Ichaía 3:9 - Tupanaarü Ore

⁹ Rü ngẽma duü̃xü̃gü rü nachametüwatama nango̱xama nax chixexü̃ naxügüxü̃. Rü ngẽma duü̃xü̃gü rü Chodómacüã̱xgürüxü̃ norü pecadumaxã nügü nicua̱xüxü̃, rü tama naxãnee. Rü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃gü, erü nümagütama naxca̱x nadaugü i norü poxcu.

Ichaía 3:9 Referans Kwoze

Naanearü ügüchiga 13:13

Rü guma ĩanewa nixĩ ga guxü̃ma ga duü̃xü̃gü ga yachixecümaxüchixü̃ rü poraãcü chixexü̃ naxügüxü̃ ga Tupanape̱xewa.

Yeremía 6:15

Rü name chi nax na̱xcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i cumaxã nüxü̃ chixuxü̃ i ngẽma —ñanagürü.

Romanos 6:23

Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.

Echequié 23:16

Rü yexguma yema naxchicüna̱xãgüxü̃ nada̱u̱xgu, rü ngĩma ga Aoribá rü nüxü̃ ingẽxẽ ga yema Babiróniacüã̱x. Rü yexgumatama Babiróniawa inamugü ga ngĩrü orearü ngeruü̃gü.

Auxexü̃chiga 5:16

Rü yema pora ga noxri toxü̃́ yexmaxü̃ rü marü inarüxo. Rü ñu̱xma rü taxü̃ i ngechaxü̃wa tangexmagü yerü pecadu taxügü.

Yeremía 3:3

Rü ngẽmaca̱x ngẽxguma primaberawa nanguxgu nax petoegüxü̃ rü nataxutama ya pucü. Erü pema rü ñoma wüxi i ngexü̃ i naxü̃nemaxã taxexü̃rüxü̃ãcü pemaxẽ. Rü name i naxca̱x pexãnee i ngẽma chixexü̃ i pexüxü̃.

Ichaía 3:16

Cori ya Tupana rü ngexü̃gü i Yerucharéü̃cüã̱xgüxü̃ ñanagürü: —Pa Ngexü̃güx i Chióü̃cüã̱xgü i Pegü Írütagüxex, pema rü daxũgu duü̃xẽcha̱xwa pedawenüãcü ipexĩ. Rü pegü picua̱xüü̃ãcüma ipexĩ. Rü ngẽmaãcü penaxãgaxẽxẽ i perü ngã̱xãẽruü̃gü i pexme̱xtüxüwa ngẽxmagüxü̃.

Ucu̱xẽgüchiga 30:13

Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.

Ucu̱xẽgüchiga 8:36

Natürü texé ya choxna ixũgachixe rü ãũcümaxü̃wa tügütama tangẽxmaxẽxẽ. Rü texé ya chauxchi aixe rü yuxü̃ tangechaü̃ —ñanagürü ga yema cua̱x.

Wiyaegü 10:4

Rü ngẽma yatü i chixexü̃ rü nügü nicua̱xüxü̃ rü ñanagürü: —Nataxuma ya Tupana. Rü taxúetama choxna taca nachiga i ngẽma chaxüxü̃ —ñanagürü. Rü ngẽmaguxicatama narüxĩnü.

Norü taxre ga popera ga ãẽ̱xgacügüchiga 9:30

Rü yemawena nüma ga Yeú rü ĩane ga Yereéwa naxũ. Rü ngĩma ga Yechabé rü nüxü̃ icuáchiga rü yemaca̱x ngĩgü imexẽxẽ. Rü ngĩgü iwǘxü̃catü rü ngĩgü imexẽẽyae rü yemaacü inga̱xãxẽ rü wüxi ga beü̃tána ga dauxü̃wa yexmaxü̃wa idawenü.

1 Chamué 15:32

Rü yemawena rü nüma ga Chamué rü ñanagürü: —¡Chauxü̃tawa penaga i Agáx i Amaréxtanüxü̃arü ãẽ̱xgacü! —ñanagürü. Rü yexguma Chamuépe̱xewa nagagüã̱xgu, rü nüma ga Agáx rü taãẽãcü yéma naxũ yerü nagu naxĩnügu rü marü nangupetü nax yama̱xgüchaü̃ãxü̃.

Ochéa 13:9

Pa Iraéanecüã̱xgüx, ñu̱xmax rü tá pexü̃ chadai rü taxúetama pexü̃ ítapoxü̃.

