Ichaía 3:13 - Tupanaarü Ore

¹³ Rü Cori ya Tupana rü marü nügü ínamexẽxẽ nax norü duü̃xü̃güna naca̱xaxü̃ i norü chixexü̃chiga.

Ichaía 3:13 Referans Kwoze

Miquéa 6:2

Rü pema, Pa Ma̱xpǘnegü ya Taxü̃ne rü Íxrane, ¡iperüxĩnüe! Erü Cori ya Tupana rü pepe̱xewa tá nüxü̃ nixu i norü duü̃xü̃gü i Iraétanüxü̃arü chixexü̃.

Wiyaegü 12:5

Natürü nüma ya Cori ya Tupana rü ñanagürü: —Choma rü tá tümaétüwa chachogü rü tá tüxü̃ charüngü̃xẽxẽ ya yíxema ngearü diẽruã̱xgüxe rü turaexe rü chixri tümamaxã inacua̱xgüxe. Erü ngẽma nixĩ i tanaxwa̱xegüxü̃ ya yíxema ngúxü̃ ingegüxe —ñanagürü.

Wiyaegü 74:22

¡Inachi, Pa Tupanax, rü ínapoxü̃ i ngẽma cuxca̱x mexü̃! ¡Rü nüxna nacua̱xãchi nax torü uanügü i naechitamare maxẽxü̃ rü guxü̃guma chixexü̃ cumaxã nixugüe!

Wiyaegü 82:1

Rü Tupana ãẽ̱xgacü íyixĩxü̃wa i daxũguxü̃ i naanewa rü inachi nax poxcu namaxã naxueguxü̃ca̱x i ngẽma ãẽ̱xgacügü i guxchaxü̃arü mexẽẽruü̃gü i chixri norü duü̃xü̃gümaxã icua̱xgüxü̃. Rü ñanagürü:

Ichaía 51:22

Rü yimá perü Cori ya Tupana ya norü duü̃xü̃güxü̃ ípoxü̃cü rü ñanagürü: —Yexguma pemaxã chanuxgu rü poraãcü pexü̃ chapoxcue rü yemaacü pexü̃ chanaxĩ̱xãchitanüãẽxẽxẽ ñoma bínumaxã pengaxegurüxü̃. Natürü tá íchayanaxoxẽxẽ i ngẽma poxcu rü marü taxũtáma wena ngẽma poxcumaxã pexü̃ chapoxcue.

Ichaía 66:16

Erü Tupana rü üxümaxã rü taramaxã tá nanapoxcue i guxü̃ma i ñoma i naanewa maxẽxü̃ i duü̃xü̃gü. Rü tá namuxũchi i ngẽma poxcugu yuexü̃.

Joel 3:12

¡Pegü pemexẽxẽgü, Pa Nachixü̃anegüx, rü Yochapáxarü doxonexü̃wa pexĩ! Erü ngéma tá nixĩ i Cori ya Tupana i norü chixexü̃güca̱x nüxna naca̱xaxü̃ i guxü̃ma i ngẽma nachixü̃anegü i Iraéanena ngaicamagüxü̃.

Ichaía 1:18

¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Miquéa 6:1

¡Nüxü̃ pexĩnüe i ngẽma ñu̱xma Cori ya Tupana nüxü̃ ixuxü̃ i ñaxü̃: —Inachi rü ma̱xpǘnegümaxã nüxü̃ ixu i ngẽma curü guxchaxü̃gü nax yima ma̱xpǘnegü nüxü̃ ĩnüexü̃ca̱x i ngẽma cuga! —ñaxü̃.