Ichaía 3:8 - Tupanaarü Ore

⁸ Rü yima ĩane ya Yerucharéü̃ rü marü nanguxuchi rü Yudáanewa rü duü̃xü̃güchicaxica ínayaxü, erü duü̃xü̃gü rü chixri Cori ya Tupanachiga nidexagü rü nanaxügü i ta̱xacü i tama namaxã nataãẽxü̃, rü ngẽmaãcü tama naga naxĩnüe.

Ichaía 3:8 Referans Kwoze

1 Corintios 10:22

¿Rü ñuxũ ñapegüxü̃ i ñu̱xmax? ¿Ẽ̱xna penanuxẽẽchaü̃ ya tórü Cori? ¿Ẽ̱xna pexca̱x rü nüxü̃ tarüporamaegü i yixemax?

Ochéa 7:16

Rü tama cha̱u̱xca̱x naxĩ rü ñoma würa ya wü̃xü̃nerüxü̃ nixĩgü. Rü naxchicüna̱xãgüca̱xama nawoegu nax nüxü̃ yacua̱xüü̃güxü̃ca̱x. Rü ngẽma norü ãẽ̱xgacügü rü nügü nicua̱xüü̃gü rü nügü ínarüporae, natürü daigu tá nayuemare. Rü ngẽxguma i ngẽma Equítuanecüã̱xgü rü tá nüxü̃ nacugüe —ñanagürü ya Tupana.

Abacú 1:13

Rü cumax, Pa Tupanax, nax aixcüma üünecü quixĩxü̃ rü tama yáxna namaxã cuxĩnü i ngẽma chixexü̃ rü tama namaxã cutaãxẽ i ngẽma duü̃xü̃gü i chixexü̃ ügüxü̃. ¿Rü ñuxũcürüwa i cunangexrü rü taxu ñacurügümare i ñu̱xma nax toxü̃ nada̱i̱xü̃ i ngẽma Cadéuanecüã̱xgü i torü yexera chixexü̃ ügüxü̃?

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Echequié 9:9

Rü nüma ga Cori ya Tupana rü choxü̃ nangãxü̃ga rü ñanagürü: —Ngẽma Iraéanecüã̱xgüarü pecadu rü ngẽma Yudáanecüã̱xgüarü pecadu rü nataxüchi. Rü ngẽma nachixü̃ane rü máetagüxü̃maxã nanapá. Rü yima ĩane ya Yerucharéü̃wa rü norü duü̃xü̃gü rü chixeãcü nügümaxã inacua̱xgü. Rü nüma nagu naxĩnüegu rü marü nüxna chixũ i ngẽma nachixü̃ane, rü ngẽmaca̱x tama nüxü̃ chadau i ngẽma naxügüxü̃.

Echequié 8:12

Rü yexguma ga nüma ya Tupana rü choxna naca rü ñanagürü choxü̃: —¿Nüxü̃ cudauxü̃ i ngẽma Iraétanüxü̃arü ãẽ̱xgacügü cúãcü norü tupananetachicüna̱xãgüpe̱xegu ixügüxü̃? Rü wüxichigü i ngẽma ãẽ̱xgacügü rü ngéma ẽanexü̃wa noxrütama tupananetachicüna̱xãxü̃ nicua̱xüü̃gü. Rü nümagü rü nagu naxĩnüegu nax choma rü marü nüxna chixũgachixü̃ i ngẽma nachixü̃ane, rü ngẽmaca̱x marü tama nüxü̃ chadauxü̃ i ngẽma inaxügüxü̃ —ñanagürü choxü̃.

Ichaía 57:4

¿Rü texéxü̃ yixĩxü̃ i pecugüexü̃ i pemax? ¿Rü texécha̱xwa yixĩxü̃ i pidaugachigüxü̃? ¿Rü texéna yixĩxü̃ i pede̱xgüexü̃? Pema rü pecadu nanegü pixĩgü, rü duü̃xü̃ i dorata̱xgüxü̃ pixĩgü.

Ichaía 9:17

Rü nüma ya Cori ya Tupana rü ngẽmaca̱x tama namaxã nixauxãchi i ngextü̱xüxü̃gü, rü ñu̱xũchi tama nüxü̃́ tangechaü̃tümüxü̃ ya taxcutagü rü yutegüxe. Erü guxü̃ma i duü̃xü̃gü rü chixexü̃arü üruü̃gü nixĩgü rü naechitamare chixexü̃ i dexamaxã nidexagü. Rü guxü̃ma ga yema chixexü̃ ga naxügüxü̃gagu rü nüma ya Cori ya Tupana rü tama Iraéanecüã̱xgümaxã inarüngüxmü, rü yexeraãcü nayaxãxũnechigüama.

Ichaía 1:7

Rü pechixü̃ane rü naxnücüane i chianexü̃xü̃ nayanguxuchi, rü perü ĩanegü rü nixae rü niya̱u̱xragü. Rü ngẽma perü uanügü rü pepe̱xewa nanangõ̱xgü i ngẽma pema petogüxü̃ i penetüarü o. Rü guxü̃ma i perü naane rü naxnücüane i chianexü̃xü̃ nayanguxuchi yema Chodómaxü̃ ngupetüxü̃rüxü̃ ga yexguma yaxaxgu.

