Ichaía 3:25 - Tupanaarü Ore

²⁵ Rü petegü rü daigu tá nayue rü ngẽxgumarüxü̃ ta i perü churaragü rü daigu tá nayue.

Ichaía 3:25 Referans Kwoze

Amúx 9:10

Rü chorü duü̃xü̃gütanüwa rü taragu tá nayue i guxü̃táma i ngẽma i chixexü̃gu maxẽxü̃ rü ñagüxü̃: “Rü taxuxü̃táma tüxü̃ nangupetü i ngẽma ãũcümaxü̃ rü taxũtáma tawa nangu”, ñagüxü̃ —ñanagürü.

Auxexü̃chiga 2:21

Rü ngẽma chorü ngextü̱xücügü rü pacügü rü yaxguã̱xgü rü taramaxã nanadai. Rü nüxü̃ tadau i ngẽma ngextü̱xücügü rü pacügü rü yaxguã̱xgü i yuexü̃ i ĩanearü namagüwa nuquegüxü̃. Rü ngẽma ngunexü̃ i nagu curü nu ínguxü̃ rü cunadai. Rü taxúema texé cuxü̃́ taxãũxãchitümüü̃gü.

Yeremía 21:9

Rü yíxema daa ĩanewatama tügü inuxü̃güxe rü aixcüma daigu rüe̱xna taiyamaxã rüe̱xna da̱xaweanemaxã tá tayue. Natürü yíxema tügü ixãgüxe rü nawe rüxĩxe i ngẽma Cadéutanüxü̃ i ñu̱xma daa ĩaneca̱x íyaxüãchixü̃ rü taxũtáma tayue. Rü ngẽmaãcü tá yuwa tügü ítanguxü̃xẽxẽ.

Yeremía 19:7

Rü ñaa doxonexü̃gu tá inayarüxo i ngẽma Yudáanecüã̱xgü rü Yerucharéü̃cüã̱xgü nagu rüxĩnüexü̃. Rü norü uanügüme̱xẽgu tá chanayixẽxẽ nax nadaiaxü̃ca̱x rü ngẽmaãcü ngurucugü rü aigü namaxã ãwemügüxü̃ca̱x.

Yeremía 18:21

Rü ngẽmaca̱x i ñu̱xma rü cuxna naxca̱x chaca nax taiyamaxã rü taramaxã nayuexü̃ i nanegü rü naxacügü i ngẽma duü̃xü̃gü i chixexü̃ chomaxã ügüxü̃ rü ngẽma naxma̱xgü rü ngẽnegüxü̃ rü ngetegüxü̃ íyaxügüxü̃ rü ngẽma nategü rü da̱xaweanemaxã nayue rü ngẽma norü ngextü̱xügü rü daigu nayue.

Yeremía 14:18

Rü ngẽxguma tá naanewa chaxũxgu, rü tá nüxü̃ chadau i ngẽma daigu yuexü̃ i duü̃xü̃gü. Rü ngẽxguma ĩanegu chaxücugu, rü tá nüxü̃ chadau i duü̃xü̃gü i taiyamaxã iyuetanüxü̃. Rü woo ngẽma orearü uruü̃gü, rü ngẽma chacherdótegü rü wüxi i nachixü̃ane i tama nüxü̃ nacua̱xgüxü̃wa tá nanagagü” —ñanagürü.

Yeremía 11:22

Rü nüma ya Cori ya Tupana ya Guxãétüwa Ngẽxmacüx rü ñanagürü nüxü̃: —Choma rü tá wüxi i guxchaxü̃ naxca̱x íchanguxẽxẽ. Rü guxü̃ma i norü ngextü̱xücügü rü daigu tá nayue, rü yíxema nanegü rü naxacügü rü taiyamaxã tá tayue.

Ichaía 1:20

Natürü ngẽxguma taxũtáma penaxwa̱xegu nax chauga pexĩnüexü̃, rü daigu perü uanügüme̱xẽgu tá peyue —ñanagürü ga Tupana.

Norü taxre ga to ga popera ga ãẽ̱xgacügüchiga ümatüxü̃ 29:9

Rü yemaca̱x ga tanatügü rü daigu nayue. Rü yema tórü uanügü rü tüxü̃ nigagü ga taxma̱xgü rü tanegü rü taxacügü.

Ichaía 65:12

Rü ngẽmaca̱x pemaxã chanaxuegu nax taragu tá peyuexü̃. Yerü yexguma pexca̱x chacaxgu rü tama choxü̃ pengãxü̃gü, rü yexguma pemaxã chidexagu rü tama choxü̃́ iperüxĩnüe. Rü penaxüama ga yema tama chanaxwa̱xexü̃ rü penayauxgü ga yema choxü̃ nuxẽẽxü̃ —ñanagürü ga Tupana.

Yeremía 15:8

Rü yima márpechinüwa ngẽxmacü ya naxnücüte̱xearü mumae tá tüxü̃ íchayaxügüxẽxẽ ya yíxema yutegüxe i Yerucharéü̃wa. Rü tocuchigu tá tüxü̃ chadai ya yíxema mamagü ya ingẽxtü̱xünegüxe. Rü ngürüãchi tá tümatanügu chananguxẽxẽ i ngẽma taxü̃ i ngúxü̃ rü muü̃.

Norü taxre ga to ga popera ga ãẽ̱xgacügüchiga ümatüxü̃ 28:6

Rü wüxitama ga ngunexü̃gu rü Chíriaanearü ãẽ̱xgacü ga Péca ga Remaría nane rü 120,000 ga Yudáanearü churaragü ga tama muü̃wa̱xegüxü̃xü̃ nadai. Rü yemaacü nangupetü yerü Acháx rü yima Cori ga norü o̱xigüarü Tupanana nixũgachi.