Biblia Todo Logo
Bib sou entènèt

- Piblisite -




Ichaía 3:14 - Tupanaarü Ore

14 Rü Cori ya Tupana rü tá naxca̱x nangema i ngẽma yaxguã̱xgü i ĩanemaxã icua̱xgüxü̃ rü ngẽma togü i ãẽ̱xgacügü, rü ñanagürü tá nüxü̃: —Pema rü chorü duü̃xü̃güxü̃ pechixexẽxẽ. Rü tüxü̃́ pengĩ́e ya ngearü ngẽmaxü̃xã̱xgüxe. Rü ngẽma tümaarü ngẽmaxü̃gü i tüxü̃́ naxca̱x pengĩ́xü̃ rü pepatagu nixĩ i namaxã penguxü̃güxü̃.

Gade chapit la Kopi




Ichaía 3:14
34 Referans Kwoze  

Rü ñu̱xma nax Tupana cuxü̃ poxcuxü̃ rü tama i ta̱xacürü mexü̃ nax naxca̱x cuxüxü̃gagu nixĩ i cuxna naca̱xaxü̃ rü cuxü̃ yanawe̱xãchixẽẽxü̃. Natürü ngẽma curü chixexü̃ i taxüchixü̃ i taxuguma yagúxü̃gagu nixĩ i cuxü̃ napoxcuxü̃.


Natürü pema rü penaxãnexẽxẽ rü nüxü̃ pexo i ngẽma ngearü diẽruã̱xgüxü̃. ¿Taux ẽ̱xna ngẽma diẽruã̱xgüxü̃ yixĩxü̃ i chixri pemaxã icua̱xgüxü̃ rü ãẽ̱xgacügüpe̱xewa pexü̃ itúxü̃ rü íyaxuaxü̃güxü̃?


¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.


Rü ngẽma ngẽmaxü̃gü i womüxẽẽãcüma nadexü̃ i ngẽma yatügü rü napatagü namaxã nanapáxẽẽgü ñoma wüxi i naxpüü̃ rü werigümaxã napaxẽẽxü̃rüxü̃. Rü ngẽmaãcü nixĩ i naporaexü̃ rü nadiẽruã̱xgüxü̃, rü ñu̱xũchi meama nachibüexü̃ rü yangüexü̃. Rü ngẽma nax chixexü̃ naxügüxü̃ rü taguma nayagu̱x. Rü tama tüxü̃ narüngü̃xẽxẽ ya yíxema taxcutagü, rü tama tüxü̃ nacua̱xgüchaü̃ ya yíxema ngearü diẽruã̱xgüxe rü tama tümaétüwa nachogü.


Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.


¡Rü taxṹ i choxna naxca̱x cucaxü̃ i chorü chixexü̃gü nax poxcu chomaxã cuxueguxü̃ca̱x! Erü cupe̱xewa rü tataxuma ya texé ya tama nüxü̃ cuáxe nax chixexü̃ taxüxü̃.


Rü tama naãẽxü̃ nicua̱x i ngẽma chixexü̃ ügüxü̃. Rü norü chixexü̃maxã nanagu̱xẽxẽ i chorü duü̃xü̃gü ñoma paũ ingṍxü̃rüxü̃. Rü taguma Cori ya Tupanaca̱x nadaugü.


Rü ngẽma duü̃xü̃gü i chixexü̃gu maxẽxü̃, rü yutegüxena tüxü̃ napuxü̃ ya tümaxacügü ya ngexwaca buexe. Rü yíxema ingearü diẽruã́xẽ rü nügüxü̃́ tüxü̃ nayaxu ya tümaxacüxe ñu̱xmata nüxü̃́ tanaxütanü i ngẽma nüxü̃́ tangetanügüxü̃.


Rü ñanagürü ta ga Ngechuchu: —Chanaxwa̱xe i iperüxĩnüe i ñaa to i ore i cua̱xruxü̃ i tá pemaxã nüxü̃ chixuxü̃. Rü nayexma ga wüxi ga yatü ga nüxü̃́ nayexmacü ga wüxi ga norü naane. Rü yexma nanato ga muxü̃ma ga ori̱x ga úba. Rü ñu̱xũchi ínanapoxegu, rü nanaxü ga wüxi ga úbaarü yauxtüü̃chica rü wüxi ga dauxü̃taechica. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü wüxi ga to ga nachixü̃ane ga yáxü̃guxü̃wa naxũ.


Rü nüxü̃́ nangúchaü̃gü i toguxearü naanegü, rü nügüxü̃́ nanayauxgü. Rü nüxü̃́ nangúchaü̃gü i toguxepatagü rü tüxna nanayauxgü. Rü chixri nanaxütanü rü ngẽmaãcü tüxna nayapu ya tümapata. Rü ngẽmaãcü tangepata rü tangeane ya yíxema norü yora tümaãcügümaxã.


Rü Tupana rü tama duü̃xü̃gümaxã nüxü̃ nixu nax ñuxgu tá nayuxü̃ rü nape̱xewa naxũxü̃ nax nüxna naca̱xaxü̃ca̱x.


Rü ngẽma duü̃xü̃ i máetaxü̃ rü ngexwaca yangóonechaü̃gu rü inaxũãchi nax tüxü̃ yamáxü̃ca̱x ya yíxema duü̃xẽ ya ngearü diẽruã́xẽ. Rü chütacü rü wüxi i ngĩ́ta̱xaxü̃ nixĩ.