Norü taxre ga to ga popera ga ãẽ̱xgacügüchiga ümatüxü̃ 33:11

Rü yemaca̱x ga Cori ya Tupana rü Achíriaanearü churaragüerugüxü̃ namu nax Manachéca̱x íyaxü̃ãchixü̃ca̱x. Rü yemagü nixĩ ga Manachéxü̃ iyauxgüxü̃. Rü nayachotamaraü̃gü, rü nayachotachacüxügü rü ñu̱xũchi cadéna ga bróũchenaxca̱xmaxã nanaxütü̱xügü. Rü yemaacü Babiróniaanewa nanagagü.

Norü taxre ga to ga popera ga ãẽ̱xgacügüchiga ümatüxü̃ 28:18

Rü yexgumarüxü̃ ta ga Firitéugü rü tóxnamana ga Yudáanewa nanadeãcu ga guma ĩanegü ga doxonexü̃wa yexmagüne rü guma ĩanegü ga Négueanewa yexmagüne. Rü nanapuxü̃ ga ĩanegü ga Bex-chemé, rü Ayaróü̃, rü Guederóx. Rü ñu̱xũchi nanapuxü̃gü ta ga ĩanegü ga Chocó rü Tiná, rü Guimchó namaxã ga norü ĩanexacüchigü. Rü ñu̱xũchi nawa namaxẽ.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Ichaía 49:19

Rü pemax, Pa Yerucharéü̃cüã̱x, rü woo guxchawa peyexmagü ga noxri, natürü i ñu̱xma rü marü pexna ínixĩ i ngẽma perü uanügü i perü ĩane ya Yerucharéü̃xü̃ chixexẽẽgüxü̃. Rü ñu̱xma rü tá namuxũchi i duü̃xü̃gü i nawa maxẽxü̃ ya yima perü ĩane rü tá nayangechica i ngẽma duü̃xü̃gü i perü naanewa maxẽxü̃.

Ichaía 59:3

Rü pema rü nagümaxã pixãũãchime̱xẽ nagagu nax pimáetagüxü̃. Rü pidorata̱xagü rü chixexü̃maxã pidexagü.

Yeremía 4:13

Dücax, ngẽma tórü uanügü rü ñoma caixanexü̃rüxü̃ ningaicamaetanü, rü ngẽma norü carugü i dairuxü̃ rü ñoma buanecü ya poracürüxü̃ nixĩgü. Rü ngẽma norü cowarugü rü ĩyüxü̃ narüporamaegü. Rü yíxema rü marü taxuacüma tibuxmü.

Yeremía 44:3

Rü yemaacü nüxü̃ nangupetü ga yema duü̃xü̃gü nagagu ga norü chixexü̃gü. Nümagü rü choxü̃ nanuxẽẽgü yerü nüxü̃ nicua̱xüü̃gü ga yema tupananetagü rü pumarate̱xe naxca̱x ínagu ga yema tupananetagü ga noxri taguma nüxü̃ nacua̱xgüxü̃ rü woo norü o̱xigü rü ta taguma nüxü̃ cua̱xgüxü̃.

Auxexü̃chiga 1:9

Rü daa ĩanecüã̱x rü chixexü̃na nügü naxãgü rü tama nagu narüxĩnüe nax yixcüra ya Tupana rü tá ngẽma norü chixexü̃ca̱x napoxcuexü̃. Rü wüxi i taxü̃ i ngechaü̃ nixĩ nax ñuxãcü poraãcü chixexü̃gu nayixü̃. Rü nataxuma i texé nax nataãẽxẽẽxü̃. Rü ñu̱xma ya daa ĩanecüã̱x rü Tupanaxü̃ ñanagürügü: “Dücax, Pa Corix, nax poraãcü toxü̃ nacugüexü̃ i ngẽma torü uanügü i nügü írütagüxü̃”, ñanagürügü.

Miquéa 6:12

Rü ngẽma diẽruã̱xgüxü̃ i daa ĩanegu ãpatagüxü̃ rü poraãcü duẽxẽgüxü̃́ nangĩ́e. Rü guxü̃ma i daa ĩanewa maxẽxü̃ rü dorata̱xaxgüxü̃ rü womüxẽẽwa̱xegüxü̃ nixĩgü.

Ucu̱xẽgüchiga 26:27

Texé ya wüxi i ãxmaxü̃ ǘxe rü tüma tátama nagu tingucuchi. Rü texé ya nuta ya tacüxü̃ cuxnetaxe nax yadixixü̃ca̱x, rü yimá nuta rü tá tümaétüwa nadixi.

Yeremía 23:36

Natürü tama name nax ñapegüxü̃: “Cori ya Tupanaarü ore nixĩ i nüxü̃ tixuxü̃”, ñapegüxü̃. Erü ngẽma ore i nüxü̃ pixuxü̃, Pa Orearü Uruxü̃günetax, rü pexrütama ore nixĩ. Rü pema rü marü ípeyatoxẽxẽ i norü ore ya yimá tórü Tupana ya Maxü̃cü ya Guxãétüwa Ngẽxmacü —ñanagürü.

Ochéa 5:5

Rü ngẽma Iraéanecüã̱xgü rü nügü nicua̱xüü̃gü rü nügü ínarütagü. Rü ngẽmagagu rü tá naxca̱x ínangu i guxchaxü̃. Rü ngẽma Efraíü̃tanüxü̃ rü norü chixexü̃gu tátama nayi. Rü ngẽma Yudáanecüã̱xgü rü tá ta noxrütama chixexü̃gu nayi.