxutama i aigü i düraexü̃ i tüxna nangaicamagüxü̃. Rü ngẽma namagu tá nawoegu i ngẽma duü̃xü̃gü i Cori ya Tupana ínguxü̃xẽẽxü̃ norü uanügüme̱xẽwa. Rü taãẽxü̃ i wiyaegümaxã tá Chióü̃gu nachocu, rü guxü̃gutáma ngéma nataãẽgüecha. Rü ngéma rü marü nataxutama i axu rü ngúxü̃, rü taãẽxicatatama nangẽxma.

Echequié 20:46

—Cuma, Pa Yatüx, ¡súrguama nadawenü rü ngẽma naanemaxã nüxü̃ ixu i curü ore! ¡Rü chauégagu poxcu namaxã naxuegu i ngẽma Négueanearü naixnecü i súrwaama ngẽxmaxü̃!

Miquéa 6:14

Rü tá pechibüe natürü taxũtáma pengãxcharaü̃gü rü tá petaiyaama. Rü perü õnagü tá pede, natürü taxuwatáma pexü̃́ name i ngẽma. Rü woo íxraxü̃maxã penguxü̃gu rü daiwa tá pexna chanapuxü̃xẽxẽ.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Yox 39:11

¿Rü cuma nagu curüxĩnügu rü ngẽma nax naporaxüchixü̃ca̱x rü nüma tá yixĩxü̃ i cuxü̃́ naxüaxü̃ i ngẽma curü puracü?

Ochéa 12:2

Rü nüma ya Cori ya Tupana rü ngẽma Yudáanecüã̱xgümaxã nanu. Rü nacümagü i chixexü̃gagu rü tá ngẽma Acóbutanüxü̃xü̃ napoxcu. Rü ngẽmaãcü tá nayangutanüxẽẽgü naxca̱x ga yema norü chixexü̃ ga naxügüxü̃.

Chacaría 6:6

Rü yima caru ya cowarugü iwaxüxü̃ itúgüne rü ngẽma nachixü̃ane i nórtewa ngẽxmaxü̃waama naxũ. Rü yima caru ya cowarugü icómüxü̃ itúgüne rü ngẽma nachixü̃ane i oéstewa ngẽxmaxü̃waama naxũ. Rü yima caru ya cowarugü i ãmatüxü̃ itúgüne rü ngẽma nachixü̃ane i súrwa ngẽxmaxü̃waama naxũ —ñanagürü.