Rü ñoma leóü̃ i naxmaxü̃wa naeü̃ca̱x idawenüxü̃rüxü̃ nügü nixĩxẽxẽ i ngẽma yatü i chixexü̃. Rü ngéma iyacúxü̃wa tüxü̃ nananguxẽxẽ ya yíxema turaxe nax ngẽmaãcü tüxü̃ yayaxuxü̃ca̱x. Rü ngẽxguma tüxü̃ yayaxu̱xgu rü marü taxucürüwama nüxna tiña.


Rü nangẽxma i duü̃xü̃gü i tümachi aiexü̃ ya yíxema ngearü diẽruã̱xgüxe. Napütagü rü ñoma taragü rü ñoma cüxchigürüxü̃ nixĩgü, rü norü numaxã tüxü̃ inayarüxoxẽẽchaü̃ ya guxãma ya yíxema ngearü diẽruã̱xgüxe ya nachixü̃anewa ngẽxmagüxe.


¡Rü pegümaxã pengechaü̃gü i pema i ãẽ̱xgacügü nax chixexü̃ i mugü duü̃xü̃güca̱x ipexüxü̃ rü penaxunagüchigaxü̃ i mugü i taxucürüwama duü̃xü̃gü íngu̱xẽẽxü̃!


Pema rü tama naétüwa pechogü i ngẽma taxuxü̃ma nüxü̃́ ngẽxmagüxü̃ rü tama nüxü̃ perüngü̃xẽxẽ i ngẽma chorü duü̃xü̃gü i ngearü diẽruã̱xgüxü̃. Rü chixri namaxã ipecua̱x i ngẽma yutegüxü̃, rü naxca̱x pengĩ̱x i ngẽma tacutagüna üxü̃.


Rü yíxema tama nüxü̃ cua̱xgüxe nax tügü ítapoxü̃güxü̃ rü nüma rü tá nüxü̃ nacua̱x nax ñuxãcü mea tüxü̃́ namexẽẽãxü̃ i tümaarü guxchaxü̃. Rü tümaétüwa tá nachogü ya yíxema ngearü diẽruã̱xgüxe. Rü ngẽma norü ore rü ñoma wüxi i cua̱i̱xruü̃rüxü̃ tá nixĩ naxca̱x i ngẽma nuwa̱xexü̃ rü ma̱xgu rüxĩnüxü̃. Rü wüxi i cue ñaxü̃maxã tá nanayuxẽxẽ i ngẽma duü̃xü̃ i chixexü̃ üxü̃.


Rü ngẽma duü̃xü̃gü i ngearü diẽruã̱xgüxü̃ i chorü naanewa ngẽxmagüxü̃ rü tá nüxü̃́ nangẽxma i nabü naxca̱x i naxü̃nagü. Rü ngẽma duü̃xü̃ i ngearü ngẽmaxü̃xã̱xgüxü̃ rü taxúetama nüxü̃ tachixewe i ngẽxguma nangü̃egu. Natürü ngẽma Firitéutanüxü̃ rü choma rü tá taiya naxca̱x íchanguxẽxẽ rü ngẽmamaxã tá nayue. Rü ngẽma noxre i íyaxügüxü̃ rü tá chanadai.


Rü ngẽma iraxü̃ nüxü̃́ ngẽxmagüxü̃ rü Cori ya Tupanamaxã tá nataãẽgü. Rü woo i ngẽma ngearü diẽruã̱xgüxü̃ rü tá Iraétanüxü̃arü Tupana ya üünecümaxã nataãẽgü.


Rü ngẽmaca̱x i Iraétanüxü̃arü Tupana ya Üünecü rü ñanagürü: —Pemax rü tama penayauxgüchaü̃ i chorü ucu̱xẽgü rü nagu peyaxõgü i ngẽma churaragüarü pora rü ngẽma tama mexü̃. Rü ngẽmamaxã nixĩ i pegü ipepoxü̃güxü̃.


Rü ngẽxguma aureãcü peyumüxẽgügu rü penue rü pegü pedai rü pegü pidagügü. Natürü ngẽxguma penaxwa̱xegu nax nüxü̃ chaxĩnüxü̃ i ngẽma perü yumüxẽ i aureãcü pexüxü̃ ¡rü taxṹ i ngẽmaãcü chixri penaxüxü̃!


Rü choma rü ngẽma chianexü̃ i guxü̃ma i ĩanegüarü yáxü̃wa ngẽxmaxü̃wa tá pexü̃ chagagü. Rü yema Equítuanearü chianexü̃gu perü o̱xigüxü̃ chapoxcuegurüxü̃ tá pexü̃ chapoxcue. Rü choma ya Cori ya Tupana nixĩ i nüxü̃ chixuxü̃ i ngẽma” —ñachagürü.


Rü ngẽxguma texé toguxexü̃ namaxã taxegu i wüxi i naane rüe̱xna toguxe ya duü̃xẽaxü̃́ naaneca̱x tataxegu, rü tama name nax peyoxniegüxü̃ nax chixri penaxütanüxü̃ i tümaarü naane.


Rü tama name i pegügu pidauxcüraxü̃gü. ¡Rü perü Cori ya Tupanaga pexĩnüe! Erü choma nixĩ i perü Cori ya Tupana chixĩxü̃.


Rü muxü̃ma i ãẽ̱xgacügü i uanügü ixĩgüxü̃ rü nanachixexẽẽgü i chorü úbanecü, rü nagu napugüe i chauane. Rü nanangeãcuanexẽẽgü ga yema naane ga yexera chanaxwa̱xexü̃.


Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.


Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.


Swiv nou:

Piblisite


Piblisite