Ichaía 30:10 - Tupanaarü Ore

¹⁰ Rü ngẽmaca̱x yíxema ngo̱xetügüexü̃ ñanagürügü: —¡Marütama nax pengo̱xetügüxü̃! —ñanagürügü. Rü yíxema orearü uruü̃güxü̃ rü ñanagürügü: —¡Taxṹ i tomaxã nüxü̃ pixuxü̃ i ngẽma Tupana pexü̃ wéxü̃ woo aixcüma namexgu! ¡Rü dexagü i toõẽwa mexü̃xü̃ tomaxã pixu rü taxṹ i toxna peyañaxẽẽxü̃ i ngẽma torü taãẽgü! —ñanagürügü.

Ichaía 30:10 Referans Kwoze

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

Amúx 7:13

Rü tama chanaxwa̱xe i nua Betéwa nüxü̃ quixuxü̃ i ngẽma ore. Erü nua nixĩ i nangẽxmaxü̃ i ñaa nachixü̃anearü ãẽ̱xgacüarü ãmarearü guruxü̃. Rü ñu̱xũchi nua nixĩ i nangẽxmaxü̃ i ñaa nachixü̃anearü tupauca ya taxü̃ne —ñanagürü.

Amúx 2:12

Rü ñanagürü ta: —Natürü ga pema rü penamu ga yema Nacharéugü nax bínu yaxaxgüãxü̃ca̱x. Rü yema chorü orearü uruü̃gü rü nüxna penachu̱xu nax chorü orexü̃ yaxugüexü̃.

Yeremía 11:21

Rü yema Anatócüã̱x ga duü̃xü̃gü ga naxca̱x daugüxü̃ nax choxü̃ yama̱xgüxü̃, rü choxna nanachu̱xgü nax tama Cori ya Tupanaégagu chidexaxü̃ca̱x nax yemaacü tama choxü̃ yama̱xgüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:7

Natürü ngẽxguma ngẽma taxre i orearü uruü̃gü nagu̱xẽẽgügu nax nüxü̃ yaxugüxü̃ i Tupanaarü ore, rü ngẽma ngo̱xo i ngẽma ãxmaxü̃ i taguma iyacuáxü̃wa ixũxũxü̃, rü tá ngẽma taxrena nayuxu. Rü tá ngẽma taxrexü̃ narüyexera, rü tá nanadai.

Yeremía 23:17

Rü ngẽma orearü uruü̃güneta rü ñanagürügü nüxü̃ i ngẽma duü̃xü̃gü i tama chorü orega ĩnüexü̃xü̃: “Guxü̃táma mea pexü̃́ ínanguxuchi”, ñanagürügü. Rü ngẽma orearü uruü̃güneta rü ñanagürügü nüxü̃ i ngẽma duü̃xü̃gü i nümatama nagu naxĩnüexü̃gu rüxĩnüexü̃: “Taxuxü̃táma i chixexü̃ pexca̱x ínangu”, ñanagürügü —ñanagürü ya Tupana.

Miquéa 2:11

Rü ngẽxguma chi ínanguxgu i wüxi i orearü uruü̃neta i doraxü̃mare ixuxü̃, rü ñaxgu: “Rü ñu̱xma rü choma rü chanaxunagü rü marü name i peyaxaxüxü̃ i bínu rü tooma i axchixügü”, ñaxgu, rü pexca̱x rü ngẽma nixĩ i wüxi i mexü̃ma i orearü uruxü̃ ixĩxü̃ —ñanagürü ya Tupana.

Miquéa 2:6

Rü pemax, Pa Orearü Uruü̃günetax, rü ñaperügügü: —Tama torü me nixĩ i tomaxã nua nüxü̃ cuyarüxu i ngẽma ore i ãũcümaxü̃chiga. Erü ngẽma guxchaxü̃ i nüxü̃ quixuxü̃ rü tagutáma towa nangu —ñaperügügü.

Nüxíraxü̃xü̃ ga popera ga ãẽ̱xgacügüchiga 22:27

¡Rü namaxã nüxü̃ pixu ya ãẽ̱xgacü rü poxcupataü̃gu namua! ¡Rü íxraxü̃ i paũ rü dexáxica nüxna naxãgü rü ñu̱xmatáta mea íchangu nax daiwa ne chaxũxü̃! —ñanagürü.

Nüxíraxü̃xü̃ ga popera ga ãẽ̱xgacügüchiga 21:20

Rü nüma ga Acáx rü Eríaxü̃ nangãxü̃ rü ñanagürü: —¿Cumax, Pa Chorü Uanüx, rü choxü̃ icuyangauama? —ñanagürü. Rü nüma ga Ería rü nanangãxü̃ rü ñanagürü nüxü̃: —Ngü̃, cuxü̃ ichayangau nax cumaxã nüxü̃ chayarüxuxü̃ca̱x nax Cori ya Tupanape̱xewa poraãcü chixexü̃ nax cuxüxü̃.

