Ichaía 30:1 - Tupanaarü Ore

¹ Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Ichaía 30:1 Referans Kwoze

Ichaía 65:2

Rü guxü̃ i ngunexü̃gu íchamemare nax chanadexü̃ i ngẽma duü̃xü̃gü i tama chauga ĩnüexü̃ i chixexü̃weama rüxĩxü̃ rü noxrütama ngúchaü̃ ügüamaxü̃.

Ichaía 1:2

Pa Daxũguxü̃ i Naanecüã̱x rü Ñoma i Naanecüã̱x ¡rü iperüxĩnüe i ñaa Tupanaarü ore i ñaxü̃: —Yema chaunegü ga mea chayaexẽẽxü̃ rü ñu̱xma rü tama chauga naxĩnüe!

Ochéa 7:13

Rü taxü̃ i ãũcümaxü̃ tá nixĩ naxca̱x i ngẽma chorü duü̃xü̃gü yerü choxna nixĩgachitanü. Rü tá guxchaxü̃ naxca̱x ínangu erü tama chauga naxĩnüechaü̃. Rü choma rü íchamemarechire̱x nax íchananguxü̃xẽẽxü̃ca̱x, natürü i nümagü rü tama chomaxã nixaicümagü rü doraxü̃ chomaxã nixugümare.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Ichaía 63:10

Natürü ga Iraétanüxü̃ rü tama Tupanaga naxĩnüe rü nananuxẽẽgü ga Naãxẽ ya Üünecü. Rü yemaca̱x ga nüma ga Tupana rü yema duü̃xü̃gümaxã narüxuanü rü namaxã nanaxunagü ga nax nadaiaxü̃.

Ichaía 29:15

¡Rü tügümaxã tangechaü̃gü ya yíxema Cori ya Tupanacha̱xwa tügü icu̱xgüchaü̃xe wüxigu namaxã i tümaarü chixexü̃ i ẽanexü̃wa taxügüxü̃! Erü ñatagürügü: —Taxúema tüxü̃ tadau rü taxúema nüxü̃ tacua̱x i ngẽma ixügüxü̃ —ñatagürügü.

Norü taxre ga popera ga Timutéuca̱x naxümatüxü̃ ga Pauru 3:13

Natürü ngẽma yatügü i chixexü̃gu maxẽxü̃ rü ngẽma idorata̱a̱xgüxü̃ rü yexeraxü̃ i chixexü̃ tá naxügü. Erü nümagü rü tá togüxü̃ nawomüxẽẽgü, rü ngẽxgumarüxü̃ ta i ngẽma togü rü tá nayawomüxẽxẽgü.

Echequié 3:9

Rü aixcüma tá cuxü̃ chaporaxẽxẽxü̃chi nax ñoma diamánterüxü̃ rü ñoma nuta i taixü̃rüxü̃ cutaixü̃ca̱x nape̱xewa i ngẽma duü̃xü̃gü. ¡Rü taxṹ i nüxü̃ cumuü̃xü̃! ¡Rü taxṹ i nachametügümaxã cubaixãchixü̃ i ngẽxguma yexera chomaxã nanuegu! —ñanagürü choxü̃.

Echequié 2:3

Rü nüma ga Tupana rü ñanagürü choxü̃: —Cumax, Pa Yatüx, rü tá natanüwa cuxü̃ chamu i ngẽma Iraétanüxü̃ i tama chauga ĩnüexü̃ rü chomaxã nueamaxü̃. Rü nümagü rü ñu̱xma rü ta chomaxã nanueama yema norü o̱xigürüxü̃.

Yeremía 5:23

Pema rü penuewa̱xexü̃ rü tama ipexĩnüechaü̃. Rü choxna pixĩgachi rü choxü̃ ipeyarüngümae.

Ichaía 30:9

Ñaa duü̃xü̃gü rü duü̃xü̃gü i tama ixĩnüechaü̃xü̃ rü tama yaxõgüchaü̃xü̃ nixĩgü. Rü tama norü Coriarü ucu̱xẽgü inarüxĩnüechaxü̃.

Wiyaegü 61:4

Rü chanaxwa̱xe nax guxü̃gutáma cupatawa changexmaxü̃ nax ngéma cuxpe̱xatütüü̃gu chicúxü̃ca̱x.

