Ichaía 3:24 - Tupanaarü Ore

²⁴ Rü ngẽma pumaraarü paacaanechicüxü rü tá nayixanemare. Rü goyexü̃chicüxü rü naixnütamaxã tá pigoyegü. Rü ngẽma mexẽẽyaechicüxü rü tá naba̱i̱xerugümare. Rü ngẽma mexẽchixü̃ i naxchiruchicüxü rü témüxü̃maxã tá pixãxchiru. Rü ngẽma perü mechametüchicüxü rü fierumaxã tá pexü̃ niguchametü.

Ichaía 3:24 Referans Kwoze

Echequié 27:31

Rü norü ngechaü̃maxã tá nügü nidüpü̱xüerugü. Rü tá ngechaü̃chirugu nicu̱xgü. Rü norü ngechaü̃maxã tá poraãcü cuxca̱x naxauxe.

Auxexü̃chiga 2:10

Rü guma ĩane ya Chióü̃arü yaxguã̱xgü rü ngechaü̃maxã waixü̃müanewa narütogü, rü waixü̃müte̱xe nügüeru nagügü, rü naxchiru i techaraxü̃gu nicu̱xgü. Rü pacügü i Yerucharéü̃cüã̱xgü rü ngĩrü ãnemaxã waixü̃müanegu iyangücuchitanü.

Miquéa 1:16

Rü pemax, Pa Chióü̃cüã̱xgü i duü̃xü̃gü, ¡rü pegü pidügüpü̱xüeru erü ngechaü̃wa tá pengẽxmagü nagagu i ngẽma pexacügü i poraãcü nüxü̃ pengechaxü̃güxü̃! ¡Rü pegü pidügüpü̱xüeru ñu̱xmata ẽxcharüxü̃ piba̱i̱xeru! Erü ngẽma penegü rü pexacügü rü tá to i nachixü̃anewa nanagagü —ñanagürü ya Cori ya Tupana.

Ichaía 22:12

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü rü pemaxã nüxü̃ nixu nax pexauxexü̃ rü témüxü̃ i naxchirugu picu̱xgüxü̃ rü pegü pidüerugüxü̃ nax ngẽmaãcü penawéxü̃ca̱x nax aixcüma tá naga pexĩnüexü̃.

Ichaía 15:3

Rü duü̃xü̃gü rü naxchiru i técharaxü̃maxã ĩanearü namagu naxĩ. Rü ĩpatagüétüwa rü duü̃xü̃gü rü taxü̃ i norü ngechaü̃maxã aixta naxüe. Rü ĩanearü plazagüwa rü guxü̃ma i duü̃xü̃gü rü norü ngechaü̃maxã poraãcü naxauxe.

Nüxíraxü̃xü̃ ga popera ga Pedru ümatüxü̃ 3:3

Rü ngẽxguma pegü pemexẽẽgu, rü tama name i nagu perüxĩnüe nax peyaewa pegü pemexẽẽxüchixü̃, rü ẽ̱xna úirunaxca̱x i ngã̱xãẽruü̃maxã penga̱xãẽgüxü̃, rüe̱xna tatanüxü̃chixü̃ i naxchirugu nax picu̱xgüxü̃.

Amúx 8:10

Rü ngẽma perü petachigagü rü ngechaü̃xü̃ tá chayanguxuchixẽxẽ erü yuexü̃ca̱x tá pexauxe. Rü ngẽma perü wiyaegü rü ngechaü̃arü wiyaexü̃ tá chayanguxuchixẽẽgü. Rü ngechaü̃chirugu tá pexü̃ chicu̱xgüxẽxẽ. Rü ngechaü̃maxã tá pegü pibaierugü. Rü yíxema tümane i nügümaxã wüxicacü i yuxü̃ca̱x auxexü̃rüxü̃ tá pexauxe. Rü guxü̃táma taxü̃ i guxchaxü̃gu nayagu”, ñachagürü.

Ester 2:12

Rü guxcüma ga ngẽma pacügü ga yéma yexmagücü rü 12 ga tauemacü nixĩ ga ngĩxü̃ yamexẽẽgüxü̃. Rü 6 ga tauemacü nixĩ ga míraarü chíxü̃maxã ngĩxü̃ yachaxünegüxü̃, rü 6 ta ga tauemacü nixĩ ga pumaramaxã rü chaxüneruü̃maxã ngĩxü̃ yachaxünegüxü̃. Rü yemawena rü wüxichigü ga pacü rü ãẽ̱xgacü ga Achuérupe̱xewa yaxũchigü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:9

Rü ngẽma togü i nachixü̃anegüarü ãẽ̱xgacügü ga guma ĩanewa poraãcü chixexü̃ yaxügüxü̃ rü meruü̃güwa yexmagüxü̃, rü tá poraãcü norü ngechaü̃maxã yima ĩaneca̱x naxauxe i ngẽxguma nüxü̃ nadaugügu i ngẽma üxüema i namaxã yaxãxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:9

Rü guxü̃ma ga duü̃xü̃gü rü poraãcü nüxü̃́ nangu̱xema, natürü tama nüxü̃ narüxoe ga nacüma ga chixexü̃ rü tama Tupanaxü̃ nicua̱xüü̃gü. Rü naguxchigagüama namaxã ga Tupana ya guxü̃ma i ngẽma poxcuruü̃maxã icuácü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:3

Rü choma rü tá chanamu i taxre i chorü orearü uruü̃gü i témüxü̃maxã ixãxchiruxü̃ nax 1,260 i ngunexü̃ duü̃xü̃gümaxã nüxü̃ yaxugüxü̃ca̱x i chorü ore”, ñanagürü choxü̃.