Gálatas 4:16

¿Rü ñu̱xmax rü pexca̱x rü perü uanü chixĩ, erü aixcüma chanango̱xẽxẽ i ngẽma guxchaxü̃gü i pexü̃́ ngẽxmaxü̃?

Ngechuchuarü ngúexü̃gü ga yamugüxü̃arü puracüchiga 5:28

—Marü poraãcü pexna tanachu̱xu nax tama ngẽma Ngechuchuégamaxã pengúexẽẽtaexü̃ca̱x. Natürü i pema rü guxü̃ne ya Yerucharéü̃cüã̱xü̃ namaxã pengúexẽxẽ i Ngechuchuchiga, rü ñu̱xũchi toxna penaxuxchaü̃ nax togagu nayuxü̃ ga yema Ngechuchu —ñanagürü.

Ngechuchuarü ngúexü̃gü ga yamugüxü̃arü puracüchiga 4:17

Natürü ngẽma nax tama yexeraãcü duü̃xü̃gütanüwa nanguchigaxü̃ca̱x i ngẽma ngupetüxü̃, ¡rü ngĩxã tanaxãxũnegü nax ñu̱xmawena rü taxúemaama ngẽma Ngechuchuégagu yadexagüxü̃ca̱x! —ñanagürügü.

Ore i mexü̃ ga Cuáü̃ ümatüxü̃ 8:45

Natürü i choma nax ore i aixcümaxü̃ chixuxü̃, rü pema rü tama choxü̃́ peyaxõgüchaü̃.

Ore i mexü̃ ga Cuáü̃ ümatüxü̃ 7:7

Ngẽma duü̃xü̃gü i ñoma i naanecüã̱x rü tama pexchi naxaie. Natürü chauxchi naxaie erü chanango̱xẽxẽ nax nachixexü̃ i ngẽma naxügüxü̃.

Yeremía 38:4

Rü yexguma yemaxü̃ naxĩnüegu ga yema ãẽ̱xgacüarü ngü̃xẽẽruü̃gü, rü ñanagürügü ãẽ̱xgacüxü̃: —Pa Ãẽ̱xgacüx, name nixĩ i tayama̱x i ñaa yatü erü ngẽma dexa i nüxü̃ yaxuxü̃maxã nananuexẽxẽ i tórü churaragü i nua tórü ĩanewa yaxǘgüxü̃ rü nananuexẽxẽ i guxü̃ma i duü̃xü̃gü. Rü ñaa yatü rü tama daa ĩanearü mexü̃ca̱x nadau, natürü norü chixexü̃ca̱x nixĩ i nadauxü̃ —ñanagürügü.

Yeremía 29:27

¿Rü tü̱xcüü̃ tama nüxü̃ cuxoregü i Yeremía i Anatócüã̱x i pepe̱xewa ñoma wüxi i orearü uruü̃rüxü̃ idexaxü̃?

Yeremía 26:11

Rü yexguma ga yema chacherdótegü rü orearü uruü̃gü, rü ãẽ̱xgacügüxü̃ rü ñu̱xũchi guxü̃ma ga duü̃xü̃güxü̃ ñanagürügü: —Ñaa yatü rü name nax yu namaxã pexueguxü̃, erü daa ĩanechiga chixri nidexa. Pemax rü pechi̱xemaxã nüxü̃ pexĩnüe —ñanagürügü.

Yeremía 5:31

Rü ngẽma ore i nüxü̃ yaxugügüxü̃ i ngẽma orearü uruü̃gü rü doramare nixĩ. Rü ngẽma chacherdótegü rü nümagü nanaxwa̱xegüxü̃ãcü duü̃xü̃gümaxã inacua̱xgü. Rü ngẽma chorü duü̃xü̃gü rü ngẽmamaxã nataãẽgü. ¿Natürü ta̱xacü tá pexüxü̃ i ngẽxguma ínanguxgu i ngẽma guxchaxü̃ i ãũcümaxü̃? —ñanagürü.

