Ichaía 30:3 - Tupanaarü Ore

³ Natürü nüma i Faraóü̃ rü taxũtáma ínanapoxü̃. Rü ngẽma nax Equítuaneaxü̃́ yaxõgüãxü̃ rü tá düxwa ngechaü̃ naxca̱x ínanguxẽẽgümare.

Ichaía 30:3 Referans Kwoze

Ichaía 20:5

Rü ngẽma togü i nachixü̃anegü i Etiopíaaneaxü̃́ yaxõgüxü̃ nax ínapoxü̃ãxü̃ca̱x rü ngẽma Equítuanecüã̱xmaxã nügü icua̱xüü̃güxü̃ rü tá poraãcü namuü̃e rü naxãnee.

Romanos 10:11

Rü Tupanaarü ore i ümatüxü̃wa rü ñanagürü: “Yíxema Ngechuchuaxü̃́ yaxṍxe rü taxũtáma ãne tinge”, ñanagürü.

Romanos 5:5

Rü ñu̱xma nax ínangu̱xẽẽxü̃ nax tüxü̃́ tá nangẽxmaxü̃ i tachica i Tupanaxü̃tawa, rü ngẽmaca̱x taxuca̱xma tangechaü̃gü. Erü Tupana rü poraãcü tüxü̃ nangechaü̃. Rü ngẽma Naãxẽ ya Üünexü̃ i tüxna namuxü̃ nixĩ i tüxü̃ nüxü̃ cua̱xẽẽxü̃ i ngẽma.

Ichaía 36:6

Rü nüxü̃ chacua̱x nax Equítuanearü ãẽ̱xgacüaxü̃́ nixĩ i cuyaxõxü̃. Rü aixcümaxü̃chi i Equítuanearü ãẽ̱xgacü rü ñoma wüxi i dexnemena̱xã i büyexü̃rüxü̃ nixĩ. Rü ngẽxguma nagu iyauxãchigu rü nagu tangúxme̱x i natüchi. Rü ngẽxgumarüxü̃ nixĩ i Equítuanearü ãẽ̱xgacü i Faraóü̃, rü guxchaxü̃ tümaca̱x ínanguxẽxẽ ya guxãma ya yíxema nüxü̃́ yaxõgüxe.

Norü taxre ga popera ga ãẽ̱xgacügüchiga 18:21

Rü nüxü̃ chacua̱xama nax Equítuanearü ngü̃xẽẽna nixĩ i curüyoexü̃. Ngẽma Equítuane rü ñoma wüxi ya dexne ya ibüyenerüxü̃ nixĩ rü ngẽxguma texé nagu iyauxãchigu rü tá tümame̱xẽwa ningaxi. Rü nüma i Faraóü̃ i Equítuanearü ãẽ̱xgacü rü ngẽxgumarüxü̃ nixĩ naxca̱x i guxü̃ma i ngẽma nüxü̃́ yaxõgüxü̃.

Wiyaegü 108:12

¡Rü torü uanügücha̱xwa toxü̃ rüngü̃xẽxẽ nax nüxü̃ tarüporamaegüxü̃ca̱x! Erü taxuwama toxü̃́ name i toxrüxü̃ i duü̃xü̃güarü ngü̃xẽxẽ.

Ichaía 20:6

Rü ngẽma ngunexü̃gu rü guxü̃ma i duü̃xü̃gü i márpechinücüã̱xgü rü tá ñanagürügü: “¡Dücax, nüxü̃ pedau nax ta̱xacü namaxã nangupetüxü̃ i ngẽma nachixü̃anegü i nüxü̃́ yaxõgüxü̃, rü ngü̃xẽẽca̱x nüxna icagüxü̃ nax Achíriaanearü ãẽ̱xgacüme̱xẽwa tüxü̃ ínanguxü̃xẽẽxü̃ca̱x! ¿Rü ñu̱xma rü texé tá tixĩxü̃ ya tüxü̃ ípoxü̃xẽ?” —ñanagürügü.

Yeremía 2:36

¿Rü ta̱xacüca̱x cuñu̱xãẽxü̃chi nax naxca̱x cudauxü̃ i to i nachixü̃anearü ngü̃xẽxẽ? Rü ngẽma Equítuane rü tá cumaxã ínayatü, yema Achíriaane cumaxã íyatüxü̃rüxü̃.

Yeremía 42:18

Erü choma ya Cori ya Guxãétüwa Changexmaxẽ ya Iraétanüxü̃arü Tupana rü ñachagürü: ‘Rü yexgumarüxü̃ ga yema Yerucharéü̃cüã̱xmaxã nax chanuxü̃, rü ngẽxgumarüxü̃ tá ta pemaxã chanu ega Equítuanewa pexĩxgu. Rü ngẽxguma ngẽma poxcu i pemaxã chaxueguxü̃ pexca̱x ínguxgu, rü pema rü wüxi i cua̱xruxü̃ tá pixĩ naxca̱x i ngẽma togü i duü̃xü̃gü rü tá pemaxã naba̱i̱xãchie. Rü pema rü taxũtáma wena ñaa nachicaca̱x pewoegu, ñachagürü pexü̃’ ” —ñanagürü.

Yeremía 42:22

Rü dücax, ngẽmaca̱x daigu rü taiyamaxã rü da̱xaweanemaxã tá peyue nagu i ngẽma nachixü̃ane i nawa pexĩchaü̃xü̃ nax ngéma pemaxẽxü̃ca̱x” —ñanagürü.

Ochéa 10:6

Rü ngẽma wocaxacüchicüna̱xã i Iraéanecüã̱xgü nüxü̃ icua̱xüü̃güxü̃ rü Achíriaanearü churaragü rü nachixü̃anewa tá nanangegü nax norü ãẽ̱xgacüna naxãgüãxü̃ca̱x. Rü tá naxãnee i ngẽma Efraíü̃tanüxü̃, yerü marü nataxuma ga norü naxchicüna̱xã ga nüxü̃́ yacua̱xüü̃güxü̃. Rü ngẽxgumarüxü̃ ta i guxü̃ma i ngẽma Iraéanecüã̱xgü rü ãne tá ningegü.

Ucu̱xẽgüchiga 25:19

Rü ngẽxguma guxchaxü̃ cuxü̃́ ngẽxmagu rü nüxna curüyoegu i wüxi i duü̃xü̃ i cuechitawa̱xexü̃, rü tá cuxü̃́ nangu̱x ñoma cupüta ya ãxmanerüxü̃ rü ñoma cupara ibüyenerüxü̃.

Yeremía 46:25

Rü nüma ya Cori ya Guxãétüwa Ngẽxmacü ya Iraétanüxü̃arü Tupana rü ñanagürü: —Tá chanapoxcu i Amóü̃ ya ĩane ya Tébaarü tupananeta. Rü ngẽxgumarüxü̃ tá ta chanapoxcu i Equítuane wüxigu namaxã i norü tupananetagü. Rü tá chanapoxcu i Equítuanearü ãẽ̱xgacügü, rü nüma i Faraóü̃ rü guxü̃ma i ngẽma duü̃xü̃gü i nagu yaxõgüxü̃

Echequié 29:7

Rü yexguma chorü duü̃xü̃gü curü ngü̃xẽẽca̱x cuxna cagügu, rü cuma rü cutura rü taxuwama nüxü̃ curüngü̃xẽxẽ.