Ichaía 3:26 - Tupanaarü Ore

²⁶ Rü yima ĩanearü duü̃xü̃gü rü tá naxauxe. Rü norü yuetagüca̱x tá naxaure. Rü yima ĩanearü duü̃xü̃gü rü tá naxĩgü.

Ichaía 3:26 Referans Kwoze

Auxexü̃chiga 2:10

Rü guma ĩane ya Chióü̃arü yaxguã̱xgü rü ngechaü̃maxã waixü̃müanewa narütogü, rü waixü̃müte̱xe nügüeru nagügü, rü naxchiru i techaraxü̃gu nicu̱xgü. Rü pacügü i Yerucharéü̃cüã̱xgü rü ngĩrü ãnemaxã waixü̃müanegu iyangücuchitanü.

Yeremía 14:2

—Yudáanecüã̱xgü rü nangechaü̃gü rü naxauxe. Rü norü ĩanegücüã̱x i duü̃xü̃gü rü nanaxĩ̱xãchiãẽgü rü waixü̃müanegu nicama. Rü ngẽma Yerucharéü̃cüã̱xgü rü ngúxü̃ ningegü rü ngẽmaca̱x aita naxüe.

Auxexü̃chiga 1:4

Rü ngẽma Chióü̃arü namagü rü taxü̃ i ngechaü̃ nixĩgü erü nachianemare. Rü nataxuma i duü̃xü̃gü i petagü ga Tupana nüxü̃ unetaxü̃wa ĩxü̃. Rü ngẽma Yerucharéü̃arü poxeguxü̃arü ĩã̱xgüwa rü nachianemare. Rü ngẽma chacherdótegü rü naxauxe. Rü ngẽma paxü̃gü rü nanaxĩ̱xãchiãẽgü. Rü yima ĩane ya Yerucharéü̃ rü guxchaxü̃wa nangẽxma.

Yox 2:13

Rü yemawena rü Yoxmaxã mairaxü̃anewa narütogü. Rü 7 ga ngunexü̃ rü 7 ga chütaxü̃ yéma nayexmagü rü taxuxü̃ma ga dexa nanaxuxuchigü, yerü nüxü̃ nadaugü ga Yox ga taxü̃ ga ngúxü̃ nax yangexü̃.

Ore i mexü̃ ga Luca ümatüxü̃ 19:44

Rü tá nagu napogüe ya perü ĩane, rü tá pexü̃ nadai. Rü taxucütama ya nuta ngextá nügüxétü nanugüxüra i perü ĩanearü poxeguxü̃tápü̱x. Rü ngẽmaãcü tá pexü̃ naxüpetü, yerü tama nüxü̃ pecua̱xgüchaü̃ ga yexguma Tupana pexü̃ íyada̱u̱xgu —ñanagürü.

Echequié 26:16

Rü guxü̃ma i norü ãẽ̱xgacügü i ngẽma nachixü̃anegü i már arü ngaicamawa ngẽxmagüxü̃, rü ngẽxguma tá nüxü̃ naxĩnüegu i ngẽma pexü̃ ngupetüxü̃, rü tá inachigü i norü tochicaxü̃wa rü tá ínacuxü̃ i norü ãẽ̱xgacüchirugü rü muü̃maxã tá waixü̃müwa narütogü. Rü poraãcü tá namuü̃e, rü taxũtáma ínayachaxãchi nax yadu̱xruxexü̃.

Yox 2:8

Rü yexguma ga nüma ga Yox rü tanimacate̱xewa narüto. Rü nanayaxu ga wüxi ga waixü̃münaxca̱x ga buetarechipe nax yemamaxã nügü yawü̱xünexü̃ca̱x.

Ichaía 47:1

Rü ñanagürü ga Tupana: —Pa Babiróniacüã̱xgüx, noxri rü muxü̃ma ga nachixü̃anegümaxã ipecua̱xgü natürü i ñu̱xma rü marü peturae rü waixü̃müte̱xewa tá perütogü. Rü yima perü ĩane ga noxri wüxi i pacü i mexẽchicürüxü̃ ixĩxü̃ne rü duü̃xü̃gü rü marü tagutáma nüxü̃ nixugüe nax namexẽchixü̃.