Norü taxre ga to ga popera ga ãẽ̱xgacügüchiga ümatüxü̃ 25:16

Rü yexguma yemaxü̃ iyaxuxgu ga gumá Tupanaarü orearü uruxü̃, rü nüma ga ãẽ̱xgacü ga Amachía rü nanangãxü̃ga rü ñanagürü nüxü̃: —¿Rü texé cuxü̃ taxuneta nax ãẽ̱xgacüarü ucu̱xẽruxü̃ quixĩxü̃ca̱x? ¡Marütama i ngẽma nüxü̃ quixuxü̃! ¡Ẽ̱xna cunaxwa̱xe nax cuxü̃ yama̱xgüxü̃! —ñanagürü. Rü nüma ga gumá Tupanaarü orearü uruxü̃ rü marü tama nüxü̃ nica̱a̱xü̃chigü. Natürü nüxü̃ ñanagürü: —Choma rü nüxü̃ chacua̱x nax Tupana rü marü cumaxã naxueguãxü̃ nax cuyuxü̃ nagagu i ñaa cuxüxü̃ rü ngẽma nax tama cunayauxchaü̃xü̃ i chorü ucu̱xẽ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 16:10

Rü yexguma yemaxü̃ naxĩnügu ga Achá rü poraãcü gumá orearü uruxü̃maxã nanu. Rü norü churaragüxü̃ namu nax napoxcugüãxü̃ca̱x. Rü ñu̱xũchi yema ngunexü̃gügu rü poraãcü tümamaxã nachixecüma ga ñuxre ga duü̃xẽgü ga yémacüã̱xgü.

Norü taxre ga popera ga Timutéuca̱x naxümatüxü̃ ga Pauru 4:3

Erü yixcüra i duü̃xü̃gü rü taxũtáma nüxü̃ naxĩnüechaü̃ i ngẽma ngu̱xẽẽtae i mexü̃. Erü ngẽma duü̃xü̃gü rü nichixecüma, rü ngẽmaca̱x naxca̱x nadaugü i norü ngúexẽẽruü̃gü i nüma nanaxwa̱xegüxü̃ãcüma nangúexẽẽxü̃.

Norü taxre ga popera ga Timutéuca̱x naxümatüxü̃ ga Pauru 4:4

Rü taxũtáma nüxü̃ naxĩnüechaü̃ i ngẽma ore i aixcüma ixĩxü̃. Rü ngẽma ore i doramare ixĩxü̃guama tá narüxĩnüe.

1 Chamué 9:9

(Nũxcüma yexguma wüxi ga Iraétanüxü̃ Tupanana caxchaü̃gu rü ñanagürü: “¡Ngĩxã nüxna tayaca ya yimá Ẽxü̃guxü̃xü̃ Cuácü!” ñanagürü. Rü nũxcüma rü “Ẽxü̃guxü̃xü̃ Cua̱xcümaxã nanaxugü”, natürü i ñu̱xma rü “Orearü Uruxü̃maxã nanaxugü”.)

Ichaía 5:20

¡Rü pegümaxã pengechaü̃gü! Erü ngẽma nacüma i mexü̃ rü pexca̱x nachixe, rü ngẽma nacüma i chixexü̃ rü pexca̱x name. Rü ngẽma ngóonexü̃ rü pexca̱x waanexü̃ nixĩ, rü ngẽma waanexü̃ rü pexca̱x ngóonexü̃ nixĩ. Rü ngẽma üxüxü̃ rü pexca̱x maixcuraxü̃ nixĩ. Rü ngẽma maixcuraxü̃ rü pexca̱x üxüxü̃ nixĩ.

Ichaía 29:10

Rü ngẽmaca̱x i nüma ya Cori ya Tupana rü yaxta i poraxü̃ pexca̱x ngéma namu. Rü ngẽma perü orearü uruü̃güchire̱x nixĩ i pemaxã icua̱xgüxü̃. Natürü tama aixcüma pemaxã nüxü̃ nixugüe i ngẽma tá pexü̃ ngupetüxü̃, erü nüma ya Cori ya Tupana rü düxwa nayatüxetü nax tama nüxü̃ nacua̱xgüxü̃ca̱x.

Yeremía 36:29

¡Rü Yoaquíü̃ ya Yudáanearü ãẽ̱xgacümaxã nüxü̃ ixu i ñaa ore: “Cori ya Tupana rü ñanagürü cuxü̃: ‘Cuma rü cuyagu ga yema popera rü ñu̱xũchi cunanga ga Yeremía yerü yema poperagu nanaxümatü nax Babiróniaanearü ãẽ̱xgacü rü aixcüma tá naxca̱x íyagoõchixü̃ i ñaa nachixü̃ane rü tá nachixexẽẽãxü̃ rü nadaiãcuãxü̃. Rü ngẽmaãcü taxuxü̃táma nawa íyaxügüxü̃ rü bai i duü̃xü̃gü rü bai i naxü̃nagü!

Yox 41:3

¿Rü cuma nagu curüxĩnügu rü ngẽma yewaxe rü ngechaü̃ãcü tá cuxna nayaca nax cuxü̃́ nangechaxü̃tümüxü̃xü̃ca̱x?

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.