Wenaxarü naxümatü ga Tupanaarü mugü 29:19

Rü nawena nax marü nüxü̃ pexĩnüexü̃ i ñaa unetaarü dexa, rü ngẽxguma chi ngexerüxe i petanüwa rü nüxü̃ ixuxgu nax taxuxü̃ma i chixexü̃ naxüxü̃ rü ñaxü̃gu naxĩnügu: “Rü guxü̃ma i ta̱xacü i chaxüxü̃wa rü mea tá choxü̃́ ínanguxuchi woo ngẽma choma chanaxwa̱xexü̃ chaxümaregu”, ñaxü̃gu naxĩnügu, rü nagagu tá nixĩ i Cori ya Tupana poxcu naxca̱x ínguxẽẽxü̃ i guxü̃ma i Iraétanüxü̃.

Wenaxarü naxümatü ga Tupanaarü mugü 9:24

Rü yexguma noxritama petanüwa chayexmagucürüwa i pemax rü tama Cori ya Tupanaga pexĩnüechaü̃.

Yeremía 4:17

Rü ngẽma Yudáanecüã̱xgü rü tama Cori ya Tupanaga naxĩnüe, rü ngẽmaca̱x norü uanügü rü tá Yudáanexü̃ ínachomaeguãchi ñoma duü̃xü̃gü i naanena ídaugüxü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Ichaía 32:2

Rü wüxichigü i ngẽma ãẽ̱xgacügü rü ñoma cu̱xchicaxü̃ i buanecücha̱xwa naxchipeta icúxü̃rüxü̃ tá nixĩgü. Rü ñoma ĩpata ya pucü ya taxüchicücha̱xwa natüxü̃gu ngaxínerüxü̃ tá nixĩgü. Rü ñoma natügü i paanexüchixü̃gu iya̱xgüxü̃rüxü̃ tá nixĩgü. Rü ñoma chianexü̃wa ngẽxmacü ya taxüchicü ya nutachipetarüxü̃ tá nixĩgü i ngẽma ãẽ̱xgacügü.

Ichaía 8:12

—¡Taxṹ i nagu perüxĩnüexü̃ i ngẽma duü̃xü̃gü nüxü̃ ixugüexü̃ nax ngẽma perü uanügü rü nügümaxã ínamexẽẽgüãxü̃ nax pexca̱x íyaxüãchichaü̃xü̃! ¡Rü taxṹ i naxca̱x pemuü̃exü̃ rü namaxã peba̱i̱xãchiexü̃ i ngẽma duü̃xü̃gü nüxü̃ muü̃exü̃!

Ichaía 4:5

Rü ngẽma duü̃xü̃gü i ma̱xpǘne ya Chióü̃gu ngutaque̱xegüxü̃xétüwa rü Cori ya Tupana rü wüxi i caixanexü̃ i waxüxü̃ tá nango̱xẽxẽ i ngunecü. Rü ngẽxguma nachütagu rü tá nangóone erü üxüema i yauraxü̃ tá nango̱xẽxẽ. Rü nüma ya Cori ya Tupanaarü Üüne rü ngẽmaétüwa tá nangẽxma, nax ngẽmaãcü norü duü̃xü̃güna nadauxü̃ca̱x rü ínapoxü̃ãxü̃ca̱x. Rü ngunecü i ngẽma caixanexü̃ i waxü̃ i naétügu chüxüxü̃ rü duü̃xü̃güarü gáuxchipetaruxü̃ tá nixĩ, rü norü poxü̃ruxü̃ tá nixĩ na̱xcha̱xwa ya pucü rü buanecü.

Ichaía 1:5

Rü pema rü Tupanamaxã penue rü tama naga pexĩnüe. Rü ngẽmaca̱x taxuwama marü pexna nanacua̱i̱xcaéga, erü peeruwa rü marü guxü̃wama penapi̱xerugü rü marü pingearü poraxã̱x i ñu̱xmax.

Ochéa 13:2

Rü pema rü ñu̱xma rü ta pecadu nixüetanüama. Rü ngẽma duü̃xü̃gü i naxchicüna̱xãarü üxü̃ cua̱xgüxü̃ namugü nax diẽrumüwa naxügüãxü̃ca̱x i wocachicüna̱xãgü. Rü nümagü i ngẽma naxchicüna̱xãarü üwa puracüexü̃ rü nümagü nanaxwa̱xegüxü̃ãcü nanaxügü. Rü ngẽma tupananetagüca̱x buxe tüxü̃ nigugü rü nüxü̃ nachúxgü ga yema wocaxacüchicüna̱xãgü.

