Ichaía 3:23 - Tupanaarü Ore

²³ rü woruagü, rü naxpü i mexẽchixü̃, rü naxchiruchara i tüeruruxü̃, rü tüeruruxü̃ i mámüxü̃. Rü guxü̃ma i ngẽma rü tá inayarüxo.

Ichaía 3:23 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 19:14

Rü nawe narüxĩ ga guxü̃ma ga churaragü ga daxũcüã̱x. Rü nümagü rü naxchiru ga imexẽchixü̃ rü cómüxü̃ ga línuchinaxca̱xmaxã nixãxchiru. Rü cowarugü ga icómüxü̃étügu naxĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:8

Rü ngẽma tá namaxã naxãmücüxü̃na nanaxã i mexẽchixü̃ rü cómüxü̃ rü iya̱u̱xracüüxü̃ i naxchiru nax namaxã yaxãxchiruxü̃”, ñanagürügü. Rü ngẽma naxchiru i mexẽchixü̃ rü ngẽma nixĩ i ngẽma duü̃xü̃güarü maxü̃ i mexü̃chiga.

Ore i mexü̃ ga Luca ümatüxü̃ 16:19

Nayexma ga wüxi ga yatü ga diẽruã̱xü̃chixü̃ ga guxü̃guma mexẽchixü̃ ga naxchirugu icúxü̃. Rü guxü̃ ga ngunexü̃gu rü taxü̃ma ga õna naxü rü napetaexü̃.

Echequié 16:10

Rü cuxü̃ nagu chicuxẽxẽ ga wüxi ga naxchiru ga mematüxü̃, rü ñu̱xũchi chinera ga mexü̃ ga naxcha̱xmünaxca̱x ixĩxü̃. Rü cuxü̃ namaxã chigoye ga wüxi ga goyexü̃ ga línuchinaxca̱x ixĩxü̃. Rü ñu̱xũchi wüxi ga naxchiru ga mexẽchixü̃gu cuxü̃ chicu̱xẽxẽ.

Charumóü̃arü wiyae 5:7

Rü namagu choxü̃ nangaugü ga purichíagü ga chütacü ĩanena daugüxü̃, rü choxü̃ nacua̱i̱xgü rü choxü̃ nanapi̱xẽẽgü. Rü yema purichíagü ga nüxna daugüxü̃ ga ĩanearü ĩã̱x i taxü̃ i nawa ixücuxü̃, rü choxü̃́ ínanacawegü ga yema chorü tüeruruxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:27

Rü nüma ga Dabí rü guxü̃ma ga yema Lebítanüxü̃ ga yema baú ingetaü̃güxü̃ rü yema wiyaeruü̃gü rü ñu̱xũchi nüma ga wiyaegümaxã icuácü ga Quenanía rü naxchiru ga imáxü̃ ga línunaxca̱x ixĩgüxü̃gu nicu̱xgü. Rü nüma ga Dabí rü yema naxchiruétüwa nicuxcuchi ga wüxi ga norü daxũ ga bochacüüxü̃.

Rux 3:15

Rü yexguma marü inaxũãchichaü̃gu ga Rux, rü nüma ga Boó rü ñanagürü ngĩxü̃: —¡Ẽcü ínacuxuchi i ngẽma curü deyuchiru rü mea nüxü̃ ingĩ! —ñanagürü. Rü ngĩma ga Rux rü mea nüxü̃ iyangĩ ga yema ngĩrü deyuchiru, rü nüma ga Boó rü yema ngĩrü deyuchirugu ngĩxü̃́ nanagü ga 40 quíru naguxü̃ ga chebáda. Rü ñu̱xũchi ngĩxü̃ narüngü̃xẽxẽ ga ngĩãtügu nax naxünagüpüü̃ãxü̃. Rü ngĩma rü yemamaxã ĩaneca̱x itaegu.

Ínachoxü̃xü̃chiga 38:8

Rü yema ngexü̃gü ga Tupanapataã̱xwa puracüexü̃arü woruagü ga bróũchenaxca̱xwa Becharé nanaxü ga gumá bachía ga ya̱u̱xme̱xü̃páxü̃ rü yema norü ünagüchicaxü̃. Rü yema rü ta rü bróũchenaxca̱x nixĩ.

Naanearü ügüchiga 41:42

Rü yexguma yema ñaxgu ga Faraóü̃ rü nügüme̱xẽwa ngĩxü̃ nanangoxochi ga norü ãnera ga cua̱xruxü̃ ngĩwa yexmacü, rü Yúcheme̱xẽwa ngĩxü̃ ningucuchi. Rü ñu̱xũchi norü duü̃xü̃güxü̃ namu nax mexẽchixü̃ ga naxchirugu yacu̱xẽẽgüaxü̃ca̱x, rü úirumaxã naxüchagügüãxü̃ca̱x.

Naanearü ügüchiga 24:65

Rü gumá Abraáü̃arü duü̃xü̃na ica, rü ngĩgürügü: —¿Texé nixĩ ya yimá yatü ya meanexü̃wa taxca̱xama ixũcü? —ngĩgürügü. Rü nüma rü ngĩxü̃ nangãxü̃ rü ñanagürü: —Nüma rü chorü cori ya Ichaá nixĩ —ñanagürü. Rü yexguma ga ngĩma rü ngĩrü tüeruxü̃ iyaxu, rü namaxã ngĩgü iyadüxchiwe.

Ichaía 3:22

rü naxchiru i mexẽchixü̃, rü gáuxü̃chiru i mámüxü̃, rü tüeruruxü̃ i chicamüxü̃, rü gáuxü̃chiru i ngechacüüxü̃, rü chocagü,

Ichaía 3:24

Rü ngẽma pumaraarü paacaanechicüxü rü tá nayixanemare. Rü goyexü̃chicüxü rü naixnütamaxã tá pigoyegü. Rü ngẽma mexẽẽyaechicüxü rü tá naba̱i̱xerugümare. Rü ngẽma mexẽchixü̃ i naxchiruchicüxü rü témüxü̃maxã tá pixãxchiru. Rü ngẽma perü mechametüchicüxü rü fierumaxã tá pexü̃ niguchametü.

Ichaía 47:2

Rü ñu̱xma rü marü taxũtáma tauxchaxü̃wa pengẽxmagü. ¡Rü penayaxu̱x ya perü nuta ya tríguarü caruxü̃ nax arína pexügüxü̃ca̱x! ¡Rü ípecuxü̃ i pexchiru i mexü̃ rü puracüchirugu picu̱xgü! ¡Rü pegü pengenagüchirugü nax nangóxü̃ca̱x ya peparagü rü ngẽmaãcü pichoü̃xü̃ca̱x i natügüwa!

Chacaría 3:5

Rü yexgumatama norü ngü̃xẽẽruü̃güxü̃ namu nax Yochuéxü̃ yanaixerugüxü̃ca̱x namaxã ga wüxi ga ngemataxü̃ ga naxchirutachinü. Rü yemawena rü nga̱xãẽchirugu nayacu̱xẽẽgü. Rü nüma ga yema daxũcüã̱x rü yexmatama nachiecha.