Danié 7:20

Rü yexgumarüxü̃ ta meama nüxü̃ chacuáxchaü̃ nachiga ga yema 10 ga naxchata̱xcure, rü ñu̱xũchi yema naxchata̱xcure ga ixíxraxü̃ ga ãxetügüxü̃ rü naã̱xmaxã poraãcü nügü nicua̱xüxü̃. Rü yemaacü yema naxchata̱xcure ga ixíxraxü̃ rü yema togü ga naxchata̱xcurexü̃ nügü narüyexeragüchaü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:8

Rü ngẽma naxü̃negü i ngẽma taxre rü tá yima ĩane ga tórü Cori nawa curuchawa ipotane ya Yerucharéü̃arü plazawa nawogü. Rü yima ĩane rü nachixe rü ngẽmaca̱x Chodómaarü ĩanemaxã rü Equítuanemaxã nanaxugü.

Naanearü ügüchiga 4:5

Natürü ga Tupana rü tama Caíü̃maxã rü woo norü ãmaremaxã nataãxẽ. Rü yemaca̱x ga Caíü̃ rü poraãcüxüchima nanu rü nanuchametü.

Ucu̱xẽgüchiga 15:32

Yíxema tama ucu̱xẽ yaxúxe, rü tama tügü tangechaü̃. Natürü yíxema nayaxúxe i ucu̱xẽ, rü cua̱x tüxü̃́ nangẽxma.

Ichaía 1:10

¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Ichaía 57:20

Natürü ngẽma duü̃xü̃gü i chixexü̃arü üruü̃gü rü ñoma már arü yuape i taguma íyachaxãchixü̃rüxü̃ nixĩgü. Rü ñoma yuape i már buxchíüxü̃ i ãũãchixü̃ ingegüxü̃rüxü̃ nixĩgü.

Ichaía 59:12

Rü yixema rü Tupanamaxã ta̱xacü tixugüe rü ngẽma tórü chixexü̃gütama nixĩ i tüxü̃ íxuaxü̃xü̃. Rü ngẽma tórü chixexü̃ rü tawa nangẽxmagü, rü nüxü̃ tacua̱x i tórü pecadugü.

Yeremía 2:19

Rü ngẽma perü chixexü̃gagu tátama nixĩ i pepoxcuexü̃, rü ngẽma nax tama choxü̃ pengechaxü̃xü̃gagu tá nixĩ i ngúxü̃ pingegüxü̃. ¡Nagu perüxĩnü rü tá nüxü̃ pedau nax poraãcü nachixexü̃ rü nangúxü̃ nax choxna pixĩgachixü̃ rü tama choxü̃ picua̱xüü̃güxü̃ i choma nax perü Cori ya Tupana chixĩxü̃! Rü choma ya Cori ya Tupana ya Guxãétüwa Ngẽxmacü chixĩ rü pemaxã nüxü̃ chixu i ngẽma.

Yeremía 8:12

Rü name chi nax naxcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i nüxü̃ chixuxü̃ i ngẽma” —ñanagürü.

Echequié 16:30

Rü choma ya Cori ya Tupana rü cumaxã nüxü̃ chixu nax cuma rü cuchixeãẽmarexü̃ rü wüxi i ngexü̃ i naxü̃nemaxã taxexü̃ i tama ãnexü̃ nacuáxü̃arü ĩnü cuxü̃́ ngẽxmaxü̃. Rü yemaca̱x cunaxü ga guxü̃ma ga yema chixexü̃gü.

Echequié 16:49

Rü ñaa nixĩ ga yema cueya̱x ga Chodómaarü chixexü̃: Rü guma ĩane rü ñu̱xũchi norü ĩanexacügü rü nügü ínarütagü yerü imuarü õnaã̱xgü rü taxuxü̃ma nüxü̃́ nataxu. Natürü taguma tüxü̃ narüngü̃xẽẽgü ga guxema ingearü diẽruã̱xgüxe, rü ñu̱xũchi guxema tüxü̃́ nataxúxe.

Naanearü ügüchiga 19:34

Rü moxü̃ãcü pa̱xmama ga yema naxacü ga rüyamaecü rü ngĩeya̱x ga rübumaecümaxã ngĩgürügü: —Dücax, ngexwa̱xarü chütaxü̃gu i choma rü marü tanatümaxã ichape, rü ngẽmaca̱x ñaa chütaxü̃gu rü name nixĩ i wena tanatüxü̃ tangãxẽxẽ nax ngẽmaãcü cuxí tanatümaxã icupexü̃ca̱x nax ngẽmaãcü yixema i taxre rü wüxigu tanatüaxü̃́ ixãxacügüxü̃ca̱x —ngĩgürügü.

Ochéa 5:5

Rü ngẽma Iraéanecüã̱xgü rü nügü nicua̱xüü̃gü rü nügü ínarütagü. Rü ngẽmagagu rü tá naxca̱x ínangu i guxchaxü̃. Rü ngẽma Efraíü̃tanüxü̃ rü norü chixexü̃gu tátama nayi. Rü ngẽma Yudáanecüã̱xgü rü tá ta noxrütama chixexü̃gu nayi.