Ichaía 5:18

Rü pegümaxã pengechaü̃gü i pema erü pidorata̱xagü rü ngẽmaãcü pegüwe peyatúchigügü i perü chixexü̃gü ñoma wüxi i caru rü naxpanaxãmaxã itúxü̃rüxü̃.

Ichaía 28:20

Rü taxü̃ i guxchaxü̃gü tá pexca̱x ínangugü, rü ñoma íxraxü̃ i pechicaxü̃gu cucaxgurüxü̃ rü íxracü ya düxruü̃maxã quidüxügurüxü̃ tá nixĩ.

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.

Ichaía 8:19

Rü bexmana ngürüãchi i duü̃xü̃gü rü tá pexü̃ ñanagürügü: —¡Ngĩxã nüxna taca i ngẽma yuüxü̃ rü ngẽma nüxü̃ cuáxü̃ nax ígaãcüma yuetaãẽmaxã yadexagüxü̃! ¿Rü tama ẽ̱xna inamexü̃ nax wüxi ya ĩanecüã̱x i duü̃xü̃gü naxca̱x nadauxü̃ i norü tupanagüarü ucu̱xẽgü rü yuetagüarü ucu̱xẽgü nachiga i ngẽma maxẽxü̃?

Wenaxarü naxümatü ga Tupanaarü mugü 9:7

Rü nüma ga Moiché rü ñanagürü: —¡Taxṹ i nüxü̃ iperüngümaexü̃ nax ñuxãcü yema chianexü̃wa Cori ya Tupanaxü̃ penuexẽẽxü̃! Rü yexguma Equítuanewa ípechoxü̃xgucürüwa rü ñu̱xmata ñaa i nachicawa nax pengugüxü̃gu rü guxü̃guma tama naga pexĩnüe.

Iraétanüxü̃arü muxchiga 32:14

Rü ñu̱xma i pemax, Pa Rubéü̃tanüxü̃ rü Gáxtanüxü̃ i Chixexü̃güarü Üruxü̃ Nanegüx, rü ngẽma penatügücümagutama pexĩxchaü̃ nax ngẽmaãcü wena Iraétanüxü̃maxã penanuxẽẽxü̃ca̱x ya Cori ya Tupana.

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Ichaía 8:11

Cori ya Tupana rü poraãcüma naxme̱xmaxã choxü̃ niyauxãchi rü choxü̃ naxuxcu̱xẽ nax tama ngẽma nacüma i Yudáanecüã̱xgü nagu maxẽxü̃gu chamaxü̃xü̃ca̱x, rü ñanagürü choxü̃:

Yeremía 17:5

Rü nüma ya Cori ya Tupana rü ñanagürü: —Choma rü poxcu tümamaxã chaxuegu ya yíxema choxna ixũgachixe rü tümarüxü̃ duü̃xü̃güna rüyoexe rü ngẽmaarü ngü̃xẽẽca̱x dauxe.

Yeremía 37:7

—Ñaa nixĩ i chorü ore naxca̱x ya yima Yudáanearü ãẽ̱xgacü ya cuxü̃tawa namugücü i norü duü̃xü̃gü nax choxna yacagüxü̃ca̱x. Rü cumaxã nüxü̃ chixu rü ngẽma faraóü̃arü churaragü i marü ixĩãchichiréxü̃ nax pexü̃ yanangü̃xẽẽxü̃ca̱x, rü marü Equítuaneca̱x nawoegu.

Yeremía 42:19

Rü nüma ga Yeremía rü ñanagürü: —Ngẽma nixĩ i Cori ya Tupanaarü ore pexca̱x i pema ya Yudáanewa yaxügüxe. Rü nüma rü ñanagürü pexü̃: “¡Taxṹ i Equítuanewa pexĩxü̃! ¡Rü mea nagu perüxĩnüe i ngẽma pemaxã nüxü̃ chixuxü̃ i ñu̱xmax!” ñanagürü.

Echequié 11:2

Rü yexguma ga nüma ga Cori ya Tupana rü choxü̃ ñanagürü: —Pa Yatüx, ñaagü nixĩ i ngẽma yatügü i máetagu rüxĩnüexü̃ rü chixexü̃maxã duü̃xü̃güxü̃ ixucu̱xẽgüxü̃ i daa ĩanewa.