Joel 1:8

Rü chorü duü̃xü̃gü rü naxauxe ngĩrüxü̃ i wüxi i pacü i ngechaü̃chirugu icu̱xcü erü ngẽma ngextü̱xücü i namaxã naxãtechaü̃xü̃ rü nayu.

Echequié 7:18

Rü guxãtáma tümachiru i techaraxü̃gu ticu̱xgü erü ngechaü̃wa tangexmagü. Rü guxü̃watáma tidu̱xruxünegü rü ãnemaxã tanadeãchichametügü. Rü guxãtáma tügü tidüxpü̱xüerugü.

Yeremía 48:37

Rü guxü̃ma i duü̃xü̃gü rü norü ngechaü̃maxã nügü nidüerugü, rü nügü nidüxchinagugü, rü nügü nawixme̱xgü, rü naxchiru i témüxü̃gu nicu̱xgü.

Yeremía 6:26

Rü yexguma ga choma rü ñachagürü: —¡Pa Chorü Duü̃xü̃güx, ẽcü naxchiru i témüxü̃gu picu̱xgü nax ngẽmaãcü penawéxü̃ca̱x nax ngúxü̃ pingegüxü̃! ¡Rü tanimacate̱xegu pidixgü! ¡Rü pingechaü̃gü, rü taxü̃ i perü ngechaü̃maxã pexauxe ñoma nügümaxã wüxicáxü̃ i tane yu̱xgurüxü̃! Erü ngẽma tá tüxü̃ yadaixü̃ rü paxa tá nua tatanüwa nangugü —ñachagürü.

Yeremía 4:8

¡Rü ngẽmaca̱x techaraxü̃ i naxchirugu picu̱xgü, rü pexauxe, rü ngechaü̃maxã aita pexüe! Erü Cori ya Tupanaarü nu rü tama tüxna nixũgachi —ñanagürü.

Ichaía 57:9

Rü tupananeta i Molóxca̱x pibuxmü rü naxca̱x ngéma penana i oribuarü chíxü̃gü rü muxü̃ma i pumaragü, rü naxca̱x pedaugü i yuetaãẽgüarü ucu̱xẽgü.

Ucu̱xẽgüchiga 31:24

Ngĩma rü inaxü i naxchiru rü goyexü̃gü. Rü taxetanüxü̃xü̃ namaxã itaxe.

Yox 16:15

Choma rü chorü ngechaü̃maxã naxchiru i témüxü̃gu chicu̱x, rü waixü̃müte̱xegu chaugü chicu̱xchametü.

Wenaxarü naxümatü ga Tupanaarü mugü 32:24

Rü ngẽxma tá taiyamaxã rü axü̃nemaxã nayue. Rü wüxi i da̱xaweane i poraxü̃maxã tá chayanaxoxẽxẽ. Rü naxca̱x tá ngéma chanamugü i naeü̃gü i düraexü̃ rü ãxtapegü i waixü̃mügu itúgüxü̃ i ngṍxwa̱xegüxü̃.

Wenaxarü naxümatü ga Tupanaarü mugü 28:22

Rü pexca̱x tá ngéma nanamu i da̱xaweanegü i pexü̃ daixü̃, rü axü̃negü i poraxü̃ i tama paxa pexü̃ ngupetüxü̃, rü perü chaxünegü, rü naiane i tama namaxã peporaexü̃. Rü perü trigu i peanewa ngẽxmaxü̃ rü tá nipagü erü dexá rü tá nichegü rü ñu̱xũchi naweane rü norü da̱xaweane tá naxca̱x ínangugü. Rü ngẽma da̱xaweanegü rü tagutáma pexna nangupetü ñu̱xmatáta pexü̃ nadai.

Yeremía 49:3

Rü ñanagürü ta: —¡Naxaxu Pa Ĩane ya Ebóü̃x! Erü yima ĩane ya Ái rü marü nagu napogüe. ¡Pexauxe, Pa Ngexü̃güx i Rabácüã̱x! ¡Rü ngechaü̃chirugu picu̱xgü! ¡Rü perü ngechaü̃maxã pegüremügu pecüxgüe! ¡Rü nu ne penaxü ñoma wüxi i ãũãẽxü̃rüxü̃! Erü ngẽma perü tupananeta rü to i nachixü̃anewa nanangegü wüxigu namaxã i norü chacherdótegü rü ngẽma duü̃xü̃gü i tachigagüxü̃.

Ichaía 4:4

Rü nüma ya Cori ya Tupana rü taxü̃ i norü ngechaü̃maxã rü norü poramaxã tá ínanapi namaxã ga yimá nagü ga Yerucharéü̃cüã̱xgü inabaxẽẽgücü, rü tá nanayaxu i norü ãũãchixü̃ i ngẽma Chióü̃cüã̱xgü i ngexü̃gü.

Ichaía 3:23

rü woruagü, rü naxpü i mexẽchixü̃, rü naxchiruchara i tüeruruxü̃, rü tüeruruxü̃ i mámüxü̃. Rü guxü̃ma i ngẽma rü tá inayarüxo.

Ichaía 15:2

Rü ngẽmaca̱x ngẽma duü̃xü̃gü ya ĩane ya Dibóü̃cüã̱xgü rü norü ngutaque̱xepataxü̃ ya ma̱xpǘnegu ünagünewa naxĩ rü ngéma nayaxauxe. Rü Moátanüxü̃ rü nügümaxã nixauxãchie naxca̱x ya norü ĩanegü ya Nébu rü Medebá nax nanguxuchigüxü̃. Rü guxü̃ma i Moátanüxü̃ rü norü ngechaü̃maxã nügü nidüpü̱xüerugü rü nügü nidüxchinagugü.