Ore i mexü̃ ga Matéu ümatüxü̃ 11:17

‘Marü wowerumaxã pexca̱x tapaxetagü, natürü tama ípixü̃ãchitanüxü̃. Rü marü ngechaü̃ i wiyaegu pexca̱x tawiyaegü, natürü tama pexauxe’, ñagüxü̃. Rü ngẽma buxü̃gürüxü̃ nixĩ i ñaa duü̃xü̃gü.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Ichaía 14:31

¡Rü pegümaxã pengechaü̃güx, Pa Firitéutanüxü̃arü Ĩanegüx, rü wáita pexüe naxcha̱xwa i ngẽma ngúxü̃ i tá pexca̱x ínguxü̃, rü muü̃maxã pidu̱xrue! Erü nórtewaama ne naxĩ i churaragü i ñoma buanecü i wanagüemaxü̃rüxü̃ ixĩxü̃. Rü ngẽma churaragü i ngéma ne ĩxü̃ rü ínamemaregü nax pexü̃ nada̱i̱xü̃.

Ichaía 33:9

Rü Iraétanüxü̃ rü namae erü ngechaü̃wa nangẽxmagü. Rü Líbanuarü naixnecügü rü nipagü. Rü Charóü̃arü metachinüxü̃ rü naxnücüanexü̃ nayanguxuchi. Rü Bacháü̃wa rü ma̱xpǘne ya Carméruwa rü nabáianemare

Yeremía 15:8

Rü yima márpechinüwa ngẽxmacü ya naxnücüte̱xearü mumae tá tüxü̃ íchayaxügüxẽxẽ ya yíxema yutegüxe i Yerucharéü̃wa. Rü tocuchigu tá tüxü̃ chadai ya yíxema mamagü ya ingẽxtü̱xünegüxe. Rü ngürüãchi tá tümatanügu chananguxẽxẽ i ngẽma taxü̃ i ngúxü̃ rü muü̃.

Auxexü̃chiga 1:1

Ñu̱xma rü nangeãcumare ya daa ĩane ya Yerucharéü̃ ga ü̃pa muãcuchiréne. Rü ñoma wüxi i ngexü̃ i yutexü̃rüxü̃ nixĩ ya daa ĩane ga guxü̃nema ga Yudáanearü ĩanegüétüwa üchiréne. Rü guma ĩane ga tachirénearü duü̃xü̃gü rü ñu̱xma rü norü uanügüme̱xẽwa nangẽxma nax ngẽmagü poraãcü napuracüexẽẽxü̃ca̱x.

Auxexü̃chiga 2:8

Rü nüma ga Cori ya Tupana rü nagu narüxĩnü nax yawa̱xgüxẽẽãxü̃ ga yema mexẽchine ga ĩane ga Chióü̃arü poxeguxü̃tápü̱x. Rü nüma ga Tupana rü mea nanangugü ga yema Chióü̃arü poxeguxü̃tápü̱x rü tama nüxü̃́ nangechaxü̃ãcü nayawa̱xgüxẽxẽ. Rü duü̃xü̃gü rü poraãcü naxca̱x naxauxe ga yema norü ĩanearü poxeguxü̃tápü̱x nax yawa̱xgüxü̃.

Echequié 12:20

Rü guxü̃nema ya daa ĩanegü i nawa namaxẽne i ngẽma duü̃xü̃gü rü tá inayarüxogü. Rü ñaa nachixü̃ane rü tá chianexü̃xü̃ nayanguxuchi. Rü ngẽxguma tá nixĩ i pemax rü nüxü̃ picua̱xãchitanüxü̃ nax choma chixĩxü̃ ya Cori ya Tupana’ ” —ñanagürü.

Miquéa 1:9

Erü ngẽma Chamáriacüã̱xgüarü chixexü̃ rü nataxüchi rü taxúema tanamexẽxẽ. Rü yima ĩane rü tagutáma wena noxrirüxü̃ nixĩ. Rü ngẽma norü chixexü̃ rü Yudáanewa nangu rü ñu̱xmata nawa nangu ya yima ĩane ya Yerucharéü̃ i chautanüxü̃ nagu ãchiü̃ne.

Ichaía 32:14

Rü yima ãẽ̱xgacüpata rü ngéma tá nata̱xmare. Rü yima ĩane ga noxri muxü̃ma i duü̃xü̃gü nawa maxẽne rü tá nachianemare. Rü ngẽma norü poxeguxü̃tápü̱xgü rü guxü̃gutáma ngéma nawogümare. Rü ngéma rü taãẽãcü tá namaxẽ i búrugü i tama iyapuexü̃ rü ñu̱xũchi ngéma tá nachibüe i naxü̃nagü.