Echequié 24:3

¡Rü ngẽma Iraétanüxü̃ i tama chauga ĩnüechaü̃xü̃maxã nüxü̃ ixu i chorü ore i wüxi ya panerachigagu ixuxü̃! “¡Üxüwa naxü̃nagü ya wüxi ya panera, rü dexámaxã naxüãcu!

Echequié 29:16

Rü ngẽma Iraétanüxü̃ rü marü taxũtáma wena Equítuanecüã̱xgügu narüxĩnüe. Erü marü tá nüxü̃ nicua̱xãchitanü nax poraãcü ínatüexü̃ ga yexguma Equítuanearü ngü̃xẽẽca̱x nadaugügu. Rü ngẽmaãcü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana’ ” —ñanagürü.

Chacaría 4:6

Rü nüma ga daxũcüã̱x rü nayadaxẽxẽ ga nax yadexaxü̃ rü ñanagürü: —Rü ñaa nixĩ i Cori ya Tupanaarü ore i Chorobabéca̱x ixĩxü̃ i ñaxü̃: “Tama churaragüarü poramaxã rü bai i ta̱xacürü to i poramaxã, natürü Chauãẽarü poramaxã tá naxü ya chopata ya taxü̃ne” —ñanagürü ya Cori ya Tupana ya Guxãétüwa Ngẽxmacü.

Yochué 9:14

Rü nüma ga Iraétanüxü̃ rü yema Gabaóü̃cüã̱xwemüxü̃ nangõ̱xnetagü, natürü tama Cori ya Tupanana nacagüexíra ga ta̱xacü tá namaxã naxüexü̃ ga yema duü̃xü̃gü.

Norü taxre ga popera ga ãẽ̱xgacügüchiga 18:21

Rü nüxü̃ chacua̱xama nax Equítuanearü ngü̃xẽẽna nixĩ i curüyoexü̃. Ngẽma Equítuane rü ñoma wüxi ya dexne ya ibüyenerüxü̃ nixĩ rü ngẽxguma texé nagu iyauxãchigu rü tá tümame̱xẽwa ningaxi. Rü nüma i Faraóü̃ i Equítuanearü ãẽ̱xgacü rü ngẽxgumarüxü̃ nixĩ naxca̱x i guxü̃ma i ngẽma nüxü̃́ yaxõgüxü̃.

Norü taxre ga popera ga ãẽ̱xgacügüchiga 18:24

Cuma rü tama cuxü̃́ nangẽxma i pora nax cuyañaxẽẽxü̃ i woo i ngẽma Achíriaanearü churaragüeru i rüturamaexü̃. ¿Cumax rü nagu curüxĩnü rü Equítuanewa tá cuxna nanana i carugü i daiwexü̃ rü cowarugü rü churaragü i ngẽma cowarugümaxã icua̱xgüxü̃?

Ichaía 1:4

Pa Duü̃xü̃gü i Chixexü̃ Ügüxü̃ rü Chixexü̃gu Ímaxẽxü̃x, ngúxü̃ pinge erü pema rü chixexü̃arü üruü̃gütaagü pixĩgü, rü nanegü i pecaduã̱xgüxü̃ pixĩgü. Pema rü marü nüxna pixĩgachi ya Iraétanüxü̃arü Tupana ya üünecü rü marü nüxü̃ perüxoe.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Yeremía 2:18

Rü ñu̱xma ¿rü ta̱xacürü mexü̃ tá nixĩ i peyaxuxü̃ nax Equítuanearü ngü̃xẽẽca̱x rü Achíriaanearü ngü̃xẽẽca̱x ípeyaca̱xaxü̃? ¿Rü ta̱xacüwa pexü̃́ namexü̃ nax ngẽma taxtü i Níluarü dexáwa peyaxaxegüxü̃ rü taxtü i Eufrátearü dexáwa peyaxaxegüxü̃?

Ochéa 11:6

Rü norü uanügü rü tá taramaxã Iraéanearü ĩanegüca̱x ínayaxüãchi. Rü tá nagu napogüe ya yima ĩanegüarü poxeguxü̃. Rü ngẽmaãcü tá namaxã nangupetü yerü choxna nixĩgachi nax norü tupananetagüwe naxĩxü̃ca̱x.